616牛肉火鍋專門店 (已結業)

之前經過，試過午餐，好有水準，今次可以來試吓晚餐。今晚慶祝母親節，好彩預早一星期訂位，可以舒舒服服有位食飯。我一家都喜歡食火鍋，特別鍾愛牛肉，所以牛肉火鍋專門店就最岩我地。門口放了幾隻牛仔，等位時可以坐，好得意！店內都好有特色，壁畫好有懷舊味道。時間尚早，訂了位的客人未入坐。餐紙有溫馨提示，牛的不同部位要煮幾耐。餐前水果，送的，好甜的西瓜🍉點了不同部位的牛肉試吓先，揀選了認為最美味的，再encore 多一碟😋除了牛肉，仲有好多牛食品，我們點了牛丸。響鈴，616好滋味！食火鍋，唔少得菜類，這裡的菜類很特別，出面少見。補充資料：1. 店內有架車，作為裝飾，歡迎上車坐坐，小朋友好開心！2. 晚上7:15前結賬，有88折。

母親節帶牛魔媽黎食616大滿足！門口有架餓靚之van 好易認入到去既裝修都好懷舊 有馬賽克同霓虹燈仲有扮九龍皇帝寫字 經openrice Book17:30 可以食100分鐘早左3個字到未開 但職員好好 快手搞掂手頭野就安排我地坐住先睇下menu好彩分到坐每個位都有椅背既枱仲要5個人圍住一張枱有兩個爐哥以叫兩個湯底唔使溝亂味 不過牛魔媽無咁高要求 要左一個鴛鴦湯底（牛清湯配沙嗲湯）等張枱多d位放牛同烏冬😍😍 下次一班人黎可以book呢間圍埋坐 去開銅鑼灣個間係長枱唔係咁鍾意 唯一失望無左麻辣湯底但沙嗲湯底都好正好濃郁小辣 配牛一流牛既質素同其他分店一樣好點埋汁料既秘制牛汁 一試難忘唔知係咪新舖 未有酒牌無616招牌啤俾呀爹飲 5個人飽到上心口都係150蚊唔使 （經openrice 有折又有得儲miles！正！）食到咁好質素既牛 抵過去食連鎖店火鍋放題

近年都多左好多專食牛肉嘅火鍋店，港人對牛肉嘅追求唔再局限於肥牛，而係牛隻嘅各個部位，今日我同朋友去左一間餐廳裏面嘅牛肉部位應有盡有。牛雜湯底。e到嘅湯底有好多唔同嘅選擇，有牛骨湯、牛雜湯、酸菜等等，偏向較清嘅湯底。湯底好足料，除左蘿蔔之外仲有好多肉臟，有牛肺、腸同牛筋等等。啲牛雜煮得好入味，而蘿蔔都好甜無渣。封門柳。係牛嘅橫隔膜下面一條柳，老闆話每隻牛得2斤左石，好珍貴架！肉味較濃。金花趾。牛隻後腿肌腱中間個個位，食落有啲似牛筋嘅感覺。入口彈牙爽脆。牛朴肉。係牛嘅頸脊位，e個係我最鐘意嘅一個部位。佢油脂分佈好平均，入口好Juice好嫩。牛柳係牛嘅腰內肉，肉質細嫩。脂肪唔會太多，食落好嫩口。匙柄。肉質鮮紅色，係牛隻嘅下肩胛肉，食落好柔軟，偏向牛扒嘅口感。

