2派克雞排

营业中

休息中

平日返工行過幾次都好想試，不過可能太早嘅關係，次次經過都未開門，今日lunch專登走專走過嚟買外賣試下。我同同事買左個撐枱腳餐 $98，有4款小食仲包飲品，價錢都好合理。我地揀左🔅脆皮雞腿排：其實係勁大塊嘅去骨雞髀，好juicy，我覺得好好味，好食過某大大雞扒店。🔅脆皮無骨雞：我同事反而覺得呢個仲香口好食d，而且份量都好多，食到一半已經開始飽😅🔅脆皮花枝丸：大大粒，好彈牙，如果再落多d芝士粉就更加正。🔅金菇酥：我地最期待試呢款，實物同佢海報張圖炸得一樣咁靚，另外最驚喜係梅子粉，酸酸甜甜特別醒胃，有啲唔夠喉，下次一個人要食一份先夠。飲品都有幾款罐裝汽水揀，冇乜特別。總結：$98餐其實都幾抵食，尤其雞排同雞塊份量頗多，如果呢個餐仲可以有多幾款其他小食選擇就更正。臨走時，靚女店員同我地講下次可以打電話嚟落定柯打先嚟拎，預時間嚟拎就更方便，因為佢地係即叫即整，制作需時😃 真係要耐心等一陣已經唸定下次要再嚟試埋四季豆、杏飽菇、百頁豆腐先得😋

去台灣多數人都食過派克雞扒，主打炸雞扒及小食。嗰日經過，見到個logo, 見到開咗嚟紅磡，一於試吓。揀咗幾款，落單後大約等20分鐘。脆皮雞腿排$38甜薯地瓜條$25甜不辣$25可揀調味粉原味、海苔、辣味、芥末、芝士、梅子、麻辣。全部新鮮炸起，所以相當香脆。脆皮雞腿扒由於用上雞腿肉，所以雞扒非常嫩滑，而且外皮香脆。我揀咗海苔加辣味，非常惹味。甜酸地瓜條夠粗身，我揀咗咖喱味，估唔到都幾香辣。甜不辣亦都係夠香脆，我揀咗原味，外皮香脆，入邊煙煙韌韌。如果平時經過或者肚餓，買來當小食都唔錯。

二派克雞排終於係香港開分店啦。離遠就見到佢哋好eye catching嘅鮮黃色招牌。我點咗份脆皮雞腿扒，配個酸酸哋嘅梅子粉，可以解下膩。拎上身塊扒仲大過我塊面。新鮮炸起熱辣辣。外表呈金黃色，炸粉唔算厚，咬落皮脆超juicy，肉汁多到滴哂出嚟。店員仲補充道塊扒有成二百幾克重，去哂骨啖啖肉，啱唒食肉獸。

平日中午食晏已經留意到蕪湖街有間新開嘅炸雞店叫「2派克雞排」，因為黃色嘅門面好搶眼💛。店舖裝修簡約乾淨，再加上中文招牌，感覺猶如置身於台灣一樣。不過小店營業時間開得比較晏，要成兩點。店員話其實佢哋準備緊，如果行過見到閘半掩，可以試吓敲門🤣。店舖主打炸雞排同各款台式炸物，食物定價一啲都唔貴，另外仲提供撐枱腳二人套餐👯‍♀️($98)，抵上加抵。食物即叫即整，製作需時，店員建議下次可以打定電話嚟落單☎️。食物包裝袋印上台灣本店嘅漫畫風格，望落都幾可愛👦🏻。脆皮無骨雞排(原價$38)，🐔大雞排係餐廳嘅名物，佢有兩款之分，分別係普通雞排同雞腿扒。前者用上雞胸肉，而後者就係雞脾，脂肪較多，所以炸皮會相對整厚啲。鍾意食雞胸嘅我揀咗前者，雞排超級大塊又夠厚，直頭好似隻拖鞋咁。雖然係雞胸，不過肉質都好滑，同炸皮緊貼。店員話即使客人要求切細，佢哋都會拒絕，因為要保留傳統風味。脆皮無骨雞塊(原價$35)，🍗無骨雞塊有成十幾件，拮嚟食好方便。但如果比起大塊炸雞扒，就無咁多肉，而且炸皮唔算超級酥脆。脆皮百頁豆腐(原價$24)，🍢百頁豆腐勁正，一客有六件。豆腐外皮微脆，中間部份非常軟綿，帶少少煙韌，食落又多汁。店員

