Add Some Thai Restaurant

营业中

休息中

十年都唔去一次觀塘既我，今日因為add some Thai 而決左黎一黎觀塘試🤪🤪由觀塘地鐵站行過去餐廳唔算遠，大約5-8分鐘！都算方便😎平日既晚上，都坐滿哂人客！同朋友睇左好耐食咩好，因為樣樣都想試，但我地得兩個人😂😂😂最後我地決定叫個小食拼盤，叫左個出名既咖喱軟殼蟹，同埋叫左個菠蘿海鮮炒飯😋😋😋先黎左個咖喱軟殼蟹。餐牌上寫3隻，但佢會分成6份！蟹下面有細細舊包！好好食😂😂😂😂咖喱唔算辣，但蟹好大隻！配埋麵包無咁濟。之後佢再黎就係小食拼盤。有春卷、蝦餅、豬頸肉、雞翼、鳳爪同埋蝦片，豬頸肉勁厚！食兩舊都開始飽飽地...😅😅😅小食拼盤最鐘意係佢既蝦餅！炸到好趣口😍😍😍終於到最後既菠蘿炒飯，但其實已經飽飽地，因為佢所有野食既份量都唔細🙃🙃🙃炒飯好足料，好多海鮮，同埋面頭放滿左肉鬆😋YUMMY！雖然真係好飽，但我地最後都想食埋甜品（第個胃呀嘛😇）我地叫左千層糕！又厚又大，有4大舊😅😅😅見到都嚇一嚇，但勁好食。佢熱辣辣，岩岩蒸起咁送出黎😍add some thai呢間餐廳果然值得黎試一試！性價比勁高，而且所有食物都好高質😍下次再黎會想試下佢既drink🥰🥰🥰

Add Some Thai Restaurant位於工廠大廈內，鄰近觀塘港鐵站，交通方便。Add Some Thai Restaurant是泰國餐廳，內部環境優雅舒適。豬肋骨（半份）75元，熱辣辣，外層炸得香口，內層肉嫩多汁，有咸味。招牌黃金咸蛋鮮海蝦128元，咸蛋黃味甘香，大蝦鮮甜。曼谷蝦餅68元，外層脆，内層彈牙。馬拉盞炒通菜66元，菜青綠，少少辣，濃味。明爐青班魚208元，魚肉結實，醬汁辣，配有豬肉碎、粉絲、三款疏菜和香葉等，好味道。總結：環境舒適，食物高質，價格合理。

雖然成日嚟駱駝漆大廈既outlet買波鞋，不過食泰菜倒是第一次，唔係朋友帶路都唔知有間咁正既add some thai! 入到餐廳同外面既工廈，真係兩個世界，滿有泰國佈置同風味，而且上到9 樓都坐得滿滿，坐位闊落又坐的舒適，人多人少都安排到位置，真係滿心期待！呢度既上菜效率都幾快，滿有特色，賣相吸引的火腿肉碎生菜包好快就送到嚟！大大片火腿，配上辣肉碎同爽口鮮甜既生菜，非常惹味！大大片火腿，本來會覺得有點咸，但配上生菜，感覺又中和返！唔會咁咸同油膩飲品都好快送到，我叫左龍眼冰同泰式凍奶茶，呢度既奶茶同泰國口味差不多，茶味十足，略甜，喜歡傳統口味既朋友應該會幾喜歡！ 呢個龍眼冰應該改名叫龍眼梳打冰會更貼切，因為加左有汽既梳打水，除左香甜既龍眼肉外，仲有多重口感！主菜陸續出爐，配上酸酸甜甜既開胃既菠蘿，大大碟既海南雞送到檯上！份量十足！起晒骨既海南雞啖啖肉，雞肉爽夾滑！酥炸一支骨雞翼呢個小食真心係正，用嚟送酒，送飲品真係一流，外皮炸的甘香酥脆，擺落口度一啜一吐，骨就出來了，好味之餘又食得過癮！呢個簡直可以成為add some thai 既招牌小食呢個酥炸一支骨雞翼跟埋好多大大塊又香脆既炸蝦片

今晚去觀塘買批發，又凍又落雨，決定食埋晚飯先走。.觀塘工廈出名多野食，今晚友人想食泰菜，就揀左Add Some Thai Restaurant。.食泰國菜，首選 黃咖喱炒鮮肉蟹 配法式蒜蓉包 $298首先，肉蟹一大隻又啖啖肉；黃咖喱醬汁唔太辣又有蛋花，用來配法式蒜蓉包食一流。.鹹蛋黃酥炸海蝦配泰式炒金邊粉 $138一上菜有好香既鹹蛋黃味，三隻新鮮海蝦以鹹蛋黃炒，配埋炒金邊粉，好有創意既組合，但又幾夾好食！.香辣雞煲 $98泰式辣雞煲第一次食，估唔到有驚喜！醬汁包含泰式香料香味，雞件肉又挺嫩滑，不錯。.如果你係附近番工 / 住，一定要黎Add Some Thai Restaurant 食下泰國菜，美味推介！

