101肉燥飯專門店 (西洋菜南街) (已結業)

101肉燥飯係算係近年價錢較低,味道及賣相不錯的台灣飯店。雖然主打肉燥飯,不過選擇都好多樣化,有鐵板又有打邊爐,係幾大眾化既選擇。今次黎到就先叫左個小食,鹽酥雞塊,落單後無幾耐就有了,都算熱辣辣,味道唔錯,雞肉好滑,不過如果落多D味粉就更加惹味喇!而主食就叫左鐵板牛扒配肉燥飯,配料好豐富,有好多粟米同薯仔,而塊牛扒既黑椒味好香,咬落去好林,岩岩好至於個肉燥飯,既然係呢到既招牌,當然都唔差,有好多肉燥,配上個汁恰到好處,咁樣既餐六十幾蚊,加左幾蚊仲有珍珠奶茶飲,非常滿足

好耐冇食台北101，今日行過旺角，諗唔到食咩好，就再去食下久違了晚既101肉燥飯。鐵板燒章魚餅雞柳肉燥飯，這碟飯只有區區一小塊的章魚餅，仲要係粉多果種，章魚味欠奉唔講以為佢搭多比我，好很失望。雞柳多係多，但得個咸字薯角只有兩三塊，飯面也沒有以前的生雞蛋，似一堆求其拼埋嘅飯，各種食物都沒有交流可言，令人失望。鐵板燒牛肩肉肉燥飯，牛肉既size 比之前小了很多，肉質偏韌。 肉燥飯也只是港式扮台灣野，只是用差不多的料煮成，樣樣差少少，就變差很遠沒有風味。其實只要用珍珠米，已經好好多。以前都覺得101肉燥飯幾抵食，但今次真係覺得佢地退步了。就連野飲都縮哂水，冰又多，希望佢會進步返去以前的水準啦！

101原本係屯門成日不過後來覺得佢位置有點遠就小左食之前行旺角發現原來係度開左分店搞到我即刻拉左朋友入去食呢度價錢同屯門一樣但環境相對闊落好多又有sofa坐一人set既午餐其實好抵呢度份量出名“勁”味道又吾會差照片影落冇甘大碟實體都有成一個面有多芝土味濃加埋香草既味道真係引人入勝吾洗怕佢俾得小芝士佢份量預得岩岩好甘就吾怕食得太濟食吾到小食豬頸肉又大塊又調味得好肉質吾會un能夠用斜刀切得薄d令佢容易咬得開不過就希望紅蘿蔔可以煮林一d（始終我吾係好中意食健康嘢）呢個雞反而好食過樓下豪大大佢就算係係倒粉落去你都會覺得好入味食落去肉質鮮嫩而且不油膩呢杯嘢真係會令你覺得呢個餐勁抵佢既份量係正常既2-3倍香芋味濃珍珠又整得淋如果加番d薄脆片（啡色）就完美啦

同朋友黎食呢間好出名嘅台式肉燥飯，的確好有驚喜叫左一人套餐嘅無骨香辣三杯雞肉燥飯（轉米粉），再加鹽酥雞翼同水蜜桃紅茶一共$62，價錢上個人覺得小貴，但其實餐廳仲有好多便價三十幾蚊野，係旺角黎講都好抵鹽酥雞翼同水蜜桃紅茶先上～水蜜桃紅茶一般般，主要係因為水蜜桃實在太重太甜，遮晒紅茶嘅味道 不過咁大杯嘅野飲的確第一次見好有良心鹽酥雞翼嘅鹽味唔重，只有少少咸，唔係特別香但真心非常脆，表面嘅脆脆都好少，而且肉非常滑唔錯的無骨香辣三杯雞肉燥米粉真係好好味，好有驚喜！米粉又幼又滑又爽，仲要索晒啲湯甜甜地嘅肉燥味道，真係未食過咁好嘅肉燥面！三杯雞的確冇骨，而且同時都冇肥膏！啖啖肉好過癮重點係辣度啱啱好，唔會辣到去啲雞味都冇晒，但又唔會完全唔辣咁，同時都令胃口大開！成碗麵材料落得好足，肉燥同雞肉都非常多，超大碗，食得好滿足總體黎講真心唔錯，但希望野飲可以做得番好少少啦

<101肉燥飯專門店>本身👶🏼係想食吉邊芝士雞煲既，但無奈真係太多人，唯有轉移陣地黎左呢間台式肉燥飯專門店，估唔到有驚喜😍上到黎發現呢度都有一人一鍋，仲要係重口味三杯雞，即嗌！三杯雞鍋($62)包左肥牛、雞肉、玉子豆腐、花枝丸、台灣腸、魚餅、菜同麵等，認真抵食到爛😋。個湯都幾辣，但愈煮愈濃味仲帶d甜，雞肉本身入哂味又夠嫩，臨尾加個渝川麵有嚼勁好索汁，wa食到👶🏼lam哂脷！👅同朋友仲叫左鹽酥雞翼肉燥飯餐($62)，雞翼炸粉唔會太厚，肉燥都好惹味🔥，仲有小食花枝丸，彈牙同有真墨魚肉🐙！另外雞扒玉子豆腐肉燥米粉($45)，最驚喜係新竹米粉好滑溜，同平時食既好唔到，加埋秘製辣椒醬🌶，👶🏼超慶幸黎左呢度食！😙.野飲都超大杯好抵飲架！🍹

