5越越南餐廳 (已結業)

送小朋友去荃灣南豐上興趣班，媽媽當然要輕鬆一下。我想上去得家具店，所以在樓下看看有沒有下午茶飲。這一間座位寬敞，人手充足，感覺不錯。我點了客豬頸肉湯河下午茶，豬頸肉另上，切件，不是切片，每件要分開兩至三啖才能吃完，有九大塊，非常滿足。肉質不錯，只是油多了少少，大家吃時自己處理下。另河粉大大碗，又有兩件大蘿蔔墊底，真是細心。河粉好味，不「林」，滑溜。5點吃完個下午茶，晚上有足夠力氣去做運動，不用吃晚飯了。

今日約左亞媽食飯! 見到佢冇咩人就入去試下! 我地2個人叫左4樣野! 好大食呀! 哈哈哈!5越湯河粉生牛肉、牛肚、牛丸、牛腩片、牛扎肉河粉味道不過不失! 好普通既一碗河粉! 都要$92, 都貴呀!籠仔蒸粉包好似蒸得唔太夠熱! 賣相也做得不太好! 但味道都算ok的!鮮果沙律菜米紙卷佢有好多米紙卷揀! 而我又想食清d, 所以叫左哩個!!!!用火龍果加上沙律菜既米紙卷!點d酸汁食落都唔錯~好fresh!  酸辣鳳爪哩個都唔錯! 好夠味呀! 份量仲好多!總括係不過大失既晚餐!價錢偏貴!

今日下午茶時段，叫咗一碗牛肉湯金邊粉，可選河粉或其他泰式粉。湯底味道幾好，但得三條好細嘅有肥膏牛肉，金邊粉就好多，好彩我唔係食肉動物所以算係咁。如果你係食肉動物就應該唔會俾合格了。另一個朋友食炸雞翼泰式沙律，味道同份量都好好。雞翼整得唔錯，泰式沙律好多甜酸汁。下午茶包一杯飲品，凍飲加三蚊，有加一。下午茶時段唔多人，幾好坐，開揚。服務普通。無笑容，亦無黑面。商場算新，唔算好就腳但有橋由地鐵可通往都算ok。

是晚路過見度度都多人，見店內算是坐滿，而且不用等位，決定試下，點左虎蝦芒果米紙卷，蕃茄蟹肉湯米及牛肉青木瓜沙律，此卷除了香葉及芒果有原有的味道之外，虎蝦有一小塊而且好似咬膠咁無味，碗湯米又是好淡，好似無落鹽咁，牛肉青木瓜沙律就好少少，起碼真的是青木瓜，但D牛肉就像被用作煲完兩次湯的湯渣咁，連牛味都無，而且淡而無味。題外話，除左味道差之外，服務都好差， 好客氣地問要多隻碗，個侍就話枱上有你見唔到咩? 再問時，佢好不滿咁大聲話: 你要講要多"一"隻碗，人哋先知道。。。，簡直。。。。。。跟住明明枱上隻礏仲有野未食完，就無端端走過來要收走你的筷子，同佢講左未食完，話口未說完，個侍應不收筷子改收走醬汁，即時同佢講，竟然話唔使咁緊張，再俾返個新你羅。不會再去!!!!味道差，服務差。

因為泊車問題，成日都係中染搵嘢食 這間越式嘅湯河粉很好味， 啲湯好好飲，又多， 服務有幾好，一直都有幫襯，非常好味，今期試咗番茄牛肉河，有少少咸可以稍為改進， 其湯河粉同菜式都非常唔錯 非常值得去試下

因為見到唔洗排隊而去食，食完先知顧客少係有原因的。河粉一般般，唔夠香，芽菜少。唔推薦咖喱，唔香又唔辣，唔好食，又貴。反而小食拼盤幾好，最好食就係個炸蝦餅，豬扒一般。

下午3點去食Lunch，去到中染不如清清地食吓越南粉。當時冇乜人直接可以入座。坐低後望望下午茶Menu，咁就試試佢哋個生牛肉湯河粉加杯凍檸茶（$48）啦！但係唔知佢餐廳唔夠人定地方大，叫人落Order都冇人應，要再三叫先可以落單，呢方面應該要改善一下。凍檸茶先到，意想不到係杯茶好濃味，檸檬又俾得足，甜度適中。稍後生牛河亦到，個湯飲啖都香喎，再試一片生生地嘅牛肉，好淋唔靭而且味道唔錯，河粉份量下午茶嚟都算大份。總括嚟講如果啲Staff專業啲啲，加上食物味道亦唔差，其實5越絕對係一個間喜歡食越南粉唔錯嘅選擇~

