A.T.A.S

营业中

休息中

📍A.T.A.S📮銅鑼灣邊寧頓街9-11號登龍閣地下C2號舖.A.T.A.S行簡約路線, 無論係排隊, 落單, 取餐同用餐後清理, 都係採用客人自助形式處理.平日晚餐繁忙時間黎到, 已經有唔少人等緊位, 人龍排到去樓梯口, 相信咁多客人等位應該有佢地既過人之處🫣.炸魚片米粉 HKD98開頭有啲擔心炸魚片會太過油膩熱氣, 但食落感覺唔算太油炸, 加上麵粉唔會太厚身, 仍然保留魚肉既鮮味😌另外最出色係個湯底, 見到湯底呈現奶白色已經知道好足料好好味, 身為🐟魚湯控既我地食完碗麵輕鬆就飲哂啲魚湯叻沙 LAKSA HKD98叻沙既湯底非常濃郁, 相信廚師係湯既香料上落過功夫, 出黎既效果做到麵同埋配料都索到叻沙湯既味道🍜叻沙包括左唔少材料, 例如有彈牙既魚旦同魚片, 爽口既蝦仁, 索味既豆卜等等😎私心覺得如果麵既選擇可以加埋滲滲（油麵MIX米粉）就更完美🔥美祿咖椰爆漿吐司 HKD68兩個人食完兩碗麵其實已經飽左8成半, 但真係抵抗唔到咖椰爆漿吐司既魔力, 最後都要加埋佢做甜品😗吐司份量非常多, 有六大舊佈滿朱古力粉同牛油既吐司, 另外仲食得出有朱古力榛子醬同煉奶, 幾款醬配搭埋一齊食落口感豐富

ATAS地址：銅鑼灣邊寧頓街9-11號登龍閣地下C2號舖邪惡到爆也是好食到懷疑人生架ovaline kaya toast. toast.端上來面頭是黑猛猛ovaline粉,望上去唔太靚, 已切開成6件,叉起見到中間厚牛油, KAYA 醬同煉奶, 融化埋香甜得來有D ovaline朱古力味同奶香埋, 個麵包烘得脆身, $68 原本覺得貴, 食完覺得是超好食即變得合理化了。主食鹹食就是食星馬湯麵, 口味款式仲幾多揀添。由常見架LASKA到少見架板都同老鼠粉(香港叫銀針粉)都有。$98 LAKSA有蝦魚蛋豆卜蛋等材料，喜歡個湯夠曬濃郁重椰漿香，米線沾上湯份外美味$88 辣椒麵粉粿是乾麵沒放湯的, 入面有豬肉碎, 吻魚仔, 蔥, 滷冬菇,蛋同菜心。豬肉魚乾碎撈埋板麵一齊好食, 板麵個用湯匙食比較方便。幾舒服的。D野飲幾別架, 又試下新野, 影下相打卡都靚呢!$58 杯ovaline襯返個甜品, 面上有ovaline味穀物脆脆$28 豆漿仙草心麵食有特式，個甜品更是必食

最近見到呢間餐廳有唔少人推薦，比佢個咖椰爆漿燒到我，呢晚就同細佬黎食下好西😋餐廳係自助形式，我地去到果陣好好彩冇人排隊，見有空位就坐低先，之後再去櫃台/自助點餐機點餐。餐廳環境寬落，我地坐到梳化位好正，野食都出得快，質素幾好，價錢亦合理。>叻沙：配料有蝦、魚蛋、豆卜+蛋，湯頭濃郁有陣陣椰奶奶香味，米粉吸滿湯汁，食落幾滋味，D蝦係本身剝咗殼，食落幾方便，魚蛋都彈牙👍🏻>咖哩雞胸麵：呢款用左低溫慢煮雞胸，食落完全唔乾，好似食緊雞柳咁，我將個油麵轉左做麵粉粿，係一塊塊既麵，好似食緊厚版水餃皮咁，幾吸汁，同埋份量好多，我食到好飽，但都係食唔哂😂>咖椰爆漿：見d評價話好甜，但我又覺得就係煉奶+榛子醬+咖椰醬+美祿粉既味，甜度可以接受的，仲有少少花生醬味，鹹鹹甜甜咁幾盞鬼，不過始終都係澱粉，會有少少膩，同朋友share食就岩岩好🥰>美祿爆炸：美祿控必試，美祿上面加左美祿粉+美祿波波，好邪惡，但細佬幾鐘意！>黑白：即係仙草豆漿，唔太甜，仙草香味輕淡，口感滑溜，同豆漿既豆香味幾夾💕

