2派克雞排

营业中

休息中

台灣最近終於開返關，好掛住之前夜市食嘅雞扒。黃埔最近有間新開嘅台灣過江龍，100%還原台灣味。😆 特別之處係所有炸物有八種調味粉選擇，每樣炸物可以揀兩款味道。 脆皮無骨雞腿排 $38雞腿排即叫即炸，所以都等咗10分鐘。雞腿排好大塊，而且好厚肉。雞腿排外皮食落甜甜地，好多肉汁，就算過咗一陣先食個皮都好脆。😛 味道我揀咗梅子味，同外皮嘅甜味幾夾，好好食。😋脆皮杏鮑菇 $22另外叫咗兩個小食，杏鮑菇好大件，叫咗海苔味。外皮炸得好脆，杏鮑菇彈牙，唔錯。脆皮百頁豆腐 $24百葉豆腐有6大舊，呢個價錢幾抵食😋 揀咗芝士味，豆腐外面脆口，食落軟綿綿，口感豐富。

🔸脆皮無骨雞排 $38配上辣味粉、芥末粉雞扒肉質嫩滑，咬落去有汁🤤雖然係雞胸排，但一啲都唔鞋厚肉之餘，都保留到入面有肉汁要讚👍🏻外皮香脆，熱辣辣呢個價錢幾抵食👍🏻味道：9/10性價比：8/10🔸金菇酥 $12配上梅子粉金菇酥幾特別同少見酥脆香口，炸衣夠薄口感似食薯片/天婦羅😝味道：8/10性價比：8/10🔸脆脆雞皮 $20配上芥末粉、海苔粉大概有十幾件雞皮雞皮超級脆，脆到似厚嘅薯片芥末粉唔會太重，口感自然 不過炸粉略為厚咗一啲 食幾舊之後會有少少漏味道：8/10性價比：8/10🔹環境：沒有座位，係外賣店全部食物都係即叫即炸💁🏻‍♀️所以等候時間預返15分鐘以上⏱️所有食物都可以曬上1種或2種調味粉🗣不須加一服務費-人均消費：～$38-整體味道：8/10性價比：8/10回頭率：5/5-#2派克雞排📍紅磡蕪湖街123號海德豪苑地下及1樓C號舖

買左3樣野，炸雞塊，杏鮑菇，炸雞皮。炸雞塊⭐️⭐️⭐️⭐️⭐️想更有台灣味最好揀返椒鹽加辣度杏包菇⭐️⭐️⭐️⭐️我覺得太大舊，好難咬開，應該1開4就差唔多，做到一口size，同埋應該諗諗計令到舊菇入味D。炸雞皮⭐️⭐️唔應該落粉漿，應該就甘炸，炸到佢乾晒身，脆卜卜甘先好食。整體黎講係好食既！CP值高！甘既價錢有甘既分量香港好少有，值得回頭再試其他！但係雞皮同杏鮑菇就應該唔會再食。

紅磡蕪湖街最近開咗間台灣脆皮雞排專門店鋪頭用黃色顏色作為主題實唔會搵唔到間小店有8款調味粉 原味椒鹽、辣味🌶️、芥末、麻辣🥵、梅子、海苔同芝士味🧀可以自由選擇 最多兩款嘅調味粉 調配自己鍾意嘅口味🍗 脆皮無骨雞排 ($38)雞排炸咗外皮香脆 店員推介梅子芝士味食落梅子酸酸 略微蓋過咗芝士味大大塊雞排一個人食唔曬 記得一定要同人分享啦🙌🍄脆皮杏鮑菇 ($22)炸菇都第一次食 店舖利用咗菇類多汁嘅特性營造外脆內軟嘅感覺加上今次揀咗辣味調味粉一食就有啲麻嘅感覺 都幾過癮🫢🍽️脆皮百頁豆腐 ($24)個人一向鍾意食豆類製品印象中嘅百頁豆腐通常都比較硬身嚡口 但呢個食落去又幾滑加上海苔調味 將豆腐嘅味道昇華🤤