616一直係我想去既餐廳，自從喺深圳食過牛肉火鍋，就一直念念不忘，因為牛既不同部位都可以食到，真係要幾刁鑽有幾刁鑽！最近見到呢間新開既616，真係雙眼發光！《牛雜湯底 $68》牛雜單點要$48，但連湯只需要$68，條數點計都係$68抵啲！湯底內有好多牛雜，包括牛肚、牛肺，牛腸等等，食到最後一刻都仲有，而且湯底會越煲越有牛雜味，好啱鐘意食牛雜既朋友！《冰麻牛 $38》必食！超鐘意呢個麻辣小食！入面有牛肚、牛舌同青瓜，麻辣夠香又唔會太辣，配啤酒真係一流！我地食完忍唔住再點多一份！《招牌慢煮牛腩 $48》必食！牛腩只需要番熱就食得！牛腩經過十幾小時既慢煮變得好入味但肉質都仍然保持到一絲絲既口感。《金花趾 $68》金花趾好靚，明顯見到爽口既紋路，只要滾幾秒已經食得，口感爽口。《牛駝峰 $48》牛駝峰口感比較似肥牛，軟綿而帶肉汁,係抵食既！呢間確實係愛牛人士必食餐廳，價錢相宜而味道非常唔錯！

我自細皮膚都算唔差，好少話會受食物影響，所以我好多謝上天同媽媽送俾我嘅禮物，就係可以不停肆無忌憚地食嘢。而我都算係半個牛控，去到每一間餐廳有得揀我多數都會揀牛，所以我都叫係好鐘意食牛。而一般牛控都只會去西餐廳食牛，但今次點都諗唔到係一間打邊爐個餐廳都會可以食牛食得咁專業。湯底沙嗲必叫，沙嗲味夠濃。每一款牛都係好新鮮，都好簿。牛丸好彈牙，好有牛味，一啲都唔粉。粟米都唔係講笑，超甜。呢份蛋牛，必叫。。

估唔到616 係紅磡都有開店，作為紅磡人當然不能錯過喇！616 門口有一架舊車做裝飾而牆身大大隻字寫住紅磡，真係每間分店都有特別之處。平日晚上8點半都有入座率8成，相信假期人流更多冰麻牛 ＄38冰麻牛係一碟小菜，有青瓜、牛肚、牛內藏。用了麻辣醬料，味道好香麻辣味但小妹覺得唔辣。份量都算比相像中大，各樣配料平均分配，2個人食岩岩好鴛鴦沙嗲牛骨湯底 ＄58沙嗲湯底比市面上的更加濃，每一啖都食到花生既香味又帶少少甜，感覺特別牛骨湯底相對比較淡，不過有栗米同蘿蔔令湯底多一份鮮甜菊花桂圓露 ＄9標榜自家製，新鮮製造而且無加任何化學野，飲落又唔會好甜又夠凍，打住邊爐食都幾爽牛柳 ＄48／ 三花睫 ＄48牛柳好淋滑，脂肪分佈平均，就算唔小心煮耐少少都唔會韌。眼看薄薄一片但食落就岩岩好三花睫切法係一片起雙飛，煮完都會帶點爽，眼睇無脂肪以為會好韌，但完全沒有～滑尾龍 ＄48／ 牛骨髓 ＄48現場有尾龍或滑尾龍，多咗個滑字就係滑蛋尾龍牛味唔人係太濃但加埋雞蛋肉質就滑好多，不過帶點筋，相對難咬少少牛骨髓條條都好肥，以為白色一定係脂肪？咁就錯喇，骨髓唔係脂肪，帶點骨膠原的感覺，沒有特別的味道，吸咗D湯底，味道

-無錯！又係牛肉火鍋🐮❤️上次係西環食完之後，估唔到係紅磡都有分店，今次又去試下食，睇下同西環果間有無分別😋-1. 湯底：牛骨清湯 （$38）2. 三花腱❤️（$48) 3. 封門柳😍（$68）4.牛丸👍🏻👍🏻（$48）5. 金花趾😍（$68）6.滑尾龍🤤（$48）7.牛肉水餃👍🏻👍🏻 （$48）8.豆漿（$9）9.醬料費（每人$10)10.4片西瓜🍉（附送生果）-牛肉火鍋通常都揀清湯湯底，突出牛肉鮮味❤️湯底有牛骨，粟米同蘿蔔💛三花腱和金花趾 都係食落好口感，因為多筋少脂肪，彈牙😋滑尾龍與生蛋拌勻再煮🤤肉質十分柔軟，又有蛋香，至於封門柳嘅牛肉味比較重，而且係十分罕有牛肉🤗牛丸真係好好食，唔係講笑，口感紮實爽口，彈牙，牛肉味好重😍真係一定要試下牛丸❤️❤️❤️至於牛肉水餃好足料，好多牛肉餡料，食落好有肉汁，仲可以點埋 特製青檸醬汁🤤原來依間嘅lunch時間有漢堡，飯，麵食😋搵機會要去試下🙆🏻‍♀️ -Ps依間火鍋店嘅服務真係好好👍🏻侍應好Nice☺️ Ps店舖比較細，而且幾受歡迎，到左夜晚7點後就好多人，可能要排隊🤔-

