Add Some Thai Restaurant

营业中

休息中

今日又在觀塘區放工，決定同朋友係駱駝漆搵下好食的餐廳試下，因為聽講係哩到有好多唔同類型的餐廳。見到有間好有特式的泰國菜Add Some Thai,就入黎試下。餐廳入面位置都好多，夠寬落，環境燈光都比較舒適。餐牌的選擇都好多，仲可以揀二人餐。原隻海蝦雜錦海鮮冬蔭功湯，唔算辣，只係微辣，海蝦新鮮大隻，仲有魷魚青口等泰式豆瓣醬炒菜苗，菜苗幼嫩，豆瓣醬香口，炒得好入味A.S.T. 迷你二人小食拼盤，有手打蝦餅，蝦肉彈牙泰式炒蝦，好香脆，香酥雞翼，磯燒豬頸肉，新鮮菠蘿，香炸蝦片，同輕盈黃咖哩軟殼蟹，咖哩好濃，軟殼蟹十分大隻鹹蛋黃酥炸海蝦配泰式炒金邊粉，一定要讚下隻黃金海蝦，蛋黃味好重，鹹得黎好香口，金邊粉酸酸甜甜，炒得乾身爽口跟餐的甜品，椰汁千層糕配芒果味雪糕，千層糕係勁煙韌，咬落好香椰子味同香蘭味，好惹味，雪糕香滑另叫咗個芒果椰汁糯米飯，份量唔會太飽，椰汁加糯米飯好香，糯米飯好有咬感，勁煙韌飲品叫咗一杯菠蘿汁，新鮮即榨，一個椰青，即開，椰子肉多，椰汁水清甜。

今日同事生日, 放工之後同同事係公司附近食泰國菜同佢慶祝, 其實我地都係第一次去, 就係見OPEN RICE 食評唔差, 所以就選左呢間. 上到去地方寬敞, 都幾舒服. 望望餐牌都幾多種類GA.先黎個泰國金柚燒海蝦雜菜沙律$95, 二人份量, 每一碗都有一隻大蝦, 肉質爽甜, 其餘的都是沙律菜, 有2款醬汁點, 個人比較喜愛辣的一款, 好開胃.呢款招牌黃咖喱炒鮮肉蟹$278, 還配上了法式蒜蓉包tim, 可以點黃咖喱一齊食, 正!! 哈哈, 講返隻蟹先, 啖啖肉, 而且味道鮮甜, 仲要有好多膏low, 堅邪惡!! 黃咖喱不會太過辣, 但都會有香濃既咖喱味好野味, 哈哈.跟住黎個原隻海蝦雜錦海鮮冬陰功湯$98, 大概4人份量, 都幾足料架, 除左有原隻海蝦之外, 仲有青口&墨魚等等….全部都好彈牙, 而味道不算太辣, 適合每個人既口味.呢款係蒜香炒秋葵$62, 味道清甜帶少少蒜香味, 原條秋葵更可以食到原汁原味. 而且又不會過硬/太淋., 沒有過火.黎到泰國餐廳點能夠無咖喱雞食架, 所以我地叫左個青咖喱雞$118, 還配送了我們最愛既招牌手抓餅, 雞肉嫩滑, 配菜仲有薯仔, 非常入味&淋

今天lunch 想吃thai菜，去open rice 一搵,點知有間未食過既!咁一定要試下啦。這家餐廳裝修都有點心思，全部是木製的，食物方面由$72-88不等，工廈來說不是特別平。午餐選了黃咖喱雜菜羊腩。黃咖喱雜菜羊腩可配糙米飯或手抓餅，食咖喱當然是配手抓餅。黃咖喱雜菜味道不錯，可是羊腩太硬，而手抓餅非常脆口，熱辣辣!蘑菇湯以新鮮蘑菇熔煮成，味道不錯，如果湯能熱一點則更好。主菜是菠蘿臘腸炒飯，一般泰菜多供應菠蘿雞粒炒飯，而Add some Thai則以臘腸取代雞粒，味道比雞肉更香濃，與菠蘿的味道更加配合，為味蕾帶來強烈的新鮮感。金黃炒飯香味撲鼻，炒至乾身，口感極好，菠蘿跟臘腸片很開胃，是一道不錯的主菜。每次吃泰菜也點點一些泰式小食，泰式烤雞串則是我的至愛。這裡的雞肉串不會燒至過度乾身，保持雞肉的鮮嫩，但沙嗲醬則不夠香濃，如能改善則更好！

