101手工涮涮鍋 (金朝陽中心二期 - Midtown)

营业中

休息中

平時打得邊爐多數都係一班人圍威喂，誓要係火鍋台上決戰到最後一兵一卒。估唔到原來打邊爐都可以咁有格調。一行入門口就見到個特大嘅吧台，加上偏暗嘅燈光令到整個環境氣氛十足，唔講仲以為去咗中上環蘇豪區添，帶女伴侶黎撐枱腳都絕對唔失禮。點菜亦都有別於一般火鍋餐廳”點心紙”式叫餐，餐牌分為前菜、主菜、海鮮、肉類......直至甜品，真係十足去左西餐廳咁阿。前菜係麻辣木耳同埋麻辣手工手撕雞。微辣而唔嗆喉非常醒胃。湯底方面有成十種選擇咁多，我地就揀左冬瓜卜卜蜆海鮮鍋。各種田園蔬菜，加上新鮮大蜆再配合冬瓜墊底，清甜而不上火。肉類方面有三款選擇，牛係手切安格斯Prime Grade牛頸脊肥牛片，肉質細緻牛肉味重，入口鮮嫩又唔會覺微油膩。我地叫左101特選手工火鍋拼盤，呢個拼盤主要係丸類，有八款選擇咁多。當中我最中意黑松露蟹肉餃，煙韌嘅餃子皮配合新鮮嘅蟹肉，再加上濃郁嘅黑松露醬調味，食落口感非常豐富。鍾意香口野嘅朋友，就一定要試佢哋嘅炸響鈴同埋炸魚皮，擺落水滾兩滾就食得，食落口脆身又唔會有油益未。而呢度嘅飲品係任飲嘅，食到中段服務員仲好細心咁問我地需唔需要再叫多杯野飲，亦都推薦試吓其他口味，真係抵讚。 飲飽

最近天氣愈黎愈凍, 最岩就係打邊爐呀~原本就已經熱愛邊爐既我, 生日大餐就乘機食貴少少既邊爐呢度有少少半任食既感覺, 因為有揀完煲後有位上既特式食材~我地揀左三杯卜卜蜆煲~微辣又有d蜆食咁, 其它地方比較少見呢類湯底邊爐靈魂之一當然係任飲既飲品啦紅酒白酒cocktail mocktail 珍奶一應俱全我就當然要杯生啤先, 女友就試下珍珠奶茶~邊爐另一個靈魂就係醬油同配料~呢度既配料排左個九宮格~除左必備既生煎炸蒜同蔥花辣椒外, 仲有沙茶醬,沙爹醬同榨菜另外一樣值得介紹既就係佢地任叫既前菜~麻辣手撕雞同埋麻辣木耳辣度唔係好辣, 連我呢d唔食得辣既人都食到, 仲要係又要辣又要好食果種係咁食雖然有d驚填飽左食少左其它配料, 但係兩碟我地都清得好乾淨食食下前菜個湯底就到~一見到真係嚇左一嚇, 隻色好似好辣咁之後煲滾左都證明左呢樣野~佢既辣度係辣過前菜既~所以我決定叫侍應加多少少清湯溝一溝唔食得辣既人真慘驚喜點係呢度既卜卜蜆足足有成碗咁多呀而點解叫卜卜蜆呢, 因為佢地係煲緊果陣會不斷碰撞發出「卜卜」聲, 幾得意煲滾湯底第一件事當然係試下最後一個靈魂 - 肥牛啦呢碟係兩人份量既安格斯牛~淥一淥咩都

101 , 呢個數目字我會諗起台灣既著名地標101 咁所以今日擺明就係食台灣野啦😂😂😂餐廳位於金朝陽29樓，所以景觀錯，可以遠眺港島景色。 入到黎，個門面同裝修似行現代化路線 🙂 101手工涮涮鍋主要係揀好一個湯底+ 唔同既配料同主食，俾你自己自由配搭既 我就揀左至愛既番茄湯底😍 配料可以揀3款，揀左 台灣腸，雞件魚腐，主食揀左台灣拉面。仲可以免費嗌杯野飲添，嗌左杯芒果可樂沙冰唔駛幾耐，餸菜上齊，煮左陣就湯滾啦，咁就試下個湯底啦！ 個湯底唔錯，有濃厚既番茄味，唔似有d餐廳用水溝🙈 咁配件又點呢？ 我要俾個讚個雞件，爽口、雞味濃、少骨！ 岩我呢個懶人，唔駛去骨食好西🤓 台灣腸同係士林夜市食果d一樣咁好食，魚腐亦都唔失禮，彈牙爽口😌杯野飲都送到黎，小弟一直好好奇倒插枝可樂做咩 飲落又真係唔同 倒插除左係外觀上 內在都正 倒插可以make sure 可樂同芒果沙冰融為一體 源源不絕☺埋單五十幾，有景，有得食好西，係一個好高性價比既餐廳！