鍾意食牛嘅朋友真係唔可以錯過616牛肉火鍋專門店，我知道有朋友特登為咗食牛，都會嚟到呢一間店，而我今日終於食到喇。先講一講佢嘅門面裝修，好有懷舊格調，有啲類似茶餐廳嘅感覺，門外放咗一部車，原來係用來做美食車嘅，佢哋嘅合作單位係七桌子。淨係睇調味料都已經覺得好特別，因為佢哋有金橘可以添加，我哋先後加左好多次金橘，同埋有好多芫荽同蔥，啱晒我呢啲重口味嘅朋友。另外佢哋落單嘅模式係用iPad，夠晒方便。我自認唔係食牛嘅專家，但係都見到佢哋唔同嘅肉有唔同嘅分別，明顯從佢哋嘅花紋同埋顏色都可以分辨出來。而且佢嘅餐桌上面亦都擺放左墊枱紙，可以清楚顯示每個部位，放落湯底要煮沸嘅時間。叫咗個鴛鴦湯底，我比較鍾意吃清湯那邊，放入羽衣甘藍這些蔬菜感覺上更健康。這裏的蔬菜份量很多呢！店員還送上清甜西瓜，令我們精神為之一振，西瓜有六片，每人兩塊剛剛好。印象比較深刻的還有最後的甜品，是一個桂花凍，把剛才吃了這麼多的口味一次過清除了，而且涼快清甜，帶有桂花香。

自從在潮汕吃過牛肉火鍋後那種滋味一直念念不忘今天來到一家型式相似的火鍋店有望能複製出相同的美味先點了牛骨清湯作鍋底清淡湯頭才能嚐到真味牛肉部位種類應有盡有用平板電腦下單方便快捷先點了牛朴肉和吊龍伴牛朴肉即是牛頸脊牛脂多而且牛肉味特濃吊龍伴是牛背上的肉牛脂也較多有嚼口再點脖仁和牛駝峰脖仁入口油潤細嫩牛駝峰是油和肉比例比較好入口嫩滑肉質細緻潮州火鍋中牛丸必定少不了吃牛肉我喜歡配上烏冬蔬菜中點了鉀質特高的羽衣甘藍有師傅在庖丁解牛食客們就有口福了

之前在大埔吃過一次，覺得低食，知道新開紅磡分店，今晚早點來吃。裝修很有特色，鋪內放了一個懷舊小巴車頭，可供食客影相留念。店內亦有九龍皇帝的墨寶。由於荃灣分店開幕，所以讚好專業，就可以以$1，換購川味酸菜湯底，這個湯㡳有很多酸菜，而辣味不會太辣，酸酸辣辣，非常配合吃牛肉。牛肉採用了怙牛，不似日本和牛、安格斯肥牛般，這麼多脂肪，比本地牛肉味道濃郁。牛朴肉算是脂肪最多，不過不會太肥膩。其次是牛腩頭，這個的油脂分佈均勻，很多雪花在表面。牛柳比較腍身，入口溶化。匙柄就肉味濃厚，有嚼勁。牛鴕峰，肉質偏腍，脂肪比例少。封門柳，牛肉味最濃，而且腍身。自家製酸梅湯，不會太酸，味道有點像紫貝天葵，吃牛肉必定要點。