觀塘真係好多美食，呢間泰國菜上網睇食評睇相已經好吸引，網上訂左位，上到去好大好靚，環境裝修都好舒服坐位又大又濶落。二人餐$388 (唔包飲品)酸辣鳳瓜，有2款醬料，沙律醬可能沾生菜食，無骨鳳爪凍冰冰，感覺好Fresh小食拼盤，拼盤好大份量好吸引，全部都好熱，唔會有D放涼左😍 最後食完所以熱氣野，食返幾粒凍冰冰既菠蘿，好爽。其實呢度既老細好醒，吸晴最緊要，其實拼盤都唔係樣樣貴價野，但加D菠蘿蝦片，擺到大大盤，確實令人感覺好抵食 咖哩軟壳蟹上枱仲脆口，一人一碟，D咖哩俾我沾晒，用黎沾蝦餅，豬頸肉咁咸蛋黃酥炸海蝦金邊粉，咸蛋炸蝦好惹味好正豆瓣醬炒菜苗椰汁千層糕配雪糕，椰汁糕暖暖地，口感好好咬，配埋雪糕，正💓

今日有朋友來觀塘搵我食下午茶，係上網看見這間泰菜環境和食物都不錯，我們便去了這間餐廳試試。餐廳位於駱駝漆大廈朋友由地鐵站行過來都很方便，餐廳裝潢以木為主設計乾淨整齊，很有泰國feel燈光很柔和，地方很大坐位空間夠，彷如置身在泰國一樣，下午茶時間環境寧靜，餐廳還有一個酒吧的位置，有一幅牆掛了很多不同大細的碟做裝飾都幾特別。 下午茶套餐價錢都很抵食，我們點了兩個套餐，還加了半份馬拉盞炒通菜。雞絲辣炒河 $48因為已賣完了河粉所以我們都加$8 轉了金邊粉，雞絲辣炒金邊粉炒得好惹味好香，味道夠辣啱曬我，雞絲肉質鮮嫩。魚湯河配雞翼金邊粉 $48魚湯加有胡椒道味更加帶出魚湯鮮甜，配上雞翼炸得好香脆。餐飲熱泰式奶茶泰式奶茶特色是加入煉奶，甜味突出而入口稠滑。馬拉盞炒通菜 （半份）$38炒得很夠火候，馬拉盞味很濃郁。食泰國菜當然食芒果糯米飯是不可缺，還看見有自家製椰汁千層糕忍不住都點了。芒果糯米飯 $78芒果好鮮甜，糯米飯很煙軔還有沾上椰汁一起食好好味。自家製椰汁千層糕 （4件）$42接近聖誕節所以千層糕做了紅色，很特別啊！味道不太甜好味道。

泰國菜其實好難搵到一間好難食嘅， 因為本身嘅調味就有好多香料同埋辣味就可以 蓋過食材嘅唔新鮮， 今次食嘅呢一間餐廳， 環境氣氛擺設確係唔錯， 只不過食物嘅質素真係差咁啲 燒豬腩肉拼黃咖哩 再加一份手抓餅， 手抓餅唔夠熱， 燒豬腩肉皮唔脆腩肉仲偏肥， 咖哩沒有咖哩味椰汁味也沒有，只有淡淡嘅甜味， 好明顯係香料唔足夠 你話好難食又唔係。。 但係仲有好大嘅進步空間囉 再講炒椰菜苗，炒得過熟， 已經冇咗椰菜苗嘅爽脆，獻汁亦都比較傑， 單骨雞翼中規中矩啦， 仲點咗個parma ham生菜包， 生菜包嘅肉唔甜唔辣唔喊畀咗啲沙律醬你自己調味 總括黎講就連好基本嘅辣味同魚露嘅味我都真係食唔到，莫講話青檸汁 泰國菜嘅精髓在於魚露酸同辣， 今次這一餐泰國菜我真係覺得佢有啲唔拖唔水 怪不知得佢個舖頭名叫Add some Thai

