Add Some Thai Restaurant

营业中

休息中

又來試吓一間觀塘工廠大廈嘅泰式餐廳，估唔到都好大間😮同埋都唔少人，但係都有位嘅。焗紅咖喱牛腩飯（$85）一見到咖喱牛腩就叫左，但係冇留意原來係焗嘅😓，真係普通咖喱牛腩好食D😪牛腩質素一般，唔係太腍。冬陰公海鮮湯河（$78）好多海鮮😮😍同埋夠辣，份量夠大好飽。呢一碟就性價比高👍🏻招牌泰式無骨海南雞飯（$80）賣相就比較求其，但係雞肉份量都多同埋腍👍🏻油飯嘅份量就一般，個人覺得飯比較多雞油。配D蝦片同埋少少沙律菜。問侍應有冇得單叫一碟清炒豆苗佢話有，竟然係俾咗菜苗😓仲要好細碟，收得好貴...味道都炒得唔錯嘅👌🏻蔬菜長春卷 兩件（$12）炸得好味，都幾多餡皮夠薄，同埋切開都有四件，如果再脆D就好啦。整體來講，食物質素OK，份量都幾大，午餐抵食🌟。環境都幾舒適。

今年新年無得去泰國避年，唯有跟朋友過來觀塘食泰國菜以慰相思之苦。今日朋友介紹呢間叫做“Add Some Thai Restaurant”，地點係駱駝漆大廈入面，十分易搵。入到餐廳內，見到燈光、擺設及裝修十分有泰國的特色，特別是椅子及窗簾，都是用竹製成的，令我有一刻錯覺以為置身在泰國當地餐廳。好啦，坐低立刻叫左以下食物：香燒沙爹豬肉串 2串豬肉串開頭以為好細一串，估唔到來到後見到豬肉都大舊。每串入面有脆肉瓜。豬肉雖然用燒既方法，但是入面都好juicy, 一點都唔乾身。沙爹好好味！除左點豬肉串，我仲留來點埋其他野食，哈哈。咖哩肉碎配焗法式蒜蓉包可以揀紅還是黃咖哩，我地揀左紅咖哩。紅咖哩相對比較辣，咖哩比較“杰身”，重咖哩味。肉碎份量望落唔多，但係足夠配4塊蒜蓉包食有餘。蒜蓉包烘得好脆，有口感。蒜蓉炒椰菜苗椰菜苗爽口，口感唔老，用蒜蓉炒得超有鑊氣！呢碟份量好大碟，啱晒我咁鍾意食菜嘅人。香燒豬頸肉豬頸肉外表雖燒到好香口，裏面仍保留到肉汁。底下用咗沙律菜襯托，而醬汁酸酸甜甜，有小小辣。西班牙風乾火腿拌肉碎生菜包呢個係一個新鮮嘅配搭，因為傳統嘅生菜包，好少配搭西班牙風乾火腿。辣辣嘅豬肉碎，配上帶有

朋友在觀塘上班，常叫我到區内找他覓食。今晚他特別帶我來「Add Some Thai」食泰菜。他說先前食過很不錯，今晚讓我來試試。店內裝修很有泰國風格，坐下來好舒服。再看看餐牌，菜式選擇真的不小，我們都選擇了ㄧ陣子才下到決定。招牌黃金咸蛋鮮海蝦ㄧ客有六隻，送上檯時已飄來陣陣咸蛋香味，碟旁還放有我喜愛蝦片。海蝦好鮮甜爽口，加上咸蛋黃的咸香，真係好食到不得了。明爐青斑魚ㄧ般明爐魚都是用烏頭或盲鰽，但這店就用上青斑，原來用青斑魚來煮理更加鮮味，肉質紮實，浸在湯內沒這麼容易煮爛。湯內還有辣肉碎、蔬菜知粉絲，真係ㄧ道好餸飯菜。A.S.T.串燒拼盤併盤內款式好齊，肉類蔬果各兩串。雞肉串、豬肉串、紐西蘭牛柳粒串、菠蘿車厘茄串、白菌串和蝦片。當中我最欣賞紐西蘭牛柳粒串和菠蘿車厘茄串。牛柳粒大大粒，燒得香噴噴，又不會乾，肉質又嫩滑，塗上旁邊的沙爹醬，增添不少惹味。叧外，燒過的菠蘿，味更香濃甜蜜，酸酸甜甜十分醒胃。蒜蓉炒椰菜苗青綠的椰菜苗配上蒜蓉來炒，真是最佳配搭。朋友介紹這間 「Add Some Thai」真係不錯，食物品質好，款式亦多，難怪店內七點半已全店滿座，我下次想食泰菜ㄧ定會想這間。

