8度餐廳

8度海逸酒店Cafe 8 degree🥭皇牌精緻芒果下午茶🥭這間酒店的建築風格甚具特色，酒店內的大堂以至餐廳均有傾斜的建築風格❗️食物方面，我們享用的正是酒店餐廳Cafe 8 Degree的皇牌芒果🥭餐點，餐點非常優雅別緻，擺放在high tea 專用的碟盤上！而餐點包含了以新鮮芒果製成的各式甜點及咸點！甜點有芒果斑㦸、芒果布甸、芒果海綿蛋糕及芒果拿破崙等，而咸點有芒果牛油果飯卷、脆炸雞翼及芒果多士等！飲品則由客人自行搭配，有熱咖啡、茶及凍鮮奶提供！美味指數：⭕⭕⭕⭕️❌賣相指數：⭕⭕⭕⭕️⭕️

位於8度海逸酒店入邊既8度餐廳主要都係提供自助餐既，首先呢間8度海逸酒店既地點就認真麻麻，係未有土瓜灣站既情況下，係必須要搭巴士過黎既，而酒店附近都係以工廠區為主，就無乜野好行啦，最近都要去牛棚藝術區先有啲野睇下咁～而呢間餐廳食晚餐自助餐既時間由6點開始，但首先企係reception既職員態度就認真麻麻啦，當時因為想查詢一啲有關生日優惠既野，亦特登襯未有人果時問，以免麻煩到佢地，但職員都係以不耐煩既態度回答，雖然都好明白大家做野都好辛苦，但都希望可以注意一下啦～而自助餐區既食物種類都多，而比較多人排隊既有生蠔同鴨肝，比較搞笑既係佢將呢兩款受歡迎既食物擺埋一齊拎，導致果個區域成日打哂蛇餅，有時都唔知排緊邊條隊～但煎鴨肝既廚師就十分好禮貌，呢樣就抵讚啦，而生蠔既品種有兩款，兩款既蠔味都好濃，海水味道亦足，而蠔既size都大隻，食落都好滿足👍🏻而鴨肝既味道都好正，配合下面既麵包食就無咁滯啦～而冷海鮮區就有蟹腳，青口同蝦，而蟹腳既質素就麻麻地啦，整體都比較瘦同無肉，而蟹肉都唔夠鮮甜，簡單嚟講就係唔食都唔會蝕底既～而其他冷海鮮就無乜食到，不過個人覺得只睇賣相的話，唔拎都無乜所謂啦～而熟食區既食物

「官網staycation優惠$1048 住一晚房連自助晚餐」餐廳地方算大、食物款式多、味道唔錯、會再黎食.即開生蠔🦪：排隊拎 每次限拎2隻，即開新鮮，鮮甜有蠔味，算唔錯，不過size細。.海鮮：有蟹腳、青口、蝦、翡翠螺新鮮、蟹腳肉爽無霉，青口有鮮味，凍蝦爽，螺鮮甜.刺身：正常普通出面小有嘅和牛刺身：唔錯，好大盤但無refill既燒火炙壽司：唔錯.即煎鵝肝：細細粒，但味道唔錯，幾好食煎羊架：無限量供應，有羊味唔蘇，肉量好食紅酒牛舌：幾好，夠腍，有牛味燒牛扒、燒五花肉、燒火腿：ok唔錯，燒五花籃肉比較特色推薦，有脆皮中東咖哩（有脆簿餅）：咖哩牛、雞、雜菜，好食好味冬菇扣鵝掌：唔錯.甜品有多款蛋糕：芝士蛋糕、慕絲蛋糕、燕窩疏乎厘，多款ok好食重點推薦芒果拿破龠：非常出色好味，無限量供應，芒果新鮮清甜無根，酥皮夠脆無腍，吉士醬好味。一次過食左4件，絕對無問題雪糕：哈根大師+Movenpick，每款3隻口味，Total 6隻雪糕，仲有雪糕窩夫有葡撻，無限量、唔錯6款芝士任食.餐飲小款：橙汁、蘋果汁、紅茶、咖啡，有檸檬汁可自制檸茶.餐飲、沙律、其他熟食較遜色，但食哂以上食物款式巳經夠哂飽，環境o