在ig看到人推薦Add Some Thai很適合情侶到訪，行動力很夠的我隔天便拉男友來食。環境很大，每張枱之間都有很多空間，木製桌椅很整潔不會油膩膩。天花掛了一個個燈籠，桌上放了一個小蠟燭，一個泰式燭光晚餐。泰式酸辣鳳爪雜菜沙律用杯子上，正好一人一杯，每杯大概有三四隻鳳爪，底下有沙津菜，可配附上的泰式酸辣汁和沙津醬食。酸酸辣辣很是開胃。泰式燒豬頸肉一上枱就散出香味，份量比男生的手掌還要大，非常爽口，帶很香的炭燒味，是今晚最回味的菜式。黃咖喱鹹蛋軟殼蟹有三隻，分開六小碟上，上桌時有點驚訝，原以為會是一大碟上菜的。黃咖喱很不辣，適合我這個不太吃得辣的人，醬汁很濃稠，混有蛋花，配上軟殼蟹食很夾；咖喱很多，一塊多士沾不完，不吃有點浪費這樣美味的醬，差點想添一個白飯。三色冰是椰汁冰配上水果，嘗了一口，濃濃的豐椰香不會淡而無味。我的沙灘小子很！好！喝！荔枝和桃的味道都很突出，帶點青檸香氣，口味非常清新！非常喜歡！在場很多人叫dinner set，覺得這個價錢好像也很抵食，下次空肚再試！

同屋企人一起去觀塘的Add Some Thai食晚餐。餐廳座位舒適，裝修雅緻，餐具全部都是木製，感覺特別。我們點了一個四人餐。椰青鮮蜆雜錦海鮮冬陰功湯：冬陰功湯加了椰青，所以徧甜，從而減輕辣味，裏面有新鮮的蜆肉、青口及魷魚圏，用料十足，冬陰功湯帶酸甜味。西班牙風干火腿伴肉碎生菜包：生菜新鮮爽脆，每片都非常翠綠，巴馬火腿有淡淡的咸香味，下面有些泰式肉碎可以夾在生菜內，做成泰式生菜包，加點泰式酸甜醬更可口。黃咖哩咸蛋軟殻蟹配法式麵包粒：軟殻蟹比較油膩，黃咖哩香味惹味，咖哩汁超多，可以叫多點麵包點來吃。泰式燒雞半隻：燒雞外皮不夠脆，但不會油膩，雞肉嫩滑，點埋泰式酸辣醬味，去除油膩感。小食併盤：包括了雞翼、蝦餅、炸蝦、蝦片、芝士條及酸辣鳳爪，最好味的是蝦餅，蝦餅肉爽彈牙，芝士條一咬開裏面的Mozzarella Cheese全部起司，炸蝦片很鬆脆，其他的味道則比較普通。咸蛋王酥炸海蝦配泰式炒金邊粉：金邊粉爽口帶酸味，似是加了蕃茄醬去炒，炸咸蛋王蝦外層有點咸蛋王包裹，蝦肉爽彈新鮮，不過有點油膩。蒜蓉炒菜苗：菜苗表面灑上了炸蒜，炒得很鮮甜翠綠。椰汁千層糕配特式雪糕：特式雪糕其實就是士多啤梨味道，味道

今晚一家四口外出食飯，去了觀塘的Add Some Thai，主要是食泰國菜。餐廳有二人及四人餐，平均$200位起。亦有單點的餐牌。椰青鮮蜆雜錦海鮮冬陰功湯因為加了椰青的關係，冬陰功湯不會太辣，應該是迎合不食辣的人，裏面有蜆、魷魚及椰肉等，湯味不會太酸，還帶有椰青的甜味。西班牙風干火腿伴肉碎生菜包生菜排列美觀，而且每塊菜葉都很完整乾淨，風干火腿味道不會太咸，下面有一些肉碎，可以包在生菜內，再加點泰式辣醬，十分惹味。小食併盤有炸蝦餅、單骨雞翼、炸蝦、芝士條、炸蝦片及酸辣無骨鳳爪沙律，其中蝦餅彈牙、炸蝦外脆內軟、芝士條要新鮮食，凍了比較硬，炸蝦片香脆，鳳爪不是我喜歡的食物，所以無試。黃咖哩咸蛋軟殻蟹配法式麵包粒份量頗多，軟殼蟹炸得不算太脆，而且有點油膩，不過下面的麵包粒鬆脆，咖哩不辣，而且有淡淡的咸蛋香，是一個幾特別的小食。泰式燒雞半隻燒雞外皮不太脆，但沒有油脂，外面燒得很乾身，但雞肉依然保持肉汁及嫩滑，配上炸得香脆的蝦片，非常足料。咸蛋王酥炸海蝦配泰式炒金邊粉黃金蝦帶有咸蛋香，蝦肉爽彈，金邊粉爽口不腍，帶點酸甜味，整體不錯。蒜蓉炒菜苗菜苗炒得很翠綠，而且非常鮮嫩，蒜味不會太濃。椰汁千層糕配