冬天嘛，朋友約飯局很自然就會選擇打邊爐。因為在fb見到有朋友推薦，今晚一於搵埋同樣為食的朋友一探究竟。手工涮涮鍋套餐無限時任飲任食＄398一位前菜有兩款，可無限追加，味道不錯：手工麻辣麻醬手撕雞（微辣）秘製麻辣木耳台灣香辣三杯卜卜蜆涮涮鍋看到名稱肯定是看到名稱很特別，加上店員推薦所以決定試試。因為只選了小辣，所以辣味並不重，更強調的是海鮮的鮮甜。蜆的份量不少，隨便一撈就有幾隻。手切安格斯Prime Grade牛頸脊肥牛片呢碟牛肉上枱果陣，朋友已經話好正！平時打邊爐嗌碟安格斯肥牛都唔平吧？呢碟肥牛超高質，雪花分布平均，口感極佳，入口即溶，而且份量都唔少。我同朋友都揀左101特選手工火鍋拼盤（位上）：-墨魚汁鳥結糖其實係黑色墨魚丸咁, 但做成鳥結糖形狀, 超特別!-黑松露蟹子海鮮軍艦-黑松露蟹肉餃其實任何加左黑松露的食物我都好鍾意食，簡直就係香口既指標！-安格斯霜降牛丸-黑松露芝士豚肉九-三重芝士鮮製蝦丸-三重芝士鮮製墨魚丸無論係咩口味手打丸，都會比平時現成買的更有心思，口感係細緻好多。推薦！-太極冬菇-手工即炸響鈴卷併手工的炸魚皮呢個唔記得左影，但記得都係唔錯的～部分食物可無限追加，另外

登龍街唔只好多拉麵店，今次發現一間充滿酒吧氣氛的高汁火鍋店環境不錯可惜坐不到窗口位望夜景前菜有麻辣木耳同少少辣既青瓜雞沙律，幾開胃，麻辣的程度適中，做前菜非常適合主菜湯底叫了小辣卜卜蜆，原本個湯就好多料，蜆白雪雪感覺上乾淨，而且幾甜，唔腥又無沙炸魚皮好脆好似厚但不油膩的薯片，浸完湯仍然保持到脆。響鈴不得了，好很大條！成條前臂咁長！一次個鍋只放得落一條😂 又係好脆好吸汁，食一條份量好似平時的三條肥牛雪花分佈平均，肉質鮮嫩唔覺肥，2人份量黎講都唔算少，唔會食完覺得唔夠手工火鍋料份量每人每款一粒，睇落好少，但食落都飽，而且每款都係真材實料，尤其是丸類，唔係出面食溝好多粉個種。個人覺得饟菇最特別，墨魚滑同蝦滑(好似係)痴左係菇個底度。鄉下妹又出城，咁大個女第一次食火鍋有任飲酒類飲品🤣 圖為blue ocean，味似blue lagoon, 酒味少少淡，其他味都似足Sex on the beach, 果味濃，發現佢地d cocktail酒味都唔係太濃，中意果味重d的朋友應該啱飲店長推薦的白酒，又係果味濃，甜甜地少少dry，會比較受女仔喜愛倒插冰沙，淨係賣相已值回票價，大大杯，解渴一流食完人頭份量

