8鍋臭臭鍋 (金巴利道) (已結業)

喺尖沙咀一街日本料理、韓式燒烤中出現新口味！雖然未喺台灣食過臭臭鍋，比較唔到正唔正宗、地唔地道😅 但食物質素唔錯，而且份量幾大，好多料。我地三人同行，點了兩個餐廳推介的火鍋，一份鹽酥雞，三杯台式飲料 (*餐廳沒有要求必須一人一鍋反而令我覺得意外) 咁樣我地岩岩好食得哂，不會浪費。慶祝生日飯自備左生日蛋糕 **唔駛切餅費，抵讚 👍6:30到唔駛等位，7點多開始出現人龍。用餐時限為90分鐘 ***但沒有特別驅趕食客。侍應好忙，上餐時間有啲耐，但喺咁忙嘅環境，侍應服務質素仍然好唔錯。整體而言，值得去試下！

今日好滿足，因為寶貝帶我去食好東西 一人一鍋，仲要係嗅既我叫左招牌臭臭鍋，啲湯飲落真係臭架，好搞笑，其實係臭豆腐既味，我覺得應該係因為內有台式臭豆腐，食落真係幾臭，不過我接受到。 內有好多配料，好大鍋，感覺好抵食，啲菜好入味，有鴨血告，米血告，口感煙韌，好多豬肉片，仲有粉絲，真係食到你飽。佢仲有三種醬料可以自己lo黎點有蒜蓉，豆瓣醬，沙茶醬都好正我地仲另外加錢要多碗滷肉飯，哇，好台灣呀，好好味，雖然肥告多了些，不過就係因為有肥告先好味，夠多汁，唔乾身，開頭仲宜為好細碗，點知都不少，正呢度風味俾我有係台灣既感覺，不錯不錯，服務都不錯，仲有幾款不同台式飲品，好大杯，飲唔晒都可以拎走飲。 今天肚子又很滿足了

冬天就是瘋狂打邊爐的季節，但兩個人的午餐突然想又有甚麼選擇?一於去叫一人一爐的自私邊爐。 起初以為臭臭鍋應該只吃臭豆腐，誰知有八款不同的臭臭鍋任君選擇，有芝士牛奶鍋，台式麻辣鍋，香蒜牛肉鍋，酸辣羊肉鍋，沙茶牛肉鍋和蕃茄蔬菜鍋，而午市套餐只是$88，包一碗白飯和一杯$28以下的飲品，非常超值。 藥膳羊肉鍋 我點了藥膳羊肉鍋，湯底食材包括羊肉，翡翠魚豆腐，台灣貢丸，沙白，炸枝竹，凍豆腐，金菇菜，名門卷，粟米等等，湯底味道帶點藥膳味，但沒有羶味。台式貢丸爽口彈牙，翡翠魚豆腐跟粟米都吸盡湯底的味道，加上墊底的大白菜、金菇，有肉有菜，幾健康。 招牌臭臭鍋 朋友點了招牌臭臭鍋，湯底食材包括有米血糕，大白菜，臭豆腐，蕃茄，台灣貢丸，沙白，炸枝竹，豬肉片，大腸，豬紅，榨菜絲，粉絲等等，非常豐富。 百香果綠茶和招牌奶茶 可惜沒有百香果核，否則更佳。 午餐打邊爐，飽到連晚餐都吃不下。

朋友話推薦我去食間台式火鍋，話好正主打招牌臭臭鍋，叫我一定要留個肚去食。台灣就只有去過一次，其實我還沒有試過臭臭鍋，既然佢話好食，就跟佢去試一次，順便行下街。一去到就人山人海，已經有好幾檯人在等，我地兩個立馬去拎排號，都要幾個字先入得去附近都算多餐廳，但唯獨佢特別旺場，睇黎應該都名不虛傳，個個先走黎食一坐低就馬上叫鍋，因為實在太多人，晚餐時段每人限90分鐘，我自己就點左芝士牛奶鍋，朋友就叫左招牌臭臭鍋。隔離有5款醬料，就是Menu教你如何調配完美比例的調味醬汁，不過我就每樣各落了1匙，結果蒜蓉味好重但又好香另外我地仲叫左個鹽酥雞小食兩份Share，鹽酥雞唔係平時個種，反而係帶香茅味的，雞比較大件，裡面雞肉係比較嫩身而且仲有肉汁，但我自己都係比較鍾意食再熱氣D既重口味版鹽酥雞主角到了，整個鍋連火爐一齊上，火爐係用啫喱蠟燭，比較快易熄，不過因為鍋裡面的煮物其實一早煮好了，除非是有另外加點配料的，就可能需要向店員再加蠟燭重點一次火鍋火鍋裡面配料真係超多，難怪朋友要叫我留肚，一個鍋我根本吃不下，細食既女士可能兩個人Share比較適合，價錢亦更加抵。火鍋還有跟一碗飯，其實可以自己選要飯要麵或者要

