龍閣極上火鍋料理 (已結業)

最鍾意食阿拉斯加蟹嘅朋友生日，揀左黎依度慶祝，佢一早打定電話訂左隻蟹。今次係我第三次黎食蟹，水準依然保持到。今次隻蟹有7斤重，$288 x 7，價錢唔平但真係好鮮甜好食！我地五個人食，每人都食到好多蟹肉，非常滿足！其他小菜價錢中等，晚飯孖寶有炒花膠加海皇粉絲煲都只係$188。炒花膠好惹味，都有幾多件花膠。粉絲煲大大煲，瑤柱鋪面，非常足料。貴妃雞都好食，半隻$148，肉質嫩滑。燒腩仔同厚切叉燒一般，可以唔叫。最後有壽包，好飽滿圓潤，入面有蛋黃。下次想食蟹會返黎再食，小菜都好食。