逛了這商場內的大型家品店及吃過晚飯，經過這食店，在門外看看餐牌，店員走出來介紹和解答我們的問題。見她態度主動積極，於是打算下次去幫襯。第二次去，吃了下午茶時段的蝦膏大蝦炒飯，配咖啡。本來以為炒飯都是中式酒家的才做得好，越南食店只做好湯河粉罷，但竟然飯炒得爽身，粒粒離開不會粘在一起，蝦膏炒飯惹味但不咸，而且一點也不油，吃完碟底是乾身的，師傅好手勢！除了師傅炒得好，用料也足；除了說好了的大蝦，還有三色椒粒、煎蛋皮絲、豆腐粒，感覺上營養均衡。咖啡香，沒有酸或苦味，完全不用下糖和奶。吃完下午茶，帶了書去看，坐了差不多一個鐘等下午茶落了格再加單，看書齋坐的期間也沒有來催埋單，後來加單只點了一項，店員態度有禮。

Five Spice is located in the newly renovated CDW Building in Tsuen Wan, which is next to the Discovery Park mall. At the moment there is only a handful restaurants and shops opened in this building, while there are many more which will be opening soon. The restaurant serves Vietnamese cuisine with warm decorations featuring lots of wood fixtures. For the bar seatings is best for 1 to 2 person, the restaurant also installed USB chargers at each individual at the bar seating, very thoughtful.Th

我都明做飲食業會好攰，受器，但係我黎食飯❌受氣嘅🔥🔥🔥🔥除此之外仲要物❌所值我哋喺門口等咗一陣佢就安排咗位置畀我哋，佢哋帶我哋去咗vip房， 間房好似人地公司開會咁一張長枱 應該坐到廿個人度， 間房坐住一間公司嘅booking， 而且佢哋差唔多已經食完， 佢硬塞我哋入去（ 但係出面明明好多位， 我完全唔知點解要我哋入去）， 1.入咗去完全無人理，落個order都要出去搵人👈 喂喂我唔係你食buffet， 唔使 service 埋自己， 完全冇服務😡😡😡 大佬你唔係茶餐廳， 加上又收得咁貴又收加一，你仲要咁嘅服務你都應該唔使與人哋再黎2. 嗰張枱成條河甘闊，講嘢都好似要嗌過對面山頭咁嘅感覺，完全❌傾計😂😂，當嗰班人走曬之後，仲嗌曬啲人入嚟搭枱（呢個都明要做生意），三九唔識七，點樣大聲講嘢，於是我哋急急腳食完啲嘢就走佬，簡直好似食自閉一樣3.幾經辛苦終於叫到侍應幫我哋落單， 落order又唔重複,又冇講我哋聽有冇嘢飲要再三問先知道原來跟餐係有嘢飲嘅， 上野既速度簡直好慢，我哋食曬d嘢之後，嘢飲仲要三催四請先上到

為咗依間咁差嘅餐廳，我做咗OpenRice嘅會員，希望其他人唔好中伏，請千祈唔好幫襯。其實我自己都有錯，錯在唔上網睇下食評就幫襯。諗住裝修咁靚，門口阿姐又笑口迎迎，入坐前已經問可唔可以俾＄300嘅泊車飛，阿姐話一定得，就安心食午飯。食物就一般過一般，埋單就係戲肉。我一個人食左百幾蚊，埋單個男職員叫我等一等比泊車飛我，我好乖咁等左20分鐘。見唔對路，問個自稱經理名叫小雅嘅職員，佢話冇泊車飛，我問佢我坐咗20分鐘先同我講冇，佢立即寫咗個電話號碼俾我，叫我投訴佢。最令我發火嘅係，佢隨即就同叫我等嗰位男職員攬住走埋一邊細聲講大聲笑指下指下我嘅方向，我問佢是不是講我，佢話係，不斷的從10尺遠大叫、叫我打電話投訴佢，佢話自己係全店最大嗰個，公司聽我講先至奇。既然係咁，同佢公司講都係嘥氣。唯有喺呢度講啦