真心係好味😋，環境舒適，傾計唔會覺得嘈(可能係我哋枱最嘈😂😂)好難得係唔限時(我去係平日，假期唔知)😅，食物個個都比like ，而且份量十足，服務態度好，廁所又乾淨，價錢公道👍，值得再食

同事探路原來觀塘舊區樓上餐廳 有一家 很有東南亞風味嘅泰國餐廳， 今晚就約咗老公去試一試。餐廳內籠都好大，有一边牆邊都係梳化位， 好似幾舒服咁～～先來個「柚子海蝦沙律」， 看似味道清新， 食落就超刺激醒胃， 酸酸辣辣嘅沙律醬汁， 令海蝦味道好鮮， 一下子把胃口味蕾都打開！這杯「咸檸七」個檸檬唔算好鹹好酸， 所以七喜嘅味道 甜味保留。 相反 「咸檸樂」還是首次嘗試， 味道有啲似中式嘅涼茶， 冇咗可樂味， 幾有趣！食泰國嘢點可以唔叫串燒。「沙爹豬肉串」， 見到啲豬肉切方形其實都好大件， 咬落特別過癮 ，啖啖肉而且一啲都唔韌， 中間间著的是燒翠玉瓜～ 好有bbq嘅風貌！ 沙嗲汁自家製作， 好稠，花生味香濃唔會好甜， 蘸肉類串燒特別正！「牛肉粒串」 味道也不錯， 都是大大件啖啖肉的。「胡椒雞湯河配海南雞」估唔到係分開上， 胡椒湯嘅河粉滑溜溜， 湯底清甜滲有胡椒嘅味道～ 更有配菜：豆卜，車厘茄，芽菜， 淨係碗河粉都好有睇頭。 海南雞件用了雞髀嘅部分， 肉質嫩滑而且雞味濃， 超美味！ 估唔到雞皮嘅顏色偏向白雞肉係咁有雞味～👍👍 「明爐青斑魚」寒冬之下吃明鱸魚 特別暖笠笠。這裏不用烏頭，桂花魚及泰式

今日入觀塘搵完阿爸阿媽之後，見仲有時間咁就同老公兩個喺觀塘行下街啦，聽朋友講依家觀塘嘅攻下都有好多餐廳，其中一間add some thai restaurant評價都好高，於是就同老公試吓啦！先來叫咗個串烓拼盤，明爐青班，炒通菜，拼盤附上既咖喱非常香，串燒即叫即燒，配搭起上嚟真係回味無窮，至於條魚肉質非常滑而且新鮮，通菜查得非常之有鑊氣，最後我哋仲叫咗個芒果糯米飯，芒果可能唔當做有少少酸，不過都冇損害到個味道！餐廳嘅裝修非常之靚好有風味，我一定會推介朋友都黎試吓呢一間add some that restaurant !

泰國夜🌾sawadeeka.📍add some thai restaurant.好少會去觀塘嘅兩個人開住個openrice搵吓附近有乜食~就決定試吓呢間幾多好評嘅餐廳😆🦐曼谷經典手打蝦餅($68)-蝦餅就好似每次去食泰菜必點嘅菜式咁🤭新鮮炸起外層脆卜卜配埋個千島醬都幾正!🐥黃咖哩香滑雞肉配招牌手抓餅 ($108)-咖哩都幾香又有好多蔬菜🤭手抓餅點咖哩汁都幾match~雞肉都算係大舊似係雞脾肉😆🍞蒜茸包($32)-又係脆卜卜🤭點咖哩汁食都唔錯~🥬蒜蓉炒椰菜苗($66)-炒得都幾好又香~不過如果大碟啲份量多少少就好😌

朋友聚餐來Add Some Thai Restaurant，跟家人聚餐也來這裡，由於Add Some Thai Restaurant的泰國菜加入了創新的食材和烹調方式，變成了這種有傳統而又創新的菜式。還是有點黃咖喱蛋炒軟殼蟹，對這個菜式回味無窮，但是這次廚師可能手抖或是忘了已經下過鹽，所以這次有點鹹。不過幸好其他菜式還是不錯的，椰青鮮蜆冬蔭功湯，裡面有好多隻蜆，還很肥美和新鮮，有鮮味辣味酸味和椰青味等。串燒拼盤：哇～沒想到每一串的肉都那麼大塊，男生可以一口一塊，讓口感很飽滿。拼盤不只是有肉，也有瓜和水果，混著吃不會感到肥膩。