呢區工業大廈內藏無數餐廳, 諗得出既菜式都應該有, 久而久之已變成開餐重地, 今晚一於食泰菜呢間泰國餐廳位置方便易搵, 場內面積都幾寬闊, 燈光昏暗, 以木作為佈置主題, 幾有泰國風情feel餐牌中食物種類選擇適中, 價錢都尚算合理餐牌上有呢個精選二人套餐 ($388 / 二位用), 都幾多嘢食同岩食, 唔想諗咁多就叫呢個套餐頭盤有泰式酸辣鳯爪雜菜沙律, 微酸辣又冰凍既無骨鳯爪放於沙律菜上, 奉上2款特式醬汁作調味, 有別於傳統製法淋上酸辣汁, 食起上黎無咁辣(雖然餐牌上有2隻辣椒圖案), 容易入口!小食有呢兩款, 唔駛選擇 : 輕盈黃咖哩軟殼蟹 (2份)及 A.S.T.迷你二人小食拼盤, 一盤送上, 望落陣容都幾強勁為免個軟殼蟹被汁浸腍, 先食左個佢先, 一咬炸脆左既軟殼, 之後到鮮甜蟹肉, 配埋個香濃又微辣既咖哩汁, 好夾!  除左隻蟹外, 底下仲有舊脆多士, 用黎索汁又係一絶!而個小食拼盤種類包括 :手打蝦餅，泰式炸蝦，酥炸單骨鷄翼，磯燒豬頸肉，新鮮菠蘿及香脆蝦片, 無論以款式及件數黎計, 二人餐黎講都算好對眼喜愛佢既手打蝦餅, 口感夠晒彈牙; 而佢個單骨鷄翼調味得幾好又入味,

平時間唔中就會約學校老師出黎食飯因為大家工作地點都係九龍東關係所以我地今次約食飯就約係觀塘食樓上cafe 就成日食今次食下泰菜先環境裝修都好有泰國風味我地點左個二人餐先黎「鳳爪沙律」用杯裝住生菜，上面再放左鳳爪賣相都好吸引酸酸辣辣既無骨鳳爪食起黎都幾開胃「二人小食拼盤」份量都幾多，款式選擇都好多有咖哩軟殻蟹，蘸咖哩汁再一齊食，好好味豬頸肉、蝦片、蝦餅、單骨雞翼、炸蝦炸蝦同蝦片炸得好鬆脆蝦餅熱辣辣食，配泰式辣醬食一流「蒜蓉炒豆苗」好少食泰菜會食到豆苗用蒜蓉炒好惹味「金邊粉配鹹蛋海蝦」主食我地揀左金邊粉店員極力推介，真係無介紹錯海蝦經過用鹹蛋煮，好好味金邊粉煮得都唔錯好乾身，唔會痴埋一舊到食甜品「千層糕配雪糕」千層糕上面有啲椰漿賣相好似荷葉包住個椰汁糕咁再食再旁邊用木碟裝住既雪糕一大滿足

觀塘工廠區果然多美味食物，這間上樓泰菜是其中之一。差不多到聖誕節，餐廳已有滿滿的聖誕裝飾🎄🎄🎄餐廳燈光柔和，燈飾像天燈，很有feel。餐枱的尺寸也很大，也有提供兒童櫈及兒童餐具。很傳統的泰式水壺。今次什麼也不想，點了個2人套餐，很豐富😈原隻海蝦雜錦海鮮冬蔭功 - 料多!! 有青囗，魷魚，海蝦，草菇等等。冬蔭功也夠辣，也熱辣辣。份量也多，每人有2碗。迷你小食2人拼盤 - 有手打蝦餅，炸蝦，酥炸一支骨雞翼，豬頸肉，新鮮菠蘿，蝦片。用一塊大木盛載，真的很豐富✌輕盈黃咖哩軟殼蟹 - 我差不多把全部醬汁都點完😋鹹蛋黃酥炸海蝦 配泰式金邊粉- 都有3-4隻蝦，也沾滿了鹹蛋黃，惹味😋泰式豆瓣醬炒菜苗 - 菜苗夠爽，又多炸蒜頭，味濃👍椰汁千層糕配特色雪糕 - 雪糕是士多啤梨味，朱古力味及雪呢拿味。椰汁糕上枱時仍是暖暖的，夠煙韌☺餐廳的套餐餐牌: 有2人餐，也有4人餐。總括而言，食得很飽😂😂，又坐得舒服，服務週到，地道的泰式風味😝

