18樓雞煲火鍋專門店

营业中

休息中

餐廳座位好多，座位都是以sofa卡位為主，卡位寬敞 坐得非常之舒服，裝修都好開揚，環境乾淨整齊企理。.雞煲有大辣、中辣、小辣 和 無辣 選擇，因爲唔係好食得辣既關係，揀左無辣雞煲。order完5分鐘左右雞煲就上菜🤩，雞件已經預先煮好，再滾一滾、炒一炒就可以食了🤩。雞煲2人份量應該有半隻🤔，雞肉極嫩滑😍，無辣醬汁好惹味，好食到停唔到口！.食完雞之後，就用QR code scan 去order 火鍋配料😁，order完之後配料極速係3分鐘內上齊，真係好有效率😳👍🏼，除左羊肉片羶左少少之外，其他全部都好好食😍👍🏼。✨當中 雪花肥牛、鮮脆脘骨腩、墨魚丸、蟹籽墨魚滑、蜆 最得我歡心🥰，質素真係好有誠意✨。雞煲剩餘既醬汁加湯都仲好惹味，成晚火鍋都唔需要另外點鼓油等醬料😋。.飲品同新鮮蔬菜另外放咗喺出面嘅雪櫃，自行選擇款式同份量😉，最尾仲有雪糕做甜品，食得非常滿足😊。

荃灣呢個商業大廈有好多餐廳，放題一向試得多，我地一直好想試下<18樓雞煲火鍋專門店>，今晚終於夾到時間來品嘗一下。雞煲加火鍋，一爐二食，嘆完雞煲仲可以嘆火煲，價錢都衹係$178, 仲比你食足2.5個鐘，如果7:30pm前埋單，仲可以減多$10,單睇價錢已經勁吸引，出面單叫一個雞煲，都起碼$16x~$2xx, 呢道仲要送多個任飲任食既邊爐放題比你，真係超級抵食。雞煲辣度可以自己簡，有吾辣/小辣/中辣/大辣。今次我地簡左吾辣。主角雞煲出場啦!!二人份量真係吾少吖~服務員會即時幫忙撈下，讓雞件更熱更入味。雞肉切成好多件，每件都幾多雞肉，雞肉吾算好肥，而且又香又惹味，入口亦夠嫰滑，我地食完一件又一件，非常滋味。建議食雞煲前，可以落定單order打邊爐食物，甘就可以一食完雞煲就立刻打邊爐啦!!~食完雞煲後，直接係煲到加入湯，就可以打邊爐。邊爐食物種類非常多，每樣都細細份或者幾件甘上，甘就可以試多幾款吾同種類既食物啦！!~我地二人都試左吾少邊爐食物:雪花肥牛/特級肥牛/滑牛: 三種牛入面，推薦雪花肥牛同滑牛，牛味夠，肉質嫰滑五香牛腩: 帶微肥，不過好淋卜卜蜆: 細細隻，夠鮮甜鮮脆鯇

喺呢度疫情期間，出街行下，咁啱經過荃灣大鴻輝，朋友又想食雞煲又想食放題，呢間嘢就啱啱好啦，出奇過出奇蛋滿足你 兩個願望，一入到去門口 已經做足曬量體溫同有消毒液，望向餐廳廳面 客人人數唔多，所以都食得幾放心，侍應就同我哋講話用電話落單，喺個apps入面睇咗個餐牌 真係好多種類，有我朋友最鍾意食嘅花膠 同林林種種嘅丸， 我就不嬲係食肉獸，所以見到有雪花肥牛同特級肥牛都覺得真係唔錯，不過唯獨就係個雞煲醬同埋個乳酪就有啲可惜 去到見到以為有乳酪食嗰部機壞咗，個雞煲醬 都幾濃味但係啲雞就唔係咁入味， 但係整體性價比都算ok嘅

好耐冇出街食飯啦呢間餐廳好乾淨,任飲任食雞煲火鍋仲可以食足2個半鐘防疫措施做得好好枱同枱之間分得好開一入去就要探熱同埋會有紙袋俾返我地放口罩醬料就自己出去拎不過全程個湯都好夠未，冇再另外再加調味料食物都再有用保鮮紙包如，感覺好衛生所以涷櫃亦都有提示返如出去拎野記得帶返個口罩防護意識好高飲品選擇都幾多最鍾意飲仙草爽出面會有上湯可以俾返客人食完雞煲之後拎黎加湯打邊爐落單方面係用掃QR code食物種類好多上菜速度好快基本上可以食完雞煲再慢慢落order分量方面亦岩岩好，以半份同粒數落單咁就唔會食唔晒浪費食物雞煲叫左中辣好嘢味，調味唔會太咸雞件好大件同嫩滑配料洋蔥配埋個雞煲汁好夾食完雞煲之後叫左唔同種類嘅配料打邊爐食物質素都好新鮮牛肉脂方比例都幾平均食落有肉味最後仲可以食埋個雪糕，好滿足咁多野食都係178加一，9:30之後入坐仲平148加一好扺食

