Add Some Thai Restaurant

营业中

休息中

放工去觀塘駱駝漆大廈食飯，餐廳在工廈內，平日晚飯時間也非常旺，餐廳環境好，難怪人這麼多。招牌黃金蝦鹹蛋鮮海蝦六隻 $128鹹蛋表皮非常脆口，一食停不了，海蝦大大隻肉質新鮮。沙嗲雞牛肉串 $36/$48一碟兩串起，超大一串，抵食，剛燒起即上枱，火喉控制得剛好，牛柳粒肉完全沒有根、不韌。海鮮菠蘿炒飯 $118泰國菜必吃的主菜之一，半個新鮮菠蘿上枱，炒飯夠穫氣、炒至粒粒分明。椰青/薏米水 $48/$42重點推薦有原隻椰青飲!清甜!

自問相當鍾意飲泰式奶茶,每次去食泰國嘢其他人點椰青,我都總會order泰式奶茶。呢間泰國菜位於駱駝漆工業大廈裏面, 星期六嘅下午唔算多人,而且呢個場都好大。 我同朋友都叫咗海南雞飯套餐,佢嘅係雞髀肉我嘅係雞胸,難得雞胸都唔會好嚡,而且我本身就鍾意食雞胸肉,無雪味,味道大家都覺得唔錯。好怕食雞嘅時候會有一兩嚿有血水滲出嚟,好彩呢度完全冇配上幾塊蝦片好脆唔會林咗,仲有兩舊小菠蘿感覺清新,唔係罐頭糖水菠蘿黎。佢呢度嘅冬陰功湯都算幾辣,鍾意食辣嘅朋友應該會鍾意,我哋仲加咗一碟馬拉盞炒通菜都係偏辣嘅,份量都幾大碟。最正嘅真係佢個泰式奶茶,好滑好滑好滑之後仲忍唔住叫多個熱嘅泰式奶茶嚟飲,熱嘅都一樣好滑好正。

從前吃泰國菜我最喜歡九龍城，但當公司搬家後已經很少到九龍城了，改為地鐵交通方便的觀塘。已經習慣到工廈尋找美食，當中較有名氣的泰菜 Add Some Thai 味道夠正宗。室內空間闊落，裝修充滿泰國風情，於石屎森林忙裏偷閑，幻想一下自己在清邁渡假也不錯！《AST 泰國小食拼盤》$148先叫杯飲品再點一客小食拼盤，內容非常豐富，一次過可以試勻幾款人氣小食。手打蝦餅：蝦肉彈牙鮮味，外層酥脆。春卷、泰式炸蝦片、酥炸一支骨雞翼、炭燒豬頸肉、迷你無骨泰式酸辣鳳爪沙律。全部都是我喜愛的香口小食，惹味又刺激味蕾。《沙嗲牛柳粒串燒》$48 即叫即燒，沙嗲風味加上大大粒牛柳，肉質柔軟味道濃郁。《泰西咖喱滑雞》$108胃口打開了然後到主食，泰國都有分東南西北，這個顧名思義是泰西咖喱，黃咖喱配上香滑雞肉，以招牌手抓餅沾上美味咖喱汁，微辣加上鹹香，好惹味。《海鮮菠蘿炒飯》$118食泰國菜菠蘿炒飯可以說是招牌菜呢！菠蘿果肉酸酸甜甜，新鮮大蝦、青口、八爪魚；真材實料，口感豐富有層次。《芒果糯米飯配雪糕》$68芒果糯米飯又是泰國菜另一名物，芒果清甜，飯夠軟糯，配上椰子雪糕更有泰式風情。

星期六黎呢度食野，基本係一半都坐唔滿。一邊聽住柔和既泰文歌，一邊優閒地食個lunch。本來想試下滷水豬手飯，可惜賣晒，真係失望。1點幾已經賣晒，有冇咁搶手呀!於是叫左個無骨海南雞飯$80，同燒豬頸肉湯河$75。跟餐除左餐飲，仲有碗冬陰公湯，酸辣適中，好飲。不過如果有埋湯料，就更加好啦!賣相唔錯，但雞得5舊就真係少左d喎。至於個飯係雞油飯，好香好好味，淨食飯都食到停唔到口。至於個河粉，話就話雞湯，但就飲唔出啦。個湯仲要好重胡椒粉味，味道就麻麻。兩款食物都係同一個醬汁，雖然好食，但食完成個口都係蒜味🙈