外賣抵食香脆雞排🍗2派克雞排@twopeck_hk 派克雞排sell佢嘅招牌大大塊雞排🍗成日喺附近做完運動都聞到好香，想試吓，今個星期六嘅晏就終於一嚐大雞排啦！試完真係冇失望，所以食完塊雞排我仲加單試佢雞腿排同其他台式小食🍡價錢都好抵，全部都好推薦！值得一提係所有小食都可以揀最多2款調味粉，根據自己口味配搭❤️ 🍗脆皮無骨雞排 $38必食招牌！size勁大，大過我塊面！依個價錢嚟講真係好公道。雞排香炸酥脆，炸到金黃色啱啱好，個雞肉仲要好滑嫩！但塊配搭芝士同咖哩味，冇得彈👍🏻 甜薯地瓜條 $25紫薯味好重，唔係得個炸味👍🏻我揀咗原味同海苔調味粉，出奇地夾！份量都好多，推薦‼️ 🍡脆皮百頁豆腐$26揀咗辣味（小辣）同芝士調味粉😆可能因為前排食過一間台式小食店嘅炸豆腐球而好失望嘅關係，今次都係想食，希望食到我想食嘅感覺，果然冇失望。同上次我食其他小店空心嘅唔一樣，佢真材實料，豆腐裡起碼唔係空心，豆腐仲要係煙煙韌韌！軟軟棉棉，正❤️ Bible rating: 7/10 地址：紅磡蕪湖街123號海德豪苑地下及1樓C號舖

超鍾意食炸物，日式天婦羅、韓式炸雞、煎釀三寶，通通都是我的最愛，但炸物自然少不了的，就係台式炸雞。呢日黎開紅磡，見到過江龍台灣人氣脆皮雞排專門店「2派克雞排」，一定要好好一試。呢日得叫左脆皮雞腿扒（$38）、甜薯地瓜條（$25）同堆脆皮百頁豆腐（$24），每樣食物分別可以揀原味、芝士、梅子、麻辣、芥末Wasabi、辣味、海苔及咖喱味。脆皮雞腿扒我叫左辣味，佢超厚肉又大大塊，外皮脆卜卜，口感豐富，熱辣辣，十分惹味。而甜薯地瓜條，我就叫左梅子味。地瓜條本身甜甜脆脆，加上梅子粉嘅酸味，感覺變得清新唔會太熱氣，叫一份食得好開心。至於脆皮百頁豆腐，酥酥脆脆的口感，拿來當小食，簡直係一口接一口，停不下來啊😆😆2派克雞排地址：紅磡蕪湖街123號海德豪苑地下及1樓C號舖

今日行過紅磡，見到依間小食舖好受歡迎啊，門口又唔少人排隊同埋食緊嘢！好奇心驅使下就叫朋友都買啲嚟試吓🥰🥰嘢食主要分咗做三類，主要係主食、素食同埋小食，當然仲有嘢飲啦！全部炸物新鮮炸起，要等一陣😃😃但又唔洗好耐既，玩下手機好快到你😜😜甜薯地瓜條 （海苔粉）- 正！每條都有豐富既地瓜😁😁 足料！甜不辣 （wasabi 粉）- 好多件fish cake 呀！ 好味又抵食！ 脆皮無骨雞排 （芝士 梅子粉）- 嘩，件雞扒超大塊🥰🥰🥰 肉質鮮嫩唔油膩🤓🤓 好滿足好飽肚😄😄😄仲有好多調味料可以揀，有芝士、海苔、梅子、wasabi 等等，可以好好滿足大家😍😍😍2派克雞排 (紅磡)紅磡蕪湖街123號海德豪苑地下及1樓C號舖