繼「打邊爐家族」之後， 少左好多人去打邊爐， 不過只要做好個人衛生，就唔洗過份擔心～ 唔少火鍋店都為左增加食客嘅信心， 搞衛生都搞得份外用心， 入門口之前要量體溫🤒️， 又有酒精搓手液， 仲有提供紙袋放口罩等，方法層出不窮！ 是日同同事收工之後去左荃灣大鴻輝中心嘅「18樓雞煲火鍋專門店」食雞煲火鍋放題， 餐廳環境大，整層樓都屬於餐廳嘅， 所以即使實施左政府新措施， 每枱最多只可坐4人，及每張餐桌間必需相隔1.5米或設下阻隔， 都坐得夠舒適！ 價錢唔洗$200/位， 星期一至四 21:30前$178/位，21:30後$148/位， 任食2.5小時， 星期五、六、日就每位加多$10，都幾抵！ 如果唔食雞煲， 可以任選一款特色湯底：鮮濃番茄湯、粟米蘿蔔豬骨湯、四川麻辣湯、花雕藥膳湯、鹹菜胡椒豬肚湯。 不過呢到嘅雞煲係最出名，識食一定係食雞煲！☺️ 雞煲可自選大、中、小、BB辣或唔辣。 雞煲雖然唔係任食， 份量按照食客嘅人數， 兩人份量大概有一隻雞， 採用了三黃雞，肉質厚肉，爽嫩彈牙， 自家製嘅醬汁夠辣又有麻香，微辣惹味！ 食完雞

今日雞煲癮起又想勁食一餐，最好就嚟呢到嘆番晚，呢到嘅雞煲超惹味，有辣度選擇，每件雞都排滿濃濃香辣汁，雞肉都幾嫩滑又入味，食完肚煲就加豬骨湯打邊爐鮮蝦好新鮮都爽口彈牙，而蘿蔔都要叫，腍哂入哂味好正肥牛都好靚仔，紅肉部份都多帶一點牛脂，牛味都出嫩腍帶點咬口唔食牛仲有豚肉及羊肉，豚肉唔都好嫩，羊肉就有一點羊羶味牛柏葉係我致愛，嚟哂啲濃湯汁好好食仲有好多丸類及蔬菜選擇最後要留肚食雪糕，當日係椰子味喔，口感滑滑椰子味又清香

雞煲雞煲，好耐無食過雞煲啦。。。。難得有朋友約我食飯，今晚就出去一次啦。不過吾想食到太夜，所以我地6點就上去食。去到餐廳門口就要先量體溫，門口亦有搓手液同放口罩既紙袋提供，咁先可以放心食🙂入座職員會詢問雞煲既辣度，之後坐座等食就得✌🏻✌🏻餐廳用手機掃QR code落單，食物不是自取，乾淨又衛生。飲品雪櫃有好多個，入面既飲品都有小小吾同，大家可以搵下😂醬料區，不過雞煲真係吾需要沾醬手機落單，好多野食雞煲超濃味！好香，又麻又辣。雞肉吸哂味，好好食。我哋仲點左花膠，牛柏葉，魷魚🦑。加落雞煲煮一陣，吸下個汁，真係好正落完單食物好快到，食物全部都以人頭數計，每人一件，所以細細份，樣樣都食到啲。。仲要好乾淨，又整齊，食物質素高！呢度限時2個半小時，可以慢慢食。而且環境好舒服，每張枱都有距離吾會坐到好密。加上坐位以卡座為主，夠闊落記得食杯雪糕🍦