同朋友逛街路過吃完飯試了這家肉燥飯~味道還算可以，可能自己比較不喜歡太鹹的東西，對肉燥飯同雞稍微覺得油膩同鹹了少少，不過試過很多台灣食物也是這樣，所以覺得不過不失，沒有太特別之處，價錢在合理範圍之內~喜歡肉燥飯的朋友也可以嘗試但是跟餐的小食我選了香草芝士玉子豆腐，好重香草味，個層皮好鹹，是真的太鹹那種，我朋友喜歡吃台灣也都覺得鹹味太重，不推介嘗試

好少係旺角食野 因為成日都唔知食咩好既你食呢間就岩哂!!!!!!!先黎鹽酥雞翼,雖然賣相好似唔多吸引，但面頭炸得好夠香脆,唔太油,再有少少香辣粉洒上去 好惹味 巴東牛肉肉燥飯睇相就知份量足,配菜有薯角,栗米,生菜同蘿蔔 夠哂營養豐富同健康!肉燥大細岩岩好唔會太細食落唔過隱,味道就唔錯 唔會話太油令到感覺好膩略縑肉燥少左D 不過入面D料都好足 搞到D飯唔多夠食一定要食既招牌炭燒豬頸肉!超超超超超超級香同彈牙,D豬肉汁必哂出黎啊呀!加埋自家製甜酸醬,睇相都留哂口水啦下嘛肉切得又夠厚! 最最最緊要都係價錢只係30$碟!另外仲有D小菜,沙律,珍珠奶茶等都好唔錯!極力推介大家去試一試

之前約左fd 去mk行街, 行到夜晚覺得肚餓就是但搵間野食.見到尼間台式野個logo咁大又幾令, 又未食過就上去試下~部lift勁細囉, 又多人, 搞到要等2部lift先上到去. 上到去依然係好迫, 環保真係一般般, 因為我最憎同人迫!我嗌左個台式玉子雞排肉燥飯(幾大份), 玉子係炸過嘅, 我唔太中意食(比左朋友)~但塊雞排同個肉燥個味都唔錯, 肉燥飯令人食幾開胃! 嗌餐, 所以跟左杯餐飲, 我簡左珍珠奶茶~ 估唔到會比勁大杯!! 味道正常, 大杯到飲唔晒! 所以整體幾抵食嘅, 係環保迫D.

星期日一個人去旺角行街，行到三點三，又係嘆下午茶時間啦～抬頭一望，就見到"101肉燥飯專門店",好搶眼，仲有甘大隻碗標誌😄, 一於就搭上二樓食台灣菜式。😁一出就係店舖，見到都好多食客，有位好有禮貌的女侍應一一為客人安排坐位。原來近收銀位置近牆掛了裝雨傘袋，既慳位又貼心。之後那位女侍應亦為我安排了坐位。看過餐牌後，點了個一人套餐，套餐包括有一個主餐+小食+飲品，價錢由$60~$68不等。最後我點了No.6 "台式豬軟骨肉燥飯+鹽酥雞翼拼章魚餅(各一)+香芋珍珠奶茶，成個餐$68。很快就端上主餐:台式豬軟骨肉燥飯，賣相給人印象好大碟好吸引，我好surprised, 而且食物還霧煙。左邊是肉燥飯，右邊是豬軟骨。肉燥飯~飯煮得好軟熟，食落都有一大碗飯，撈埋肉燥汁，甜甜地好好味，肉燥好濃味，有少少肉羶味，而肉燥亦不會黏埋一舊舊，好均勻。如果多啲肉燥仲好。😁豬軟骨熱騰騰，好大件，好，好入味，好香豬肉味。滷水蛋雖然細隻，但蛋白有滷水味，仲好入味。仲有椰菜和紅蘿蔔做伴菜點綴，令到整碟肉燥飯有些色彩，而椰菜和紅蘿蔔不會煮得太，軟硬適中。跟住到小食:鹽酥雞翼拼章魚餅(各一)左邊係鹽酥雞翼, 右邊章

星期日去旺角行街， 正想著食咩lunch好，剛好見到樓上有間台灣餐廳，自成一閣，正好食飯休息一下。見到有類似吉X家的火鍋，價錢相若幾吸引，叫左個少辣試下。賣相好吸引，足料抵食，三杯雞辣辣地好食。台灣肉腸有台灣風味，再加個肉燥飯，真係大滿足。 見到+$48有安格斯肥牛，都係果句，足料。肉味十足，肥瘦剛好，真係喜出望外。吉x家以外的升級選擇！！

