5% Cafe

营业中

休息中

今天放假，悶悶地搵朋友吹吓水，消磨吓時間。朋友介紹左我嚟呢間要上樓的旺角西式咖啡廳。咖啡廳佈置好簡潔，而且好寧靜。入左去，好似完全去左另一個空間咁，超舒服，仲有大量桌遊，供客人玩樂，你想休息幾耐都可，唔會好似出面一d餐廳，要你係個半鐘食完走人，趕頭趕命咁，食左都消化唔到啦。呢間餐廳最適合攪吓party或者活動，大家吹吹水，玩吓遊戲。我同朋友合共叫左兩個午餐：1）黑松露手打牛肉漢堡拼薯條漢堡的麵包外層脆，增加口感。薯條夠脆手打牛肉漢堡就係這個餐的靈魂，唔錯，幾好味。但黑松露就一般般啦！總括而言，是不錯的選擇。2）天婦羅炸蝦煙肉卡邦尼意粉天婦羅蝦處理得很好，不會太膩，但略嫌太少，只得一隻，兩個人唔夠分。至於卡邦尼意粉的意粉不會太（淋）身，配合埋卡邦尼汁剛剛好。飲品，Mocha同Latte, 飲品我覺得有d淡味，特別是Latte,如果可以濃d就好。我一定要讚，就係呢度的服務員的服務態度超好，超親切，為這間餐廳加左好多好多分數。我實在要俾5個贊。💖💖💖💖💖

🍴雙重芝士焗肉醬意粉 $108即叫即焗，上枱熱辣辣，芝士鋪滿面頭，份量好足，而且真係見到兩隻色嘅芝士，芝士控必食！意粉唔會焗到乾晒，啖啖芝士好正。/🍴荔枝紅茶（跟餐)最驚啲藥水味嘅水果糖漿，但係呢杯荔枝紅茶就冇藥水味，反而仲幾真，淡淡嘅荔枝味好清香，同紅茶好夾，又唔會搶走紅茶味。重點係唔會太甜。/呢度有好靚嘅霓虹燈牌可以影相打卡，仲有多過50幾款嘅Boardgame 可以任玩，係一個同朋友hea嘅好地方!

5% Cafe 旺角彌敦道577號高氏大樓2樓BC號舖/🍴炭燒雞扒漢堡配薯條 $138唔係太肚餓嘅關係，叫咗個漢堡餐，個包嘅大細剛剛好，入面夾咗芝士、雞扒、生菜、蕃茄，層層分明，賣相唔錯。食落又點呢？原來雞扒用咗照燒汁去煎，非常惹味，亦都夠Juicy，加埋好新鮮嘅蕃茄同埋生菜，感覺冇咁有罪惡感。/ 🍴玫瑰洛神花茶 +$12嚟M嘅關係，唔叫凍野，養生少少叫個洛神花玫瑰花茶，可以理氣解鬱、調經止痛😊一大壺茶用火烘住，保證可以keep到溫度，亦都令到花茶焗得更加香，非常細心。食完薯條漢堡再飲花茶，感覺亦都好解膩。/#food #foodie #hkfood #hkfoodie #foodporn #foodstagram # #hkfoodblogger #foodblogger #foodlover #foodphotography #hkig

疫情持續左咁耐，總要搵地方chill下～抖下氣～正所謂 ‘放鬆下啦 香港人’ ，而樓上cafe就係一個好選擇啦！呢間5% Cafe坐落旺角，雖然唔係位於最中心地帶，但交通都係好方便裝修簡約舒適，地方尚算寬躺，坐得舒服提供好多唔同種類嘅boardgame俾顧客任玩，岩晒約埋一班朋友上嚟玩到天昏地暗！當日放工過嚟已經係dinner time，晚餐套餐每款大概一百零蚊，包一杯$40野。除左有特色飲品，更有幾款由cocktail改良嘅無酒精飲品，好吸引！下次再嚟一定要試吓日式天婦羅蝦卡邦尼煙肉意粉 - $108天婦羅蝦炸得脆口，蝦細細隻，味道一流。意粉就十分出色，卡邦尼汁好重芝士味，每一啖意粉都沾滿醬汁，芝士控絕對要一試！炭燒雞扒漢堡配薯條 - $138雞扒燒得剛好，肉質keep到juicy，係經典嘅漢堡配搭，十分好食。薯條亦係新鮮炸起，熱辣辣嘅薯條雖然明知唔健康，但係都食到停唔到口抹茶Smoothie - $16好濃嘅抹茶味，味道甜荔枝梳打 - 跟餐係而家炎熱嘅天氣下，一啖冰凍嘅梳打 爽度絕對爆燈啊！