咖椰爆漿 $68多士表面灑滿了美祿粉，3層烘烤之後變成了棕色的多士，咔擦脆響，內側抹上咖椰醬、牛油、花生醬、朱古力榛子醬及煉奶，口感層次豐富，非常邪惡。辣椒板麵 $88油麵上放滿食材非常吸引，半熟蛋、江魚仔、辣椒碎和肉碎等，再以醬油、生抽、蠔油等炒香，撈勻後滋味豐富，麵條口感頗有彈性。辣椒蟹肉醬配炸饅頭 $98將蟹肉剝好並以多種香料調製而成的辣椒醬汁拌炒，醬汁酸甜中帶有微微蛋香，搭配炸饅頭外脆內軟，多層次味道。班蘭奶茶 $30奶茶入口順滑，茶香濃郁，帶點淡淡的班蘭甜味。酸梅青檸水 $28味道酸酸甜甜，消暑解渴又解膩。

📍 A.T.A.S 銅鑼灣邊寧頓街9-11號登龍閣地下C2號舖 🦔⸒⸒咖椰爆漿 $68呢款小食雖然邪惡 但係真係好好食🥺上面有好多美祿粉 中間仲有朱古力醬、牛油等食落去朱古力味濃郁😍 甜甜地咁 當甜品食！板麵乾 $68小編比較鍾意食拌麵！所以就叫咗呢一款😆板麵嘅麵係比較闊身 食落去軟硬適中 幾有咬口🐒仲有豬肉、炸江魚仔、滷冬菇、菜心、炸蒜同蔥拌成😍食落去鹹鹹地 但係唔會太重口味！板麵粿湯 $78豬肉丸、炸江魚仔、滷冬菇、蛋、菜心同炸蒜鋪喺面 而且份量都好多🤤最鍾意炸干魚仔！又脆都幾大條😆 湯麵食落清甜又彈牙美祿爆炸 $58鍾意美祿嘅一定一定要叫呢個😂 飲落去美祿味超級濃郁！上面有唔少美祿波波 仲有美祿餅同美祿粉擺面🤤 好好飲玫瑰露 $28成杯粉紅色好啱打卡！飲落去玫瑰味都香濃🔖 @atas_hk

📍 A.T.A.S 辣椒蟹肉醬配炸饅頭 $98一共有4件 饅头外脆內軟 點蟹肉醬食一流🤤辣椒蟹肉將食落去都好惹味！仲要啖啖都係蟹肉😍 鍾意食辣嘅一定要試吓！炸魚片米粉 $98粗米粉配炸魚片、白菜、蕃茄等 湯底係魚湯～ 食落去好鮮甜、奶味香米粉彈牙 炸魚片嘅份量都唔少🥰肉脞麵 $88食肉獸揀呢款麵就啱哂🤣 有肉脞、豬肝、魚蛋、滷冬菇、豬油渣同有醋生菜🥬 配料一樣咁豐富 但係多咗肉類😆 湯底係自己倒上去 等啲麵唔會咁易發脹美祿爆炸 $58有美祿波波、美祿餅乾同美祿粉🤤 好香朱古力味 好飲！黑白 $28其實佢係豆漿加仙草嘅混合版 飲落去都甜甜地咁大家有興趣嘅可以碌落下面睇店舖詳細資料✨地址：銅鑼灣邊寧頓街9-11號登龍閣地下C2號舖

上次經過邊寧頓街見到好多人排隊望望個餐牌已經被咖央多士深深吸引小清新設計嘅鋪面 加上半圓形嘅卡位係幾舒適 不過當日就咁啱無緣坐 坐咗係近窗邊嘅吧枱位🥪Kaya Overload 咖央爆漿 ($68)一直以為係熱食 就逼不及待夾起咗一舊咬點知原來係凍食😂 多士烘到乾脆 花生醬喧賓奪主 令咖央醬嘅味道頓時無咁突出唔知點解朱古力往往都係花生嘅好朋友 立刻平衡返花生醬嘅味道因為落咗牛油🧈 口感又提升咗 不過食食下就膩 建議同返2-3個朋友仔一齊share 就最好🍲Mee Hoon Kueh Dry麵粉粿乾 ($68)第一次食麵粉粿乾一粒粒咁 好似薄款年糕咁但又唔係太煙煙unun 嗰隻wo 黑醬油用來調味 加上魚仔蔥豬肉炒埋一碗🍜Fried Fish Slice Bee Hoon 炸魚片米粉 ($98)食完啲重口味嘅 諗返啖湯就最好不過呢個魚湯清清哋 配上白菜仔番茄炸魚片食落好fresh 新加坡嘅米粉原來係米線嚟 煮得啱啱好 唔會太硬 🧋Pandan Milk Tea 斑蘭奶茶 ($30)飲品略為有啲淡 可能水比例調配太多 失色咗些少😌🍸Plume Limau 酸梅青檸水 ($30)解渴解膩