路過聞到好香又見多人排隊就即管試下！下晝三點幾都唔少人大家要比啲耐性~ 唔想等咁耐可以打外賣熱線，提早落order! 叫咗皇牌脆皮無骨雞排 ($38),食完先知原來係雞胸黎一啲都唔似! 叫咗梅子加芥末調味粉,炸粉薄雞肉好滑好juicy, 一塊都幾大塊仲好厚肉, 唔乾有肉汁真心比豪XX好食好多甜薯地瓜條($25) 叫咗芝士同梅子調味粉,芝士調味粉完全唔吝嗇咁落好香口. 每一條都好脆勁大條脆皮百頁豆腐 ($24) 有7件, 叫咗辣味同海苔調味. 辣味唔係講笑都幾辣, 所有嘢都係即叫即整非常之熱. 豆腐外脆內軟唔係乾爭爭, 台灣入口果然零舍不同溫馨提示: 每一樣嘢食都可以叫一至兩種調味料, 記住膠袋要收$1 ————————————————2派克雞排 (紅磡)紅磡蕪湖街123號海德豪苑地下及1樓C號舖————————————————

朋友之前係台灣留學成日食呢間，見到派克開到尼香港梗係要試試！✨脆皮無骨雞扒（$38）呢度同其他炸雞扒店吾同既地方係所有食物都可以曬上調味粉！每種單品都試吾同味🧂今次大雞扒揀左海苔同麻辣小辣，即叫即整！拎到上手熱辣辣，本身見到個炸皮顏色甘深以為入面d雞肉會炸到好乾好柴，但一咬落去超爆汁！雞扒本身已經有調味，再加上shake shake粉好惹味！ 💕店員話芝士味係大熱門，下次會想試試吾同味！✨脆皮杏鮑菇（$22）想試fresh少少既item就叫左原味，原味係default 椒鹽味，炸粉薄杏鮑菇厚身超juicy! 食完雞排想食翻少少蔬菜balance下叫呢個就最啱！一包有5，6舊，每粒都大大粒☁️呢個價錢算係好抵食！強力推薦！🫶🏻✨甜不辣（$25）第一次食甜不辣，原來佢同梅粉係甘夾😲調味粉店員係唔會手軟咁落，每一條都沾滿酸梅粉！入面煙煙韌韌，酸酸地幾開胃。會不自覺一條一條甘追住食💕👉🏻落單到拎食物都等左10分鐘，因為真係落左廚房先會開始炸。店員話下次可以提早WhatsApp落單再去拎就吾洗等😗

📍2派克雞排 (紅磡)試試紅磡嘅台式炸雞小店。雞扒超大件，仲有得加調味粉，好有台灣夜市嘅感覺。💕脆皮無骨雞腿扒 $38雞腿扒原塊上，有兩隻手掌咁大。雞皮卜卜脆。雞肉好柔軟好容易撕開，而且仲醃得好入味。💕甜薯地瓜條 $25地瓜條好大條好甜，配梅子味調味粉即刻變台式甘梅薯條🍠！💕甜不辣 $25充滿魚漿甜味，有少少煙煙韌韌，令人越食越想食。📍2派克雞排 (紅磡)紅磡蕪湖街123號海德豪苑地下及1樓C號舖

全部落單即製，包保熱辣辣❣️Weekend 經過，離遠見到有條人龍，又聞到好香炸雞味，忍唔住走去一齊排隊。招牌風格有啲台灣feel，個名幾得意，原來係連鎖店過江龍，嚟自台灣嘅 2派克雞排 !! 台灣人排名第4，最出名係脆皮，同其他炸雞唔同啵！店員都係後生仔，非常有禮貌又nice，推薦幾款小食俾我。¶脆皮雞腿排$38雞排分2種，一種雞胸，一種雞髀肉。鍾意啖啖肉的我，揀咗雞髀。脆皮好薄，入面爆晒汁，重點塊雞超大，一個人係唔會食得晒！¶金菇酥 $12出面超少見，就要試下！粉漿好薄，完全覆蓋晒喺金菇上。一串串打直串好，好脆卜卜。¶脆皮花枝丸 $18台灣直送！靚女店員強烈推介，入邊有魷魚粒，好有咬口，一串三粒，份量啱啱好啦。舖頭仲有特別之處，有好多唔同嘅調味粉俾大家配搭，每款食物可以揀兩種，感覺好似長洲薯片檔咁。今次揀咗芝士紫菜，梅子Wasabi同 辣味。紫菜味配金菇個味道都幾夾，另外梅子粉酸酸地，加入雞扒就唔會太油膩。調味粉唔係好重味，不過又令到呢埋邪惡小食多咗層感覺

