8Five2 Restobar

营业中

休息中

如果話2020年好難出去食飯，但係係可以出去食飯嘅餐廳裏邊，揀幾間我特別推介嘅，相信係呢間8five2 Restorer。佢嘅地方喺天文臺道，喺韓國街隔離，好易搵到，門面好大，坐得好舒服。而且食物真係一絕一流，全部都好食，喺墨西哥人煮嘅墨西哥菜，全部都好正宗好好食。吞拿魚沙律前菜 - 一開波有個用乾冰做底嘅裝飾嘅吞拿魚沙律前菜，好好食好開胃，一開始就咁有驚喜，嚟緊落嚟嗰啲仲更加好食。炸魷魚 - 新鮮嘅海鮮炸起上嚟特別好食，一般餐廳會用啲唔新鮮嘅嘢拎去咋，掩蓋咗佢唔新鮮嗰隻味道。但係呢間好有用心事，用咗新鮮嘅魷魚炸出嚟特別彈牙。黑豆豬肉腸湯 - 呢個湯喺墨西哥啲人係用嚟當主餐即用，因為食完之後都會好飽，但係香港佢嘅份量唔多，用來做餐湯真係一流，好好飲，佢啲黑豆同埋豬肉腸嘅味調配均勻，十分之有驚喜。炸魚塊墨西哥玉米餅 - 玉米餅喺墨西哥成日都食到，呢間舖頭都係做得十分之好食，唔單止賣相好靚，仲要好好食，又香又脆，又新鮮。十分滿足。墨西哥卷餅，牛油果加黑豆 - 去到依度都唔使講，啲嘢係色香味俱全，雖然叫咗好多嘢食，但係佢每一個份量都唔會好油膩，以致繼續食就令我大飽口福。要知道平時出街食飯係2

今日同朋友黎到食午餐，選左墨西哥餐廳，首先環境感覺好好，乾淨又有情調！我地先叫左一個前菜，吞拿魚伴厄瓜多爾醬，一食落口，感覺好fresh,好開胃，而且啲吞拿魚就切到一粒一粒咁樣，方便又易食，而且仲有啲煙係個底都冒出嚟，好有特色，好有心機！之後叫左墨西哥脆玉米片，而肉方面選左雞肉，d玉米片好脆卜卜同香口，雞肉就好滑嫩，加上d醬料酸酸辣辣，好好味，岩哂我！重有一個係叫左墨西哥卷餅，當中嘅餡料係牛油果加黑豆，牛油果夠健康，加上黑豆，一個新鮮既配搭，d黑豆一d都唔硬，咬落口剛好，加上份量好足夠，食到好飽，好滿足！

經過天文臺道發現這間充滿墨西哥風情的餐廳，相當有情調！Tuna ceviche，上桌時配合乾冰營造夢幻感覺，吞拿魚刺身加上青瓜、蒜蓉及香草，用料豐富整體清新。點了一份鐵板燒春雞，經調味的烤雞不乾柴Tortilla加入烤雞肉，再配上特製的sour sauce、牛油果醬或蕃茄醬一併享用。個人偏向喜歡牛油果醬，質感香滑，層次豐富，健康之選。雞肉Burrito，份量足夠二人share，餡料非常豐富，米飯經調味，洋蔥、青椒及Jalapeno，一啖咬落去極為惹味個人都幾喜歡墨西哥菜，餐廳氣氛不錯，訂座仲有折扣，頗適合拍拖或跟朋友聚餐

平時食得太多中日餐，好耐無食過墨西哥餐，所以去尖沙咀嘅 8Five2 Restobar 食番餐先 前菜係Tuna Ceviche 吞拿魚伴厄瓜多爾醬 $108呢道菜睇個樣就覺得好靚，用玻璃瓶放好，中層放咗乾冰，好似仙境咁；瓶內有吞拿魚🐟牛油果🥑紫洋蔥🍅蕃茄🥒青瓜、菜苗、墨西哥醬汁；辣辣地加上吞拿魚鮮味，食落有層次感，開胃前菜 Chipotle Chicken Tacos $118辣椒雞墨西哥粟米片🌮入面有辣嘅雞絲、生菜、有種橙色醬料，帶有少少辣，食嘅時候加埋青檸汁，味道變得酸酸辣辣🌶好特別 ChimmichurI Shrimps Nachos 金明蝦 $118配襯紅色及紫色粟米片，脆卜卜好好味，仲有辣椒🌶蝦🦐好多蕃茄肉🍅墨西哥香料、芝士醬汁；伴有牛油果醬🥑sour cream Lemon & Ginger Tea $42茶包茶🍵清新檸檬味 + 薑味，飲完令胃部暖笠笠 Long Island Iced Tea $98一杯酒🥃外觀嘅顏色睇落似一杯茶，味道甜甜地，仲有香濃酒味 8Five2 Restobar - 尖沙咀尖沙咀天文臺道8號地下2號舖