網上買$441一個人 ，為既主要係芒果拿破崙。 老實講第一下入場我真係嚇左一跳。第一次見酒店既坐位密密麻麻，迫到似food court, 又嘈又多人，可能真係平掛酒店Eshop訂有折，400幾晚餐有蟹腳、生蠔、鵝肝、刺身呢啲回本貨，仲要飲品任飲，又有芒果拿破倫呢個招牌甜品，對得住個價錢有突。不過所謂一分錢，就真一分貨，李先生做生意點會蝕丫。迫到密一密既座位真係好唔酒店囉。仲話high tea...?野食區密質質，仲要有暗斜。熟食、冷盤9成都無食過。覺得好嘈好迫，要側身咁先穿過曬啲隔離左右既枱枱鄧鄧。蟹腳少少咸，肉全散，幾乎無一隻可以完整咁拆舊肉出黎，全部都痴殼，魚生好一般，放題質素，鵝肝ok 唔差，生蠔有美國同法國蠔揀，第一次拎我前面果2位想要法國蠔，2隻美國蠔就轉讓俾我。食落又比想像中好，始終都係即開，新鮮唔腥又肥而不漏，有個肥哥哥開蠔好快手，俾個讚佢👍🏻9秒9光速開10隻，西利西利！第二次拎既法國蠔較為失色相比之下，蠔身比較淺色，反而有啲啲澀味，同埋細隻啲。至於細細籠蒸海鮮：不要也罷。其他熱食：維持生命水平。冷盤生果：大部分睇見都唔想食。得個蘋果沙律同薯仔沙律有食到，還可以。其他

今日同姪女慶祝生日，所以選擇咗8度酒店，呢度野食食材豐富好新鮮，好似啲翡翠螺咁樣完全冇沙嘅又大隻又好味，係非常之新鮮同埋好入味好煙韌嘅感覺仲有即開生蠔，又大又新鮮，好鮮甜，日式刺身都唔少得啦，三文魚腩係入口即溶㗎。而且嗰個炒蜆亦都係非常之美味亦都好惹味令人回味無窮，另外飲品方面呢亦都有呢個橙汁啦蘋果汁啦亦都係好新鮮嘅咖啡啊奶茶，最後當然唔少得個甜品啦，有佢哋最出名嘅芒果拿破崙，芝士蛋糕，啫喱，同埋即叫即做嘅格仔餅雪糕，其他嘅嘢食方面都有好多嘅選擇㗎同埋仲有呢個羊假啦又會有燒牛肉啦火腿啦，最最最最後梗係要食返杯Häagen-Dazs雪糕啦，其實呢食完甜品之後呢都已經好滿足啦，買單都係講緊三百零蚊都物超所值啦😋😋😊

服務態度差，衰衰地都係酒店下午茶呀，我們1520坐低，1540叫我地埋單先跟住1610過來説，唔介意我地收左個三層架先，我幫你用碟仔裝。。無語，咁快趕收工嗎，全場祇有十個客人左右，唔明，不用返碟返檯，點解趕客呢？還有食物質素好差，炸雞翼凍的，薯餅硬，咖啡奶茶不熱還要自己行出去倒，沒有加熱器，衹是放了兩個壺，真系真心差過茶記。還有蒼蠅飛來飛去。。。埋單$125左右一個人，自己諗下應不應該光顧。。。。