天寒地涷 除了睡覺 就是食 同Honey去銅鑼灣行街 都感到寒意 所以見到有火鍋 立即入去食第一次踏入店舖 101手工涮涮鍋沒想到環境不錯。 舒適裝潢 寬闊走廊令人舒服職員親切價錢又親民 就同Honey睇張餐單  。 以為食緊西餐 有前菜，又主菜 不過食物質素及安排好好 可以無限追加， (當然有些雖然要另外收費,但任食及無限時. 真係好吸引)可以慢慢食.前菜有手工麻辣醬手撕雞 (微辣) 秘製麻辣木耳  主菜有10 款湯鍋 少辣之後選了牛頸脊肥牛片101特選手工火鍋拼盤以人手打造出不同肉丸及餃子有墨魚汁鳥結糖太極冬菇安格斯霜降牛丸三重芝士鮮製蝦丸黑松露蟹子海鮮海鮮軍艦黑松露蟹肉餃黑松露芝士豚肉餃三重芝士鮮製墨魚丸及台灣夜市火鍋拼盤(需要熟方可食用)滷水豬耳,腎片, 大腸,牛肚, 蛋, 鹽水雞翼,台灣九份紫薯芋圓台灣九份地瓜芋圓紫薯水晶包再配上手工即炸響鈴卷拼手工即炸魚皮其實真是不少食物等食物來時,食下前菜又酸又辣好開胃.食物一到,真係好豐富先講下個台灣香辣三杯卜卜蜆涮涮鍋看見湯鍋內的湯料真係不少加上香辣紅色,都擔心其辣度.不過初嚐時, 真的可以接受其辣度不過食了不久感覺愈食愈辣職員好醒目

聽聞銅鑼灣有間有夜景睇的台式涮涮鍋即刻同朋友馬上去嘗嘗鮮地址雖然有一段小距離 但勝在於消防局附近所以都幾容易就穩到 一條充滿餐廳既小街樓上就穩到101既蹤影裝潢幾舒服同高級食肆最重要既清潔佢都做到仲有吧枱 岩同朋友傾下計飲下野想法好新穎除左牛肉之外 其他丸類同小食都係任食的所以享受牛肉之餘 仲一定會飽住肚落樓另外仲可以自調醬料 符合翻個人既口味牛肉既色澤非常靚亦好有鮮味入口嫩口易咬斷 甘油香味食完仲係咀裏面留香碌幾秒再食先至係恰到好處係靚牛既專屬食法湯底雖然色澤好濃但一d都五會死咸反而都幾有台味 又鮮又香又辣食到滿頭大汗滿滿的蜆令人食指大動響鈴同魚皮都係加大碼的都幾特別滿足仲好飽肚tim脆卜卜 格格聲真係好過癮水果茶五會太甜 岩岩好解到油利感芒果同提子沙冰上面配咩汽水係可以自選的不錯質素不錯的台式火鍋

今晚有朋友推介 銅鑼灣登龍街有好地方食台式手工火鍋仲有任飲。有靚景又有得飲野竟然係食台式火鍋，好特別，一啲都唔拘謹。場內有一邊比較開陽，更有露台可以望出去看夜景，海景。手工火鍋以半放題形式。 餐牌就一張A3紙。 手工涮涮鍋套餐， 有的項目有無限追call。。當中竟然包括成個drink list ! 真係开心到極点可以試多款cocktail, 指定紅白酒，台式奶茶沙冰花茶等等。。對我这種長期口渴的人更為吸引。先放在枱上的是"手工麻辣麻醬手撕雞"和 " 秘製麻辣木耳" 兩款冷盤。 兩款調味都不錯，手工麻辣麻醬手撕雞帶微微麻辣，惹味非常。主菜即是所選煲底， 我們選了"酸菜白肉鍋"這是我個人最喜愛的台式窩。 火鍋底充滿材料，有我最喜愛的酸菜甚至乎成棵上。 湯底微微帶酸又有白肉的香味。 亮點是表面灑上大粒黑白胡椒碎， 充分帶出成個湯底的鮮香味。我們先選了"愛文芒果"及"藍莓倒插沙冰"。 味道唔錯， 愛文芒果味道獨特， 唔太甜而且唔會太過糖水feel。肉類每兩位送一碟。 嗜牛的我们當然選"手切安格斯牛頸脊肥牛片"(每兩位送一碟)。 雖然叫肥牛片但一點 也看不見橫間的肥膏 ，反而是"雪花"的肥。 牛