旺角出名多Cafe 今次去咗高氏大廈5% cafe一入門口已經見到好多唔同種類嘅遊戲可以任玩 Cafe座位闊落 坐得舒服又唔窄 入面仲有個霓虹燈打卡位 員工好悉心咁介紹每一頁嘅餐牌 選擇都算多晚餐有set叫5%黑松露手打牛肉芝士漢堡配薯條睇個名就知係呢間Cafe嘅主打菜 黑松露味雖然唔算濃 但作為一個漢堡來講都算高質 手打牛肉味濃 火喉啱啱好 唔會太熟 鎖住到肉汁 包嘅底面都有煎 香脆好食 😋薯條雖然係配菜 但炸得好好食 擺咗陣都未冧 有驚喜跟餐包左杯$40樓下既飲品 over左要補返差價試左雪梨桂花茶 開頭會比較淡 浸耐左茶味濃郁 成set茶上 飲曬仲可以refill 好岩係cafe 一邊傾一邊慢慢嘆 黑松露長通粉 比漢堡呢個長通粉勁重黑松露味 分量相當之多 每一條長通粉都有黑松露醬 不過食完會比較濟 要慢慢品嚐 配合花茶可以消濟 好啱同長通粉一齊食朱古力沙冰 比平時特別嘅係加咗薄荷味 朱古力味都好濃甜品Tiramisu蛋糕 Tiramisu味比較淡 似咖啡蛋糕 海棉蛋糕部份軟身 cream都幾滑 不錯

I made my booking to dine but they ended up putting me the table in front of the door, the main problem is the air conditioning is so bad. We requested them to turn up the air conditioning but I didn’t feel anything change after they adjusted the temperature. This is one problem, the second problem is their drinks are so bad. “Rainbow” is overly sweet. “Honey Butterfly” isn’t even cold despite they put some ice cubes into it, it is nowhere near to cool too it’s just in room temperature. The dess

好耐冇去過Board game既餐廳 , 咁岩朋友又話想搵d野玩 上網見介紹唔錯就黎左5% Café.餐廳位置好方便 係油麻地站A1出口行5分鐘內就到! 一入到去餐廳職員好有禮貌咁比我地自己簡位坐, 空間都好大 唔會坐得好迫坐底後職員都好有禮貌咁介紹餐牌.👍🏼👍🏼我地每人叫左一樣主食同3杯飲品, 最後加多左$28叫多左個甜品-5% 黑松露手打牛肉芝士漢堡配薯條 $158一黎到已經好有黑松露味! 個包都煎得好脆 脆得黎又唔會好乾好硬個隻, 漢堡煎得岩岩好! 唔乾 又有肉汁 漢堡上面舖滿芝士同黑松露 一流 配埋蕃茄同菜中和番個油膩感 薯條都炸到好脆口😋-5% 黑椒手打牛肉芝士漢堡配薯條 $148同上面個個差唔多 係變左黑椒味漢堡 都係好好食!😋-黑松露醬野菌忌廉汁長通粉 $128好多黑松露醬! 令到長通粉唔會好乾好難入口! 唔錯😋-雪梨桂花茶 $56店員好貼心咁幫我地焗左一陣先拎出黎比我地, 一上我地就可以飲到加分!!-Chocolate Smoothie $56朱古力沙冰飲落唔會好甜 仲有少少薄荷味中和番朱古力既甜, 好飲!以往樓上Café 都係比我唔太好既感覺, 今次黎到5%Cafe

