龍門冰室 (已結業)

今晚去咗食龍門，比較起一般的茶餐廳，佢裝修唔錯，食物種類加入了西餐，更多選擇。我地叫咗全日供應的芝士咸牛肉脆豬，麵包外脆內軟，咸牛肉唔會太咸，味道口感唔錯，夾埋旁邊的蕃茄一齊食，更加豐富。秘製咖哩厚切吉列豬柳撈丁，咖哩汁好香滑，撈丁一流，丁麵好爽口，吉列豬柳真係幾厚，炸得好脆，好味👍🏻 流心奄列配魚柳芝士汁意粉，炸魚柳好大塊，有兩塊，同芝士汁好夾，意粉份量多，我地再要芝士汁，店員都樂意提供👍🏻 椒鹽雞翼，有六隻，好抵食，外皮好香脆，肉好滑，有肉汁，椒鹽味好味😋 黑松露薯條好大份，薯條好香脆，黑松露醬亦好香濃，好夾。凍鹹檸七同紅豆冰都好好飲，特別係紅豆冰，用咗椰奶，所以特別香，今日冇雪糕真可惜，如果有應該更加正😋 好抵食，食到咁飽都係$172，下次一定會再食！

一向很小到牛頭角一帶的我，今日因工作的關係終於有機會到這附近走一走。完成工作後就順便到牛頭角先食晚飯醫醫肚啦！😀😀走到牛頭角道看到一間裝修很有特色的冰室便吸引了我內進啦！裝備新潮，不是款傳統冰室路線！食物也是非一般冰室可搵到！竟然會有玉子燒食！所以便決定要試一試啦！熱奶茶☕️餐飲點選了茶記必飲的奶茶，奶茶可以看出茶記功力！龍門冰室奶茶入口幼滑，茶色亮澤，不會太多花奶搶去茶香！不錯的選擇！👍🏻黑松露什菌玉子燒🍳配炸帶子意粉份量十分驚人，一大件玉子燒放在碟上！而且是新鮮煎起，熱辣辣的，充滿黑松露香氣！炸黑松露薯條🍟突然口痕就叫多了這個小食！用上粗薯條更有口感，配上黑松露沙律醬更是天衣無縫呢！下次如靠早時間來的話，真是試試他們的All Day breakfast 呢！😆

今日正當考慮係邊到開餐之際，遇見龍門冰室，因之前朋友說過這裡很抵食，所以一看見已無考慮下即刻行入去坐低。好耐無食過咸牛肉，見到餐牌這裡全日供應三文治，那就見了一份咸牛肉煙肉三文治烘底，麵包烘得均勻，咸牛肉煙肉份量亦足夠。另外叫了一份焗蕃茄豬扒飯($46)，豬扒很大，焗得唔燶，芝士及蕃茄醬亦很足夠。又叫了蕃茄湯餐肉牛肉米粉，餐肉夠大塊，米粉亦煮得很好，軟硬適中。最後叫了美式雜扒($75)，有很多食物，分別有豬扒、雞扒、腸仔、煙肉、蛋，可跟飯、意粉或薯菜，份量十分足夠。

元旦傍晚我們去了牛頭角道的「龍門冰室」食晚飯。😎😎我們分別叫了不同的食物，晚餐內已附上餐飲。一個是「珍珠鐵板飯晚餐」的「豬頸肉拼炸帶子」；味道不錯，帶子炸得頗香，豬頸肉入味。我點上「魚柳鐵板餐配薯菜」；鐵板餐熱騰騰上枱已引起食慾，魚柳醃得入味而不會過鹹，配以西蘭花等清新雜菜，濃味之餘又不會過於飽滯。晚餐附上的什菜湯！酸酸地十分醒胃呢！相對一般茶餐廳而言，「龍門冰室」級數較高，食物款式多，價錢公道，若然路過該處，可考慮選擇。😀😀

本食評針對牛頭角店only 屯門總店係好好食食開屯門嗰間龍門冰室係好好味 多士多醬又烘得香脆 蕃通仲好多蕃茄 點知黎到觀塘太離譜了吧😡 塊多士已經好求其 有圖有真相 你老闆冇拖你糧要發泄落塊多士度！？ +$3既蕃湯係一啲蕃茄味都冇 一粒蕃茄粒都冇 最連蕃茄既顏色都冇呀 真心衰過清湯 仲要係特登加$3！？問個店員佢話係咁架喇😑 通粉煮到腍哂爛哂 叉燒又韌過擦紙膠講真我平時啲野就算唔好食為左唔浪費都會格硬倒落口 呢碗真係難食到頂唔順 老闆 見到可唔可以叫牛頭角店啲人認真啲 明明屯門店係超級好食 唔好做臭自己個brand嘛