我男朋友話，自從喺美國返嚟都好耐冇食過墨西哥野，今日就去咗尖沙咀呢一間墨仔餐廳。Appetizer 叫咗個生蝦配厄瓜多爾醬，食得辣嘅人一定會好鍾意。上菜嘅時候，碗底仲有煙燻焗住啲蝦，好香，口感都好豐富，配上青瓜同紫洋蔥，味道似泰式生蝦。之後仲叫咗個炸魷魚，記住一定要點埋佢個Salsa 醬，好好食。炸魚Taco，極力推介。炸魚好香脆，配上佢個醬汁，再吱少少青檸汁，配搭好好。雞肉 Enchiladas , 有好多好多好多嘅芝士，見到都開心。味道方面，茄汁加雞肉加芝士包埋一齊，辣辣地又夠哂飽肚。overall都幾推介呢度同朋友飲嘢同食墨西哥菜，成個環境播住啲西方音樂，好chill. 雖然今次冇黎試佢嘅飲品，但下次一定會試吓佢啲Cocktail。

餐廳裝修得很浪漫，有個好靚的酒吧。播放住輕快的音樂，加上首次食墨西哥菜，心情特別興奮。前菜好特色，有兩層的，店員拿起上層，下層的煙就霧出來。上層放了吞拿魚伴厄瓜多爾醬，吞拿魚好鮮甜，有些香草味，個醬汁真係好好味，辣辣地，有Wasabi味道。雞肉墨西哥脆玉米片，雞肉暖暖地，醬汁有啲芝士味，伴左脆脆玉米片，沙律菜一起食，好好味。最啱飲兩杯時食。辣椒蝦墨西哥卷餅，外層薄餅煎香了，辣椒蝦好爽口，醬汁有芝士及香料味，還放了飯和蔬菜，這個墨西哥卷餅好驚喜。餐廳氣氛好好，服務又好，墨西哥菜我都鍾意，今晚很滿足。

這間食墨西哥菜的酒吧位於尖沙咀比較僻靜的天文臺道，環境很Chill很relax, 侍應們都是墨西哥人，感覺很地道，但略討厭餐枱比較細，放滿食物就比較迫。餐牌全是墨西哥最出名的菜式，Nachos, Tacos,  墨西哥卷，餡餅，酥餅等，另有前菜，沙律及小食。跟朋友來邊食邊飲啤酒就最好不過。前菜點了個吞拿魚伴厄瓜多爾醬，上枱後侍應會打開玻璃瓶，將下面煙燻的香味散發出來，很有睇頭。吞拿魚份量都頗多，配上脆口青瓜碎粒，洋葱碎，撈上微酸小辣的醬汁，很清新開胃。雞肉墨西哥脆片，份量大大碟，薄而脆的紅色,紫色墨西哥脆片配上雞肉及淋上溶溶的芝士及辣椒粉，色彩繽紛，沾上牛油果醬及酸忌廉，味道不錯。豬肉絲加勒比海醬的墨西哥酥餅亦是我最愛，四大件烘得香脆的烤薄餅夾著滿滿的豬肉絲，芝士，青椒粒，洋葱粒，很豐富，可配上牛油果醬，蕃茄醬及酸忌廉。餐廳是間酒吧，提供很多款酒類，但今日下午只來杯咖啡好了。

工作的繁重無限輪迴，一到週末必須放空。運動後在尖東附近見到此墨西哥餐廳酒吧，決定好好放鬆用膳。經理侍應有禮，但節奏較慢，心急之人如區區實需調整，就當自己身處外地。前菜吞拿魚伴厄瓜多爾醬，充滿煙燻香，加上青瓜、洋蔥等增添清爽口感，微辣開胃。豆泥tacos香脆，加入濃郁芝士醬料，配合青檸和芫茜的清爽，令人大快朵頤。雞肉粟米饀餅十分足料，雞肉以各式香料炒香，加上半溶芝士和辣茄蓉，惹味又飽肚。另點的炒雜菜亦有驚喜，以孜然等把各種瓜類炒至軟稔，非常入味。這裏氣氛令人放鬆，食物高質，大推。