日日返工都係為咗等放工可以同朋友食餐好嘢、揾間cafe坐吓聚吓舊啫, 今日我就同咗朋友嚟呢間喺高氏大廈嘅5% Cafe食晚餐, 呢度嘅裝潢好似返咗屋企咁, 燈光温馨之餘啲櫈好似梳化咁, 不過張枱就矮咗啲~ 我哋叫咗兩個dinner set share, 每個dinner set都包一杯$40或以下嘅飲品咖~🍔 5%黑松露手打牛肉芝士漢堡配薯條 ($158)呢個餐係喺openrice熱門嘅第一, 本身鍾意食黑松露嘅我同朋友當然都要試喇! 個漢堡好滿意! 手打牛肉果然好juicy好正, 黑松露味好香; 加埋新鮮番茄、芝士, 好classic, 讚! 薯條就係粗薯條, 唔係特別脆嘅, 鍾意腍身薯條嘅朋友會鍾意呢個~🍝 日式天婦羅蝦卡邦尼煙肉意粉 ($108)熱門菜式排名第二嘅呢個卡邦尼意粉更得我心! 意粉好Creamy, 味道唔鹹唔淡啱啱好, 合晒我心意! 上碟又靚好有心思!

唔係朋友介紹都唔知道呢度有間Cafe位置唔算旺角熱門嘅位但真心食物環境服務各方面都唔錯希望會多啲人認識一入到去轉彎已經見到有大量嘅桌上遊戲興奮之餘亦都感嘆 終於有一餐大家可以放低電話好好享受食物 傾吓計 玩吓遊戲😊你諗得到嘅基本上都有得玩 入面啲裝修擺設雖然唔會話好華麗唔會影到好多好靚嘅打卡相 但係俾人一種輕鬆 舒服嘅感覺就好似返咗屋企咁 玩具 公仔亦都好隨意冇話有啲乜嘢特定主題黑椒牛肉芝士漢堡塊肉好厚 但唔會乾 芝士亦都令到好有食慾個麵包出奇地好脆 薯條同樣出色黑松露牛肉芝士漢堡同上面嗰包一樣個包好脆 塊肉好厚只係多左黑松露醬個人比較鍾意呢一個黑松露野菌忌廉長通粉呢個真心好出色 黑松露味比漢堡包濃好多通粉煮得啱啱好個醬汁好香濃👍🏻👍🏻入面有少少薄荷味飲落似薄荷朱古力嘅感覺精選蛋糕今日嘅係提拉米蘇味道唔錯 但覺得有少少偏甜

5% Cafe， 點解叫呢個名？有乜意思？響門口就可以見到答案⋯⋯”Share 5% of your time”，如果以一日24小時計，5%就係72分鐘，嚟到呢間Cafe又可以點樣用5%時間呢？5% Cafe係一間board game Cafe，可以同三五知己聚埋玩board game，食下飲下傾吓，座位都分隔成唔同嘅小區域，為求令每班客人都有自己嘅空間；湖型窗口位置，由特色霓虹光管組成嘅“best friend forever”，最啱一班朋友或同知心好友打卡⋯⋯至於我，我今次會用嚟食餐晚飯，獨自整理下我嘅工作📑💻🍹叫咗個Set dinner，香脆龍利柳配牛肝菌汁長通粉 $128，龍利柳大塊到遮咗大半長通粉，揭開件炸得又香又脆嘅龍利柳，牛肝菌汁長通粉都唔少，全碟整體味道啱啱好，份量亦足👍🏼個Set可以揀Drink Menu內 $40以下嘅飲品，其他補差價。我呢杯係接骨木梳打，清新可口，美味解渴👍🏼辛苦左一日梗係要叫個甜品安慰➕獎勵自己，抹茶白朱古力窩夫 $78，窩夫做得好，鬆化而且脆，只可惜個cream過甜、唔夠挺身，我估計係買入樽裝嘅P字頭牌子，令成碟甜品扣分👎🏼

今日下午同fd黎左5%cafe玩board game之餘，仲買左外賣返屋企做dinner😋1.椰香馬來咖喱雞配紅米飯一打開飯盒就聞到好香咖喱味！雞肉幾入味，肉質唔錯，層皮既邊邊仲帶脆添！仲有好多舊薯仔、紅蘿蔔，幾冧身入味！不過要盡快食，因為蒸氣焗住會令到d飯太濕。2.蒜香蜆肉意粉打開有驚喜！估唔到真係有咁多蜆肉！仲有殼嫁添！幾鮮甜。意粉好爽口彈牙，幾滑～唔錯！👍🏻跟餐仲配飲品添！👍🏻Cafe入面有一個打卡位😆都幾靚👍🏻岩哂gathering同朋友影合照！👍🏻