呢度個雞煲真係好好味，一想食雞煲就會黎18樓，個名易記地點又好搵，約朋友都方便啲。有免費wifi提供，有需要可以用，因為而加改左用電話落單。要了小辣的雞煲，一落完單好快就到，焗一焗再攪拌食得，雞煲個汁又麻又香十分惹味，雞件滑溜，煲得耐都無變鞋。記得留多啲汁係碗，一陣用黎打邊爐連醬料都唔使點。雪花肥牛幾靚，絕對不輸比牛肉火鍋店。白鱔片又係必食，彈牙鮮味，無骨亦無泥味，好正。響鈴即炸好脆口，墨魚膠正。粟米餃同韮菜餃 都好味喎。唔少得我鍾意嘅蓮藕片同秋葵啦，呢啲瘦物吸了有雞油嘅湯底特別正。仲有蔬菜可以去雪櫃自己拎，洗得乾淨又新鮮喎。雞煲底加入上湯去打邊爐，第一次唔好加太多湯溝淡左個雞煲汁。飲品都係自助，有汽水茶飲等，仲有熱水同茶包㗎。甜品就係雪糕機加topping，整極個雪糕都擠得唔靚嘅……士多啤梨好甜同奶味好重啊。轉了用電話落單，我覺得快左又方便左，又唔使晒紙，而且出菜好快無漏單，好好呀～好飽好好味，令人回味無窮的雞煲。

惹味雞煲荃灣一直都好多嘢食每次黎都唔知應該點樣揀今日就嚟到大鴻輝中心係一棟全部樓層都有好多美食嘅地方見到7:30前離座有特價所以就即刻嚟試吓啦入到去嘅時候職員有幫我哋量體溫而且門口仲有提供紙袋放口罩同消毒酒精液俾你搓手未入座嘅時候職員已經幫我哋落定雞煲 然後再叫我地慢慢叫嘢食可以一路叫一路等叫咗788嘅時候 雞煲就到啦呢度嘅雞煲廚房師傅已經係入邊煮好所以直接送到黎嘅時候就可以食今次叫咗小辣 成個雞煲都非常惹味而且好香 入邊都好足料有齊晒花椒 每次咬到嘅時候麻香都非常夠食雞煲最鍾意就係食一邊煮到林晒吸晒味嘅洋蔥🤓🤓之後呢度嘅食材都非常滿意！自己就好鍾意食呢度嘅台灣一口腸同貢丸🤭另外d海鮮都好好食😇飲品就係自助區域可以隨便拎 食雞煲啲會熱氣嘅嘢就梗係飲下涼茶啦🤓呢間性價比真係非常高！絕對值得再食啊

認真，吃過這麼多雞煲，最好吃的我認為是18樓雞煲，這個麻辣汁，辣中帶麻，麻中帶香，非常精彩又有層次！隔幾個月就會心思思來吃！兩小時任食加火鍋，非常抵食！！如果你愛吃辣，建議起碼點小辣至中辣，麻麻的感覺會更明顯～ 上桌時雞件已經熟透可以即食，滑溜肉嫩，讓人欲罷不能。雞件可以添加，以QR code下單，很方便，上菜亦快，沒漏單情況，爽歪歪！為甚麼我如此鍾情18樓雞煲，主要是因為他們雞煲的麻辣汁！這裡標榜他們的麻辣汁，好吃到不用沾豉油，我告訴你這是千真萬確！平時吃火鍋甚麼的總會「混醬」，18樓真的不用去拿醬汁。雖然這裡也有醬汁架，但完全不需要唷！所有火鍋料都沾麻辣醬汁就夠了！火鍋料方面，選擇不少，牛豬雞海鮮丸類等等都有，一個價錢兩種享受！當中肥牛，即炸響鈴卷，自家製粟米餃，水魷我覺得是必食的。麻辣蓮藕片，無敵好吃！吃了超級多～蔬菜、飲品和甜品雪糕乳酪需要去自助區自取，疫情期間我們沒有取很多，這段時期，大家出外用膳要加倍注意個人衛生，為己為人。順帶一提，這裡還有無敵景觀，看著街景吃雞煲真是人生一大美事。餐廳會替客人量體溫，外面也放了不少酒精、口罩紙袋，感覺上餐廳是盡了力去保障客人和員工的安全，

呢幾日又涼返D，岩哂食雞煲打邊爐!!黎到荃灣勁多好評既18樓雞煲火鍋專門店，6點半左右到，唔洗排隊等位。先雞煲後再加湯打邊爐，任飲任食，價錢合理~一入門口先量體溫同消毒雙手。點餐掃QRcode係手機直接落單，夠環保而且圖文並茅好方便。等左一陣就上雞煲，已經煮好即刻食得。雞件嫩滑，啖啖肉好滿足，特製醬汁香濃惹味。之後加入清湯打邊爐過百款火鍋配料任點任食，推介頂級梅頭豬肉，肉味香濃，口感軟滑香腍；豆腐滑嫩，豆香濃郁；炸魚皮酥脆香口；鵝腸口感鮮嫩無鹼味；魷魚新鮮彈牙有嚼勁~任飲汽水、茶等等有好多選擇!最後食埋個乳酪雪糕，為今晚晚餐畫上完全句號。抵食又好食，值得再ENCORE~