今日送完囝仔去科學館之後就同老公撐枱腳，想搵個睇到車嘅地方 chill 吓，心裏不期然諗起上次老公帶過我嚟嘅呢一間 8Five2，餐廳位於天文臺道，擺架車喺對面馬路，坐出少少就望到，非常方便。餐廳裝潢格調高雅，一入門口右手邊係一列長形嘅 bar 枱，bar 枱以黑色同金屬色為主調，盡顯型格。左手邊係一道有如青草一樣嘅綠化牆身，盡頭係一個透明嘅大燈箱，充滿 chicago musical 嘅意味，旁邊有一幅栩栩如生嘅大頭畫作，唔知點解硬係覺得佢係 capture 自一段澎湃嘅 flamingo，可能真係好有動感。餐廳連比較偏門嘅墨西哥 Enchiladas 同 Burrito 都有得食，不過伴侶想食番啲大路嘅，就揀咗 nachos 啊 tacos 啊咁。Salmon Ceviche 三文魚伴厄瓜多爾醬，呢一道菜嘅賣相非常精美，有兩層玻璃杯裝住，喺第一同第二層之間放有乾冰，感覺騰雲駕霧。材料有三文魚、牛油果、紫洋蔥、青瓜、 菠蘿同埋蕃茜，新鮮三文魚嘅鮮味同個酸酸甜甜嘅醬汁，令人非常開胃。Chicken sliders 雞肉串，初時睇佢個 menu 嘅中文仲以為係雞肉串燒，點知原來係烤雞肉絲

墨西哥給你的印象是什麼？有沒有想過墨西哥同日本魚生crossover係點嘅？今日我經歷到！天文台道有一間約開了一年的墨西哥餐廳吧。👀環境：坐位有室內及室外的，座枱之間空間充足，沒有侷促的感覺，是一個好友相聚的好地方。🤵服務：侍應生也很有禮貌，安排坐位後仔細解釋餐牌。我們選了吞拿魚伴厄瓜多爾醬丶雞肉墨西哥脆玉米片丶羊肉伴厄瓜多爾醬丶西瓜牛油果伴羊乳酪及西柚迷迭香冰茶。吞拿魚伴厄瓜多爾醬:這是墨西哥遇上日本的一道美食。新鮮的吞拿魚生粒伴著青瓜碎粒，配上微酸帶辣的醋汁，想不到的美味，那醋的酸味，剛好趕走了魚的腥味和青瓜的青澀味，林林的魚肉夾著爽口的青瓜，十分開胃！那美食盛載在一小玻璃器皿內，而外面的大玻璃杯底部有一小執的草和一小塊正燃燒着的炭，看起來煙霧離漫在杯子內，有一種神秘的感覺。而這煙霧散發了杯內食物香味。值得推介！👍西瓜牛油果伴羊乳酪：放在桌上時像是平平無奇的樣子，小盤子內堆著西瓜粒丶牛油果粒丶羊乳酪粒及點點紅紅的番石榴。吃一口，竟含有微酸中帶甜的感覺！醋汁雖是酸的，但跟充滿水份的西瓜丶牛油果粒一起吃，竟抵銷過酸的感覺，甜味原來來自小小的番石榴粒，，再加上羊乳酪，真的不只勝了味覺，也

中西日韓，食到有啲厭啦😅😅經天文臺道見到Starbucks隔離間8five2好大好靚，感覺好chill 🥃🍻🍺🍴墨西哥菜未試過，一於試吓啦🥰🥰地方好大，裝修都好靚，感覺好relax，梗係要chill 下拉Stella Happy Hour好抵飲呀😝😝chill 一chill 先😍😍牛油果🥑多士 熱辣辣脆卜卜，多士配上滿滿嘅牛油果加上醬汁，好Fresh 又好味😋牛油果控一定要試呀🥳墨西哥酥餅揀咗辣椒雞，好靚呀仲有沙律配菜，四大快，仲有自家製三個醬，各有各特色👍炸魚塊墨西哥玉米餅🍘有啲炸魚薯條feel😂😂用墨西哥玉米餅包住魚塊加上青檸，口感即刻唔同晒，yummy yummy 😋 雞肉墨西哥脆玉米片色彩繽紛好靚呀🤩🤩而且仲好大碟，加上辣橄欖片，雞絲配辣醬，一齊食口感一流！邊食邊飲啤酒非常match🍻🍻環境好靚，第一次食墨西哥菜原來好食又得意喎！放工飲嘢多一個好選擇🥳🥳