今晚又試下工廈內的餐廳，這個【Add Some Thai】在觀塘區的泰菜中評語不錯。打電話來book 位總是話冇位，今晚店員終於叫我可以試下walk in. 幸好等了不久就有位！【Add Some Thai】面積寬敞，的裝潢以木材作主要材料，充滿風泰國風情。餐牌設計簡單，菜式多元化而且價錢合理。【小食拼盤$148】 這個小食拼盤超豐富: 蝦餅4件、春卷、泰式炸蝦片、酥炸雞翼4支、炭燒豬頸肉、無骨酸辣鳳爪沙律。每樣小食物各有喜愛，我喜歡酸辣鳳爪沙律的酸辣味道，非常開胃。小朋友最喜歡蝦片脆卜卜又不油膩。朋友喜歡蝦餅夠彈牙。最不受歡迎就是豬頸肉，太淋沒有口感。【黃咖喱燒豬腩仔配手抓餅 $118 】咖哩汁內有不些蔬菜，但是咖喱汁賣相不吸引，太洁身！ 完全不似咖哩汁，似一個醬汁。原條豬腩肉另上，表面塗上泰式醬料後燒焗，非常惹味。 用上五花腩，表皮香脆，肉質鬆化，中間脂肪油潤。這個黃咖喱燒豬腩仔只要$118，但免費奉送手抓餅。這個手抓餅是印式 Roti，烤得焦香，口感鬆化又夠油潤。【沙嗲雞肉串 $36】每串沙嗲有三大塊雞肉，表面不太焦香，勝在調味足，不過雞肉嚡口。沙嗲醬香辣又有花生碎，沾上來吃非常

已經是第二次幫襯，五月底第一次幫襯時手機冇電，影唔到相，之後想返尋味，但太多人，每次都冇訂枱所以無位。近期，因為香港的社會事件，少了人出街食飯，walk-in 都有位，造就了這篇「Add Some Thai」食評。工廈內的餐廳當然不可能有美輪美奐的裝修，風格雖然粗糙，但卻滲透著泰國風情。至於所有工廈餐廳必有的溫馨提示「只准本大廈之工廠員工使用」也不會缺少 ⋯⋯ 雖然，今時今日香港的工廠大廈的員工飯堂已經名存實亡，這句標語的存在意義就可能只是法例上的需要。餐牌設計簡單，以工廈餐廳來說，出品款式已經算相當多元化了。食泰國菜最鍾意的其中一道菜式就係肉碎生菜包，估唔到西班牙風乾火腿伴肉碎生菜包（$78）有一點 fusion 菜式風味：火腿配肉碎，還要配搭羅馬生菜葉碎及車厘茄墊底，整體外觀更近似一碟沙律。份量少過一般泰國菜的肉碎生菜包：只有五大片生菜，豬肉碎份量亦很少；不過，價錢亦相對便宜，所以仍然合理。每片生菜放上一小片西班牙火腿、肉碎及羅馬生菜葉碎，包成生菜包 ⋯⋯ 估唔到原來很好味。西班牙火腿的鹹香、肉碎的香辣、適量的肉碎醬汁、生菜的清甜爽脆及水份實在美味，又非常合拍；尤其加入了西班牙火腿

來到觀塘諗住睇吓開倉波鞋，入到呢間位於駱駝漆一座泰國餐廳Add Some Thai Restaurant 。見到間餐廳名咁得意，Add Some Thai Restaurant已經很好奇，入到餐廳，裝修得很有泰國氣氛，很多木造的傢俱（如椅子和枱） 叫左2個下午茶餐，送埋椰青雞湯。椰青雞湯椰青雞湯雞味濃郁，很多椰子，又香又清甜。薄餅叫左個薄餅來配菜招牌菠蘿海鮮炒飯菠蘿炒飯上面有肉碎/鮮蝦/魷魚和青口，材料豐富。至於個海鮮炒飯， 飯粒粒粒鮮明，配上有少少甜味的菠蘿，口感一流。 冬陰公海鮮湯河冬陰公湯味道濃烈，小小辣，湯河則有很多海鮮，鮮蝦/魷魚/蜆和青口，加上河粉又薄又滑，很惹味。

