18樓雞煲火鍋專門店

营业中

休息中

每次一大班人約食飯，最鍾意就係去食雞煲放題，呢度嘅雞煲火鍋放題非常之抵食，絕對可以回本。雞煲嘅份量唔少，肉質亦都比較嫩滑，而我最鍾意嘅佢哋嘅醬汁比其他餐廳濃郁，就算加咗湯打邊爐都唔會好淡。食完雞煲就可以用店員比嘅QR Code去點餐，佢哋打邊爐嘅食物款式亦都唔少，一定要試吓佢哋嘅自家製響鈴，係即叫即炸非常之大個，肥牛方面雪花肥牛就比較瘦，而且肉味比較香濃，海鮮種類亦都多，個蜆非常新鮮冇沙。佢哋嘅飲品同菜就可以喺出邊自助區拎，飲品嘅種類多到數唔晒，絕對適合任何人。

夏天雞煲打邊爐最岩就係搵間好似18樓咁夠冷氣既餐廳😎 差唔多半年冇食類似既野，成日心思思掛住！尤其是18樓個雞醬真係好正！我唔食得辣，朋友好食得辣🌚 所以都就我揀左微辣，對我黎講已是極限😂 真係好惹味！朋友話係對佢完全唔辣😂 但都覺得好香，個醬濃到邊爐時唔使點豉油都得！QR code點餐真係越黎越普及！唔會漏單又減省人手做多啲service。雞好滑！我果煲仲有3隻雞髀🤣 超正！啲位坐得好舒服，叫左好多野張枱都有位擺野食種子好多，特別要讚：牛肉好靚、響鈴個樣睇落好硬有啲失望但原來好鬆化！自製餃有韭菜同粟米，皮有少少厚但唔會好濟果種，餡靚正！燒腩仔一黎到以為佢落錯單俾左芋頭我😂但係好肥好正嫁😈仲要讚個自家製冬瓜茶，唔甜、清熱、清香！encore!!

十八樓雞煲就聽得多喇，今次黎到發覺真係唔錯，無論野食定係環境裝修，連性價比都係幾出色，控制到成本，又比到個客最好既，唔怪得呢間餐廳開完一間又一間喇，雖然呢排疫情下，但呢間既人流都無乜點黎到，可見都係幾唔錯。環境方面，疫情下，環境就更為重要，呢間既枱分隔，就做得幾唔錯，多數都係4人枱，而且分隔都有1.5m距離，所以受感染既機會就大大減少。飲品方面，先讚一讚就係佢有解茶，仲要係纖果隻，真係好健康，唔似其他邊爐咁，得可樂。魚皮，同埋響鈴係必點，響鈴唔會平細既細份果隻，係大大隻果種，所以好正。雞煲方面，辣度任君選擇，d雞都幾嫩有彈性，同埋都幾入味，都算幾有雞味。甜品方面，有大機即整既乳酪雪糕，入口酸味味唔錯。

係咁的，請人食飯所以揀左18樓雞煲。Book左7：00準時到達入去坐下，店員比左張QR 紙我而家是手機落單非常方便。雞煲一上枱就有店員幫手煮非常貼心，之後再食雞。雖然很久沒來但水準冇變依然非常野味(微辣)食完雞煲就加湯打邊爐，野食方面款式都多。蝦好新鮮，脆玉魚完魚非常新鮮脆口，響玲自家炸非常好味只要浸一下又吸湯又脆口，一流。牛肉，豬肉都正。其他食材都好新鮮。野飲都幾多款仲有雪糕，乳酪。其實都抵食又好味，下次可以再來。最好book位因為都幾full下

