18樓雞煲火鍋專門店

营业中

休息中

同事今日搬去荃灣居住，大家都去幫手，忙左一整日，同事請我哋去眾安街的18樓雞煲火鍋專門店食放題，店內地方整潔乾淨。入座前，侍應會詢問客人雞煲要乜情程的辣味，入座後，雞煲好快就上枱，濃濃的醬汁包住每件雞，開爐煮幾返熱就食得，雞件鮮嫩，揀左中辣，特別惹味！食完雞煲就可以加入上湯打邊爐，火鍋料用手機程式下單，蔬菜類和飲品就去大雪櫃自己拎。火鍋料新鮮，乾淨衛生，薄切頂級梅頭豬肉，口感鮮嫩，海中蝦鮮甜爽口，鮮魚頭雲滑溜，白鱔片切得比較薄，千萬不要灼太耐，否則肉質會林，我最喜歡滋補花膠，厚身又大塊，滑溜中帶有口感，骨膠原豐富。蔬菜類都好新鮮，飲品都有多款選擇。

近排大家都好擔心疫情，所以約朋友一齊出來食飯都少了，但今晚放工就約了伴侶去了這裡食雞煲，平時排晒長龍等搭電梯後還要等位，今晚就快好多，兩個人都好想去食雞煲，而這裡之前都食過價錢合理，食完雞煲還可以打埋邊爐，任飲任食，一入去餐廳先提供消毒搓手液及濕紙巾比食客消毒清潔，落單掃瞄qrcode 後在手機上落單，完全減少與店員接觸，同埋好快就已經上雞煲，店員亦會為食客將雞煲攪勻令到雞件更入味，雞件十分嫩滑入味，帶點麻辣，而飲品就自助任飲，當然飲返啲清熱解渴嘅飲品啦！而當食完雞煲，就可以到出面自取湯底放進雞煲內，我就差不多食完雞煲前就入定火鍋料，轉個頭就出了，十分有效率，當然要以全肉為主，因都忍了一段日子，特級肥牛同雪花牛就一定要啦，丸丸同最愛台灣一口腸，放少少湯再放入肥牛，雞煲嘅味道滲進了肥美味牛肉內，軟滑肥美！而台灣一口腸確實彈牙味道夠！火鍋配料又係一個唔錯嘅選擇！而墨魚丸十分爽口彈牙墨魚味道濃郁！食到差不多又可以出去雪糕自助吧用雪糕機整杯香滑軟雪糕，加埋啲配料絕對係一個完美配搭！飲品除了自助飲品櫃還有自助茶吧，按自己喜歡選擇，十分多口味選擇！今晚感覺良好，食物質素高，出菜時間快！讚！

其實我真係好中意食雞煲同打邊爐，相信好多香港人同我一樣～～～ 呢日黎到荃灣大鴻輝食18樓雞煲！ 故明思義，18樓雞煲梗係係大鴻輝既18樓啦～因為驚多人，所以我地一開就入座～5點就入座hahah一黎店員就問我地食咩辣既雞煲，我地就叫左小辣～～～ 飲品同加湯用既湯都係係出面拎～～～ 出面仲有雪糕機！好可惜我地黎既呢日乳酪雪糕機壞左！ 但普通雪糕都好正！ 一陣再講！等左10分鐘都冇，熱辣辣既雞煲就上枱啦！ 其實個雞煲既雞都已經係熟同埋夠熱，一上枱就食得，同埋唔好較咁大火，因為驚佢燶！ 兩個份量d雞都算多！ 同埋佢係自助落單，scan qr code就可以落單！ 勁方便！ 佢既食物好多都有半份，咁就唔駛怕哂野，想食就叫多少少咁就Very good! 樣樣都試到就最好！我地食完雞煲就加左湯，叫左都好多配料～有牛柏葉，蟹柳，腸仔，荀，響鈴，海蝦，鵝腸，貢丸等等～～～你食開大路既配料佢都有！ 特別要讚既係佢D海鮮！ 任食既海蝦勁彈牙勁新鮮勁有蝦味！ d蜆竟然一粒沙都冇，係一粒沙都冇，係一粒沙都冇，重要既事要講三次！你地知唔知幾難可以預到冇沙既蜆... 就算出面散叫都有難度，但呢度竟然隻隻都冇！！牛肉