又係我最鍾意ge冬日節目--打邊爐！對上一次同屋企人黎左101手工涮涮鍋之後念念不忘係到打邊爐ge樂趣同享受！有好野梗係要同好朋友分享，今日成班Friend係我ge推介之下黎左101，享受高質ge打邊爐👍🏻我地點左冬陰公卜卜蜆海鮮鍋做湯底，鮮甜之中帶著陣陣香辣，非常惹味，岩晒冬天食！唔單止個湯底正，d食材仲正😋海鮮同肉類肉質鮮嫩、鮮甜，丸類爽口彈牙！而且有好多丸類都創意萬分👍🏻牛肉，響玲，蝦丸，蟹棒全部都係我至愛！朋友都話無介紹錯！食物正，飲品就更有誠意，超讚超有誠意，真係淨飲都值回票價！通常任食火鍋d飲品都係普通汽水，酸梅湯，茶，等等。但呢到，任飲ge居然係款款有特色ge飲品！倒插沙冰，各式水果冰茶，盆栽珍珠奶茶，cocktail，啤酒，有酒精無酒精ge都有，真係超有誠意！

朋友推介呢間餐廳可以話係隱世既高質餐廳，係金朝陽中心二期29樓，真係唔講唔知有呢間餐廳。一到餐廳已經透過玻璃見到好靚既夜景，仲有一個露台位，食到咁上下可以同朋友拎住飲品，行出去睇住靚景傾下計。前菜有麻辣木耳，麻辣手撕雞!木耳夠爽，又麻又辣，正。打邊爐最緊要係個湯，火銅湯都有成10款，最後我就揀左台灣紅燒牛肉涮涮鍋，兩份手工火鍋拼盤。份量真係非常足料，望落成鍋都係材料!試左幾啖湯應，非常甜，真係同食紅燒牛肉麵一樣，但呢度既湯底更甜更鮮，牛肉更加食到走都未食哂。自家製響鈴同魚皮比較厚身，響鈴比較特別，大卷之餘入口非常鬆化。手工配料入邊最好食既係手打丸，真係非常彈牙，而且材料新鮮，墨丸蝦丸牛丸都鮮味十足ga。海鮮拼盤簡直誇張! 大蝦又甜又爽，蜆同馬刀貝味道十足夠哂鮮，鮑魚就腍左啲，唔夠彈牙。桶蠔係最誇張，煮左接受10分鐘都無乜縮水，蠔身部分蠔味超香甜，而且非常creamy!其實食完本身個set食材都夠飽，但一場黎到，就咁係試埋其它野：沙茶牛肉，皇帝菜，魚腩。牛肉沙茶醬味好香，夠哂嫩滑。魚腩夠鮮，而且唔腥。特飲都試左兩款，盆栽炭燒咖啡同香芋珍珠，奶味香濃，但可以再甜啲個人覺得。但上邊既oero

呢期真係好凍啊！天氣一轉冷就想食打邊爐，今日適逢老友高高嘅生日，我們仨兄弟好難得咁終於可以聚首一堂，主角貴為酒鬼，我當然想搵一個可以無限時、無限食、無限飲酒嘅好地方！要滿足到呢三個願望又要環境優美，選擇實在唔多！做咗好多資料蒐集，都係冇咩啱心水，念念不忘嘅係之前曾經嚟過一次嘅101台式手工涮涮鍋。二話不說，馬上訂枱！我哋三位返工都係港島區， 101嘅地理位置啱晒！位於金朝陽中心，氣魄雄偉，風景非常華麗，適逢聖誕節將到，今晚簡直大有眼福，可以預早觀看聖誕燈飾的夜景。餐廳內環境寬闊，非常舒適。和多月前來唯一的分別就是已經叫好賣座！餐牌上湯底款式有10款，真係總有一款啱你食！今晚我地點左冬陰公卜卜蜆海鮮鍋，驅下寒先！冬陰公卜卜蜆海鮮鍋-少辣淨係湯底材料都已經非常豐盛，各式各樣嘅蔬菜以及盤滿缽滿嘅卜卜蜆，真係一見到已經非常大快朵頤。喺等湯底再次滾起之時，我哋起筷食前菜：手撕雞和木耳，兩款均為麻辣，非常爽，令我哋大動食指。開動啦！肉類方面揀咗豬頸肉同肥牛片，拼盤方面就揀咗101特選手工火鍋。肥牛牛香十足，非常優質。豬頸肉以玫瑰花瓣造型出場，非常壯麗，肉質幼嫩！兩款肉類都令我哋非常讚嘆。手工即炸響

Located in Causeway Base but it is really easy to locate in one of the very prominent buildings. Had a great dinner experience with my date recently.One of the biggest takeaway experiences from this restaurant during my dine in was the impeccable services offered by the staffs. That is because the restaurant has a large selection of ingredients to choose for the hotpot and we were initially unsure of which ones to pick. However, the staffs took a great length to carefully explain all the differe

