8度餐廳

朋友約咗食呢一間嘅周末中午自助餐，本身佢之前都幾期待，因為佢哋話個芒果拿破崙好好食。去到嘅時候個芒果拿破崙的確好好食，上面個芒果好多好甜，中間啲吉士醬都做得幾唔錯，餅皮都脆，我自己食左兩件半。如果要買嘅話好似要 45 蚊一件除此之外佢嘅生蠔都好creamy，好唔錯。生蠔都比較肥美，但係成餐飯大部份時間得一個師傅開蠔，所以每一次拎蠔嗰陣都可能要等四至五分鐘，食得冇咁盡興不過師傅開蠔嗰陣都好細心有用水沖返走啲碎蠔殼，而且沖完之後又會嘴角冰水浸一浸，令到個蠔食落有涼浸浸嘅感覺但係呢就其他款式相對上會比較遜色，唔係太有其他吸引人食嘅地方，都冇長腳蟹嗰啲。唔知係咪我冇留意過自助餐主題，因為好似佢特別多咖喱嘅食物。另外有個唔係咁好嘅感覺係。。現場真係特別特別多小朋友，多到你好似入咗街市咁嘈😓😓令到成個體驗係打咗啲折扣另外服務人員嘅態度都唔係特別友善😂😂😂我都同自己講平平地食係唔錯，唔好expect 太多🙈