入座後待應就會問雞煲要什麼辣，大約等十分鐘，雞煲就會自動上菜了。雞煲兩人份量，雞件頗多的，雞厚肉嫩滑，醬汁的濃度剛剛好，配上雞件十分惹味。叫了小辣小麻，香辣程度剛剛好，不太會吃辣的朋友也能吃到！食完雞煲便可加湯打邊爐了，餐廳採用了QR code 掃碼點菜下單，方便快捷。火鍋配菜有數十款選擇，種類很多，任君選擇。牛肉，豬肉，雞肉，羊肉都有提供，岩哂食肉獸既朋友😋餐廳有提供多款魚類海鮮的火鍋配料，如魚雲，鯇魚腩，鯇魚片，白鱔片等，喜歡吃魚的朋友不能錯過。😇最後一提，所有飲品都是任飲的，自行在凍櫃裏拿就好了！

雞煲香港成行成市，好多時都睇口碑，十八樓雞煲就係朋友間都幾多推薦，我間中都黎食。最後因為抗疫都少左去街，但有時都想去街食d好野刺激下味蕾。食雞煲就最好，呢度既雞件夠大件有好肉，而且件數好足。d汁辣味適中又無搶哂d雞味，水準唔錯，雞煲既汁好緊要，佢呢方面就比唔少地方做得好，麻麻辣辣十分刺激，但又不會太咸。食完雞當然係下半場食火鍋，火鍋種類繁多，肥牛都感覺新鮮，肥瘦均勻，其實食物我特格鐘章墨魚滑，好鮮味我，食左好多。其他丸呀菜呀都好齊，任食就適合各位食肉獸。

自從有新冠肺炎後，成兩個月向邊爐說不。由於太想食雞煲，於是search 邊度雞煲好食，見呢間Ｄ食評咁多係like, 再睇下Ｄ相，好吸引噃，淨係睇雞煲相已經好想食，同平時散叫個Ｄ賣相－流，由於即興關係，即打去book 位，星期日夜晚八點半，staff 叫我walk-in 就得，明白嘅！呢個疫境，無乜人出街食飯係正常。－到門口，staff 會量體温，之後安排入座，見顧客－半都無，慘不忍睹，—坐低，staff 問雞煲要乜辣，我同女朋友揀咗小辣，大概十分鐘，雞煲到了，聞落去有陣怪味，但－食，嘩！超好味！雞肉份量多，而且雞肉好滑，本人非常欣賞。飲品自助，有枝裝飲品、沙士、可樂、烏龍茶、美連達，款式繁多。食完雞煲之後就打邊爐，啲肥牛好好味。另外仲嗌咗廚師腸、豆卜、牛柏葉、韭菜餃、蔬菜有生菜、西洋菜、菜心及油麥菜，係自助嘅。食曬咁多嘢個肚已經頂到上喉嚨度。自己自助出去攞杯朱古力味嘅雪糕，亦都作為今晚晚餐完美嘅句號。買單兩位414蚊連埋加一，一個價錢有兩種享受，實在太吸引啦！所以下次我一定會再嚟幫襯，雞煲真係好好味

來到荃灣區餐廳種類都好多選擇，幾個朋友今日想打邊爐，又想食得豐富食火鍋任食啱哂，呢到仲有雞煲送餐廳喺18樓全層，入到去好大好舒適，玻璃窗都望到出面感覺開揚雞煲話咁快就到了，一上檯滾起就食得了，雞件嫩滑入哂味，揀咗小辣好惹味食完就原煲加豬骨湯打邊爐，肥牛都不錯，牛脂比例都好好，食落牛味都有仲有羊肉帶一點羶味，我幾鍾意唔食牛嘅仲有豚肉㗎基本火鍋料都好多款好齊，有牛柏葉，脆鯇片仲有爽口彈牙嘅蝦，當天食好新鮮吸味系列有響鈴，豆卜同埋枝竹丸類都好多款最後記得食雪糕，係乳酪雪糕啊，酸咪咪好解膩