原來香港開左呢間派「派克雞扒」😍係台灣成日食，勁鍾意佢啲雞扒又厚又爆汁。今日經過見到勁多人排😭買完都要等一排先有得食。。有勁多口味選擇，仲可以澤混搭，每次最多兩種。。必點個「脆皮雞腿排 $38 」今次擇左原味，因為想食下佢個原味正唔正😍果然好正呀！雞扒勁大！大過iPhone x 2 。仲要皮超脆，一咬就爆晒汁！塊皮加左少少蜜糖炸，甜甜地好惹味。。另外仲叫左「脆皮雞中翼 $25 」（辣味）同「脆皮雞柳條 $25 」（咖喱），都係用返雞扒既炸粉！咁鬆脆，連雞柳條好嫩滑。。比較特別既呢度仲有「金菇酥 $12 」成條金菇串成一串，再加炸粉炸，好正！

好耐冇去過旅行🥲成日口痕痕想去台灣夜市掃街紅磡開左呢間2派克脆皮雞排🐥佢係香港第一間分店 大部份食材都係台灣直送可以食到台灣嘅原味道🇹🇼最重要係有唔同款嘅調味粉有原味(椒鹽) 梅子 芝士 Wasabi 麻辣 咖哩 仲有海苔😋🍗 脆皮無骨雞排 ($38)係超級大塊嘅雞脾排 仲有雞胸排選擇炸到金黃色 脆卜卜💛雞脾肉好Juicy 腌料剛剛好 唔會有雪過嘅味道大大啖咬好爽啊揀左原味更加突出脆雞排嘅口感👍🏻🍄 脆皮杏鮑菇 ($22)本身已經好鐘意食杏鮑菇呢個炸到外皮好脆杏鮑菇大大粒咬落去好多汁🤤✨ 金菇酥 ($12)炸到好脆同薄身好似食緊菇version嘅薯片🍢 脆皮花枝丸 ($18)花枝丸係台灣直送裡面食到一粒一粒花枝 大粒又有咬口🧡 甜不辣 ($25)呢個甜不辣一條條咁 好煙韌 配左梅子麻辣粉 香口

點解仲未去得台灣架🥲好想瘋狂食夜巿小食近排紅磡新開左間炸雞排 仲要係台灣既派克雞排小編以前去台灣淨係會食呢間嘅雞排 超級厚身同爆汁一定要黎重拾台灣嘅味道😋✎見到個撐枱腳二人餐好抵食 $98脆皮無骨雞排 脆皮無骨雞塊脆皮花枝丸 金菇酥 飲品2款雞排成隻手掌咁大 仲好厚身 外皮炸到勁脆咬落仲好多汁 一啲都唔覺得油膩即叫即炸 雖然要啲時間等 但真係好高質脆皮無骨雞塊 就係剪開左既雞排 食起上嚟去方便啲 不過無原塊雞排咁爆汁花枝丸彈牙仲有花枝粒 我揀左麻辣粉 超惹味無諗過金菇酥係成串🤣好酥脆 仲要每款食物都可以揀唔同調味粉 有原味 海苔 芝士 芥末 咖哩 梅子 香辣 麻辣仲可以混搭兩款 超級多口味選擇

