616牛肉火鍋專門店 (已結業)

朋友话我知原来616喺黄埔都开左间，好近地铁站。可能佢做紧promotion关系，全场爆满。好彩我地剩系等左半个钟就入得。墙身啲字，已经好难揾到真迹了。冰麻牛，唔系好辣，但系就唔系好"冰"了。响铃，好松化，浸完啲汤仲正！牛丸，好重牛味又弹牙，好味到再encore左1份。牛扑肉，比较厚，不过油脂唔错，系稍为韧左啲。手打牛滑，望落好似大版台湾肠，系几实正，牛味极重劲好味。滑尾龙，似滑牛加蛋，捞匀左再煮下，食落坚似滑蛋牛肉，当然味道呢到香好多。腩头，食食下先发觉同张相唔同，应该比错左，不过我地已经食左一半了。虽然好似同普通肥牛差唔多，但啲脂肪位唔韧，牛味都好重。