喺出面搵咗一陣，條路都唔難搵，上嚟就見到佢啦，坐低嗰個感覺好清靜，啲餐枱又有距離，隔離大聲的講嘢都聽唔到，再望清楚原來都好多枱客，人氣都唔錯。好啦坐低兩個人，叫個黃咖哩蛋炒軟殼蟹，海蝦冬陰功海鮮湯，手抓餅一件，食咖哩無餅，硬係有啲未夠喉呀，菠蘿海鮮炒飯，成個山咁大嘅菠蘿炒飯，食落都已經飽咗大半呀! 蒜蓉炒通菜，一杯咖啡一杯荔枝冰 。食得好開心，原因環境唔錯之外，餐食出品部食物有驚喜，好似個軟殼蟹三隻上枱嘅時候，係六個小碟裝住半隻蟹，好澎湃呀!下次經過都會再上嚟食多次!黃咖哩蛋炒軟殼蟹海蝦冬陰功海鮮湯手抓餅一件菠蘿海鮮炒飯蒜蓉炒通菜咖啡&荔枝冰

上星期因為個FD黎緊大喜日子一班兄弟姐妹聚一聚傾下RUNDOWN見到KT呢間泰菜有得BOOK房方便傾計就提議黎試下一入去環境都已經好有泰國風味真系有包廂比我地坐一行12人都夠坐既咁因為女士居多，而且醉翁之意不在酒我地就叫左個8人餐再散叫左個咖哩燒腩仔一黎就上左湯先啦，系冬蔭功湯，份量都幾足12個人叫8人諉都分到12碗，而且每碗都最少有1款海鮮架有青口、蝦、魷魚等等，不過味道唔算好濃，淨系酸酸地都唔覺得辣跟住就到蝦青木瓜沙律，好FRESH，而且蝦都剝好左既，好方便海南雞就食得多，今次就試下燒雞果然別有一番風味，配埋佢個酸酸地既汁，好夾好好食小食拼盤份量都唔少，樣樣都新鮮岩岩炸起就上熱辣辣好香口串燒因為我遲左食，放耐左，肉質有d硬，而且唔熱，所以覺得差左少少熱食應該會正好多咖哩個汁都好好食，而且仲有我最愛既薯仔配埋燒腩仔食一流，中和番塊肉既油膩軟殼蟹因為數量有限，我就冇試過不過個個都話好食明爐青斑最吸引系佢d配菜同粉絲吸曬個湯既精華，大家反而系食曬配菜同粉絲先最後食泰國野緊系要飲番個椰青d椰肉都食得，好好食，好清甜整體套餐都幾多選擇，岩一大班人叫而且佢都好細心，好多碟野都分左2碟上咁坐頭尾

同事發了一筆橫財，請我到Add Some Thai Restaurant食晚飯，我問:「係邊嫁🤔」同事回答:「咪係觀塘駱駝漆大厦1座囉！」這段對話就係我對Add Some Thai (AST)的初部認識呀！不過聽個餐廳名就知主打泰國菜喇！到達了餐廳，裝修都算不錯，竹簾裝潢及燈籠作天花燈飾，地方濶落，環境及氣氛蠻好，泰國風情喔！泰國菜我比較少光顧，因為難遇上啱心水的！無骨海南雞(半隻) $128蒜蓉炒豆苗 $62明爐青斑魚 $208鮮椰青 $48牛柳粒串燒 $48 招牌椰汁千層糕 $42今晚總算遇上了！而且加深對餐廳認識喔！無骨海南雞，雞夠滑，啖啖肉，雞味濃，伴碟有鮮菠蘿，脆蝦片，蒜蓉炒豆苗，上枱見到原來是之前食過的豆苗，記得有好重草青味，心想中伏，廚師用蒜蓉炒得非常香口，入口好爽，甚有驚喜牛柳粒串燒 ，牛香軟腍，充滿肉汁，有脆肉瓜相隔，一啖肉一啖瓜，無得彈😋😋😋！椰青夠冰凍青甜，肉嫩，有得飲有得食，一樂也！侍應奉上明爐青斑魚 ，有小火保持温度，除了青斑外，有肉碎，粉絲及娃娃茶，味道有小許辣，惹味非常，大快朵頤！椰汁千層糕，好香椰汁味，原來是熱食的，不是太甜，真是上佳甜品，好食！

餐廳環境非常寬敞 侍應服務爽手有禮食泰菜好喜歡叫蒜蓉包 單食同點咖哩同樣好味！ 唔夠喉地再叫手抓餅 手抓餅如果再鬆啲會更好味☺️炸豬手份量好多 皮好脆 肉質偏乾少少 Pad thai惹味 軟殻蟹剛剛炸起 yummy !