通常星期六都會出去食飯，我朋友好喜歡食台灣菜，她介紹我來呢間火鍋店食午餐，佢上次晚上在銅鑼灣的101 Grill bar + hotpot 晚餐，佢果晚任飲任食火鍋又豐富又暖胃同叫左有酒精同無酒精飲品，果晚佢留到深夜飲酒，當佢是酒吧。午市定食套餐,前菜是麻醬麻辣手撕雞，個麻醬很特別，帶有少少麻辣在手撕雞中，令平時只喜歡食燒雞的我，都覺得手撕雞很鮮味同好食。台灣紅燒牛肉配珍麵，食紅燒牛肉時似正宗的煮法，十足似在台灣食當地食材，食極唔厭，湯汁留下牛肉味，用來送湯很正，麵又夠粗身滑溜。盆栽珍珠奶茶，是大杯裝珍珠奶茶，表面有似朱古力粉混合忌廉浮在面好靚，將佢攪動成一杯好味的珍珠奶茶，D 珍珠細粒食落清淡有咬的彈牙感，飲大半杯都不想停，飲哂佢先好。

任食火鍋嚟講，$388/位算係稍貴，但！係！原來連酒精飲品都係任飲，咁樣就真係抵返哂呢度嘅湯底選擇都唔少，主要以台式湯底為主。而我哋就揀咗［台灣香辣三杯卜卜蜆］三杯係指麻油一杯、米酒一杯、醬油一杯，但湯底食落唔太覺有麻油味同米酒香，不過都相當惹味，蜆嘅數量都非常多，而且新鮮鮮甜前菜有［手工麻辣麻醬手撕雞］同［秘製麻辣木耳］，兩者都相當開胃每兩位就有一碟肉，有牛有豬可以揀，而我哋就揀咗［手切安格斯Prime Grade牛頸脊肥牛片］。肥牛唔會切得太薄，油花分佈得靚，食落嫩滑而且牛味濃郁之後就一人揀一個拼盤。我哋揀咗每樣一個［101特選手工火鍋拼盤］呢個拼盤主要係丸類，有墨魚汁鳥結糖、黑松露帶子海鮮軍艦、太極冬菇、黑松露蟹肉餃、安格斯霜降牛丸、黑松露芝士豚肉餃、三重芝士鮮製蝦丸、三重芝士鮮製墨魚丸。其中我最鐘意個蟹肉餃，個皮好煙韌［台灣夜市火鍋拼盤］而呢個拼盤就比較特別，有滷水豬耳、滷水腎片、滷水大腸、滷水牛肚、滷水蛋、鹽水雞翼、台灣九份紫薯芋圓、台灣九份地瓜芋圓、紫薯水晶包。雖然啲滷味喺湯底度煮完已經冇哂滷水味，但都真係幾特別，應該第度冇得食。另外芋圓同水晶包雖然係甜食比較正常，但居然放

涼涼地，食個火鍋暖下肚。上去Open rice 搵下有冇好野。見到101咁多個笑樣，同埋我覺得食手工野應該都不錯。於是book枱跟朋友一起try try。準時上到去不用等位，坐位幾舒服，我們一行四人，給我的四人枱，非堂寬恕，環境都不錯，又不用限時，而且有酒有特飲，無限任飲，同三五知己吹水真係一個好地方。同埋最特別嗰度有個露枱望維港，雖然唔係望哂成個維港，但都算開揚，可能29樓高，唔算好多高樓大廈擋住。坐底當然梗係點左個湯底先同這裡賣點手工火鍋料，我們點左個冬瓜卜卜蜆海鮮鍋，原舊冬瓜上拗湯。海鮮拼盤都order了，肉類就揀左安格斯牛及黑毛豬肉片，另order了101特選手工手工火鍋拼盤。跟住order drink，有很多選擇，有冇酒精都係任叫，又有cocktails，手工啤酒，梗係飲盡佢喇！說真的，黎劈酒都抵！🤣🤣🤣咁我哋頭round 食哂手工料先，真係無得彈，料很新鮮，很特別，尤其是墨魚汁鳥結糖，總之每樣都好食，我終於明白點解食評無人俾喊樣了。我們唔係太大食，所以嗰度啲任食米鍋配料都只加了蟹捧同芋圓。總括而言，係唔係大胃王呢度都啱吃，湯底、火鍋料都勁正夠新鮮，飲野都很多選擇，雖然埋單每