「好又一餐，唔好又一餐，求其填飽個肚就算」的態度。然而，如果外出用膳前，已預設好逐味目標的話，那又另當別論。因為，若非有特別之處，也難以吸引我付出時間、金錢、胃納、耐性去登門造訪。有了一定程度的付出，自然對食肆的水準，也有相當的要求。今次同媽媽抱住食好啲既心態去到呢間泰式餐廳 - 【AddsomeThai】。駱駝漆工廈一座的 【AddsomeThai】呢幾年的工廠大廈內都有好多出色的餐廳， 餐廳環境舒服，好有泰式風情。室內空間闊落，在忙碌的香港中感受異國的風情，幻想一下自己在清邁渡假也不錯！ 環境空間感十足，裝潢吸引，桌椅全以木製，加上棕櫚樹等裝飾，裝修極富泰國風好有古色古香的感覺。餐具方面及一些細節位也用過一點心思，專門用上木製的碟子，羹匙和筷子，很有回歸大自然的感覺。方邊還有小流水呢。菜式選擇出奇地多，款式配搭都好唔錯，有埋相睇吸引程度的確增加...🔹燒豬腩仔 $118在酒樓的燒腩仔，一碟只有數件，價錢並不便宜。但呢度俾百零蚊但係個質素真係不得了，好味程度10個讚。因為泰式既效果出乎意料的好，豬腩仔外皮鬆化，肉質又嫩又Juicy...肥瘦比例方面做到脂肪及瘦肉層層相間，約有四至五層

數數手指，在官塘區嘅泰國餐廳選擇寥寥可數，當中有水準的更是不多。Add some thai 主打新派泰菜，先說餐廳裝修，很有泰國水上人船家的風格，木製枱櫈及棕櫚樹充滿泰式情懷。串燒拼盤有雞肉、牛肉、豬肉、三款，平常蕃茄仔，菠蘿，加上特製沙嗲醬汁，作為豐富晚餐的前菜是不二之選。半隻海南雞雞肉口感鮮嫩，油份十足，配上即炸蝦片更屬罕見。椰皇海鮮炒飯採用原隻新鮮椰青製作，炒飯內蝦仁、雞肉份量不少，飯面舖滿大量椰汁🥥教人食慾大增。馬拉盞炒通菜通菜很新鮮，不會有殘渣，熱力令到馬拉盞的香氣充滿枱面。

年尾要清假期，放假放到個人都懶咗連飯都唔想煮，於是同Honey出街食飯，近近地都係去觀塘，唔想去D人太迫嘅茶餐廳，於是就Target喺觀塘嘅工廈搵食，比較熟悉嘅地方係駱駝漆大廈，咁就喺OP到搵，搵到有間食泰國菜嘅餐廳，個名幾特別叫Add some Thai，而且見到都有三百幾個Like，咁我就問Honey食唔食啦，佢OK後我地就出發。上到餐廳個環境又真係幾泰式feel以木為主，坐位都幾舒服。由於晏晝無食野，所以打開個餐牌覺得樣樣野都好想食，但Honey知我特性係眼無限闊，但個肚就好窄，所以最終係佢發板點咗個招牌鹹蛋黃金鮮海蝦，泰國小食拼盤，沙嗲牛柳粒串燒，燒豬腩仔配黃咖喱及手抓餅。招牌鹹蛋黃金鮮海蝦炸得好香脆，而且鹹蛋黃包實晒成隻蝦好好味。小食拼盤都幾多嘢食，包括春卷、單骨雞翼、泰式鳳爪、蝦餅同埋燒豬頸肉，每款各有特色。牛柳粒就感覺熟咗少少，但沙嗲好好味最後燒豬腩仔，上到枱雖然變咗豬腩肉，但個味道都幾好味。埋單$486@2