相信大家都喺ɪɢ見過依個咁邪惡嘅爆漿咖椰多士，我哋都唔執輸去試吓。.辣椒板麵 $88辣椒板麵係馬來西亞🇲🇾出名嘅菜式，配料有江魚仔、滷冬菇、肉碎同流心蛋🥚，江魚仔炸得好香口，同參巴辣椒醬好夾。參巴辣椒醬份量都幾多，都有啲辣，記得撈勻先食。ᴀ.ᴛ.ᴀ.s嘅板麵比較粗身，似刀削麵，亦都好掛汁，👩🏻認為都似喺馬來西亞🇲🇾食到嘅風味😋。.辣椒蟹醬配炸饅頭 $98蟹醬🦀好大碗，食到絲絲蟹肉，配炸饅頭都幾好食，但就嫌當日食嘅蟹醬比較稀身。同埋建議大家叫個飯或麵撈埋個蟹醬食，因為只得四個饅頭一定會食剩啲蟹醬😂，唔好做大嘥鬼丫嘛。.咖椰爆漿🥪 $68嚟到ᴀ.ᴛ.ᴀ.s必點嘅多士！同其他餐廳唔同，佢係有三層多士，夾住咗咖央醬、牛油🧈、朱古力榛子醬、煉奶、花生醬，面頭仲有滿滿嘅美祿粉，爆高卡路里🐷。叫依個多士嘅時候一定要搵多一兩個朋友sʜᴀʀᴇ，👨🏽‍🦱食咗一嚿就頂唔順啦🤪，👩🏻就覺得味道係幾好食嘅，但就唔夠脆，最後食剩咗我哋拎返屋企用氣炸鍋焗返脆佢再食。.斑斕奶茶🥤 $28斑斕奶茶就正正常常，用嚟解辣幾好。.整體味道偏重口味，我哋叫咗以上嘢食都唔係好食得晒，建議搵多一兩個朋友一齊sʜᴀʀᴇ。餐廳喺ᴊᴀᴍ

銅鑼灣 - 《A.T.A.S.》📍 A.T.A.S (銅鑼灣)銅鑼灣邊寧頓街9-11號登龍閣地下C2號舖呢間星馬餐廳係自助形式自己搵位自己斟水自己落order自己拎餐所以相對價錢係比較合理╰(*´︶`*)╯♡menu食物選擇唔係好多不過樣樣都係特別同吸引既💙餐廳環境都幾靚幾清新有打卡位！肉脞面 (💰88)有3款唔同既麵選擇我地揀左最signature既老鼠粉上面既配菜好豐富(๑>◡<๑)(肉脞，豬肝，魚蛋，滷冬菇，豬油渣，生菜🥬)上面好似炸雲吞既原來就係肉脞食落同炸雲吞係一模一樣但係肉就比較多同實🤣成碗麵個湯底隻味幾惹味偏重口味辣椒蟹肉醬配炸饅頭(💰98)呢個主食不得了～超級好食同有驚喜！個饅頭炸得十分香脆，一啲油膩感都冇🌶️個醬係有少少辣有唔少蟹肉係入面蟹🦀️味好鮮鍾意食蟹嘅朋友一定唔可以錯過啊個醬就咁食就比較鹹配埋炸饅頭又幾夾既！個人覺得夾飯同麵都好可以🫶🏻薄餅炸彈(💰38)好推薦呢款甜品～性價比好高外皮好脆，咬落入面就好煙靭有少少似泰式香蕉煎餅不過上面就係淋上咖椰醬同煉奶係比較甜既🧡2-3個人share岩岩好凍咖啡祿(💰28)美祿加咖啡係絕配咖啡中和左美祿嘅甜味🥰成

新fusion 星馬菜、不但只食品様靚、有特色、還好好味！沿樓梯轉上閣樓，環境清新寬躺、木係枱櫈配上綠色、非常配對！適合四人聚腳地，有幾張半圓椅的圓檯！星馬菜必食、叻沙、湯底濃，配料多，yummy yummy🙂炸魚片米線有驚喜😊炸魚片有特色、湯底夠清甜🤣辣椒板面$88唔錯嘅選擇！辣椒蟹醬配炸饅頭$98都唔錯！咖椰爆漿$68；超甜但都好好味😋用自助方式經營、適合中午繁忙時段(銅鑼灣）似快餐店🤔🤔

