8Five2 Restobar

营业中

休息中

我男朋友話，自從喺美國返嚟都好耐冇食過墨西哥野，今日就去咗尖沙咀呢一間墨仔餐廳。Appetizer 叫咗個生蝦配厄瓜多爾醬，食得辣嘅人一定會好鍾意。上菜嘅時候，碗底仲有煙燻焗住啲蝦，好香，口感都好豐富，配上青瓜同紫洋蔥，味道似泰式生蝦。之後仲叫咗個炸魷魚，記住一定要點埋佢個Salsa 醬，好好食。炸魚Taco，極力推介。炸魚好香脆，配上佢個醬汁，再吱少少青檸汁，配搭好好。雞肉 Enchiladas , 有好多好多好多嘅芝士，見到都開心。味道方面，茄汁加雞肉加芝士包埋一齊，辣辣地又夠哂飽肚。overall都幾推介呢度同朋友飲嘢同食墨西哥菜，成個環境播住啲西方音樂，好chill. 雖然今次冇黎試佢嘅飲品，但下次一定會試吓佢啲Cocktail。