為左食漢堡包，我走左去旺角cafe😂 網上勁多人推介佢嘅5%黑椒手打牛肉芝士漢堡配薯條。果然不枉此行，手打牛肉係唔同啲，佢唔係嗰啲嗱得好犀利，又林又冇肉味嘅牛肉。 漢堡包有肉味得嚟，好juicy，食到淡淡嘅黑椒味，調味唔會好鹹。 難怪咁多人都讚。下次試埋佢個黑松露手打牛肉先得！除咗漢堡包，我哋仲叫咗日式天婦羅蝦卡邦尼煙肉意粉。意粉煮得啱啱好，有少少咬口，唔會林bet bet。面頭有一隻天婦羅蝦，炸粉唔算厚，蝦肉唔霉。加左適量白汁。甜品我哋叫左棉花糖雪糕窩夫，好足料呀，有三塊窩夫加兩嚿雪糕， 面頭加咗cream同埋棉花糖。窩夫面頭脆得嚟入面有蛋香同麪粉。係我鐘意嗰種窩夫。加埋雪糕好正！閒日嚟講，餐廳都幾多人，我諗星期六日可能book定位穩陣啲😊

平時都少上旺角樓上Cafe搵食，認真搵下原來都有唔錯的素食。這間 5% Cafe 除了不可能漢堡好好食，環境都幾闊落又有 Board Game 玩，如果要約朋友聚會真係個好去處。5% Cafe 在一楝商廈的2樓，同大廈都有好幾間餐廳，升降機只有一部繁忙時間等得比較耐，但二樓行樓梯都無問題。入面有大量各式各樣 Board Game 可以借用，現在大家都要留港搵活動，上來玩 Game 吹水消磨時間都唔錯丫。入面空間都幾闊落，而且全部係梳化位坐得幾舒服。入面面積都幾大喎，中間柱位間開一個個區域，圍內自己玩自己都有私穩度。餐廳各處都有向街的窗，整體採光都唔錯，仲可以望住繁忙的旺角街景。我覺得最靚就係這個角落位，當你平日好悠閒咁食 lunch ，然後望住下面馬路好多人好忙的樣子，總覺得特別寫意。素食選擇基本上就只有一個 Impossible 植物肉芝士漢堡配薯條，唔洗揀無煩惱。晚餐都一樣有不可能漢堡，另外仲有個黑松露野菌忌廉汁長通粉。飲品都幾有特色喎，而且配搭看起來幾健康。凍飲有好多款都好靚好打卡-able，彩虹色和紫色都幾吸引。除了特色飲品，原來仲有咁大版飲品可以揀，旺角樓上Cafe就係咁有彈

位於鬧市中既5% Cafe，環境有幾分似同區既board game cafe，坐落都幾舒服。如相中有非常多既Boardgame，我見店員都好熱心介紹board game 俾客人，可惜我今日一個殷就玩唔到了我特別鐘意餐廳係牆身貼上唔同客人光顧後好開心既合影，令人覺得餐廳好溫馨同注重客人感受，即時加左分啊餐廳設有最低消費，黎之前記得睇清楚啦~黑松露手打芝士牛肉漢堡配薯條食物既價錢比起同區既餐廳進取不少，自然我對佢既期望都高上不少!食完之後發現果然無令我失望，牛肉既肉味好香濃，質感唔會太緊實或鬆散，令人想一口接一口咁食落去。黑松露作為點綴亦好出色，唔會搶去牛肉既味道，加埋牛肉本身既肉汁，非常好味呢!Rainbow餐廳其中一款招牌飲品，見到外表已經「人如其名」，非常鮮艷動人由梳打水，芒果汁同士多啤梨糖醬混合而成，飲落出奇地夾同好飲，值得推介!

難得阿姨得閒 話帶我哋去 旺角一間cafe 有好多遊戲啱卡卡玩， 順便食個晚飯 我 哋好早就到 六點鐘左右 人唔多 都幾乾淨企理 果然真係有一大堆玩具 任你玩 但係都要醫肚先㗎 我哋叫咗 龍利柳長通粉 龍利柳夠滑， 個汁都好濃味👍🏻 當然要叫個牛肉漢堡啦卡卡 最愛 加埋薯條佢簡直愛不釋手 個包焗到脆曬👍🏻 漢堡牛肉鮮嫩多汁 入口即化 再襯埋杯chocolate smoothie 開心到不得了 食下玩下都坐咗兩個幾鐘 臨走卡卡仲要話下次要再嚟呀