龍閣極上火鍋料理 (已結業)

同朋友2人坐近窗邊卡座..本來都唔覺咩大問題..食食下見到係正朋友頭對後有隻小蟑螂.....捉左後繼續食..點知再食食下又一隻體型較大既蟑螂係正我大腿邊行緊。我即時大叫😐因為本人真係好怕蟑螂...然後佢地職員同部長都一定聽到，知道咩事。部長不但無過來了解仲同其中一位樓面唱雙簧暗串，問個樓面係邊到帶埋d蟑螂番黎呀？樓面又一句懶幽默話番左鄉下帶番黎呀🙄好有理由相信d小強係佢地有心係餐廳養🤮之後我已經成程企左係枱邊唔敢再坐番埋位..都係等埋朋友食埋小小就走。👺最後係我企係到短短幾個字..已經又見多兩隻蟑螂🤦🏽‍♀️跑得出黎既都咁多..仲有躲起來個d呢？廚房衛生情況更令人擔心！ 上黎睇番以往食評原來已經有人投訴過有蟲有蟑螂！根本從沒改善！ 不會再光顧！食物方便 湯底淡到清水咁 😥好後悔揀左呢暗伏店

平日想搵間好食少少GE酒樓開會，小妹真心推介這兒。原因一，交通方便，地鐵站出口隔離就係。原因二，晚飯食小菜的人不多，又可選擇圓桌。原因三，價錢合理，今晚的套餐需說半圍，但份量是８位成人也足夠，每人平均＄２００元左右，有齊乳豬、龍蝦、鮑魚、海斑。味道當然說不上最好，但招牌乳豬燒得甘香，放在熱石上又可保溫。牛油汁龍蝦伊麵半圍有３隻開邊，肉厚爽甜，最好味的菜式。鮑魚扣鵝掌味道不足，燒雞完全冇味，係全晚最差的菜式。甜品是流心奶皇包，記住要趁熱食，唔係就會好硬。

最鍾意食阿拉斯加蟹嘅朋友生日，揀左黎依度慶祝，佢一早打定電話訂左隻蟹。今次係我第三次黎食蟹，水準依然保持到。今次隻蟹有7斤重，$288 x 7，價錢唔平但真係好鮮甜好食！我地五個人食，每人都食到好多蟹肉，非常滿足！其他小菜價錢中等，晚飯孖寶有炒花膠加海皇粉絲煲都只係$188。炒花膠好惹味，都有幾多件花膠。粉絲煲大大煲，瑤柱鋪面，非常足料。貴妃雞都好食，半隻$148，肉質嫩滑。燒腩仔同厚切叉燒一般，可以唔叫。最後有壽包，好飽滿圓潤，入面有蛋黃。下次想食蟹會返黎再食，小菜都好食。

心情極好的一天，晨早辦過正事，決定去飲茶輕鬆一番。與太太在這間「龍閣極上火鍋料理」來個午間茶敘，叫了五款點心。「煎釀尖椒」（皇點）一碟四件，有大有細，共通點是同樣頗有辣勁，爽脆的尖椒，配以啖啖肉的魚肉，辣得過癮，都算好味。「四寶滑雞扎」（大點）這傳統的酒樓點心，我從小便喜歡吃，喜歡它把多款不同的食材兼收並蓄，一次過可以吃到雞肉、火腿、魚肚、芋頭、腐竹。這兒的做得中規中矩，應有的都有，是及格的，卻又談不上有甚麼驚喜，不算很好吃，但也不會難吃，這傳統點心，實在不易整得讓人拍案叫好啊！實在太久沒吃過灌湯餃了，見這兒的「一口鮑元貝灌湯餃」（皇點）蠻吸引的，忍不住點來一試。這久違了的傳統貴價點心，沒有過往常見的魚翅，取而代之的是與灌湯餃一起浮沉於上湯之中的小小一口飽，都算貨真價實，童叟無欺。至於這點心的味道嘛，一般啦！一試無妨，下次不會再叫囉！ 另一款同樣有點綽頭的點心「脆皮蝦腸粉」（特點），看名字好像挺好吃的，實際上卻並非如是，口感無疑是較有層次的，味道卻不怎麼樣，感覺只是一般，作為特點，還有更多好選擇呢！老婆仔愛吃的「蠔皇叉燒包」（中點）我完全沒有吃，就略而不談了。整體而言，雖然這兒的點心款