同友人去食下午茶網上預約左佢規定左個兌換時間係1500-1700我地1640左右去到去到安排好位置就問我地飲咩有熱情果沙冰同普通茶啡個D揀我叫左沙冰點知杯所謂沙冰黎到之後我O左呢杯係沙冰？定我對沙冰既認知錯左得半杯都算但佢完完全全係液體狀態打過杯沙冰洗你幾多時間姐你要Set晚市唔得閒打沙冰你咪講囉我咪飲其他囉 你唔好比杯放左唔知幾耐又溶晒既野我啊🙄一杯野飲都咁樣你咁樣真係叫做4星級酒店？仲衰過D茶記野食還可以 但食完好食完好滯食個時仲有蟲係到飛飛下好耐之前食過一次都比蚊咬到成腳蚊爛

同老婆係Open Rice book 咗半自助午餐七折，埋單$348，只有主菜，沙律吧，幾款甜點、生果及兩款湯，這樣收$174/位，真係無下次失望，可能食開Mr. Steak 半自助餐

It was our first time. Glad we got free parking. The environment is not exquisite, but food was amazing! We would say our favorite salmon (both sashimi and smoke) are fresh and has the best taste when compare to Sheraton and Peninsula or other places that we've been to. The Mango Napoleon is a must try! The cold seafood were pretty good. Curry has a strong taste and very mild spiciness. On average the food was better than expected except for the tempura that is soggy even freshly fried!

慶祝生日去左8度海逸酒店既8度餐廳食自助餐都食過唔少酒店既自助餐但呢間都係第一次食🤣因為係土瓜灣都真係有啲遠😂✅8度餐廳 自助餐佢呢到既自助餐係有即開生蠔🦪雖然佢既地理位置偏遠 但亦都因為咁都吸引到唔少人去食🦪生蠔有法國同美國產兩款都好鮮甜 唔會有鯹味👍🏻🍣刺身方面佢都有6-7款選擇有馬刀貝，劍魚，油甘魚，呑拿魚，三文魚，蛋，鯖魚等賣相 味道都算新鮮不過就冇甜蝦有啲可惜😢🍲熟食方面就唔太多選擇了有牛扒，羊架，咖哩，仲有少少小菜不過牛扒就略嫌有啲韌， 羊架亦都唔夠羶btw第一次見到自助餐有炒大豆芽食😂佢仲有西湯，中湯同燉湯個燉湯有花膠係入面 而且飲落係冇味精既 幾好👍🏻🍰甜品方面佢都有cheesecake, 燉蛋，窩夫，雪糕 仲有佢呢到出名既芒果拿破侖燉蛋都幾滑，只係焦糖面就偏苦左少少窩夫好香好脆，不過中間就唔太軟熟 未到最好食既窩夫cheesecake呢就真係好普通了 芝士味完全唔重🤧芒果拿破崙果然係名物 的確係幾好食面頭亦都有好多芒果，酥皮都好脆 不過鐘意爆餡既我就會覺得佢少左啲中間既吉士但除左唔夠吉士 呢到既拿破崙都真係好好食😋總括而言 呢到既自助餐不過不失啦 味道都可以 但熟食黎

芒果下午茶都幾吸引，份量來講都足夠。係酒店食嚟講價錢$168算平宜。樣樣食物味道都唔錯！唯一問題係茶/咖啡要自己行出去斟，侍應唔會斟比你！經OpenRice 訂位仲有65折添😋

上eshop買左3張$441.2既自助晚餐卷，加埋我3月生日可享半價優惠，即係$322.8，total $1646.4。今期主題係鮮味美饌自助晚餐，我覺得質素普通，寧願食其他自助餐，而且食6:00-9:00個時間好唔掂。海鮮區有即開生蠔、鱈場蟹腳、海蝦、海螺、青口，生蠔同蟹腳可以encore，我食左8隻生蠔，其它都好麻麻。刺身區，三文魚OK。星期五至日及公眾假期每人有日式慢煮磯燒鮑魚一隻，普通。冷盤區無咩點食。熱食區，以下係相對有印象既。燒特級牛肉、煎鵝肝伴黑松露汁、天婦羅，不過不失。松茸燉花膠湯幾好飲。甜品區必食芒果拿破崙，其它都無咩特別，蛋白梳乎厘超甜，榴槤芝士餅好奇怪，所有芝士餅都唔好食。燕窩蛋白杏仁茶唔錯。Häagen-Dazs 有vanilla同cookies & cream，Mövenpick有espresso croquant，maple walnut同panna cotta。Häagen-Dazs 雪糕(比利時朱古力榛子)及窩夫專區飲品有橙汁、蘋果汁、可樂、咖啡、茶。以下係我食既野。