出左荃灣成日搜羅口罩真係有血有汗又有淚呢個時候，緊係要食餐勁嘅，先可以填補返.環境打卡指數：🌕🌕🌕🌗地方夠闊落，乾淨又企理最緊要係卡位與卡位之間格得夠開係呢個敏感時期，呢點好重要入座前仲要量一量體溫，咁樣食都食得安心D.餐牌抵食指數：🌕🌕🌕🌕每人$188，7點半前離座，仲可以減$102.5小時任食，足夠有餘使用QR code 落單分8大類，有牛肉，豬肉，雞肉，海鮮丸類，蔬菜，麵食同其他類每款都附上參考圖，選擇性亦好多.惹味雞煲。小辣美味指數：🌕🌕🌕🌕先上一大煲雞煲雞煲份量好足呀！至少有大半隻雞雞件事先落足料炒至7分熟上枱後再煮多一陣即可雞件入哂味，微微香辣帶點甜香愈煮愈惹味，愈食愈停吾到口呀肉質鮮嫩又富肉汁，完全有雪藏味架.火鍋美味指數：🌕🌕🌕🌕食完雞煲，緊係打邊爐啦枱上一早就放置一瓶上湯想幾時轉邊爐都得再用QE code嗌埋火鍋配料就OK 啦.美國肥牛薄切肉質嫩滑軟腍肥瘦比例恰到好處，油脂豐富又不失肉香.海中蝦海蝦新鮮仲好大隻添肉質鮮嫩又彈牙偷偷地話你知，仲有花膠，海蜆，鮮魷等食多幾轉，回哂本啦.麻辣雞粒雞粒炸至金黃色再灑上辣椒粉咬落香辣又香脆.響鈴響鈴吾係一般見到嘅長條形，而係圓碌

今天難得約了個舊朋友相聚，大家都被地表最強雞煲這個稱號所吸引，所以便一致決定吃！雞！煲！這裏裝修10分整潔而且地方寬敞給人一種很舒適的感覺，非常適合良朋相聚。我和朋友椅子還未坐暖，雞煲已經來到了，這裏的效率真是奇快哦！由於我的朋友不能吃辣所以便只是叫了微辣，雖然吃不太辣的是美中不足，但雞煲的調味真的是非常嘢味啊！而且雞件也非常嫩滑啊。由於是任飲任食故點了很多不同款的食物，但當中固然少不了火鍋必吃的肥牛看看肉色多麼鮮紅，如果想吃多一點脂肪便點雪花肥牛；如果要受一點選擇特級肥牛。在芸芸美食當中最令我深刻的是自家製鮮炸響鈴，因為新鮮滾熱辣，你想脆一點的話即時吃也可，想淋一點放湯裏滾兩滾再吃也可，果然新鮮就是力度。還有不同的飲料飲君選擇，個人獨愛百香水果茶，與火鍋特別匹配，最好的是這裏的進餐時間有2.5小時，故此可以慢慢食並與朋友慢慢聊天不如其他任食般焦急，而且價錢也相當便宜只是$178。

天氣咁凍，就算有肺炎嘅情況之下都想打下邊爐整暖返個人，而今日就去咗食呢間平時都去開嘅，而且佢因為肺炎所以都有少少防疫嘅措施，例如會盡量坐疏一點所以都幾安全。雞煲就叫咗小辣，雞份量都適中夠兩個人食啱啱好，而且雞肉都幾嫩滑同埋入味。免頭都有好多芫荽花椒，八角，同埋洋蔥辣椒，可以配埋啲雞件食會更加好味，同埋惹味。而且雞煲嘅汁都夠晒鹹之後就算再加水落去都唔會冇晒味道，反而都幾夠辣。牛肉方面 都係半肥胖瘦 而且肉質都唔錯 雖然比唔想高級嘅牛肉 但係呢個價錢食到呢個質素已經係物超所值 而火鍋嘅任食配料選擇都幾多例如丸類方面都有，芝士豆腐，豆卜肉丸等等，全部嘢食都唔會雪到硬曬。而旁邊嘅菜選擇都幾多而且一個個裝好晒，唔會怕一次過會攞得太多造成浪費，加上不同的菜都洗得幾乾淨唔會有黑色俾蟲蛀嘅菜出現，或者洗得唔乾淨有泥，呢方面都做得幾好。最後粟米都幾清甜，而墨魚滑都唔錯幾彈牙，美中不足係如果飲品嘅種類可以在多少少就會更好。最後職員嘅服務態度幾好，而且用手機落單都幾方便，同埋上菜速度非常之快。