好耐無食過雞煲！琴晚同男朋友係荃灣行街個陣心癮起，於是行左去大鴻輝搵食，我地最後揀左呢間18樓雞煲，第一次吃覺得性價比都算幾高，食得滿足，值回票價呢到既雞煲選擇只有唔同辣度，店員係帶入座既時間就已經會問你食咩辣，坐低之後好快個雞煲就到，直接已經可以開動，啱晒我呢D心急唔想等人士 因為男朋友唔係好食得辣，所以我地叫左微辣，微辣真係接近無咩辣味，連我男朋友食完之後都話下次可以叫小辣，哈哈。雞煲係細煲二人份量，但都算多雞件係入面，雞件唔肥之餘肉質都算滑，淨係個雞都好好味道！雖然醬汁唔算辣，但係個麻味足夠，仲帶有少少甜味，配埋洋蔥、芹菜、芫荽既香味，十分惹味，送飯一流XD .不過，黎食雞煲又點會食咁飽肚既飯麵，我地食雞食得七七八八就加左上湯開始打邊爐啦！呢到既上湯係自助，出面擺好左一壺壺可以自己拎，咁就唔洗等人加湯咁煩啦。仲有幾樣野都係自助既，分別係飲品、醬料、軟雪糕/乳酪雪糕同菜類。飲品選擇都算OK，凍熱飲品都有，我覺得呢兩隻無糖罐裝茶好好飲😊菜有得自己拎都幾方便，而且每份份量細，可以食多幾種唔同既菜。 打邊爐配料係用手機落單，落完單好快就會送到，無出現漏單情況，anytime想加多一樣野都

星期五晚當然要happy friday啦 🥰🥰同同事一齊 喺荃灣大鴻輝 食雞煲加打邊爐 滿足兩個願望 👍👍任飲任食菜粥2.5小時 都係200蚊真係超值😬地方超級大😌😌所以坐位坐得好舒服 ！店舖都有用 夾板間開啲枱 食得放心 先嚟雞煲 非常惹味😝😝肉質好嫩滑 做法傳統地道 食到舐舐脷 🤤🤤之後加豬骨湯再打邊爐 牛同豬有點少得呢🤗🤗特選牛 非常唔錯 黑豚腩片 非常有驚喜 又淋又香 🤗🤗真心不錯 仲有超大隻爽口彈牙嘅海蝦 🦞🦞同埋大蜆 估唔到 放題嚟講有如此高質素呢 🤭🤭仲有花膠、大腸、牛腩 好有特色呀！超大粒魚蛋🤣🤣蔬菜就自己自助的 飲品方面選擇亦很多，除了汽水之外 ，仲有特價可以加啤酒 🥰🥰不過我哋今日揸咗車唯有下次啦 真心不錯的一間放題，而且價錢相當優惠，cp值超高😍😍

今日心血來潮想打邊邊，二話不說就揀咗以前常去的18樓，殊不知原來已經變咗雞煲，但佢地係食完雞煲再打邊爐的，可以一次過滿足兩個願望喎~幸運地不用等位，好快入得，以方方格格的卡位格局為主，坐落寬躺舒服，先上場係雞煲，揀好辣度後就好快上桌啦～一鍋攪拌均勻後便可品嚐，以雞肉為主，不會過多蔥蒜配料，啖啖肉夠惹味，吃得利落，食完雞就可以放湯十下十下喇，呢度係用QR code落單，以自助形式為主，所以蔬菜同上湯都係自助吧自取～而佢地D肉食海鮮同丸類以半份為主，可以試完再㸃，咪嘥嘢肥牛有兩款，雪花肥牛油脂均勻，入囗嫩滑，特級肥牛牛味濃。另外仲有好多海鮮選擇，海蝦既鮮甜又大隻，魷魚夠爽脆，脆鯇腩好脆囗，是日海鮮也大只鮮美。推薦要食自家制響鈴同脆蝦片，夠酥脆。呢度飲品都係自取任飲，仲有自家制茶類飲品同雪糕食～呢度用一個價錢就可享受任食火鍋同雞煲，食物質素仲好高添，仲開到3：00，唔怕無地方很食消夜啦~