旺角雖然好多野食，但我每次出到去，都係唔知食咩好。見到呢間101肉燥飯，價錢都唔太貴，就上左去試下。不過係旺角食野，預左唔會坐得耐，要同朋友吹水食hea食就難啲。 二個人叫左個二人套餐 $198，但其實三個人都夠食。 玉子豆腐熱辣辣個陣好好味，外脆內滑。不過凍左就唔好食，要趁熱食 凱撒沙律其實唔係凱撒沙律，係日式芝麻沙律醬粟米沙律，份量都幾大份，意料之外。係用沙律菜，仲要幾新鮮，正！ 巴東牛肉熱石鐵皮燒 配肉燥飯巴東牛肉個味其實似五香肉丁，甜甜地辣辣地，好好味，送飯一流。肉質鬆軟，份量都幾多～配菜夠多，感覺會抵食啲。美中不足既係飯太「林」，肉燥幾好味，不過無都無所謂，因為巴東牛肉送飯已經好好！ 鐵板飛天包心菜炒豬頸肉 配芝士撈面菜既份量好多，上枱個陣仲有煙出，啲菜好夠味。豬頸肉略厭厚左啲，味道唔錯，似大排檔風味。 不過同芝士撈面唔夾，配白飯好味啲。 鹽酥雞味道淡左啲，但雞肉尚算嫩滑，勉強合格。 檸檬綠茶令人失望既係一入口就飲得出係濃縮檸檬沖開出來，綠茶味唔夠強。不過放多一陣，冰溶左啲，令杯飲品更好飲。

放假到旺角行街,處處都係美食,見到有間樓上既肉燥飯,好懷念台灣的味道,一於試下啦 一上到去感覺舒服,光線充足。午餐選擇好多,有雞翼,玉子豆腐,豬扒, 豬軟骨,牛肉等等,肉燥飯更可以轉新竹米粉,更有香港人最愛既公仔麵, 主食可配一樣小食及飲品。我就選擇左醬汁香矛豬扒肉燥飯配章魚餅及熱柑桔檸檬。份量比想像中多,豬扒更是大大塊,豬扒醃得十分入味而且肉質恰到好處 新竹米粉非常滑,配上肉燥,不錯的配搭！地點好方便,食物美味,份量滿足,更加有2人或4人餐,下次想試下三杯雞火鍋

依間野望落去就ok，實際上就係勁之差。。。話說今日我同幾個同事去食飯，諗住爽快咁食個lunch，之後番去做野。諗住少少地人，一定快拉點知13點50叫野食，到14點15都未有之後問個服務員點解咁耐都未黎點知d態度差到死，有個光頭佬勁惡咁話咩呀？咁我地咪話差d嘜嘜嘜，個個光頭佬求其敷衍我地話黎緊，但實際上佢係無幫我地跟進，繼續做自己野。。。再隔左陣搵第2個服務員，佢先肯幫我跟，點知原來漏單。。。依間野d服務態度 食物 環境都真係麻麻 各位真係要考慮下如果吾係，真係會食到成肚氣!!!!!!!!!!!我地今次就叫左以下依d。1) 醬汁雞扒玉子豆腐肉躁飯依個飯真係麻麻地，雞扒少之又少，我個fd仲話見到有d係有2塊雞扒，而我個碟就只有1塊，吾知係咪我吹佢快d，佢就求其整，同埋真係無咩特別。2) 台式豬軟骨瑞士汁葱油撈公仔麵大家如果想食好少少既，就真係吾好揀依d款式，因為依d真係好油，同埋d公仔麵係極之少，正常撈麵係吾會好濕加麻，點知送到黎，d公仔麵好似仲係俾水浸住咁，濕到。。。所以真係要考慮。。。3)炭燒豬頸肉瑞士汁葱油撈公仔麵依碟野同上面個碟一樣。。。而佢所謂既炭燒豬頸肉根本吾係炭燒，而係白烚，

香辣無骨三杯雞火鍋 $67 (7/10)凍冰冰❄️最啱打邊爐🌝想一人一鍋??可以試吓呢個三杯雞火鍋~一坐低，細心嘅四眼哥哥店員就走黎同我地介紹下，又幫我地決定點樣抵食😂最後叫咗一個火鍋再追加小食~火鍋材料都幾豐富☺️有牛肉，玉子豆腐，蔬菜，三杯雞,花枝丸,烏冬...😈 由於台灣腸賣晒，店員話會增加其材料嘅份量（不過唔覺有加到）湯底都好濃味，辣味就愈滾愈出，不過味道都吾錯;)主角三杯雞醃得好入味，肉質又吾會好"鞋"呢個平民價火鍋系幾抵食🐔🐔 抵食指數(3/5):✔️ ✔️ ✔️

那天放假，但是幾充實的，往旺角取件、剪髮、晚上跟朋友吃飯、上游泳堂。下午沒打算吃什麼，誤打誤撞入了101，就點了10號炭燒豬頸肉肉燥飯 $66 （包小食及飲品）。珍珠奶茶確實超大杯，不過茶味不重較甜，珍珠不太韌但未夠QQ。小食花枝丸，即炸上檯，不過表面太多油，不算彈牙。豬頸肉質地有點韌，醬汁帶甜，至於肉燥味道不過不失。整體普通，要是$6x 價錢有點不值，很想念台灣的味道吧！