616牛肉火鍋專門店 (已結業)

喜歡食牛的朋友一定要試，呢間牛肉火鍋的牛肉好特別，有好多不同牛既部位！仲好好食！！我地兩個人叫左以下食物：1. 牛駝峰 - 呢個要推介！好香好重牛味2. 三花腱 - 勁好食，好爽口，牛味重，口感好特別3. 牛柳 - 呢個就普普通通，無乜特別4. 牛腩 - 本身係熟的，拖一拖水就食得，都係普普通通5. 牛肉餃 - 非常好食，入面係手打牛肉，皮薄餡多6. 羽衣甘藍 - 呢個又係好正！未見過餐廳有羽衣甘藍，仲要$28 咋！仲叫左啤酒，響鈴，烏冬，單都係$400 鬆d, 抵食！服務仲要好好

去開黃埔，諗住去食"x豚屋"，點知黎到已經轉左另一間 (真係轉得快)。見係食牛的特別部位，朋友又無所謂所以就入左去試試。每張墊枱紙上有清楚表示餐廳主要提供的食用部位及每個位置需要煮幾耐，咁就唔驚Overcook啦。由於有朋友唔想食辣，所以我們叫左個鴛鴦湯底。一邊係餐廳主打的牛骨湯，另一面更特別的係牛骨加酸菜。酸菜牛骨湯個味，幾似"譚x"的酸辣湯底，仲要越煮越辣，鍾意辣的必定要試試。黑百葉的份量都幾多下。雖然整體有D散，不過口感都幾爽。牛肉餃其實係用餃子皮包住手打免治牛肉。我係第一次食，所以無得同其他餐廳比較， 不過皮又唔厚，味道不錯。朋友要求要叫牛雜，但本人唔多好，所以我無食到。不過朋友仔話幾好味，如果下次再黎都會Encore。到了重頭戲：牛~肉~ 牛駝峰的脂肪唔算多，不過細看會見到好密好幼既油脂，所以食落的口感都好淋身。另外我們叫左吊龍伴，呢個位係牛的背脊位，油脂分佈幾平均，食落又重牛味，所以我地食完再叫多一碟。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

朋友話我知原來616喺黃埔都開左間，好近地鐵站。可能佢做緊promotion關係，全場爆滿。好彩我地剩係等左半個鐘就入得。牆身啲字，已經好難搵到真跡了。冰麻牛，唔係好辣，但係就唔係好"冰"了。響鈴，好鬆化，浸完啲湯仲正！牛丸，好重牛味又彈牙，好味到再encore左1份。牛扑肉，比較厚，不過油脂唔錯，係稍為韌左啲。手打牛滑，望落好似大版台灣腸，係幾實正，牛味極重勁好味。滑尾龍，似滑牛加蛋，撈勻左再煮下，食落堅似滑蛋牛肉，當然味道呢到香好多。腩頭，食食下先發覺同張相唔同，應該比錯左，不過我地已經食左一半了。雖然好似同普通肥牛差唔多，但啲脂肪位唔韌，牛味都好重。

區內一向多火鍋，呢條街已經有3間，一間雞煲，一間港式海鮮，仲有呢間主打牛肉！另一伴有少少抗拒，因為我哋食開第一間，而呢間佢怕會中伏，食埋D雪牛，而且永遠都好多人等位，所以有幸終於試到！佢哋好似分三輪，6、8、9:30。裝修好有地區特式，坐位唔多，但唔會好迫！等入坐同等食之前 睇定咩部分，學吓新嘢我哋叫咗6個牛，因為我哋唔太鍾意食太肥嘅牛，所以反而冇食佢地D大熱牛! D牛嚟到都有D驚喜，全部鮮紅，超新鮮！牛柳。小D油，有口感吊龍伴。香牛味，滑牛朴肉。本人比較喜歡，比較厚，多D肉感胸口膀。好香牛油味，小小爽匙皮。牛味一樣好重牛駝峰。比較多油脂的一種，但絕對唔肥!湯底其中一邊係出面好似少D嘅青辢椒麻辣燙，冇四川麻辣的辣，但一樣好香，最重要唔會越食越辣！牛肉餃話係必食！我覺得ok ~好香肉味，不過另一半就話咸咗D！佢有個牛肉汁，好香牛肉湯味，好濃！有個叫水蓮菜，未見過喎！有D似素食意粉！佢支菊花茶其實好香，打邊爐好match!另外一提佢個涼伴牛雜都好好香花掓八角，仲有小小辣，開胃！Overall ~ 唔算貴，最重要全部新鮮牛，冇厄人！仲有而家6月有6折！不過做到 6/16！希望呢篇文出嚟仲趕得