今日收工想食重口味嘅野，忽然想食個南洋晚食。鑑於早前都食過天天海南雞同蘇媽蘇媽，有點頭痛唔知有咩新意。然後openrice搵到呢間好似幾似樣，去左一試。叫左最新加坡style嘅食物 - 喇沙、咖央多同拉茶。幾樣都好傳統南洋風，尤其喇沙，咖喱味同椰漿balance得唔錯，唔會死鹹或者過甜。咖央多個醬無得輸，多士乾身，唔錯唔錯！至於拉茶，新加坡嘅style都算傳統，多少少椰奶可能會啱我飲多d，下次可以落單留意先！

This new restaurant indeed draw a lot of attention recently by media influence. Then we decide to try it before many people line-up in front of the resutrant.We had ordered the followings: 1)$68Mee Hoon Kueh (dry) It was a bit salty, and no good for me. The size of the bowl was quite big and no need to doubt its quantity. Yet, it did not taste good as described. The ingredient were in little portion and hard to pick it. Hence, I would not recommend this to you. 2)$78 Prate with Curry (add Chick

近排見到有人推介，睇相都好吸引，就約咗friend一齊去食。我地都係馬來西亞人，而且睇相係真係好似我地本地會食到嘅樣，所以對佢期望好高。但最後，佢令我地失望咗。帶定頭盔先，我冇去過新加坡，所以冇食過新加坡本地嘅食物，以下評論全都係基於馬來西亞嘅口感同味道而發。我地嗌咗清湯麵粉粿、chilli板面，kaya overload同rojak。佢d湯同乾撈調味喺好食嘅，衰就衰在麵本身 —— 軟到極致！令食物減咗好多分……（嬲爆）如果麵係韌嘅，佢絕對會好好食。令人意外嘅係，清湯麵粉粿入面d肉丸嘅口感都唔得——肉丸係粉粉嘅口感……接受唔到囉kaya overload嘅味道就唔講啦，但又係衰喺口感。本身以為toast過嘅麵包會有d脆脆地，然後又甜甜咁會好好食……點知，又係軟軟地。haiz…Rojak口感就冇咩大問題，因為大多數都係生果。油炸鬼雖然唔脆，但還可以接受。我地覺得個醬唔夠多，而且唔知點解，個醬比較水，就冇咁好食。我地就習慣個醬都會比較結（濃稠），然後可以包圍喺生果周圍，就重口味d。ATAS嘅醬，味道係我地熟悉嘅味道，但就係水咗d，淡咗d。可能新加坡嘅醬濃稠度唔同。飲品方面最值得推介嘅喺bl

無意中發現到呢間餐廳所以決定黎試一試去到嘅時候滿座需要喺門口排隊，但呢度係唔會派飛，所以當見到有人走佐就自己行入去坐底，落order 方面係自己去售賣機度買，收到通知食物ready就自己去出餐位度拎因為得2個女仔怕食唔哂，所以叫佐一個麵同多士發現已經好足夠🍜主食：辣椒板面黎到覺得板面其實有d似刀削麵,面主要有豬肉碎，魚乾仲有辣椒醬，咁睇好似好普通但係成個汁撈埋好好食，辣辣地又好鬼香😚🍞甜品：咖椰爆漿其實今次最大目標都係想食呢個，好彩確實冇令我失望多士入面夾雜着牛油花生醬仲有大量朱古力粉曬係上面，黎個組合好難可以唔好食建議2個女仔嚟食真係一個主食再加多士已經好足夠，仲要有定心理準備要做返好多運動還債😂😂

又係另一間ig曝光率好高嘅餐廳！次次都俾佢嘅阿華田爆漿多士吸引咗，就嚟試下佢究竟有幾好食🤣呢到嘅環境同我想像嘅有啲落差，相睇似係instagrammable嘅cafe setting，但其實裝修相對簡陋，而且仲係快餐店形式，要自己先去counter俾錢，然後自己捧餐埋位，俾我再揀會買外賣🤣喇沙勁深色嘅一碗喇沙，顏色已經話咗俾我知呢碗嘢會係幾咁濃味🤣出面坊間某啲星馬菜鋪頭係會落好多椰奶，但呢度係多香料，所以相對地會比較濃同辣。入面嘅餸係多嘅，有好多粒魚蛋同魚片，兩個人食都夠👍辣椒板麵第一次聽板麵，望落去似台灣手工麵。面頭有好大pat嘅辣椒醬，驚死唔夠辣🤣同埋麵係有用醬汁煮過嘅，加上面頭有隻蛋，就算冇其他餸其實成道菜都好漏下，我一個女仔係食唔哂😂辣椒蟹膏配炸饅頭好少試煉奶以外嘅炸饅頭配搭🫡蟹sauce好richy，真係有好多蟹肉喺入面，但多一至兩嚿饅頭會更好🤣食到最後係乾食緊個蟹膏🫡🫡總括而言，覺得成餐飯都食咗好多油落肚，試一次係OK嘅，但應該會隔一排先再考慮食第二次😂