天氣凍冰冰，特別想食雞煲邊爐。$178 任飲任食兩個鐘，好低食咁，今日就約咗朋友嚟呢間荃灣18樓雞煲試一試。 來到門口店員第一時間問雞煲辣度，之後就安排座位，等左一陣，好快就來雞煲啦。雞煲有分大/中/小/微辣/不辣， 因為會越煮越辣，所以我哋就揀咗微辣。未食就已經聞到好香，一煲應該有半隻雞左右，兩個人食就岩岩好。啲雞肉好滑，且而麻香味十足，醬汁濃郁非常惹味。食完雞雞就到打邊爐啦。呢度係掃 QR code， 開個web site 出嚟，直接點野食，唔洗download apps， 好方便，宜家好環保，唔使浪費咁多紙。 打邊爐點少得雪花肥牛，肥瘦適中，唔會太肥，牛柏葉好爽口。 炸響鈴係自家製，非常香脆，吸曬啲雞汁，好好味。水魷都係爽口彈牙。 仲有呢度嘅手打墨魚滑，真材實料， 裏面仲有卜卜脆的蝦子，太好食叫了兩次。蝦好大隻，食落鮮甜彈牙。芝士豆腐，裏面芝士係流心， 超好食。蔬菜類放左係個大雪櫃自行拎，有娃娃菜，菜心，西洋菜，生菜，蔬菜新鮮乾淨。自製雪糕機，今日係蜜瓜味同椰子味，兩款味道唔錯。總括而言，呢度環境舒服，上菜速度快，食物質素唔錯，價錢合理。

好耐冇打邊爐、食雞煲，講到食雞煲，我地好多時都會揀放題任食嘅餐廳，否則價錢都幾cum計。任食就唔洗擔心，先食雞煲，後打邊爐，同D大食少少嘅朋友食飯最適合不過。18樓雞煲係我心目中嘅高性價比之選而家屬於敏感時期，人流就唔多，而且職員好細心，安排座位方面，唔會太密麻。佢地好環保，採用手機落單，二來可減少出錯機會，上菜速度夠快，分量方面按人頭俾。坐低就點雞煲，分大中小辣，我地揀中辣。店員幫我地翻炒，好快就食得，雞煲醬炒，非常入味，份量方面夠兩人食，雞件整體都好有肉地店員會俾定一壼火鍋湯，食完雞煲之後，就可以加入煲，打邊爐！火鍋配料方面好多款式，其實食咁多野，真係飽到上心口點左肥牛、特級肥牛、鮮牛肉。肥牛ok嘅，唔會太薄身，食落都唔會太韌。鮮牛肉彈牙其他配料我地都點左好多，海蝦幾新鮮，食落仲爽！蜆就一般啦，唔算好新鮮。魷魚、脆鯇、豬紅呢啲都食得過腸仔、蟹柳、丸類大量。菇菌配濃湯一流，鐘意秋葵嘅我地都點左幾次。其他蔬菜自取，擺放整齊衛生。飲品方面選擇唔少，我鐘意呢個道地纖茶。呢個價錢又食到惹味雞煲，又打到邊爐，爽。臨尾仲每人有一杯movenpick架~~

約左男朋友收工食消夜無意中搵到呢間雞煲火鍋$178/位任飲任食飲品都係一般任食餐廳有既野有肉有海鮮有菜雞煲叫左中辣 非常惹味 之後馬上加湯打邊爐電話落單 最好一次過落 試過叫左一樣食物 要再落單 要等十分鐘先可以落第2次推介牛肉 肉質札實 唔硬 encore 左一次 😆響鈴卷 自家製既 好脆 好新鮮 超大個台灣腸甜甜地 幾好味蝦同蜆就一般般 不過咁實惠既價錢 係可以接受既食完太飽 冇試佢個雪糕可以自己斟 仲有好多配料比人加下次想試下～佢

朋友聚會，十個人book 左食雞煲，我諗我有五六年冇食過雞煲，任點任食冇壓力，一坐低就揀要咩辣，個個話唔食辣，叫左一煲唔辣一煲小辣，小辣都其實唔辣，只有少少麻，同埋好咸，啲雞都幾滑，但份量少，加雞要加錢，有啲貴，都係加水打邊爐。個雞煲底打邊爐，真心麻麻地，唔啱我口味，太濃味。湯底唔好味，食咩都差啲。餐廳用app 落單，落到一半hang 左，最後用紙落order，明明hang 左機，但吹完之後又有野食到，最好食係墨魚滑同花膠。野飲任飲，同埋有軟雪糕食。不過不失，但應該唔會特登再食呢間。

2個人打邊盧係個不錯的選擇，雞煲味道唔錯，食物上枱好快，而且好多選擇，可以每樣都食少少咁，食多幾種食物，每款食物唔會俾太多，唔夠先再叫，食到超飽，不過飲品選擇可以再改善！