原本以為係一間普通打邊爐~原來係一間專食牛嘅打邊爐坐底之後,店員細心介紹湯底~最後我哋揀咗鴛鴦酸菜牛骨湯~估唔到個酸菜湯都幾辣喎係越食越辣~喺嘢食未到之前~先嚟啲西瓜比你食吓先~食完個西瓜~出去睇吓有咩醬汁揀先~叫咗個涼菜~唔知係咪好肚餓呢~幾開胃~係咁夾嚟食牛嘅每一個部位,每一個名真係唔講唔知邊度嚟~我哋叫咗好多牛~其實咩部位已經分唔清LU~朋友激讚中間嗰個慢煮牛腩~店員教落~只要放落個鍋度6熱佢就食得~其實每一碟牛都會跟返一張紙話我哋會嗰碟係咩部位~但我哋又掛住食~所以食咗咩部位都唔知整體上啲牛都好好味~呢條牛滑樣子雖然有啲嘔心但其實都幾好味~好襯放喺酸菜嗰邊嘅湯底每一款牛嘅價錢都唔係好貴~細細碟可以試多啲~所以喪食牛嚟講呢間算好抵食~

牛魔王最近發現四處都見到「616」的蹤跡，原來係一家專食牛火鍋店，食的部位更是刁鑽，所以今晚就黎紅磡店-七桌子淥一淥。店舖不在大街，但亦不難找。全店裝潢充斥7080年代氣色，除左一道「曾灶財」特色牆之外，對面一幅用馬賽克砌成嘅香港唐樓街景及送石油氣單車嘅牆更具特色。裝飾方面於自選醬油配料這邊更掛上十多個酒樓點心車仔膠牌，寫上牛各部位名稱，每枱頭頂都放有舊款燈罩。總之店家在裝潢方面的確下了不少功夫，讓食客有歸屬感，感到份香港情。用平板電腦先點湯底，我地揀左牛骨湯及酸菜雞湯鴛鴦鍋。再細選牛肉，但實在太多太多刁鑽位，連名都未聽過，要逐一睇介紹，最後揀左三款試下挽手腩、滑尾龍、腩頭。滑尾龍 - 牛嘅後腿肉，與蛋攪拌再分一半倒入筲箕淥大概8秒。個人認為內牛骨湯底淥已經食到原汁原味，肉質非常嫩滑鬆軟！挽手腩 - 連接爽腩及坑腩嘅部分，肉與脂肪各佔一邊，略淥8秒，脂肪位特別爽口，整片入口口感特別。腩頭 - 油花較多、分佈得平均，質感較細嫩另外叫左碟水蓮菜，估唔到要淥7-8分鐘先夠稔。係無味菜黎嘅，食得好安心差啲唔記得左愈煮愈腍愈入味嘅牛筋

經過616好幾次，點解對616甘有印象？因為鋪頭裝修好特別，每間分店都各有特色，今次就約埋朋友仔去黃埔616牛..牛....牛，原來616主打牛🐮岩晒牛魔王既我好貼心：清楚寫左咩位置，同淥既時間，甘就唔怕滾到老晒叫左鴛鴦鍋，牛骨清湯配酸菜湯底，好足料，牛骨都食埋，酸菜湯底屬微辣，酸酸辣辣好開胃嘩～嘩～～嘩～～～～上枱喇！全牛宴！全部牛肉都好新鮮 。我就唔逐樣講啦！⬇️⬇️推介幾樣我自己覺得最好食既野⬇️⬇️招牌慢煮牛腩：淥一淥就食得，好霖似坑腩好好味手打牛滑：好彈牙，好香牛肉味⬇️腩頭：油花均勻，絕對要試，上等手切肥牛，好好味⬇️滑尾龍：個名好得意，其實係滑牛加上蛋，淥出黎更加滑，有驚喜唔覺唔覺就食晒⬇️配料推介：連平常好少見既羽衣金蘭都有牛肉水餃：好好味，水餃皮好QQ，入面充滿牛肉汁響鈴：唔特別，但淥酸菜湯底，超好味，兩者好夾叫左勁多牛，點知一啲都唔貴，牛肉一碟平均都係$48～68蚊當然分量唔多，不過平平地可以叫多幾款黎試當日服務唔錯，有提點我地淥幾耐，又會留意鍋夠唔夠水，主動加水所有食材都屬靚料，不會將貨就價，下次再黎過