晌屋企沖好涼預備攤唞之際，親愛的姨甥女打黎話晌呢到開左位等我打邊爐。住旺角嘅好處就係一落街，就可以開餐囉😂於是乎落左街會一會姨甥女！四個人食...叫左個鴛鴦湯底，一邊係清湯，一邊係沙嗲…個沙嗲湯底好濃郁，但後越滾越鹹，於是忍唔住叫佢加啲清水落去，反而清湯就顯得好好味喇！啲牛做緊特價！個手切牛都幾好食，而牛𦟌呢就唔特別喇....脆肉鯇，由於我唔食魚，所以都係佢地話番我知，有骨，麻麻地...嚮鈴可一食...其他都唔太出色了.....總共食左約1000蚊

Happy friday 緊係要約埋啲朋友食餐好架啦！不過放假前夕個個都要OT,收得工來都8~9點，正因為咁，所以今次先食到平靚正又唔洗等位既好野！今次揀龍閣係因為佢超近地鐵站，旺角站E 出口一出來就係，仲要大大張海報寫住手切牛2折😱係2折！真係唔食都對唔住自己啦！！一上到去竟然無咩人，心唸係咪伏來，但都上左來無計啦！打開張餐牌見啲野真係唔平，逐樣叫，唯一最平最抵食既就係海報入面既手切牛，一於整反餐全牛宴😋😋呢個就係招牌手切肥牛$60,嘩！嘩！嘩！好嗱大碟！質素重要唔差喎！高質啊！啲油花同肉係一層一層咁！食落口雖然唔算好腍好滑！但係牛香十足！越咬越香，但完全唔韌！！仲要60蚊咁大碟，抵啊👍🏻👍🏻仲有雪花牛肉粒$38,好有肉汁又香👍🏻牛𦟌都值得推介$28,完全唔會韌，越𡁻越香口😋牛舌我個人就唔太喜歡，不過朋友話好好食，$20一份抵叫😝

係龍閣飲過幾次茶~ 覺得點心好食~價錢經濟…!由於爸爸鍾意食長腳蟹🦀!飲茶又見到廣告牌有一個長腳蟹推介$179一斤! 就來試下晚飯~ 訂位時詢問是否有🦀套餐？侍應唔太禮貌只答今日長腳蟹$256一斤! 因為了食🦀來無特價都照食啦… 侍應叫我落二樓揀🦀 喺魚池有個男經理態度唔好愛理不理! 我企度等咗成十幾分鐘都唔理我😣! 請佢幫我揀隻蟹佢就做自己嘅嘢好似我冇錢食咁… 我問有大一點的蟹嗎？佢話隻隻都係咁上下爭個半斤睇唔到嘅! 覺得佢好似唔想做生意咁囉一隻蟹也千幾蚊啦唔係咁漫不經心咁呀!真係火都嚟埋👿再加上成晚都好似唔夠侍應做野!講話隻乳豬即燒但唔熱乾爭爭冇肉汁~ 蒜蓉蒸元貝~ 食出不是原隻新鮮帶子~ 元貝殼使用其他帶子放上去!🤔😯 令人失望的一餐!6個人是晚消費$2410~

適逢今天係婆婆既壽辰，我地就一家人黎到龍閣食飯幫婆婆慶祝。我地一行十二人剛好坐滿一圍枱，就點左個套餐黎食。套餐裏面有九道菜式+甜品，樣樣都煮得非常美味出色。我地個個食完都無一讚不絕口，第一道菜熱石酱烤豬，將整隻乳豬放上熱石烤，非常特別，亦烤得十分香脆。第二道菜開邊龍蝦，總共有+二邊，剛好1人1邊，烏冬亦吸晒上湯及龍蝦既鮮甜清蒸大龍蒸得剛剛好，肉質鮮甜滑嫩。其餘菜式都不錯，原價$4888， 半價優惠後只需~~2688，十分抵食。