近期疫情漸趨穩定，又係我呢個火鍋控出動嘅時候啦之前都介紹過十八樓嘅濃香惹味雞煲，但如果唔揀雞煲都仲有任食火鍋呢個選擇～可以轉配一個湯底，因為近排吹冷氣多咗，所以決定揀呢款花雕藥膳湯補補氣血一滾起已經聞到濃郁花雕味，呷一口充滿藥材香嘅濃湯，紅棗杞子黨蔘山藥桂圓蒜芯多種配料交集出豐富嘅清甜味。加入雞件煮成，肉質彈滑不鞋，適量嘅肉令湯底增添上鮮味，清而不寡，用嚟打邊爐越打越好味，強烈推薦餐廳以QR code手機落單，㩒個掣一分鐘上枱，相當有效率。火鍋配料繁多，雞牛豬海鮮丸類應有盡有，單位以半份起計，唔怕點多咗食唔曬，可以每樣嗌啲淺嘗。大家最關心嘅牛肉～～～質量唔錯，雪花肥牛唔會太肥，脂肪比例恰到好處，薄切肉嫩無雪味。必吃滑牛肉，切得好厚身，但食落好嫩好滑好彈帶鮮牛嘅肉羶味，中意食原汁原味嘅人一定中意。呢度嘅花膠大大片，已預先發好，滾水淥1分半鐘已經稔軟爽滑，膠質滿滿，絕對係女士恩物。食得多肉出面仲有蔬菜任拎，清新解膩，全部洗得好乾淨企理，抵讚

雞煲熱潮已經去到汰弱留強的階段有放題有火鍋千奇百趣招式盡出這家餐廳貴為雞煲專門店當然不容小覷火鍋是任點任食飲品選擇也多先送上雞煲發現醬汁頗多雞肉嫩滿香料味濃郁吃不停口雞煲吃罷加上上湯就可以打邊爐牛肉有肥牛滑牛牛腩牛柏葉等豬肉有梅頭黑豚肉豬肚豬大腸等海鮮有脆鯇白鱔魚頭鮮蝦魷魚等丸類有墨丸牛肚丸魚腐貢丸等其中的黑豚肉非常出色豬肉味特濃墨丸也絕非坊間的平價貨色飲品區竟有日本直送的綠茶甜品有雪糕機任君使用捧著肚子一臉滿足地離開

行完荃灣驚安之殿堂，又响荃灣食返餐好先今日又再去左18樓雞煲，疫情之下，餐廳都做足防護，响門口要先量體溫，仲有搓手液提供，咁就食都食得安心啦！一入到去order左雞之後呢，即時去睇下有無咩新野，睇返同之前差唔多，可惜既係乳酪雪糕機壞左，上次食過好正，本來今次都預左食返三五杯，唯有食雪糕算數啦！飲品多左鴻X堂咸柑桔同百香果蜜！醬油區明明寫左雞煲打邊爐唔駛醬油，但我偏偏就整左一碗，最終又真係唔駛用😂雞煲好快上枱！滿滿的一鍋！一上枱已經香噴噴一邊食一邊用QR落單，十分方便！落左單唔夠10分鐘野食就上哂，超有效率！快而準，無一樣漏單，值得一讚雖然佢自稱一般美國牛肉，但質素好好，應該係安格斯級數！其他火鍋配料都好得果然keep得住水準！期待下次再嚟過！

自從出咗邊爐家族嘅新聞之後，肺炎下大家都好驚打邊爐，所以火鍋店真係靜左好多，反而係人流唔多嘅情況之下其實枱月台之間都有足夠距離，防止飛沫傳播，喺入店舖之前仲會探熱同埋有一系列嘅消毒用品俾客人用添嫩綠既蔬菜全部都存放係雪櫃入面，咁就可以保證大家食到最新鮮最乾淨既蔬菜仲有我最鍾意食既乳酪雪糕添我地先叫左個小辣雞煲，餐廳用左秘製既醬汁，再加埋洋蔥、芫茜等配料，埋枱再煮多大概5分鐘，雞肉就吸哂配料既精華，仲要煮既時間岩岩好，雞肉係非常滑溜架食完雞煲就到火鍋既時間啦，我地之後就加左豬骨湯底，混合埋雞煲既味道，真係唔使點豉油都夠哂味，值得一提既大家都睇到食物嘅種類係非常之多，有豬腸、台灣腸、午餐肉、雞肉、芝士丸、魚皮餃、蟹柳、花膠木耳、腐皮、魷魚、豬皮、牛腩、豬紅、肥牛、響鈴、魚腐、魚片頭等等