再次來到616食火鍋，紅磡店開左無幾耐，地點仲更加方便，裝修同其他分店一樣港式。調味料自己去舀，好多選擇，推薦牛肉汁，甜甜地，點牛肉蔬菜都好食有少少可惜係無左麻辣湯底😭😭傷心之際發現酸菜湯底都好好食！仲越滾越入味🌶 雙拼湯底最後都變左主力食酸菜湯，七分酸三分辣，比麻辣更多左層味道吊龍伴唸滑得黎有少少咬口，雪花分佈平均，脂肪肉同筋比例好好牛駝峰非常軟，係牛背頂比較罕有的部位，口感比外表柔軟牛柳啖啖肉之選，最好煮8秒就食，煮耐左會變韌，8秒就剛剛好係一片片鬆化的瘦肉滑尾龍必試之選！外表已經好正，加上蛋有軟化肉質的功用，打爛隻蛋浸一陣再煮，薄薄的蛋味同滑到流的牛肉簡直絕配響鈴乃打邊爐必叫蔬菜類，吸汁吸精華不解釋發現羽衣甘藍呢d咁少見的菜當然要叫，生就食得多，熟的羽衣甘藍吸收左湯汁有種說不出的鮮味野菌拼盤有4種菇，每款都獨當一面，吸汁入味之餘點一點牛肉汁先食，甜甜地仲香仲好食，係意外的發現豆漿9蚊杯幾抵飲，唔太甜有豆味

愛上去616 食牛! 今次到我帶個朋友食了! 我們到了紅磡分店開心吃! 這一次, 我們點了個鴛鴦鍋: 牛骨清湯及青花椒。湯底已要豎手指公! 皆因清湯中的清甜及牛的濃味, 以及青花椒的甘酸麻辣的香濃完全提昇了牛肉的味道, 十分開胃! 更令我欣賞是, 青花椒湯底不會很油, 主要的辣和麻是靠其香料食材, 令人吃時不會有油膩感! 我們點了數款牛肉, 當中包括牛腩心, 脖仁及吊龍伴, 不同部位的質感同味道都不同。 我比較喜歡脖仁, 油花分佈均勻, 吃時口感嫩滑軟身點。但其實其餘兩隻都好吃! 它的點菜ipad 有逐一介紹每款牛肉位置的部位及特色, 大家可選自己喜歡的! 食過兩次, 我還是推仲上一次吃的手打牛滑, 金花趾, 封門柳, 滑尾龍和輓手腩。它們都是必吃之選! 在此, 我很想讚它的牛肉餃, 皮薄, 牛肉餡爆多, 放湯後不論是跟湯一起吃或是沾著祕制青檸醬汁食用, d 牛鮮味都好出, 質感亦很實在, 啖啖肉!還有我很愛的羽衣甘藍, 把它放湯, 吃時滿口麻辣, 正! 依然是那句: 專至系皇道! 聞名不如一試! 這絕對是一間吃牛的品質高, 價錢亦合理。仍準備再吃多次! 大家未試過的真的要試試! 高

內地興食牛肉火鍋殺到落黎香港，616分店越開越多，都是以食牛肉火鍋為主，平時食開美國肥牛，牛頸脊，現在可以吃到牛的各個部位火鍋店裝潢比起一般火鍋店新潮，單是看外表差點認不出來有醬料區，自行調味湯底點了鴛鴦酸菜牛骨鍋，一邊是較為濃味的酸菜，酸酸辣辣好醒胃，另一邊是純牛骨湯，夠清牛骨湯內有粟米，蘿蔔同牛骨，牛骨連帶一點牛肉可以吃肉質好腍火鍋前店員先送上西瓜作餐前果，還點了一枝菊花桂圓露，味道不會太甜，夠潤先來一客滑尾龍，可選不加雞蛋，不過加入雞蛋的尾龍可軟化肌肉纖維，入口好肉滑牛肉咁，同肥牛完全兩回事熟板筋就是牛根，湯煲一到立即倒落鍋慢慢煮，最後才吃，每一件都好軟腍挽手腩，半肥半瘦，肥瘦分明，因為牛肉與脂肪之間有一道筋位，所以入口很爽，每一件輕輕一灼就可以最後當然是烏冬，入晒湯味，自己吃一個都得

在紅磡行完街，諗唔到食乜好，記起上次去尖沙咀616很牛肉火鍋，好回味，好想再食埋其他的牛部位，於是今次帶屋企人去食下呢間位於紅磡的616牛肉火鍋專門店！😋今次叫呢個鴛鴦青花椒牛骨湯底，湯底用青辣椒和花椒，有別於以往食的麻辣火鍋湯底，辣味清香，好惹味！👍🏻另一邊的牛骨湯好濃，作湯飲亦不錯。今次叫了腩頭，牛胸腩的頂端，好有油香味～挽手腩，我最愛！油香好濃！配埋靑椒湯和青檸汁好好味！吊龍伴，呢個油香味都很濃，有淡淡牛汁👍🏻不能錯過的羽衣甘藍，Superfood 之一，好健康。平時作沙律菜生食，今次放湯，不同口感！👍🏻由於d湯好好味，所以叫了響玲，淥一淥吸了些湯即刻食脆中帶青辣椒的味好正！😋

