龍門冰室 (已結業)

龍門冰室係觀塘區真係開到周圍都係，相信係計7-xx便利店後第2多既舖頭原因不外乎(價廉物美)四個字吧。今日去左牛頭角果間食個Lunch12點左右去到，入面已經接近全滿，幸好自己一個食，有吉位搭枱。幾間龍門既餐牌係一樣的，最大分別在於裝修，真係各有特色的，我絕對有理由相信店主好鐘意Iron Man我本身都係marvel fan,食完飯少D人都欣賞下收藏品吧午餐我點左一個《咖哩豬扒撈公仔面》咖哩汁味道較辣，非常惹味，正正係我鍾意既咖哩味豬扒煎得外表香脆。入面依然嫰滑鬆軟而且都幾厚身，不錯連一杯凍飲，收費只是$44，而午餐亦能保持水準，難怪分店開滿觀塘

呢個晚上約好左陪朋友去修眉，決定炸炸林快脆食一餐，好快就決定去龍門都食，一向覺得龍門質素都幾好，最重要係平靚正！餐牌有好多種唔同既選擇，竟然係連All day breakfast都有，只能夠話兒家既冰室真係全能，撈丁焗飯咩都有，價錢又夠平，真係平民可以選擇既天堂！鐵板星級雜扒 ($95)星級雜扒包括西冷扒、雞扒、英式腸、煙三文魚和炸帶子。西冷扒熟軟度剛剛，絕對唔會咬唔開，牛味亦剛剛好，雞扒超級好味，熟得黎但好易咬，炸帶子係普通貨料，煙三文魚同腸都不過不失。呢個價錢雖然唔算便宜，但我覺得可以食得咁多樣野食，仲要味道幾好，呢個價錢真係算係咁。瑞士雞翼撈丁 ($42)聽朋友話龍門冰室最出名係撈丁，所以一定要叫黎食！瑞士汁超入味，撈丁唔會硬，撈埋食好正！同埋呢個價錢真心好抵，$42食到入味雞翼同撈丁，唔怪得之係必食推介！凍檸茶 (餐+$2)凍飲只係加兩蚊，係舊式冰室果種杯，味道亦唔錯！總括而言，如果想食餐平靚正，龍門冰室絕對係個好選擇！

今日夜晚一家人去咗觀塘嘅呢間龍門冰室度食晚餐，雖然只係一間簡簡單單嘅餐廳，係比較平民嘅選擇，但係都食得好滋味👅我哋四個人去食，總共叫咗兩份扒餐，一碟意粉，同埋兩款小食，然後每人再飲咗一杯野飲咁～兩個扒餐都係大大份，除咗塊扒之外仲有腸仔同埋薯菜，咁足料嘅一個餐都係＄100有找，仲包埋嘢飲添🤤🤤我哋仲食咗黑松露蘑菇意粉，份量都算大，我同呀妹兩個人share呢碟野同埋食咗啲小食，就已經夠晒飽。佢地黑松露味好香，意粉又唔會話太乾身。最後兩份小食分別係雞翼同埋黑松露薯條。雖然扒餐已經有配埋薯條，但係點到黑松露醬嘅薯條係特別好食嘅😎

冰室喺香港叫做好有特色，最出名一定係小食再加杯紅豆冰或者菠蘿冰呢間位於觀塘牛頭角道，地方上都幾近地鐵站，而附近都好熱鬧，又多店舖。都可以行一陣再走今次嗌左黑松露薯條同奶油豬首先講下個薯條，都幾大份，而且都係2x-3x，隔離就有一碟溝左D忌廉既黑松露醬，食落口都幾新鮮同熱，而碟黑松露醬味道都幾match d 粗size既薯條，3x 蚊價錢合理之後奶油豬一埋到位已經有陣陣包香，同其他店即奶油豬吾同即地方係呢間用即包係法包，所以即使擺左好耐都保持咁脆

香港有好多茶餐廳，不過冰室就少之又少了，我自己鍾意冰室多過茶記，因為冰室既紅豆冰質素絕對有水準！今日食咗個自選撈丁餐，份量係大大份，所以唔洗擔心唔飽，我揀咗炒蛋白同雞脾，炒蛋白好滑而且好香，雞脾好大舊而且好好味，d鹵水入曬味，可以講成個餐既精髓，d肉好滑而且好易咬。餐飲方面，我揀咗紅豆冰，好特別同出面飲開既唔同，飲落去好香好滑，而且都幾多紅豆，可以邊飲邊食，紅豆粒粒分明，而且唔散，我就係鍾意ed大大粒既紅豆！