同男朋友收工好肚餓，就嗱嗱聲去搵野食。未行到店內就已經傳出了濃濃的臭豆腐湯底味，果然係名副其實的臭臭鍋。入去之後我馬上落單點了一個招牌臭臭鍋，湯底有非常濃香的台灣臭豆腐味，一個小小的鍋竟然鋪滿了層層的餸菜，包括大白菜、豬肉片、臭豆腐、貢丸、大腸、豬紅、鵪鶉蛋、番茄、炸菜絲、韭菜、金菇等等。仲有粉絲添！個鍋一到都係試試個湯底先，濃香的臭臭味慢慢進入喉嚨，逐漸滲出了獨特的味道。個set可以選擇配飯或粉絲，本身個鍋都有粉絲，咁就再加碼多份啦！食既時候都可以點佢放係枱面d醬汁，分別係豆瓣醬、沙茶醬、豉油同蒜蓉，係menu都有建議返個完美比例。之後點了一個百香果紅茶，茶味夠濃，帶着百香果的香味，不太濃也不太甜，恰到好處呢！

通常打邊爐 都係夜晚既活動🤔前幾日心血來潮 見天氣凍凍地 好想一個人晏晝去打邊爐🙈於是見上網有介紹哩間 睇落餐牌唔錯就去咗試💕 平日晏晝去 餐廳人唔算多💁🏻我見餐牌介紹得好清楚款款鍋既配料同味道 雖然黎得應該要試返個臭臭鍋🍲但我唔多喜歡食臭豆腐 所以就簡我最鐘意既 沙茶牛肉鍋 台灣既沙茶即係沙嗲💕💕💕餐牌好清楚咁寫哂有咩材料💁🏻淨係睇都覺得夠哂豐富😂 晏晝食幾化算 $88連加一💕夜晚食返同樣既野就要$108連加一 所以我就覺得晏晝食都係唔錯既選擇😁落單等咗8至9分鐘就送到黎 熱辣辣🔥🔥冬天食認真夠哂warm👍🏻 材料同餐牌既冇乜出入 份量仲要好多 一於可以慢慢食 嘆返個悠閒既午餐邊爐😼 兩個人一人一鍋可以邊食邊傾 岩哂我哩種多野講既人🗣🗣🗣近睇都睇得出好多料🙀 一開始就緊係試湯底 湯底一試 夠哂入味 💁🏻濃濃既沙茶味 大部分既料都夠哂索味👅 我覺得唔洗特登點醬油都夠哂好食✌🏻 粟米幾甜 有台灣特色小食 甜不辣😲 好夠風味同新鮮 話哂香港好少有地方食到甜不辣😂 哩度放入個鍋 夠哂濃味仲要有口感😚 台灣貢丸同牛丸都整得幾出色 又彈牙同幾有肉味❤️ 比平日食急凍丸好好多 算係係細節位做得幾出色

同朋友去完南丫島玩左一日，船上建議試下呢間野，因為近排好多人試原本唔明點解叫8鍋，原來個menu只得8款一人一鍋揀黎得呢間野當然要點招牌臭臭鍋，臭豆腐味聞落好濃（其實即使自己無點都會聞到，因為成間餐廳都係臭豆腐味），唔鍾意臭豆腐既朋友應該會好難受，但自己可以接受，同埋食落感覺幾新鮮同特別每個鍋都會跟一碗飯，所以一定夠飽，另外仲點左臭豆腐，但鋪係面既辣椒好辣同帶苦，所以食完唔太喜歡總括而言一試無妨，但應該唔會想再食