觀塘嘅駱駝漆可謂臥虎藏龍，中、西、意、日、韓菜通通都有，泰菜都有呢間「Add Some Thai Restaurant」，環境寬敞，味道唔錯，性價比都幾高。泰式無骨海南雞 (半隻): 雖然擺碟唔稱得上精美，但品質確係唔錯。雞皮夠黃，色澤光亮，肉質都相當滑嫩，食落都幾有雞味，而且可沾泰式酸辣醬食，更加惹味。另外，伴碟嘅仲有菠蘿同自家製泰式蝦片。招牌黃金鹹蛋鮮海蝦 (六隻): 海蝦新鮮，殼夠硬，肉質夠爽彈，每隻海蝦均被大量鹹蛋黃醬牢牢包住，用料充足，鮮香惹味，非常邪惡嘅選擇。沙嗲牛柳粒串: 採用紐西蘭牛柳，牛味適中，肉質幼嫩，仲要啖啖用，燒到岩岩好，肉汁仲滴緊出黎！沙嗲醬仲幾香滑惹味。泰式小食拼盤: 拼盤有泰式蝦餅、單骨雞翼、燒豬頸肉、春卷、泰式酸辣鳳爪，以及炸蝦片，非常大堆頭。蝦餅算係幾鮮濃，爽口彈牙；燒豬頸肉肉質都好爽滑，燒得幾有肉香；其餘小價食都幾好。食泰國菜飲椰青是常識吧？非常清甜，食左咁多肥膩野當係減低少少罪惡感。下次黎觀塘都會再去呢間Add Some Thai Restaurant ，真心唔錯！

約左兩個朋友食dinner, 其中一個朋友係觀塘返工，另一個朋友就話想食泰國菜，於是係觀塘返工的朋友就話去Add Some Thai Restaurant食，佢食過lunch覺得唔錯，但佢就未食過晚餐，所以今晚一於一試。黃咖哩蛋炒軟殼蟹 - 幾特別分開六碗上，每碗都有軟殼蟹同一塊多士，我地正正3個人食，每人有兩碗。黃咖哩加上蛋花香濃惹味，味道甜而不辣，唔會有油膩感，軟殼蟹炸得鬆脆。椰皇海鮮炒飯 - 海鮮包括有青口、魷魚、椰青肉全刮出來切絲, 而且椰肉帶點點爽口, 不會過林/過硬, 配合椰漿, 整個飯濕潤, 充滿椰香, 完全能夠食出椰青既精華。AST 泰國小食拼盤 - 有豬頸肉、 泰式鳳爪、蝦餅、春卷、雞翼、蝦片。好多好大份，可以一次過試曬佢咁多款泰式小食。沙嗲牛柳粒串燒 - 上桌時熱烘烘的，帶微微焦香，串燒燒得剛好，肉質不會韌，再沾上濃郁的沙嗲醬，十分惹味！！芒果糯米飯配雪糕 - 糯米軟硬適中，但芒果可能唔係時候，有少少酸。

今日食晏試咗呢間泰式菜館，先講環境，地方頗大，空間感夠，唔會有壓迫感。餐前會有一碗只有一粒小蕃茄嘅冬陰功湯，味道作酸，加上溫度只是暖，我評價只是一般。雖然絕大部份嘅客人都係叫咗餐廳聲稱最具人氣嘅無骨海南雞飯，但我今日卻點了一個「黃咖喱牛肋條飯」。其實牛肋條炆得好冧，而且無雪味，份量亦足夠，係唔錯，只可惜敗喺泰國餐廳無乜可能牛敗嘅黃咖喱手上。我只可以話咖喱味道似茄汁多過咖喱，而且汁本身個質感完全唔係你想像中嘅樣，鍾意汁多過餸而且大食嘅嘅我最後食剩半碗飯就可以概括咗佢嘅質素。不過你想喺觀塘食晏傾偈又唔想人催你，呢個係一個好選擇。

觀塘真係愈黎愈多好餐廳，今晚黎左呢間add some thai。就咁睇裝修都幾靚，以為會好貴，但原來啲價錢都幾平民，好多都係below100，試多幾款都唔太肉赤呢。就算係特色菜都唔會太貴。先點左飲品先，我果杯係龍眼冰，本身冇咩特別期望的，因為都好大路，但佢地做到成杯都有果肉係入面，中意食龍既朋友絕對要試呢杯，好甜好滿足！前菜點左個冬蔭功海鮮湯同埋炸蝦餅，全部份量都好多，估唔到咁抵食呢。主菜仲有炒金邊粉同燒雞半隻，金邊粉的蝦係用咸蛋黃醬炒的，好特別呢。燒雞本身有啲乾，不過配埋泰式酸辣醬食就岩岩好。總括黎講，我覺得add some thai都幾高質，地方又舒服，份量又多，朋友share黎食都夠分，可以再黎多幾次呢。