因為工作需要，常常會經過天文臺道，而那邊的墨西哥餐廳令人印象深刻。先說裝修，鮮有的外國風情，客路不止是一眾返工西裝打工仔，更多的是外國人。尤其要提及邊吃邊播的輕快音樂，教我愈吃愈起勁，實在是心情愉快的夜晚。再說，連餐牌食物也不少選擇，很多卷餅亦是我心儀的香辣首選。門外員工友善，上菜快手。吞拿魚伴厄瓜多爾醬份量不少的前菜tuna，配爽口青瓜粒夠清新，厄瓜多爾醬很獨特，醬料有用辣椒🌶️，當中又帶少少芥辣味，有點洋蔥🧅微辛，酸辣開胃。吞拿魚刺身切得大粒整齊均一，肉質無筋，鮮味十足，令人食指大動，超醒胃。香辣羊肉墨西哥玉米餅充滿香料芬芳，充斥着舌頭👅，簡直是挑戰味蕾，每口羊肉，都是份膻軟的享受。玉米餅質感軟熟，唧上青檸汁後，顯得羊肉味道更加突出，滋味無窮。豬肉辣醬玉米餡餅賣相一絕，由芝士酸忌廉手撕豬肉及墨西哥辣椒等材料卷成的薄餡餅，用熱盤子盛上，挺耐熱。內涵豐富實在，有酸豆角的質地，脆爽輕盈，豬肉一點肥膩感也沒有，口味剛好不過火。原來墨西哥口味一點也不重，反而食到原材料的天然，尤其醬汁，使食物推上更高的層次。咸焦糖芝士蛋糕擺盤漂亮，沒有將價就貨，不是迷你的size，份量恰當。餅底不厚實，芝士柔滑

之前有嚟過呢間墨西哥餐廳，d嘢食好好味同好特別，趁住周末假期特登再嚟回味下。 鷄肉墨西哥脆玉米片Buffalo Chicken Nachos ($118)Nachos係食墨西哥菜必點嘅菜色，卜卜脆嘅玉米片加上本身酸酸甜甜嘅芝士醬汁，再點上伴碟兩大碗嘅牛油果醬同酸忌廉，食落非常開胃。鷄肉灑左少少辣粉，令味蕾又有另一種刺激。呢度嘅玉米片唔係平時食開嘅黃色，而係有紅色同紫色兩種，未食只係睇賣相都覺得好吸引。 炸魚塊墨西哥玉米餅Crispy Fried Fish Tacos, Chilli Lime Seasoning ($118)Tacos 都係另一種經常會點嘅墨西哥菜，今次我地揀左炸魚塊做餡。雖然係叫做炸魚塊，但其實唔太熱氣，亦唔會厚炸粉。薄薄嘅餅皮夾住好厚肉嘅魚塊同爽脆菜絲，配少少醬汁，再擠少少青檸汁，簡簡單單，但別有風味。玉米餅用個金屬架晾起，望起嚟更加立體同飽滿。 羊肉伴厄瓜多爾辣醬玉米餡餅Lamb with Ecudurian Enchilada ($148)呢道菜一嚟到已經令人流晒口水，兩捲烤焗到漲卜卜嘅餡餅上面鋪左一層金黃色香噴噴嘅芝士。切開餡餅聞到好香嘅羊肉味，肉餡好足料，咬

突然好想飲杯啤酒，就去了尖沙咀8Five2 Restobar。今晚早到，仲有Happy Hour添！餐廳裝修幾有特色，環境幽雅，坐得舒服。先叫了碟辣椒雞墨西哥玉米餅，玉米餅好香脆，微辣嘅雞肉加上牛油果醬相伴送酒真係一流！覺得味道好好，再叫了豬肉墨西哥卷餅和青檸蝦辣醬玉米餡餅。卷餅外皮弄得焦香有咬口，豬肉餡料味道特別亦有肉汁，加上size頗大，裏面亦有少許飯粒，食落美味但都幾飽肚。至於青檸蝦米餡餅香香的外皮咬落煙韌，蝦肉爽口醬料配搭得宜-正。有這些佳餚和我最喜歡的Stella啤酒作晚餐，真是夫復何求！值得一讚嘅是餐廳職員非常有禮貌兼且服務殷勤。餐廳衛生情況亦都非常理想。真是食得開心，飲得放心。

喜歡搵唔同口味的我！今次去尖沙咀睇睇有冇新意的美食！行下行下，經過一條橫街天文台道！見到有間鋪招牌好特別，有條紅辣椒仔名叫8Five2！剛好適合搵新意美食啲我！外觀好明顯係酒吧，但藏有墨西哥美食！高大威猛的店長推介左呢個前菜名叫吞拿魚伴厄瓜多爾醬。好靚，配搭好新奇！飲品必定要啤一啤啦，sex on the beach,名好特別，但賣相就有啲似橙汁。墨西哥餐當然少不了spicy lamb tacos,味道好清新，而且好靚配搭，特別在醬汁，令到更加好味。Pulled pork quesadillas 食呢個必須要點佢的醬，熱熱的外面脆脆的，咬落個肉汁鎖住起度，好正好滿足！整體來講適合追求不同口味的客人嘗試！值得推介！