前幾日返屋企途中見到開咗間炸雞店已經想試今晚屋企無乜餸就買嚟試下8點左右嚟到都幾旺場出面有櫈比客人坐住等都等咗30分鐘先拎得我地見套餐好抵食全部二選一我地揀咗雞髀排、無骨腿丁、花枝丸同金菇酥其實𠼻兩個套餐都抵！一定夠兩個人飽！雞髀排我地要芝士味佢唔係韓式炸雞似係台式 大塊到傻咗！拎到返屋企仲係好脆無骨腿丁要咗咖喱味有成10幾件！份量好多！除咗炸漿，裏面啲肉都好入味花枝丸要梅味真係好正確嘅選擇！估唔到咁大粒丸真要有三粒！真係必嗌之選金菇酥就要麻辣小辣估唔到都幾辣不過真係好惹味！結論性格比好高 一定會再買不過希望下次唔使等咁耐啦🤣

紅磡新開台灣過江龍炸雞排專門店！係台灣已經開咗接近廿年，有過百間連鎖分店，而紅磡店就係香港首間全部炸物即叫即炸🔥！主打當然係無骨雞排同各款炸雞小食，可以自由配搭八種調味粉 (原味即係椒鹽)另外仲有$98二人餐，性價比高😛-👍🏻脆皮無骨雞排 $38 & 脆皮雞腿排 $38絕對係招牌必食item！雞扒有分雞胸肉同雞腿肉兩款拎上手真係嚇親，兩款都大過塊面又厚肉，呢個價錢好抵食😜雞扒每日自家醃製，唔會淡茂茂，保持雞肉原味唔死鹹外皮超級香脆，就算外賣半個鐘後先食仍然好脆口，亦唔會油淋淋👍🏻肉質非常嫩滑，係連雞胸扒都好嫩完全唔鞋大大塊咬落仲爆哂雞油汁勁juicy，超正🤤！可以揀兩款自己鍾意嘅味粉mix&match店員介紹每塊雞扒都最少250克重，無骨啖啖肉好滿足，食一塊都已經飽哂😈-👍🏻脆皮雞中翼 $25/3隻 & 脆皮無骨腿丁 $35雞翼推薦必食！厚身大隻，肉質非常嫩滑，估唔到比起炸雞扒更juicy多汁，好好食🥹無骨腿丁就係雞腿扒切成一口size，雞皮炸得更加脆口，不過肉質略為冇原塊雞扒咁滑-👍🏻脆皮杏鮑菇 $22 & 金菇酥 $12 & 甜薯地瓜條 $25除咗炸雞，佢地嘅炸菇類都值得一試杏鮑菇

無骨雞排叫左2塊, 芝士+小辣 同 海苔+小辣芝士味食唔出 只係食到辣 而海苔就會食到少少味但2個都偏辣下次應該食唔辣雞排又厚又大塊 岩食肉獸!.百頁豆腐啲豆腐係彈牙既 幾好食但都係辣左啲杏鮑菇普普通通 好正常

睇到近期好多人話佢d雞扒超好食， 見有人等緊驚買雞扒要炸好耐， 所以改買菇試下，我前面只係有3張單， 但我等左半個鐘先拎得， 我只係買份菇，唔怪之得門口有圓櫈俾人等時坐， 出餐真係太慢， 菇係炸得脆既， 味粉一般 菇切得太大粒冇咁好食， 炸金菇得一串賣$12d貴， 試一次就算， 唔係特別好食，不了!

🥢 2派克脆皮雞排 @紅磡一個月內食5次🫠😭原味（椒鹽味）係真係最好食嘅味！私心最愛椒鹽香辣（小辣）無骨雞胸扒～但我男朋友覺得雞腿扒比較好食🤣所以因人而異～但我哋一致認為椒鹽香辣最好味🌟最近發現四季豆都係唔錯嘅選擇😛其實佢個二人餐，都幾抵食~但係我同男朋友食過一次之後發現我哋都係想一樣嘅塊雞扒😂所以之後都係變返散叫~🌟脆皮無骨雞胸排 $38🌟脆皮無骨雞腿排 $38🌟四季豆 $10📌 地址:紅磡 蕪湖街123號海德豪苑地下營業時間: 14:00-23:00