最近吃貨小妹對台灣菜既心癮停不了 食完工廈既台灣小店後 突然又想念起台灣既麻辣火鍋 但奈何同行友人唔食得辣 於是係open rice搵左呢間台灣臭臭鍋既專門店 一人一鍋 唔駛爭臭臭鍋專門店位於全街都係韓國食店既金巴利道 以為去得附近搵食既人都會係幫襯韓食 點知出奇地多人等位等左差不多半個鐘先有位一行三人 各自揀左芝士牛奶, 沙茶牛肉, 藥膳羊肉 雖然話一人一鍋 但為食既我地當然都有試下大家既味道啦獨樂樂不如眾樂樂嘛芝士牛奶鍋以豚肉為主打 有非常多配料 雖然味道唔算好台式 但當芝士同牛奶溶為一體 非常之夾 豚肉亦爽口嫩滑 好食沙茶牛肉鍋對於牛魔王 打邊爐點能夠無牛沙茶牛肉鍋不論湯底味道同配料都有濃濃既台灣風味 牛肉配埋臭臭鍋教你調教既醬汁 正由於小妹唔食羊 所以只食左兩個鍋 但聽同行友人同小胖男友對藥膳羊肉鍋既評價都不錯 相信都好食所有臭臭鍋都配白飯/粉絲 一人一鍋夠飽有餘 加埋一杯台式飲品 大慨可以暫時滿足我對台灣美食既慾望了

在台灣很喜歡吃的臭臭鍋，終於有機會係香港食喇。一進去就點了招牌臭臭鍋和一份鹽酥雞。鹽酥雞炸得很香口，份量也算不錯。招牌臭臭鍋來了，裡面有白菜、豬肉片、豬紅、鵪鶉蛋、炸枝竹、粉絲等等，當然少不了臭豆腐，個人感覺整體尚算不錯，但臭豆腐可以再臭一點，吃了很多塊只得一兩塊有臭豆腐的感覺。最後來了一杯多多綠，滿好喝，味道滿配。

香港天氣突然變掛，是日的十度今日要約埋三五知己食個一人一個鍋！尖沙咀近住婚紗街一直行，睇見鋪頭人龍好長於是就決定到訪。一入到餐廳，就充滿暖意，餐牌的湯底選擇多，我個人鐘意食芝士，特意點叫芝士牛奶火鍋。火鍋份量適中，一人一鍋的磪可以大飽口福，每鍋的火位原來是有限時的，所以不會有gas 的氣味，安全火食。芝士牛奶鍋的湯底很濃，愛上芝士的紛絲們不要尖叫，鍋裡材料非常多，有芝心丸，大大個姑，牛丸等，我特意追加流心的鵓春蛋，枝竹，每個追加都以$5起，每道小碟相當精緻！湯底裡，最驚喜就係心型魚蛋，同埋有種台灣小食叫豬紅糕。豬紅糕味道特別，台灣一般稱上豬血糕，口感好似臘腸，一口軟化，味道沒有甜味，相對於紛絲最值得點叫，幼絲很幼滑，每檯必定有當然是醬油，自選的辣味隨個人喜好調配，有分香蒜，辣油，混合醬。餐廳職員欣勤招待，湯底很快沒有就忙於為我們加添，這晚很滿足，下次必定再來一人一鍋！

天氣漸涼，來思鄉一下每次到台灣永遠都會懷念起三媽的好滋味如果有食開臭臭鍋，應該知道是那一間難得香港終於開了第一間台式臭臭鍋一定要找一晚來試試看店裡有八款不同的鍋選擇每款價錢$108 每鍋附送白飯或粉絲一碗加點食材，小食，飲料調味醬有豆板醬，沙茶醬，蒜蓉店家會在廚房中將鍋物加熱到一定程度後才會送到客人面前招牌臭臭鍋滿滿一鍋食材，看了就覺得好飽包括有豬血糕，大白菜，臭豆腐，蕃茄，貢丸，豬肉片，大腸，豬紅，粉絲，韮菜、金針菇、等等湯頭好清喝起來很順口湯鍋裡頭的豬肉更是沒話說新鮮、又嫩而每鍋裡頭都還有冬粉~個人很喜歡台灣的臭豆腐，但這家比較淡口少了一點滿足感