雖然住係觀塘區，但係都好少去附近食飯，今日就同屋企人去左龍門冰室食飯🙈🙈我地七點半左右去到，都唔算好多人，我地四個人，啲waitress都好好咁專登arrange個卡位比我地坐得舒服啲😚餐廳選擇好多，我地揀左好耐先揀到食咩😋叫左個黑松露薯條做小食，雖然黑松露味唔算好重，但係勝左啲薯條炸得脆卜卜又熱辣辣，又唔會太油膩，好味😋另外就叫左個椒鹽雞翼，個雞翼椒鹽味好重，啲肉仲好juicy🤤不過就咁食就有少少太咸🙈兩個扒餐都好大份!!一個人真係食唔晒🙈仲要啲肉質都幾嫩🙈好抵🤤身為黑松露控緊係要點個黑松露意粉🙈個意粉好多菇好多汁!!!!😍😍好大份好多食到好滿足，不過黑松露味再重少少就perfect😆

今天同老公去觀塘朋友家拜年，傾左一個下午我們便告辭，時已近黃昏，老公說不如食埋晚餐至回家，朋友樓下有間龍門冰室，餐廳地方整潔，門口的食品圖片都好吸引，不防入去試試吧！紅豆冰：我最喜歡的飲品，每次去餐廳食嘢，我必點的，紅豆夠林甜，甜度適中。是日餐湯，雜扒餐送的。美式雜扒(有豬扒、雞扒、腸仔、烟肉、煎蛋)：真係夠晒大份，稱得上勁量雜扒，豬扒、雞扒厚切入味，多款醬汁選擇，我選了黑椒汁，黑椒香濃帶微辣，甚惹味！甘大份扒餐還有飯或意粉或薯菜跟，我選了薯菜，薯條香脆，點些茄汁好好味。芝士汁豬扒焗意粉：不同醬汁，多款食材，所有意粉或飯都可以自由配搭，這款也是我配搭出來，豬扒一都好大塊，幾乎蓋過意粉了，芝士汁加埋蕃茄醬焗，真的好夾，十分美味！蜜糖雞翼：雞翼皮脆肉嫩又入味，再加上蜜糖，又香又甜份外美味！

屋企附近有「龍門」，抵食又好食，份量又多，所以係我開飯嘅好地方，今晚又去開餐～ 玉子燒餐＄55未試過玉子燒，所以今次試吓，黑松露野菌玉子燒配炸蝦撈丁，先講下個玉子燒，黑松露味好香，中間包住好多野菌，味道好又有口感，而且蛋好滑，真係唔錯～ 炸蝦香脆，蝦身爽口，有三隻，亦係唔錯～ 而撈丁亦係乾身爽口，本身冇任何醬汁，但係店員都好樂意提供芝士汁俾我哋撈麵食，服務態度唔錯～星級雜扒餐＄95有西冷扒、雞扒、炸帶子、英式腸、煙三文魚，配黑椒汁～ 雜扒餐連餐湯，西湯味道唔錯，西冷扒唔算太厚，但味道唔錯，炸雞扒都幾厚但唔肥，炸帶子有兩粒，英式腸同煙三文魚味道不錯～椒鹽雞翼＄38一共有六隻，非常香脆，而且係外脆內軟，雞翼充滿肉汁，非常香口，十分推介～黑松露芝士焗雜菌西蘭花 $48西蘭花焗得啱啱好，唔會太腍，充滿黑松露香味，每一件都有芝士同雜菌，味道好好，健康之選～紅豆冰非常香甜，應該用咗黑白淡奶，好香滑，紅豆好腍，亦好多，非常好味～

今晚10點收工，超肚餓情況下随便行入呢間龍門冰室，點左瑞士汁雞翼飯，本身好開心個飯不足5分鐘便送到，立即加汁食飯，第一次，真係第一次好肚餓情況下竟然飯都覺得好難食，又凍、又硬，嬲到爆，立即再食雞翼，又係凍既，D汁稀過鬼，話明瑞士汁，又稀，又唔甜，仲衰過老水汁, 加埋嗰pat 生菜，100% 超過份，沙律又係一pat 水，湯仲稀過水，食左2下頂唔順，店員完全唔理，真係一定冇下次law, 我一定介紹曬俾官塘街坊知道la!