已經係第二次嚟呢一間Add Some Thai Restaurant嘅泰國菜館，喺觀塘區嘅泰菜來講，呢間可以算係數一數二，裝潢充滿泰式風情，份量又夠大份，價錢亦都好實惠餐廳用上木碟同埋木嘅匙羹，配上一個泰式水樽，恍如置身泰國嘅感覺泰式小食拼盤$148分量可以話用重量級嚟形容，有四件有厚有彈牙嘅蝦餅，蝦味十足。豬頸肉厚薄適中，肉汁豐富。另外，酸酸甜甜嘅泰式鳳爪，非常醒胃，作為一個頭盤，最適合不過椰青雞湯$88椰汁雞湯就飲得多，但係椰青雞湯就唔係度度都有得飲。湯底糅合咗鮮雞味同椰青嘅清甜香沙嗲牛柳粒串/豬肉串（各兩串）$48/$36除咗牛柳粒同豬肉，仲配上翠玉瓜一齊去燒，肉粒大大粒，真係好抵食食嘅時候，沾上特製嘅沙嗲醬，份外惹味用上最嫩滑嘅牛柳，燒完仍然能夠保持肉汁軟殼蟹配金邊粉$118焦點當然落係軟殼蟹嘅身上，炸得香脆，咬落去仍然能夠爆出軟殼蟹嘅蟹汁，啖啖都好滋味椰青$48食泰國嘢，點可以冇椰青，雪得夠凍，夠晒清甜千層糕四件$42千層糕夠煙靱，配上味道濃郁嘅嘢奶，為圓滿嘅一餐畫上句號座位寬敞，木嘅風格做裝修主調，空間感十足，一路食一路傾最好嘅選擇。呢間Add Some Thai Rest

這間Add Some Thai 泰國餐廳在工廈內，朋友好叻識得去搵好嘢食，這裡裝修得像去了泰國一樣嘅感覺，好溫暖好舒服。明爐青班魚平時食烏頭魚多，今次是青班魚是另一食法，肉質非常鮮嫩幼滑，配菜也發揮到作用很香的香茅味。椰皇海鮮炒飯椰汁香濃撈埋海鮮嘅炒飯特別有風味。黃咖哩香滑雞肉椰奶加咖哩味道剛剛好，雞肉真的非常嫩滑，配菜也很多，有薯仔西蘭花椰菜花草菇等。招牌手抓餅，烤得夠香脆煙韌。蒜蓉炒菜苗菜苗平時通常用作沙律，估不到用蒜蓉炒一樣美味好清新。清邁瀑布~味道非常清新有淡淡薄荷葉的香味又帶酸酸嘅梳打味，喝下特別醒胃。凍奶茶～奶幼滑茶味香濃帶甜。這餐吃得好開心Add Some Thai令我留下深刻的印象了。

十年都唔去一次觀塘既我，今日因為add some Thai 而決左黎一黎觀塘試🤪🤪由觀塘地鐵站行過去餐廳唔算遠，大約5-8分鐘！都算方便😎平日既晚上，都坐滿哂人客！同朋友睇左好耐食咩好，因為樣樣都想試，但我地得兩個人😂😂😂最後我地決定叫個小食拼盤，叫左個出名既咖喱軟殼蟹，同埋叫左個菠蘿海鮮炒飯😋😋😋先黎左個咖喱軟殼蟹。餐牌上寫3隻，但佢會分成6份！蟹下面有細細舊包！好好食😂😂😂😂咖喱唔算辣，但蟹好大隻！配埋麵包無咁濟。之後佢再黎就係小食拼盤。有春卷、蝦餅、豬頸肉、雞翼、鳳爪同埋蝦片，豬頸肉勁厚！食兩舊都開始飽飽地...😅😅😅小食拼盤最鐘意係佢既蝦餅！炸到好趣口😍😍😍終於到最後既菠蘿炒飯，但其實已經飽飽地，因為佢所有野食既份量都唔細🙃🙃🙃炒飯好足料，好多海鮮，同埋面頭放滿左肉鬆😋YUMMY！雖然真係好飽，但我地最後都想食埋甜品（第個胃呀嘛😇）我地叫左千層糕！又厚又大，有4大舊😅😅😅見到都嚇一嚇，但勁好食。佢熱辣辣，岩岩蒸起咁送出黎😍add some thai呢間餐廳果然值得黎試一試！性價比勁高，而且所有食物都好高質😍下次再黎會想試下佢既drink🥰🥰🥰