5點鐘食晚餐,又唔逼又平D,又健康D,地方又大人又唔多,5點坐到7點唔趕又悠閒地方超闊落,多人食都唔怕唔夠位6點前仲係lunch meun ,early dinner 只需$88,真係低食,$88一鍋,夠2個人食,低過去大X樂同吉X家Total 有八個款,媽咪話唔肚餓要茄蕃湯底,清清地清清地食個蕃茄雜菜煲勁多料,又大份,熱辣辣媽咪食唔停招牌麻辣臭豆付,比較軟身,無香港果D咁咸花枝丸勁大粒,勁彈牙泡沬綠茶,好香好滑,荼味奶味比例剛好四種醬料

香港天氣話變就變，有時仲變得快過女人心，一日之間跌10度，天寒地凍去打邊爐就最正，近排最火紅的火鍋店一定是「8鍋臭臭鍋」，之前試過夜晚去，可惜幸運女神無特別眷顧我😂要排成一個鐘，所以學醒左的我決定要中午去食，避開人潮成功食到台灣遠臭馳名的一人一鍋-臭臭鍋🙌位於尖沙咀韓國街的台灣8鍋臭臭鍋，沒有誇張的裝潢，走平實的工業風，但人潮絡繹不絕，相信是因為夠哂地道夠正宗，看過訪問是由於3個80後的香港人獨愛這種台式風味，決意把這份台灣風味帶到香港!「8鍋」顧明思義是店內只賣8種火鍋，包括招牌臭臭鍋，臺式麻辣鍋，芝士牛奶鍋，酸辣羊肉鍋，藥膳羊肉鍋，酸辣羊肉鍋，蕃茄蔬菜鍋及沙茶牛肉鍋，8種鍋所配的食材有少許分別，各有特色岩哂鐘意多花款的香港人😎餐牌不花巧，清晰簡單地列出加配食料，小食及飲品的選擇📝枱上已有齊調味料，豆瓣醬，沙茶醬，豉油，蒜蓉，辣油，仲可以跟埋餐牌所教的做法，做出點醬的「完美比例」😋我叫了芝士牛奶鍋，配料有大白菜、番茄、台灣貢丸、雞蛋、蛋餃、鳴門卷、芝士、沙白、冬菇、金菇、炸枝竹、豬肉片、麻吉燒、蟹柳、心型魚豆腐、凍豆腐等，鍋底仲有烏冬，真係估佢吾到😅開頭很怕芝士加牛奶會很膩😔，台灣人

這間位於金巴利道的8鍋臭臭鍋主打一人一鍋的台式料理，每次經過也看到十分多人在門外等候，今天我也在等候中😆看看有什麼特別可以吸引那麼多人🤔香蒜牛肉鍋 - 配料多樣味道一般沒有特別所有味道完全是來自於桌面的調味料，而他的火不知道是用什麼燃料很快便燒完，因為我加了一些配料常常因爲沒有火要服務員加，可是服務員有很多，做事的人卻很少所以十分麻煩腐皮 - 比較硬沒有滑身的感覺凍豆腐 - 豆味欠俸麻辣臭豆腐 - 外皮炸得脆身可惜臭味郤沒有港式的臭原全不像臭豆腐，似普通豆腐😕牛肉片 - 牛肉片夠厚身有質感不會切到紙那樣薄魯肉飯 - 味道濃郁可惜魯肉質量一般比較硬不夠香滑沒有令人再食的衝動

今晚好凍 又落雨 一個人做完野 真是好想打邊爐 慰勞一下星期六要返工既辛勞。想起之前成日排長龍既臭臭鍋 想試好內架啦。六點去到 一個人 好彩有位 yeah! 臭臭鍋真是好岩我一枝公的晚上。選擇好多 揀左招牌臭臭鍋。招牌臭臭鍋好多特色配料～ 首選 臭豆腐正！夠臭 細細粒 一個人食 過下口癮！米血糕QQ 豬腸乾淨入味 豬血好滑 沙白鮮甜 貢丸彈牙～亦都伴有蔬菜類 蕃茄 大白菜 金菇 韮菜。好驚喜有鵪鶉蛋 好甜呀！豬肉片夠濃味！一個人想打邊爐既時候 真是好適合黎臭臭鍋 而且幾有特色。我仲飲左杯泡沫綠茶 唔太甜 又香茶味。食飽飽 整個人暖曬。P.S. 辣椒油好香 唔太辣 加左仲惹味😋