由於我朋友知道我同牛係好朋友, 所以今日放工約左去試下呢間型格火鍋. 呢條街全條都係食既呢一間既裝潢同Design叫做係最Trend. 特顯到成間店的時尚感同埋又保留到好多香港傳統既風味.店舖都有好多特別既食物. 牛... 全部都係牛! 呢度有好多牛好特別既部份. 吊龍呀... 全部都真係好難得食到! 之前都只係在台灣食溫體牛食過一次香港真係都未見過. 呢度仲有一個小地方俾我地任用醬醋, 都係我地坐坐下先發現到, 店員又真係冇咩介紹.不過一黎就見到有一個牛肉汁當然要試試, 甜甜地好似日本既味醂煮既味道. 貪心既我地又點會放過２個口味, 由於酸菜賣晒所以我地就叫左個Satay. Satay 味好香濃, 食牛肉真係好match. 野味到不得了我地叫左好多唔同既牛, 有吊龍,慢煮牛腩, 手打牛肉丸等等... 真係樣樣都好好味! 放入去清湯食到牛肉的原味鮮味出晒黎, 如果放去Satay 味就入味香口. 牛肉味濃又爽口, 碟碟都細細碟我地２個人可以叫多好多款. 好滿足呀~

今日去左黃埔616七桌子打邊爐，未食已經被佢嘅裝修吸引左。裝修好講究，一邊牆身用左瓦磚鋪成一幅畫，一邊牆身展示了九龍皇帝的字。入口處擺放了露營車嘅前半截。座位設有不少卡位，大部分都是沙發位，環境寬敞舒適。打邊爐我一定會點豉油。配料有好多，揀到人花多眼亂呀！最鍾意佢有柑桔！牛丸點柑桔汁同吃，嗯～真係好好味呀！建議你地可以試下咁食。啱啱先嗌完鴛鴦沙牛湯底，轉頭店員就拎左碟西瓜出黎😳，原來係送嘅前菜呀！好窩心呀～😍食完成個人好fresh，番左成日工變得遲頓嘅味蕾即刻被喚醒！呢間火煱店以牛作賣點，牛嘅不同部位呢度都有得食，例如：牛駝峰、牛柳、牛朴肉、三花腱等，唔講唔知原來牛肉有分咁多種！水餃就食得多啦，呢度竟然有「牛肉」餃！好特別，相信冇乜邊度食得到。成日對牛丸有種負面印象覺得佢好實好硬，本身冇諗住嗌，但朋友想食就點了。估唔到肉質頗腍身。牛丸吸收曬湯底嘅精華，一咬肉汁盈腔。從來未食過一嚿牛丸好似呢嚿咁好味！一啲都唔誇張架，試過你就知！特別嘅係呢度有羽衣甘藍。羽衣甘藍好有營養，估唔到打邊爐都有得食！但嫌佢太長，食嘅時候要慢慢咀嚼，要花d時間先食得曬一條。如果切短d就食得方便d啦。打邊爐我一定會食

我同朋友都係牛肉控，呢日出去紅磡做嘢，咁啱經過呢度，見到好多人淥緊牛肉，即刻好心動，決定喺呢度開餐! 坐低見到張墊枱紙隻牛牛寫咗唔同部位要淥幾耐，分得好仔細，好多名平時都無聽過，樣樣都想叫嚟試呀! 醬料係自助嘅，除一般調味料外，最特別係有牛肉汁，令鮮味提升。店員告知 like 佢哋 facebook 就可以用$1叫個鴛鴦酸菜牛骨湯，雖然係$1，但好足料同夠味，勁抵! 終於到萬眾期待嘅牛肉上場啦! 牛朴肉肥瘦相間，油質淋滑有油香，正正係我心頭好! 牛駝峰就牛肉味濃。牛坑爪就有咬口，愈愈有牛肉味。牛腩心係平時食到牛腩嗰種味，牛肉味濃，但有少少油香。吊龍伴就比較瘦，但肉味好濃，一啲都唔嚡口。胸口膀就係食油脂香，啖啖都好香濃，夾埋啲牛肉食，好食呀! 牛肉餃嘅餃皮煙韌，牛肉重香料味，配埋特製醬汁一齊食，幾特別!食咗咁多肉，都要食返啲菜中和吓，叫咗金菇同唐生菜，啲菜都新鮮。另外叫咗勁索湯嘅響鈴，吸晒牛肉湯嘅精華，正!呢度提供枝裝可樂，我見到緊係即叫啦，爽呀! 呢餐食咗咁多刁鑽靚牛肉，都好滿足呀!