觀塘真的很多美食呢！老公好想食泰國菜，上次經過駱駝漆一座時已經留意到Add some Thai Restaurant了！今晚就滿足下佢啦！門口大大logo寫住<AST>雖然底色是黑色，但襯托白黃英文顏色好鮮明。環境好有泰國feel而且好寬敞呢！侍應生非常有禮貌招呼我哋坐低，座倚好大張呀～仲好細心提醒我哋小心右手邊有條流水壩是不能放手袋的。👍檯面放了一個蓮花牙籤筒和一壺水，通常一般是用玻璃水樽裝水的，Add some Thai Restaurant 很特別是用銀器而且是大大壺和雕有花紋添，😀令水好夠冰凍呀！啱晒天氣太熱享用了。泰國菜老公必點冬蔭功海鮮湯~~ 有六隻海蝦是好大隻，有兩隻青口和好多墨魚 仔，個湯好鮮味，又好足料喎，見到佢個滿足樣就開心啦。😀我就喜歡食軟殼蟹，因為唔係太多地方有得食㗎！呢度有黃咖哩炒軟殼蟹~~menu上見到是三隻軟殼蟹以為係三碗啦！原來送上枱的時候，真係好震撼！係六碗呀！每碗仲有一塊多士仔，好鬆脆，咬落去仲有種索索聲，再配埋黃咖哩汁浸住軟殼蟹食真係好鮮味到不得了，再配埋海鮮菠蘿炒飯撈埋一齊食簡直係絕配啊！再加埋手抓餅一齊食，連隔離枱都忍唔住叫了同

今天約了愛人吃泰國菜，當然要選一間高質菜。這餐廳格局滿佈泰國風情，上之裝修，下之員工打扮，滿滿泰國風情，非常適合朋友和情侶前來。香烤豬手基於肚餓關係，叫了一個烤豬手。豬手份量一如以往的大份，足足夠四人食用，而且烤得非常香脆juicy,配上特製醬汁，將肉味瞬間提升。肉碎焗蒜農包蒜蓉包好脆好香，配上香濃curry,又是令一種吃法，值得提的是，curry有很多肉碎，值得加分。手抓餅手抓餅好軟熟，吃落有絲絲的奶油香，配上curry,又是令一種風味。curry不太辣，但很香，讓人欲罷不能。軟腳蟹金邊粉最好味是軟腳蟹，炸得非常香脆，加上蟹隻新鮮，完全是完美，加上金邊粉炒得很香，簡直滿分。

Add Some Thai是觀塘區一間幾有人氣的泰菜店，即使店面較大，但平日一樣坐滿人。木系裝潢讓人感覺很relax，而且梳化座都有大大個座墊，超舒服。Add Some Thai晚市只有單點沒有套餐，菜式由數十元到百多元，定價合理。左: 招牌三色冰($45)椰奶很香甜，三色冰是粒狀而非常時的條狀，但口感同樣Ｑ軟。右: 沙灘小子($45)是荔枝梳打，內有大大粒荔枝肉，梳打味不會過重，都幾好飲。曼谷經典手打蝦餅($68)蝦肉結實蝦味十足，炸皮不會過厚，只是略嫌不夠脆口。冬陰功海鮮湯河($98)這個湯河有超多海鮮在內，大蜆、大蝦、魷魚、青口和豆卜，非常足料。河粉夠薄又滑溜，如果湯底再酸再辣一點更好。泰式明爐青班($208)青班都幾大隻多肉，爐底有兩個火，所以食到最後都很夠熱。青班下面有生菜、黃芽白和粉絲墊底，旁邊還有肉碎。魚肉口感較結實，湯汁酸香十足，粉絲吸收了湯汁的味道非常美味。椰汁芒果糯米飯配是日雪糕($68)芒果香甜不過酸，白糯米軟糯椰漿味夠香，旁邊的是椰子雪糕，中間還有不少椰子肉，口感豐富。總結，食物中規十舉，勝在價錢相宜，坐得亦舒適，適合一大班朋友聚會。