5越新開時已經試過一次，味道好一般，上菜慢，加上荃灣有幾間越式餐廳都唔錯，所以之後都無再來。今日星期六，周圍都多人，除咗呢間。諗住求其食算數，都行咗入去。呀姐安排咗勁窄嘅二人檯俾我地。我係懷孕37週嘅大肚婆，坐得好辛苦，就好聲好氣問佢可唔可以安排個闊少少嘅位（明明見到有卡位剩）。個呀姐態度勁差咁話：「你兩個人，無其他位俾你地。嗰度其他人要坐。」都無人等位，邊個坐呀？！激到我即刻唔食走人！以後貼錢請我來都唔入來！生意差係有原因㗎！

未見過咁差嘅員工，5好大教壞細，上級冇禮貌，員工當然跟住冇禮貌，工作態度差，去到冇人帶位，喺門口呆等，入到去冇人理你，叫碗粉擺到涼曬，叫人點食，叫個經理d態度差到好似只係你味覺有問題，完全5關佢事咁！

時約下午4點，兩名年齡約二十多歲男女，操廣東話口音，在八號颱風下在荃灣出沒，說的正是我們,為了躲避吹亂我的一把秀髮的颱風哥，逕自走進一間5越餐廳，明顯希望自己能感受越南氣息，稍稍逃離風颼颼的香港。下午茶時段，假日優惠套餐都是一些河粉之類，不太合胃口，但如果現在叫大MENU菜式的話，那麼今晚的晚餐就不用再吃了，內心交戰不已，不過一看到大MENU的越南菜如此吸引，卻又忍不住不叫餐飽。坐在5越餐廳，令我不自覺懷緬先祖，想當年越王勾踐忍辱負重，卧薪嘗膽，不只為了報復一國之仇，更為了將越菜這一點傳統保留，幾經辛苦，才有今時今日的越南菜,所以今日要到這擦餐飽，否則如何對得住越王對得住天下黎哋平。(以上純屬虛構，如有撞中，純屬巧合)。我們點了招牌南乳吊燒雞($128半隻)、隻雞看來都幾健康,正所謂白淨淨，包保無病，再加上串燒菠蘿海鮮炒飯($118)及馬拉盞通菜($78)，菠蘿及通菜都是我必點的越南菜，要知道，我是無女不歡的，啊，唔係，無菜不歡才對(現在要很小心地寫，因為如果寫錯了，隨時給女人皇天擊殺)。如果一間餐廳將我喜歡吃的菜式，整得好吃的話，絕對加一倍分，而結果沒有令人失望，賣相果然精美，菜式色

荃灣8咪半即中染大廈, 最近又有新餐廳, 越南餐廳名為 5越 Five spice, 下午茶時間人流不多, 坐下時感覺冷氣強勁. 看一看室內環境, 跟一般的越南餐廳有所分別, 牆上依然有掛上一些越南風味的畫作, 但整體都是深木色配上黑色金屬的設計, 感覺比較現代, 天花吊燈的設計簡約, 另外有一排玻璃樽做裝飾, 而檯面十分寬闊. 另外看見有一張長枱足足可以坐二十人, 實屬罕見.點了一份雞翼湯河粉($45) 和南乳烤雞髀伴越式沙律($42) , 配上熱飲都只是四十多元元, 算是經濟實惠. 跟住即上開飯網站看看食評, 不看尤自可, 一看心驚慌, 原來大部分都是負評, 情況實屬小見, 所以已經有心理準備, 只希望下午茶都不會差得太厲害吧!不足兩分鐘熱蜜糖柚子蜜已經上枱, 有效率. 其中一隻杯外面還是濕濕的, 哈哈...都總算證明有洗過!!! 味道不過不失, 不會過甜, 也算是好的開始.雞翼湯河粉上枱, 有四隻即炸中型的炸雞翼, 份量也算多. 另外一大碗湯河, 內有一件入味的白蘿蔔, 芽菜, 芫茜和少量薄荷葉, 另外, 還意外附送了一小片牛柏葉! 清湯傳來陣陣的牛肉味, 飲下去亦都有香甜的