台灣過江龍，香港首間分店🇭🇰🎊台灣2派克雞排著港🎉台灣仲未開放自由行，思鄉深切，食下台灣野止下痕先系台灣已經有十幾年歷史炸雞扒，連埋海外已經有過百間分店連GEM 周冬雨都讚好食😋🙌🏻MIX & MATCH 調味粉有8種-原味　-海苔　-梅子　-麻辣　-芥末　-咖喱　-辣味　-芝士每款食物均可以mix2️⃣款調味粉任你配搭出自創新口味🐥脆皮雞腿排$38　《梅子味》系無骨架❗️懶人必食❗️成塊大大塊就咁咬，爽歪歪💦酥到骨子裏，高溫油炸，保持肉質嫩滑，滴出雞油汁，咬時熱辣辣出曬煙，小心燙口♨️店員話佢地啲雞系自家每日醃製，用㊙️秘制醬汁，確保唔會死鹹，保持到雞肉味🉐食到我最愛No. 1💛梅子味口味，當雞扒肉汁juice配上酸酸甜甜，好解膩✔️🍢脆皮杏鮑茹$22　《原味x麻辣》杏鮑茹大大粒，菇口感滑Q帶脆且細嫩厚實，台灣街頭必吃小食之一🍥脆皮百頁豆腐$24　《海苔x辣味》🌶熱騰騰脆皮配上勁嫩滑豆腐，不過真系有啲辣🌶🌶，要嗌小辣先得店舖系主打即叫即炸，等候時間會較耐➕➕➕舖頭出面亦準備左(chair)俾大家坐住等當日遇上星期六爆單情況，大量外賣app單加上現場外賣等候既人🚶‍♀️🚶🏻🚶🏻‍♂️我都等左40分鐘，店

早排先知屋企附近開咗間外賣小食店，之後一定會成日過嚟買😌 宵夜/下午茶就啱曬啦！ 小編最推介脆皮杏鮑菇～脆皮無骨雞排冇諗過雞排會咁大塊！外皮香脆可口，唔會皮肉分離，食落肥瘦適中，一啲都唔怕肥！小編幾鍾意脆皮雞中翼雞中翼外皮金黃色，食落非常香脆，但亦唔會太油！雞肉都幾嫩滑，仲有好多肉汁～ 表面加入香辣粉，食落更加惹味！甜薯地瓜條地瓜條又長又厚，食到番薯嘅自然香甜～ 好容易不自覺就一啖接一啖🤤 配埋梅子粉食就啱曬！脆皮杏鮑菇（$22）每粒菇食落非常多汁，大大粒好有咬口～ 勁快清曬！

今日返左polyu揾朋友就去紅磡睇下有咩新嘢食見到呢到有間新嘅雞排店😍啲店員全部都又靚女又nice架好用心介紹佢地啲食物 原來佢地係台灣已經做左十幾年依家有好多海外分店架啦 但香港新開第一間🤩仲好多都係台灣直送嘅食材😋所以我就試下啦全部炸嘢都可以揀調味 最多可以mix兩種味有芝士、梅子、麻辣、wasabi、辣味、海苔😍-🐣脆皮無骨雞排 $38佢有炸雞胸同雞髀🍗我就揀左個雞胸肉🙈嚇死我舊雞大塊過我塊面又超厚😍食一舊就飽左 仲要新鮮滾熱辣🤩個皮脆卜卜 啲肉又嫩又juicy😋我揀左梅子味😚酸酸甜甜好解膩～ 十級推介-🌾金菇酥 $12炸金針菇真係唔係周圍都有架😍佢地炸完仲保持到菇入面嘅水份 好犀利👍🏻我加左海苔粉😋甜甜地超正😉-🍢甜不辣 $25🍄脆皮杏鮑菇 $22店員見我地心大心細🤣呢兩樣都比我地叫半份甜不辣好煙韌又好味😋杏鮑菇鮮甜又大大舊-🍡脆皮花枝丸 $18好少見啲花枝丸原粒咁上😍😍真係超大粒 勁抵😍-🧃紙包飲品 $5