朋友話旺角有間打邊爐好食，佢自己都食過幾次，今次一於跟佢去搵食，間酒樓係地鐵站附近，所以都好容易搵，不過幾位朋友都遲收工，可以九點後先去食，價錢仲可平d，一個價錢任食任飲九點後入座，人流明顯少左，坐低後侍應阿姐就攞個醬料盤來，俾我地先混個邊爐醬，今次要個蕃茄薯仔湯底，除左火鍋配料任點任食，亦都會先每人送一客靚手切肥牛，龍蝦半隻新鮮蝦好味，雖然每次得幾隻，不過唔夠可以再叫仲有不同的肉丸，牛柏葉，魚片，同埋墨魚滑，鯪魚滑同蝦滑，幾隻魚滑都好夠彈牙，又新鮮，這個最後都encore左多一次雖然已經食到好飽，不過最後都食埋甜品先，有芒果布甸，同埋椰汁馬豆糕，細細杯份量啱啱好

上fb 見 食評介紹！好似好正！事緣因為小妹生日，朋友就極力去周圍搵嘢食，點知就搵到呢間野！又有海鮮拼盤！又有刺身咁！點知中晒伏！去到毛蟹冇！又無講自己轉左其他野！冇人知！問隻毛蟹點解冇咗，先知原來轉左其他！海蝦任食又冇！小食咩都無！三個人去比兩份野嗰啲火鍋配料半個鐘都未到！10:53叫野食11:30之後先到等到11:17我問過阿姐啲嘢食幾時到，佢話我等左幾個字就問，廚房係4樓啊！ 大佬啊我等左24 分鐘啦！問吓都唔出奇啦！我點知你廚房去4樓咩個海鮮拼盤勁個樣勁差！墨魚滑竟然有條毛！衛生情況可想而知真係貼錢買難受！我以後唔再跟fb周圍食

本身滿心期待食呢間火鍋，因為啲食材幾吸引而且價錢相宜。海鮮同刺身盤，手切肥牛，再加上凍蟹，又真係幾有誠意既。我地選擇左9pm後入座， 198/位，理論上係幾抵既。不過，真係不可一，不可再。我食到一肚氣。我地一行兩人，點左個藥膳文昌醉雞煲（半隻）湯底。所有野上曬台之後， 等個湯滾左之後，我地都急不及待要放啲嘢落去，準備開懷大吃。不過個湯底其實無乜藥膳味。食到一半既時候，我去左廁所，我朋友食住等，熄細個火，無聊無嘢做，咪研究下個湯底囉。點知就發現，有好多彎彎地，黃色既漂浮物係個湯入面 ☺️ 佢都唔肯定係乜，等我返黎一齊研究。一返到黎，見到咁多蟲 🐛系個湯底到，都咪話唔驚。我撈出來睇相證實一下，發現佢地係有腳架。我地兩個都呆左係度一陣，覺得不可思議。之後先反應過來，叫服務員黎解決。經理黎到，應對既態度真係世界級。 佢令到我更加失望同躁底😤。一開始佢話叫廚房再煮過啲嘢俾我地，仲話真係唔好意思火鍋錢我地都係需要俾大佬我地仲點夠膽食啊，我食左甘多蟲🐛落肚你仲好意思叫我比錢，我唔係比錢黎食蟲🐛。仲話最多之後我地再黎食，可以免費升級我地任食價值$58既肥牛，真係多謝曬喔🙄。我地就話，呢餐飯要比錢無問題，

由於呢幾日嘅天氣都幾凍，最啱就係「打邊爐」，而喺早前我們經過旺角友誠商業中心，見到「龍閣極上火鍋料理」嘅宣傳廣告，晚市任飲任食兩小時嘅火鍋放題！所以我們今晚就特意嚟食！一開始我們喺火鍋紙度揀選緊想食嘅火鍋配料嗰陣睇到其中一欄係「極上盛料」有海鮮盤、招牌手切肥牛同北海道毛蟹刺身拼盤！最初我們以為祇可以揀一款，但店員話三款都有齊，而且份量係按人頭計，除咗火鍋配料係任食之外，另外仲設有自助小食區，當中有超新鮮同爽甜彈牙嘅白灼海生蝦、相當入味嘅鮑汁鳳爪、惹味嘅頭抽豉油鷄同滋潤嘅紅豆沙糖水，而喺水吧部就有每日新鮮供應嘅生果，感覺真係超抵食呀！海鮮盤嘅六款海鮮係每日新鮮運到，而且係每日唔同款式，而今日就係開邊龍蝦、游水串海蝦、帶子、貴妃蚌等等等等⋯⋯招牌手切肥牛嘅脂肪分佈相當平均，色澤非常紅潤，牛肉味亦超香濃！北海道毛蟹刺身拼盤有三文魚腩刺身、玻璃蝦刺身、赤貝刺身同希靈魚刺身，全部都非常新鮮，特別係三文魚腩刺身，相當肥美甘香，而且係好厚身，仲有原隻嘅北海道毛蟹，肉質好鮮甜嫩滑！另外仲有每位都有嘅足料燉湯：蟲草花燉鷄，而且係火候十足，湯底嘅味道相當鮮甜香濃！講到呢度祇係介紹贈送嘅頭盤同小食，都已經食