三個月一次嘅聚會🤠我就想食雞煲朋友就話想打邊爐🤔🤔最尾醒起大鴻輝18樓雞煲又可以食完雞煲之後再打邊爐，正呀！收費200蚊有找任食2.5小時可以慢慢食慢慢傾🤗🤗役情關係，全部都係用app落單，一碟碟餸上嚟乾淨整齊👍👍嘢飲蔬菜就自助，仲有自家製冬瓜茶酸梅湯㖭🥰🥰雞煲非常惹味👍肉質夠嫩夠、乾身、醬汁黏附喺雞件，真係越食越想食🤭🤭打邊爐可以加番豬骨湯，特選牛肉唔錯👍👍雖然未去到好頂級，放題嚟講，唔錯😌😌仲有特選黑豚腩片呢個值得推介😍😍口感非常好，雖然少少肥，但真係好惹味 😬其他仲有海鮮🦞大蝦、花膠、蜆、大腸、丸類、同埋響鈴同埋魚皮一定要試😜😜仲有脆卜卜嘅印尼蝦片幾有特色😬😬最後食埋乳酪就真係捧住個肚走😬😬個人覺得非常超值，性價比高，一定會再嚟！

最最最中意就係食雞煲同打邊爐😍😍😍😍想食雞煲就真係會去18樓，不過疫情關係都冇咩食啦！ 而家好少少都真係去左！2130之後入座就148啦！岩哂晏食飯既我！食左中辣，今次好麻好正😁😁吾知係咪太耐冇食！覺得正左！啲雞都係滑既，同埋手手腳腳吾算多，肉就幾多！！！！味道就同以前一樣啦😌keep住水準😏覺得野飲方面係開心左既！ 因為佢多左呢啲冷泡茶💙💙好香桂花味又吾會話淨係得汽水！！多左茶既選擇係開心既🥳

朋友真心介紹雞煲放題，一定要去食！放工即去🕺佢地非常貼心，比左個6人位置，我地3個人坐得好舒服！叫左個中辣雞煲，醬料齊全，煮得雞煲非常入味，有我超愛芫荽一齊食超級好味😋之後用app任叫打邊爐材料，真係好小放題可以選擇新鮮蝦架，呢到可以任食任叫！我地不停叫肥牛同食鯇魚滑，好值得一試，冇得輸！飲品超好，除咗汽水之外仲有竹蓆茅根飲，可以即刻清熱解毒～最後仲有雪糕任食，真係好滿足👍🏻下次可以約埋成家後食先得

要在大鴻輝生存到，絕不輕易，尤其是做火鍋加放題，18樓雞煲就是這樣正面硬碰，但一直人氣高企，當然價錢實惠，種類繁多，就是18樓的賣店點。迷你裝鴻福堂另有多款飲品。雞煲一般般，味夠濃，用咗太多雪藏雞翼，一煲裏面有五六隻雞翼同雞槌， 專程要食雞煲嘅可以唔好諗。唔多似深圳雞煲傳統煮法。食完雞自己可以加湯，火鍋料種類不算少，亦都像其他店一樣用QR code掃碼點菜。大部分食物都是普普通通，但牛筋丸有驚喜 鱔片不錯。甜品得軟雪糕，唔夠凍削削哋， 但唔算太甜味道可以。食物賣相＝(滿分20) 13食物味道＝(滿分20) 13服務質素＝(滿分20) 14裝修整潔＝(滿分20) 15性價比率＝(滿分10) 8回頭指數＝(滿分10) 6Total：69分

很久沒有吃雞煲了，今次來到大鴻輝的18樓來品嚐這裏的雞煲，其實這是我第二次來的。來到這裏也因為是晚上九時多左右，但店內仍然好像在我們要人般很熱鬧。入座時，店員首先問我們雞煲的辣度要多少，我們便選了中辣，雞煲很快便來到了。開始吃的時候我便想着到底那裏會有點火鍋配料的紙，好像店員沒有給我們。然後看看桌面的紙，原來這是現在已經用QR code去點餐了。食物很快便送到了店員速度很快服務不錯，雞也很入味，份量也是剛好的。飲品方面選擇不算多，但基本的可樂冰紅茶什麼什麼的也是有的。