今日同朋友係觀塘附近行街，見呢頭咁多工廈就諗住搵下有無好野食，上openrice見到呢間泰國菜館幾多菜式又唔貴，就上左黎試下，一入去已經覺得呢到裝修唔錯，以木為主既裝修再配埋泰式天燈，好有泰國風格。我地兩個人叫左4款菜式，一款甜品，兩杯特飲。黃金咸蛋鮮海蝦：鹹度適中，蝦肉彈牙爽口，最緊要係超大隻！酸辣鳳爪雜菜沙律：不錯，係預算中既味道，而且有好多隻鳳爪，沙律菜亦都好新鮮！海鮮菠蘿炒飯：好足料又唔算貴，有蝦、青口、墨魚仔，菠蘿夠哂甜，而且有好多乾果喺入面芒果糯米飯配雪糕：呢個真心有驚喜！芒果又甜又多汁就基本啦，但個椰子雪糕係最令我意外，入面有超多椰子粒，好有咬口亦好香椰子味，好食！飲品：得得色色及沙灘少子我飲既係得得色色，係薑啤再加桃同橙，好味！不過略貴。沙灘少子聽朋友講都幾好味，下次可以試下😋😋兩個人食到好飽都係600蚊有找 抵食！ （臨走見到隔離枱食梗既西班牙風乾火腿好似都幾好味，等我下次再試下先😋）

下班相約了好友，去了觀塘一間樓上店的泰國餐館，空間寬敞、座位也舒適～我們點了串燒拼盤，有豬牛雞、蕃茄、菠蘿、蘑菇，肉類夠惹味，保留到肉汁，蝦餅也很香脆～曼谷蝦餅3件蝦餅爽口彈牙，質感有嚼頭～炒金邊粉配咸蛋蝦咸蛋醬雖然邪惡，但如此美味當然是必食啦，金邊粉也炒得每條分明，顏色平均，個人認為加多些芽菜口感更好～馬拉盞炒通菜炒得很有獲氣，沒有多餘水份。熱拉茶，不會過甜過淡清邁瀑布，薄荷葉跟青檸，味道很清新～

近年工廈轉型，進駐了不少食肆及特色店舖，觀塘駱駝漆可說是先鋒，是晚來到這裡的 Add Some Thai Restaurant 食泰國菜。跟許多泰式小店的簡單裝潢與別不同，Add Some Thai 的佈置很具泰式風情，彷如置身泰國。泰皇三小拼沙律 - 有柚子鮮蝦沙律，青木瓜沙律及肉碎生菜包，每款新鮮小份，一次過滿足三個願望。辣椒膏炒蜆 - 不太覺得辣，怕辣人士也可試試，蜆肉飽滿鮮味，加了金不換炒更香。鹹蛋黃酥炸海蝦配泰式炒金邊粉 - 沾上鹹蛋黃炸的蝦酥脆，連殼食還能把鹹蛋黃精華一併品嚐。馬拉盞椰菜苗 - 椰菜苗新鮮爽脆，十分惹味。椰汁芒果糯米飯配雪糕 - 糯米飯充滿著椰香，軟腍煙韌，芒果切片很鮮甜，配上椰子雪糕，相襯美味。來食泰國菜怎少得飲椰青，清甜消暑。沒時間飛一轉泰國，來這裡食泰菜滿足下也很不錯。

這一天收工約了朋友出觀塘吃泰國菜Add some Thai restaurant😬鋪頭座位都好多,環境舒適,裝修都頗有特色。我們點了一份軟殼蟹金邊粉分量十足，味道不錯👍🏻另外還有沙爹雞肉串，豬肉串。比平時食開的串燒都要大,雞肉夠嫩滑，夠入味，不錯。小吃拼盤-有蝦餅，春卷，炸蝦片，雞翅，豬頸肉，雞腳。分量真是好足呀，我們兩個人都吃不完。馬拉盞炒通菜，夠鑊氣。👍🏻👍🏻最後仲有叫左一個甜品，千層糕，十分清甜😋整體來說真係不錯的泰國菜，let’s add some thai😋😋