我同細佬都係好鍾意食牛肉兩兄弟冇嘢做就去打個邊爐先見呢間餐廳都幾有特色好多唔同嘅牛肉部份可以選擇所以就揀咗喺呢度食晚飯門面嘅設計都好新穎同埋好吸引有別於一般嘅火鍋店呢度非常先進係用iPad點菜咁樣睇就方便好多又可以知道每個牛的部份有咩唔同方便自己慢慢睇非常欣賞佢嘅室內設計真係好有型好型格唔會老老土土咁當然就係叫咗個湯底先個沙嗲熔岩湯底好正超香濃唔會好水而家諗返起都好回味而且夠晒濃味加埋飯同牛肉食真係一流當然唔少得叫響鈴呢度啲響鈴一定要試加埋個湯底簡直係一絕食極都仲想叫至於牛肉我哋就叫咗唔同嘅部位試咗兩個部位食落口感都差唔多都係好好味！好新鮮同好有牛味唔會話有根或者好銀最後當然要食個西瓜消暑解渴啦

屋企樓下開左間專食牛肉的火鍋店，出面仲放左好多好可愛的牛仔椅，每日經過都好想坐上去，今次終於可以坐下哈哈～平日晚上去唔使等位，2個人食真係唔知要叫幾多野，小小地嗌左3款牛試下先。佢好貼心地檯面姨紙有話你知牛既唔同部位叫咩名同應該6幾奈就食，睇一次基本上大部分都係6大約8至10秒左右就要食，因為半生熟丟牛最好吃吧～沙嗲湯底勁濃郁～好好味！首先叫了牛朴肉，係近牛背既位置，我覺得係3款入面我最中意的部分，因為食落好軟稔但又不失牛味，唔知係咪背肌可能唔係太用到所以唔會好實？第二款係腩頭，比較係胸對落又未到肚的位置，相信平日1好多時會用到呢個位，所以肌肉結實，雖然都好軟好薄但我覺得牛味太重而且食太多會好濟的感覺，但朋友就好中意因為夠牛味咁話。最後一個係滑尾龍，其實係因為見到有隻蛋跟所以嗌，但估唔到呢個真係好正，因為真係好好好滑！可能因為我唔中意食太生既牛，所以佢建議的8秒時間太少了，我6左10幾秒但都keep住好滑好軟！仲要係厚切，呢個好滿足！既然係打邊爐就當然少不了其他配料，響鈴是必叫的，脆脆的很正點。佢竟然有羽衣甘藍！仲要同其他菜同價，真係抵晒，因為羽衣甘藍出面買好貴，齊齊抗氧化。仲送飲品，

呢間餐廳我一直都聽左好耐，一直都好想去試吓，甘啱去咗紅磡搵個朋友，佢就話佢屋企附近有呢間餐廳，所以我哋就去食晚飯。首先我哋叫咗個湯底先我哋揀咗鴛鴦沙牛湯底，左邊嘅係清湯牛骨湯，右邊嘅係沙嗲湯底。我哋仲叫咗個粟米可以放喺湯入面。醬汁方面係要自己出去拎嘅，難得黎到我梗係試吓秘製牛肉汁同埋沙茶醬難得你牛肉嘅專門店我哋梗係食盡唔同部位嘅牛肉啦。呢個係牛柳，係牛肉入面最嫩嘅地方，脂肪比較少肉味比較重。呢度仲有介紹牛肉嘅食法同埋要淥幾耐，好細心呢！呢個係牛朴肉，脂肪同肉嘅比例啱啱好，肉質亦都好嫩呢個係牛腩心，味道比較有咬口，肉味都好重。我哋仲叫咗個牛肉餃子，入面牛肉好香好結實，我用左沙嗲湯底淥，令到餃子更加香，充滿沙嗲香味

朋友一向喜歡吃牛，所以昨天他就帶我去了一間專門吃牛肉的專門店，我也是第一次去的。場內裝修也是挺特別的，有點像九龍皇帝寫的字。這裏不愧是吃牛肉的專門店，裏面有各種不同部位的牛肉選擇，還有介紹不同的部位及烹調時間醬汁是自行調味的，除了一般的醬汁外還有沙茶醬及秘製牛肉汁我們叫了個鴛鴦沙牛湯底，左邊是牛骨清湯，右邊是沙嗲湯。左邊牛骨清湯味道清甜，右邊沙嗲湯味道比較濃郁。我們還見了這類的手打牛丸，真的比一般牛丸爽口彈牙，而且烏冬煙韌，配上沙嗲湯底，這裏的沙嗲湯底花生味比較重，非常香。牛肉方面我們叫了牛舌及封門柳，牛舌味道比較爽口，而封門柳的肉味比較重，肉質也鮮嫩，最重要的是食材新鮮