今日喺紅磡行街嘅時候經過一間好香嘅炸雞扒店，梗係要買來試吓啦。佢哋有多款唔同嘅炸物小食等，我就叫咗佢哋招牌嘅無骨炸雞扒，金菇酥，甜不辣同埋百頁豆腐。係等緊嘅期間佢哋嘅店員同我介紹，原來佢哋好多都係由台灣嚟貨，而且佢哋嘅雞扒都係每份差唔多重量，手掌咁大而且好厚身，但係食落去一啲都唔乾，好juice。如果想方便嘅話仲可以叫佢哋嘅雞腿粒同雞扒粒，一粒啱啱好一口大細。我最鍾意佢哋嘅金菇酥，其他店舖嘅會有好厚嘅粉漿，但係佢哋就只係薄薄一層，所以非常之香脆。佢哋仲有好多唔同嘅炸蔬菜，同埋小食，每樣都大大份，而且價錢唔貴。

🎪 2派克雞排 (紅磡)紅磡蕪湖街123號海德豪苑地下及1樓C號舖前排Stay home得多，要刺激下味蕾🤭調味粉自由選擇，有芝士、梅子、麻辣、芥末Wasabi、辣味、海苔～一定揀到心頭好☝️宵夜首選😗🌟脆皮無骨雞排 $38雞排外皮酥脆，標榜「完美鎖住微甜的肉汁」，雞肉鮮嫩👍🏻不錯喔🤭🌟脆皮花枝丸 $18花枝丸配芝士粉，薄薄又香口既脆皮，咬落下仲有QQ彈彈既口感😋🌟脆皮杏鮑菇 $22杏鮑菇配梅子粉，外層較厚但不油膩，杏鮑菇又好鮮甜，份量多！🤓

即叫即制台灣原味道～ 去到舖頭先7點零，已經好多人排隊等緊🥹～不過係好值得等脆皮無骨雞腿排 配辣粉雞扒超級大塊～!! 炸到外皮金黃酥脆🐓內裏爆汁～完全感受到雞肉既鮮甜～同嫩滑感～勁juicy!🥰 配上少少辣粉～ 食完已經飽飽地脆皮杏鮑菇 配海苔同麻辣粉杏飽菇既外皮又薄又香脆～ 海苔+辣粉再吊下味😋 微脆的嚼感～ 令到人食唔停口～而且份量豐富～花枝丸 配咖哩粉大大粒既花枝丸～超級彈牙！Q Q彈彈咁～ 紥實又滿足既口感～ 🥰

作為紅磡街坊應該對呢間新開小店唔會陌生, 因為係附近行過都會聞到好香炸雞味同埋見到人龍!今日放工決定買D小食加料~ 落單後即叫即整, 等左15分鐘左右, 可以打定電話落單~買左1塊雞排, 蕃薯條, 同埋甜不辣, 佢每款小食都可以揀調味料,有紫菜味/辣味/梅子/咖哩/芥辣/芝士等等,因為第一次食, 店員推介我試下芥辣MIX梅子配雞排, 聽落雖然好fusion, 不過配落雞排真係有解膩既效果, 佢既芥辣都唔會好辣, 炸雞真係脆卜卜到一個點!咬落去好似爆炸糖咁既聲音, 就算拎到番屋企先食都仲可以保持香脆, 100分好食!蕃薯條我就配左芝士粉, 炸得好香脆, 蕃薯條都好甜, 配埋咸香芝士粉好好食!而呢到既甜不辣形狀唔係平時既片狀, 所以口感更加彈牙, 又唔會好熱氣既感覺, OVERALL 三款都好好食, 絕對會encore!