每個禮拜逢親放假都會同埋屋企人去飲茶，龍閣必定係我地首選!!座位坐得舒服 點心多選擇又好食 價錢又合理 冇理由唔黎架基於有太多選擇 花多眼亂 樣樣都想食 所以到最後就叫到成枱都係啦左起流沙包 :每次食都要好小心 因為真係幾流沙下 一咬落去就咇晒d鹹蛋黃醬出黎 食既時候真係要用野盛住先得鳯爪 紫薯壽包 蝦餃 味道不過不失 都係每次黎到必點既野黎推介一下呢到既燒乳鴿 雖然係bb鴿黎 但燒得好香脆 肉質嫩滑 1D都唔韌 仲有個麵包蟹炒伊面都好正 蟹蓋入面超多膏 炸到脆卜卜 口感1⃣️流叫左咁多樣野+埋茶位 四百幾蚊 抵食

天氣轉涼，就想起食羊腩煲。幾年前如果在一些一般的食肆食羊腩煲還不過是一百幾十元就有交易，但這兩年來，羊腩煲漲價更與樓價有得比，即使是普通茶餐廳也要大約$238，而且份量也不多。最近聽聞在旺角有一間抵食夾大件，$148還有菜跟上，於是就趁天氣開始轉涼，走上去試一試。食肆是在旺角一幢商業大廈的樓上舖，地方也算不錯，二樓食火鍋，三樓食小菜。我們訂了位，準時到達，在三樓找位置坐下。三個人要了一客馳名羊腩煲跟時蔬($148)，還要了一個晚飯孖寶B($188)，包括一條約斤半重的清蒸海青斑及半斤白灼海生蝦。首先來的是羊腩煲，果然份量十足，可謂非常抵食，在爐上加熱，香氣撲鼻，食落肉質炆得夠冧，味道不太鹹，很惹味，即時要加白飯。隨了羊腩外，煲內還有大蔥、冬菇、冬筍、馬蹄及支竹，還跟一碟生菜，食得非常快意。 跟隨而來的就是晚飯孖寶B的白灼海生蝦及清蒸海青斑。海生蝦都很大隻，半斤應該足秤，而且食落爽口，還有些鮮味，不似一般的養蝦那種木木的感覺。海斑也算大條，而且蒸得火候剛剛好，保持嫩滑及鮮味。我們還要了一客香芋桂花糕($20)，它比一般的桂花糕下面多了一層香芋奶凍，在桂花的香味上更多添一層香芋的芬香，作為

今晚我們一班7個弟兄姊妹們食冬至晚飯同補生日飯！👯‍♂️👯黎到旺角這間中菜餐廳，環境都唔錯，仲比咗間房間我們，可以大聲些都唔怕！我們叫了一個6人餐同追加一個乳鴿。乳鴿：好香脆、好熱辣辣、好好食哦⋯⋯好耐無食，回味無窮2. 熱石乳豬好脆皮，又不會太肥膩，幾好食又入味鮑魚好腍又鮮味，都幾大隻！3. 西芹好爽脆、帶子好大粒，口感不錯4.龍蝦伊麵好大隻，上枱大家都呱呱聲，好多肉又鮮味，麵好香好入味，又creamy!如果有開殼工具一同上就更好服務啦雞好入味 唔肥哦魚少少鞋，細細條幾好！菇菇伊麵：油少少，但都幾好食菜苗都幾好食，有淮山好腍！正！蛋黃包：好濃蛋黃香味，流心的