男朋友生日所以想同佢食餐自助餐，梗係上網度買咗佢哋嘅自助餐券先，但係冇諗過個價錢同之前無分別喎😂一入到去好多人😳😳鵝肝生蠔都要排隊攞！冇諗過喺疫情下咁爆場！😂可能係困太耐香港人放監😂😂食咗好多碟長腳蟹，但美中不足覺得佢太細隻，有其他自助餐的長腳蟹好多都好大隻腳！生蠔方面好新鮮鮮甜美味！佢哋有個燉湯都好好飲！鵝肝方面我覺得太多人排隊啦！完全唔可以盡興咁食😂甜品方面都好多選擇！佢哋最出名嘅就係芒果拿破崙😍好食！熟食方面好一般 賣相唔吸引！所以無食

因為屋企有啲事係度book左一個月房，未夠鐘checkin同屋企人諗住食個lunch半自助餐先走，點知就中伏🥲果位女侍應，全程講野無尾音問親佢野都好似爭佢錢咁，牛扒total叫左3份，5成熟，3成熟同全熟，點知黎第一轉問佢係幾成熟就係度亂咁吹話5成，同3成，隔左10分鐘，黎果份又話3成....其實可唔可以搞清楚呢？我自己個吉列魚柳漢堡硬到掉落碟都識響🙃問佢野飲係出面斟定叫？女侍應既態度令我以為自己唔洗錢黎乞食咁🙂都成$250-$300一位，野食又唔得，服務又唔得我真係祝你好運啦順帶一提，check in前台好似聽唔明人講野咁。講講下仲搵左位高大男（我估係高層掛）黎同我講野。啲態度差到我以為自己同黑社會講緊數😅食物同住宿都可一不可再4個字（不知所謂）完！

🥂 8度海逸酒店 𝐀𝐟𝐭𝐞𝐫𝐧𝐨𝐨𝐧 𝐓𝐞𝐚• 8度海逸酒店精選下午茶 $98（加埋一：$114.8）•有一日上網發現誠哥旗下嘅8度海逸酒店推出左$98（再加一：$114.8）嘅精選下午茶😯仲有8-9件鹹甜點😋好似好抵就即刻走左去佢嘅eshop book位黎試下🏃🏻‍♀️🤣✨•佢係限時優惠直到至4月30日🌟而食嘅時間就要係下午3點至5點🥳而事先係要去酒店eShop比左錢訂日子book左位先～之後要再打電話去confirm booking☎️·Menu·▫️迷你燕窩葡撻▪️脆炸培根卷棒棒▫️三文魚他他伴蟹籽▪️法式忌廉芝士焗薯▫️鮮草莓忌廉泡芙▪️英式牛油鬆餅配忌廉及有機果醬▫️香草蝦沙律雞蛋沙律三文治▪️日式香芒芝士蛋糕▫️Häagen-Dazs朱古力果仁雪糕伴窩夫 ▪️紅茶/ 咖啡/ 草莓朱古力沙冰鹹點✨· 葡撻嘅蛋漿一般不過放左一陣酥皮都仲少少酥脆😚· 熱狗腸嘅外皮應該係油炸左🤣條腸仔都唔差幾有肉味🌭🤪· 焗薯切成細細粒嘅薯仔🥔再加啲cream都幾好食😋👍🏻· 三文治就係好似平時便利店會食到嘅碎蛋三文治咁🙈🥪· 個scone嘅外型唔錯✨質感就似曲奇麵包🍪但啲cream就冇乜奶香味🤔· 三文魚他他就好重生洋