一黎到呆左又淺又細，又唔係特別好味仲衰過大家樂，大家樂起碼飽肚，女仔都唔夠食，除非當下午茶食就ok，但我食時段係夜晚omg，以為佢黎錯，但職員又話一直係咁失望唔會再試，寧願去食前面間日本鋪頭，起碼飽肚有圖有真相自己睇，份量真係勁少，覺得自己好似無野食落過肚，想嘥錢就黎呢度食

之前食過觀塘果間龍門冰室，覺得好淡好難食今次比多次機會佢，試下牛頭角呢間，點知都係令人失望同朋友一齊叫咗兩個常餐，我食北海道炒蛋+沙嗲牛 蕃茄湯米線。炒蛋完全無牛奶味，只係普通炒蛋，沙嗲牛係無沙嗲...茄湯唔知點解溝咗啲辣味有啲似雲南米線湯味..九唔搭八朋友果個炒蛋雪菜肉絲通先騎呢⋯⋯一擺低..唔睇仲以為鮮菜肉絲..乜雪菜係咁樣架咩再睇一睇..一條肉絲都無係咩事？結果同個待應講咗佢先去廚房加返啲肉絲落去..真係無言...以下係加返肉絲既樣講下佢杯柑桔蜜...飲落係無味既.....真係大失所望

好耐冇同媽媽食飯 今晚喺觀塘順便行街食個飯呢間冰室想食好耐入到去感覺好舒服有卡位坐 又播8090年代歌 哈哈 開心服務態度超好 好有禮貌今晚點左兩個餐鋸扒唔駛等好耐就有先來左個羅宋湯好好飲真心 好夠火喉同濃縮之後等左一陣主菜就嚟啦好驚喜勁大份我點左一個西冷扒拼香草腸扒配龍蝦汁多汁夠味又軟 腸仔好大條又厚正連個西蘭花都好軟我配左薯菜 好多好味夠軟我媽咪就食咗另外一個香蒜牛扒拼炸蝦炸蝦好香又脆 真推介價錢經濟又實惠平價晚餐推薦飲埋個熱柚子蜜 大滿足另外一提 環境都好乾淨 有個姐姐不停地拖地

一個人嘅午餐嘅時候, 我都總係選擇＂冰室＂行過牛頭角道，見到門口有人排隊，已經過了lunch time , 下午2:30 左右，都有人要等位，應該幾好由於人多關係，我搭台坐了四人枱卡位。睇下Menu，嘩。。。好多選擇以這區的冰室來算，牛頭角啲小店做街坊生意已經夠多元化。睇到有＂廚師推介＂咁少不免就當然要試下啦⋯⋯芝士撈丁就食得多，見到有龍蝦汁撈丁，梗係試新野啦⋯⋯龍蝦汁豬扒撈丁：賣相都唔錯，味道都好，我個人最喜歡係，煮麵時間剛好，唔太＂林＂有咬口。豬扒煎得香口及唔太乾。地道小店，當然遇上一些熱心的街坊，坐對面的姐姐仲介紹我，下次要食最出名嘅番茄湯麵和西多士。。下午茶時間仲係$28，抵食。套餐的多士可以轉奶醬、奶油多，都唔需要加$$。值得一提係是：下午3點後仲有甜點＂班戟＂真係好想咩都食，可惜一個人有胃口有限，我又唔想浪費食物做隻大嘥鬼，所以我決定下次會再嚟幫襯

今晚太涷啦，得9度，身為煮婦人家嘅我完全唔想掂涷水煮晚飯，所以今晚決定同老公岀去食，我地約左收工後係牛頭角等老公提意食龍門冰室，因為我地之前食過一間係觀塘的分店，今次試下食牛頭角呢間。老公係無肉不歡，所以佢叫左個雜扒老公唔想用鐵板上，因爲佢怕d汁彈落件衫，所以叫左用碟上。牛扒同雞扒大大塊，而且仲有2條腸，2塊煙肉，2粒帶子，份量多，老公話好滿足，正！扒餐送嘅羅宋湯，酸酸地，開胃而我就叫左牛油煎帶子意粉，我以頭以為茶餐廳煮西式意粉應該一般，但原來食落去好好食，帶子煎到啱啱好，仲好有鮮味，汁好食！我地仲叫左個蜜糖雞翼，上台時仲係好熱，而且味道好似韓式蜜糖炸雞，有驚喜最後飲返杯杏仁霜嘆下好味

諗住求其搵間餐廳食個常餐，見呢間野有位就入去，坐左係個4人枱，我當時手攞住袋生果同袋，放左係我對面既枱面，就食野，茶餐質素同一般餐廳差唔多，炒蛋，成個餐算合格。正當食完，想食啲藥就諗住走，此時女店員：“唔該，攞開你啲野“,我環視四周，我問“咁我啲野可以放係邊？“女店員：“放係地下囉“,我問“地下咁污糟，點放！“女店員：“我有客“，佢比我意思即係理得你放係邊，總之你同我攞走佢，我要比客坐。OK, 新黎個啲係客，食完就走既就唔係客。呢啲就係服務態度。一個餐賣既錢唔係多，無服務係正常，但佢態度到令人不愉快。呢世不會再有下次。食其他好過。