唔知道幾時開始打邊爐唔止係冬天嘅選擇就連其他季節也愛上了打邊爐,可能就是喜歡大家坐埋一齊個份溫暖感吧🤗◽呢間個鋪頭名一睇就知係打邊爐啦點解？因為用咗同音字「616」仲唔係淥一淥咩😹◽離遠都見到門口有好大隻字寫住616👀入到去座位不算太多但係每張枱都好闊落，而且都好光猛😊鋪頭入面唔係用一般嘅餐牌去點菜而係用一個iPad去點！好нιgн lv  aн!✨見到每樣食物嘅價格同埋都有簡單介易唔同牛既部份既簡介！等你學到野之餘又知自己食緊咩丫嘛！💁🏻‍♀我地先簡左個湯底！係個店員推介既！「鴛鴦鍋」一邊係酸菜湯底,一邊係另一邊係普通牛清湯;我想講酸菜湯底嘅酸菜真係好好食呀😙佢嘅份量都幾多！食極都仲有！但係食耐左會覺鹹左少少🤨然後出去拎醬料成個自助醬料吧😆係到 慢慢落調味料〰返到埋位嗰陣就碟西瓜黎左！店員話係飯前果🌟🙆🏻‍♀呢度出名就係牛既刁鑽部位都食得到✨！有d名我真係聽都未聽過呀👂🏻！好罕有🤔・🔹封門柳 ($68)我個人最喜歡就係呢個啦！肉味最濃, 香甜！肉質仲鮮鮮的！原來佢係橫隔模下面既💁🏻‍♀🔹金花趾 ($68)爽口程度算高！可能佢嘅筋多過其他牛肉所以食落會有啲韌！脂肪佈都平圴!如果你鍾意食

平時經過616，總覺6l6七桌子的名字很特別。今日約了朋友晚餐，決定試下此間616。616的餐位分開整齊的2排，令人覺得整潔舒適，最特別之處是半幅牆用了曾灶財的墨寶來裝飾。食火鍋都是以牛爲主，616的牛肉將每個部位分得十分精細。及細心地標示每個位置的牛肉灼熟時間，免灼得太熟變嚡。由這一點就可看出店主對食物的嚴謹及誠意。最喜歡的自助醬料吧整齊清潔，有十多款選擇可自行調味。牛駝峰$48。顏色鮮豔，刀工非常好，切得很薄，根據餐廳提供的時間滾8秒。牛駝峰比較瘦，有淡淡的牛肉味，㸃上自調的醬汁，好味呀。匙柄$48。顏色夠鮮，滾6秒。再㸃上辣醬汁，感覺比牛駝峰牛味濃一㸃。三花鍵$48。顏色紅朴朴，夠新鮮。滾6秒，有少少咬口，在醬汁上添上餐廳提供的青檸檬汁，又另有一番味道。牛樸肉$48。與雪花肥牛分別不大，肥瘦均勻，顏色雪裡透紅的感覺，見到已經想食。多款之中，最喜歡牛樸肉，因為牛味最濃郁。稻庭烏冬$28。不用煮太久，加少少調味，煙煙韌韌有少少𡁻口，好味。酸梅湯$48。食火鍋飲酸梅湯，酸酸甜甜十分消滯及好味。