同朋友去觀塘駱駝漆大厦1座食泰國菜, 店員著了東南亞的花花恤衫, 裝潢氣氛都充滿泰國風情, 而且好大！見到有咖喱炒肉蟹$298,當時晚上7:00, 於是即問店員還可以叫嗎?因好多時叫, 都會聽到話冇蟹返, 又或者會賣晒, 店員查問廚房後, 話剛好淨返一隻, 於是滿心歡喜即時落單, 真係好好彩, 上枱後, 見到都好大隻, 面層見到沾了炸漿炸過, 可黏住更多有蛋花的咖喱汁, 隻蟹都好大隻, 先食蟹身, 都有好多肉, 之後拆蟹鉗,好大隻, 而且啖啖肉, 又彈牙，仲有蟹蓋, 都有蟹膏, 好香, 而且仲有一籃蒜蓉包, 沾咖喱汁, 超正, 醬汁都好多, 好滋味, 建議食完隻蟹先叫另一道菜上枱, 否則會令另一道菜凍晒。另一道菜係炒金邊粉配咸蛋黃黃金蝦$138,有三隻蝦, 好彈牙, 沾滿了咸蛋黃醬, 好香口, 而金邊粉就先唧上青檸汁, 唔會太乾, 上面還有多片豆腐乾, 食到豆香味, 之後未飽再叫多個菜, 見到豬肋骨竟然$78, 超平, 不過食落原來係焗出來的, 唔係太似一般的燒肋骨,  最後叫了杯泰式奶茶$23,好香的香料味, 夠濃郁。

舊同事相約午飯，地點選在觀塘，並選擇了泰菜。店名Add Some Thai.此餐廳屬小店格局，但裝修充滿泰式風情。自己點了泰式海南雞飯及泰式奶茶。海南雞飯份量夠大，有沙律做配菜及蝦片伴碟。海南雞處理得不俗，肉質頗滑，部位屬雞髀部份，食落口感不俗，配上泰式醬汁，非常開胃。而飯則用雞油同煮，但食落味道略淡，香味亦欠奉，勉強合格。蝦片亦非常脆，沙律菜亦算新鮮，不俗。泰式奶茶則普普通通，味道頗甜。埋單約80多元，以價錢來說，CP 值合格。

星期六到觀塘的工廈拎雪糕，順便食午飯。一直都知道這裡的工廈多餐廳食店，只是很少在這邊出沒，不太知行情，上網搜尋見「A.S.T」的食評不錯，決定試試。餐廳裝潢簡潔，很舒適。午餐的餐牌選擇不算多，一行三人點了一個二人餐，及一個撈檬套餐。🔶 香茅豬扒撈檬撈檬份量算大碟，香茅豬扒很入味，檬粉底下鋪了紅蘿蔔絲（食既時候冇撈勻，吃了一半才發覺）。套餐除了飲品，亦送椰青雞湯，滿滿的一碗，但唔覺有雞肉。🔶 泰假期二人套餐先上枱的是一鍋椰青雞湯，份量很足，內有五至六件雞肉，很香椰青味，而且不油膩。主食選了泰式無骨海南雞飯，黃油飯伴菠蘿、蝦片及沙律菜，已起骨的雞肉很滑，蝦亦很脆，但以二人餐來說，這碟飯略嫌小了點。最後侍應送上的小食拼盤及甜品蠻有驚喜，因為食物分門別類放在三層架上（就像high tea那種），單是賣相就很吸睛，而且很細心地為每款食物配不同的醬汁。蝦餅及蔬菜春卷新鮮炸起很脆；雞肉串的表面有點焦，但雞肉仍很嫩滑多汁；車厘茄菠蘿串，菠蘿並非罐頭貨，而且表面輕微燒過，更加香甜；沙律就一般貨色；是日甜品是士多啤梨奶凍，味道不錯。原先見主食份量不多，還怕不夠飽，但配埋這個重量級拼盤就大滿足。

晚上和三五知己到餐廳食生日飯這間餐廳空間也蠻大裝飾也不錯坐得很舒服我們首先點了原隻海蝦雜錦海鮮冬蔭功餐牌上有顯示2個辣椒但這個湯的味道一點都不像冬蔭功反而有點像羅宋湯也不辣再來上了無骨海南雞點了半隻份量也很多蝦片很脆很好食海南雞也很嫩滑之後再來的是生菜包這個是很fusion肉碎上有幾片西班牙風乾火腿 但我個人還是比較喜歡傳統的肉碎生菜包想不到泰國的餐廳還有豬肋骨重點是烤的泰式醬汁食上口也十分野味豬肋骨也烤得剛剛好肉不會太硬最後就是這個咸蛋黃蝦炒金邊粉說真金邊粉有點失望還未落青檸汁原本的金邊粉已經偏很酸但黃金蝦是有水準的 有3隻而且真很大隻很不錯最後我們自帶了一個蛋糕問可不可以在餐廳享用職員告訴我們如果每人消費足夠$150就不用額外加切餅費但如果不足就需要加$100的切餅費

午餐叫了香茅豬扒撈檬粉和泰式奶茶，撈檬粉用碟上又座山咁都好難撈又易跌出嚟，豬扒完全冇香茅味似煲完湯好柴，魚露淡所以粉亦好淡，好耐冇試過食一半已經放棄，吃不下去。