龍閣極上火鍋料理 (已結業)

平日想搵間好食少少GE酒樓開會，小妹真心推介這兒。原因一，交通方便，地鐵站出口隔離就係。原因二，晚飯食小菜的人不多，又可選擇圓桌。原因三，價錢合理，今晚的套餐需說半圍，但份量是８位成人也足夠，每人平均＄２００元左右，有齊乳豬、龍蝦、鮑魚、海斑。味道當然說不上最好，但招牌乳豬燒得甘香，放在熱石上又可保溫。牛油汁龍蝦伊麵半圍有３隻開邊，肉厚爽甜，最好味的菜式。鮑魚扣鵝掌味道不足，燒雞完全冇味，係全晚最差的菜式。甜品是流心奶皇包，記住要趁熱食，唔係就會好硬。