泰國菜大家都食得多，但要找一間有特別風味的卻很難找到。這間位於觀塘駱駝漆大廈的一間隱世泰國菜就給我很大的驚喜。因為它們的菜色乃集合泰國加西方風味，果然真係 "Add Some Thai"。先說說環境，雖然是工廠大廈，但是裝修很有泰色風味，細微到連餐具或者風扇，都讓你感覺置身於泰國內。首先我們叫了前菜，選了西班牙風乾火腿伴肉碎生菜包($82)，與別不同的是，生菜包配上不是一般的豬肉或者牛肉，而是西班牙風乾火腿。感覺很好，西班牙風乾火腿略帶鹹，配上淡淡的生菜能夠中和鹹味。而且再加上西式的甜酸醬，味道更加豐富。咖哩炒蟹(268)，都是有點與別不同，它們先將蟹炸過，令到大蟹脆卜卜，再配上香濃咖哩汁，十分惹味。另外有蒜容包提供，焗得很香脆。海蝦雜錦海鮮冬陰公湯($98)，不是很辣，但有Tom Yum的味道，而已亦很足料，有數隻大大海蝦。A•S•T小食拼盤($158)，這個拼盤很豐富，有手打蝦餅、泰式炸蝦、酥炸一支骨雞翼、芝士條、無骨酸辣鳳爪和泰式炸蝦片，滿足極了。泰式明爐鮮青斑魚($208)，亦加入了"Add Some Thai"風味。通常一般泰式明爐都是選用烏頭魚，但"Add Some Tha

11月尾就係靚女同事last day，三個女子約好呢日去食晏，揀咗呢間泰國樓上餐廳試試。當日有訂位，入到門口係冇人理你，企咗一陣忍唔住走入去搵位待應姐姐先帶到我哋入去。一坐低待應姐姐就即刻俾張問卷要我哋填，好重點咁話唔填冇甜品食！坐咗一陣餐單都未睇清楚，已經走埋嚟3次叫我哋落單.....雖然午餐選擇唔多，但都係想諗吓嘛！最後我叫咗（佢哋話時令至有）咖哩羊腩配薄餅同椰子湯。椰子湯同想像係兩回事，我都怕會係咸嘅椰漿，不過意料之外，濃杰啱啱好，清清椰香，幾好味。個羊腩就靭到咬唔開咁泄，又乾，我食咗冇兩件已經放棄，咖哩咪欠奉，反而成個餐最似樣係個好似naan嘅薄餅，熱熱同切到一塊塊，容易食。另外靚女叫咗碗好似係蝦餅湯粉（蝦餅另上），就話成碗嘢冇味，見佢食到一半都放手，另一位同事叫咗海南雞飯，大大碟，冇咩意見咁話。差唔多叫餐茶時，又催我哋填份問卷....語氣仲話唔填唔上甜品！我哋都冇話食甜品！唉是但填咗俾佢，佢即時上咁3件綠色椰子膏加椰漿嘅物品，我冇食，不過其他人話幾好味！最後杯泰式檸茶隻泰味我哋三個都接受唔到，飲咗兩啖就放低。午餐最平都成$6、70蚊，份量可以，服務同食物就真係一般啦。

我好耐冇返過去觀塘喇，原來觀塘開左好多間食店，仲要開係工廈裡面，之我地搵左D間泰國野佈置情調也不錯【椰林風光】(椰汁+菠蘿汁+菠蘿肉)椰奶很香加埋新鮮菠蘿肉同菠蘿汁做出一杯以想不到【串燒】(豬肉)二人餐前叫左串豬肉，每串也配合翠玉瓜一齊燒，令豬肉不會太乾，務求讓串燒也變得更健康。(之後我地點左個二人餐)【頭盤揀左冬蔭公湯 】味道夠酸夠辣，兩個人都飲唔晒，仲有兩隻大蝦同埋其他海鮮喺入面，勁足料。【小食拼盤】都幾多野食，有黃咖喱軟殻蟹兩份，豬頸肉又爽口、單骨雞亦又香脆，仲有我最鐘意食既蝦餅同炸蝦。【鹹蛋黃酥炸海蝦配泰式炒金邊粉】當中我同老婆對D個炒金邊粉讚不絕口，酥炸大蝦有超香的蛋黃香味，蝦肉又夠大隻又彈牙，而炒金邊粉夠爽身，味道帶酸，令人食慾大增。有些其他餐館炒成糊狀同有D怪味，這間一定唔會有怪味。【馬拉盞炒通菜】蔬菜係馬拉盞炒通菜，唔會好辣，食返D菜中和下之前食嘅炸野辣野食物。【甜品】係香芋味雪糕同埋芒果味雪糕，仲有熱熱地嘅椰汁千層糕，千層糕真係好好食，又有彈性，好有椰汁味其實個set份量好多，兩個人都未必食得晒，食得哂真係會好飽~