荃灣大鴻輝呢度出名多野食，樓下仲要有勁多姐姐派傳單添。今日同朋友行完街想食雞煲，見呢間18樓雞煲又有得食雞煲，又可以打埋邊爐，所以二話不說就上左18樓😆我地17:30左右就黎到，所以價錢係$178，不我地一定會19:30前離座，因為可以平$10一個🤪大部分都係卡位，仲要好闊落位於18樓，所以環境十分開揚自助醬料區選擇唔多～炸蒜、辣椒、蔥花、蒜蓉及豉油飲品櫃好似有6個，每個都有少少唔同茶類、汽水類，乳酸飲品都有飲住呢三款先用手機掃QR code落order 方便又環保主角嚟喇👏🏻👏🏻👏🏻朋友唔食得太辣，所以叫左小辣真係好惹味囉麻同辣剛剛好，因為我唔鍾意太麻，太麻會無咩味覺享受打邊爐的配料相當多選擇，只係我食嚟食去都係果D野～我的必食之選：雪花肥牛勁有牛味😋，蝦🦐，是日海鮮係蜆，好鮮甜，響鈴似係即炸，細細件但卷左好多個圈，一啖放入口勁多腐皮係個口度好滿足🤣🤣，花枝丸～食到一粒粒墨魚，好有口感，台灣腸都甚少出現係火鍋的菜單上，其他野全部都好正常，總之選擇多到每款叫一份都會飽死😆😆呢度係我打邊爐必食的食物🤪最後仲有軟雪糕🍦配料係自己落個人覺得雲呢拿味雪糕好過朱古力味雪糕

呢到雞煲既食過好多次，水準好穩定，次次都食到飽飽又滿足!!位置好方便，地鐵站行10分鐘左右, 附近又有大商場, 行完街就可以黎食~無得揀湯底, 不過雞既份量會跟人數而比, 所以都唔洗驚一定要食成隻雞我地揀左小辣，入面d麻椒會越煲越辣, 越煲越惹味架！而且雞都好多肉, 雞肉又滑!配料選擇都非常多，最鐘意佢既份量唔會好多，每樣2-3粒咁樣, 可以試多幾款野~超正!!仲要係有好多冷門食物,平時打邊爐都無得食既野, 例如鵝腸, 台灣腸,墨魚滑, 泰國粉絲, 白膳, 海鮮都有幾款!牛肉都幾靚唔係好肥, 同埋幾滑幾有牛味架!! 野飲都有好多款, 氣水/茶/水咩都有, 不過啤酒就要另外加錢~ 不過都幾平!埋單四百有找，兩個人食任食都係方便D,咩都有得食，咁既價錢食到高質食材真係相當正!

第一次幫襯這家店已是幾個月前，不過裝修及口味都非常合我心意，所以今日就帶了媽咪過來試試。媽咪喜歡吃雞煲，不過經常覺得鋪頭衛生麻麻，抽氣時出問題，特別侷促，今次是少有一間令她滿意的鋪頭，所以特地介紹下！——————————🔹雞煲食雞煲點可以不辣！今次同樣叫了小辣，惹味一點，二人份量多，雞件飽滿不肥，最重要是調味剛好，不會煎得太焦或太濃，加入紅洋蔥、芹菜、芫荽等提香，香氣好足！如果香菜量更多就更好！-🔸火鍋$178雞煲+火鍋，任食2.5小時，抵食又有時間同親朋傾計！點菜用QR code系統，沒漏單亦快送到，服務不錯；食物種類多，超過80款任飲任食，質素亦好。-雪花肥牛選用美國肩胛，色澤鮮紅，肉味濃而不肥；頂級梅頭豬肉同樣重肉味，不過肉片可能未完全解凍，肉色偏暗；豬潤驚喜，粉嫩不會有雜味。-鯇魚新鮮脆口，蜆肉飽滿大隻；即炸響鈴大大件，吸滿湯汁夠入味。媽咪最喜歡外面自取的蔬菜，每一款摘好用碗裝好，超級鮮甜，最愛西洋菜，養生又清甜。