呢晚同家人去觀塘覓食，見呢間冰室咩都有得食咁滯，滿足到我地唔同口味，二話不說就決定食呢間。六點都未到，已經有唔少人客食緊野。餐廳環境幾靚，光猛又乾淨，設計新派時尚，牆上掛滿壁畫海報，仲有我最愛既碧咸。本餐牌非常厚，食物飲品有超多選擇而且好創新，連鐵板餐、玉子燒都有，仲有好幾款甜品，真係非一般冰室會有。呢個煙三文魚沙律雖然叫做Q版小食，但份量好多，一啲都唔Q版，仲只係15元，好超值！賣相仲幾精美，煙三文魚整成花，幾有心思。沙律裡面有粟米、蛋同水果，甜甜地，非常開胃。黑松露芝士焗雜菌西蘭花🥦呢個小食又係超大份！根本係正餐既份量！黑松露味好濃郁，芝士都多，西蘭花同雜菌都大大舊，好味道。估唔到餐具都有心思，個杯好有港式情懷。咸牛肉芝士玉子燒配炸蝦撈丁，出面好少食到，玉子燒好大舊，煎得好滑又好有蛋味，裡面有好多咸牛肉同芝士，成個味道好夾，好好味。炸蝦炸得夠脆，唔會腍，蝦肉夠彈牙，撈丁麵質都煮得恰到好處，唔會太腍或太硬，撈埋個汁食幾正。星級雜扒配薯菜鐵板餐又係超大份！有牛扒、雞扒、大英式腸、炸帶子、煙三文魚，勁過出面啲雜扒餐，薯條仲要有好多好多條，唔似出面嗰啲得嗰幾條。齋食呢個餐已經好飽，好岩大胃

今天是過冬的日子，但我們已經早幾日吃了過冬晚飯，今日就約了朋友去觀塘聊天，大家都想食個飯先，去了這一間龍門冰室。"龍門冰室" 於觀塘有好多分店，之前已去了其他分店吃過，這一間還是第一次去。龍門冰室有很多款美食以供選擇。魚柳煎蛋飯($40): 魚柳炸得很好，炸粉不是很厚，魚柳很大塊，魚柳是熟透的。美式雜扒($75): 有豬扒、雞扒、腸仔、煙肉、蛋，可跟飯、意粉或薯菜，好大碟，跟著條已經很飽了焗蕃茄豬扒飯($46): 焗豬扒飯當然選擇蕃茄汁，焗得很好，外面有小小燶，金黃色，而芝士蕃茄亦很多，焗得不會很乾身。

今日同朋友行去apm,經過見到呢間 龍門冰室見坐爆哂人。好似好厲害咁 😮野食方面都幾多特別野食，幾吸引咁。價錢同出面茶餐廳都差唔多，但環境就唔似d茶餐廳咁，坐到好逼，都坐得幾闊落。似cafe多d👍裝修都幾時尚幾有特色 。未到lunch時間已經full哂 .好彩唔洗等好耐就入得喇！個玉子燒好似好正，但6點後先供應 😣😣下次試下先！叫左： 牛乳炒蛋 雞扒 龍蝦汁撈丁 🍝賣相幾靚喎。😃好少見到撈丁有龍蝦汁揀。 所以就試下喇 😋同平時食既撈丁感覺唔一樣。可以講係西式撈丁。估唔到龍蝦汁都幾襯撈丁！👍雞扒煎得幾好，雞肉幾嫩滑。雞皮煎得幾脆身。幾鐘意食佢個牛乳炒既蛋。就咁睇都覺得滑。炒得幾靚。食落隻蛋唔會好乾身，會有啲蛋白醬流出，好滑👍 睇個杯，就知，黎茶記 一定要叫奶茶。試一試 夠唔夠正先😋。茶味幾重 👍幾香都唔錯喎！焗芝士汁雞扒飯。岩岩焗好， d芝士溶哂落飯度，每啖飯都食到芝士，好 juicy. 雞扒肉質亦唔會好乾。幾好味😋另外再叫左瑞士雞翼 食！😋😋👍因為聽到隔離話啲雞翼好好味，所以我又試下。又真係幾好味。因為佢煮到d瑞士汁好入味。出面通常食到個d都好鹹又好油脷咁。但呢度個汁唔會好鹹，有d甜

今日約左朋友係APM睇戲，睇戲前醫飽個肚先。我地黎到牛頭角道既龍門冰室食lunch，去到見到幾好生意，雖然舖仔細細但都坐滿哂人，好彩等左陣間就入得喇！朋友點左個瑞士汁雞翼撈丁，黎到時候我即刻叉左件食，哈哈！！！D肉好林，再加埋d瑞士汁，超好味！我就叫左個龍蝦汁雞脾意粉，雞脾好香，d肉好滑，骨細肉多，超正d龍蝦汁一d都唔杰，意粉份量都幾多，原本想叫甜品食，不過最後都好飽冇叫到，可以留待下次再黎食。野飲方面朋友叫左熱黑咖啡，朋友話好中意，咖啡好濃好香。而我就飲凍檸樂，可樂加新鮮檸檬片，味道梗係GOOD啦！埋單都唔係好貴，兩個人唔駛一百蚊，都幾抵食，會再黎幫襯！

今日lunch約左個fd去龍門冰室食lunch可能我地早左去，都唔算多人我平時會嗌常餐食，今日嗌左個all day breakfast ($65)，跟餐飲green tea latte 野食同飲品都好，黎開觀塘可以試下！

第一次食咁難食的餐廳，平日晚上放左工去，門口望下見到咁多人食以為好掂啦！卡位已經好迫又要一邊坐2個人，對住陌生人食，都算啦～去到叫了芝士雞扒焗飯，諗住焗飯正常野唔會出事，點知Ｄ雞鞋到爆，食左三舊已經想反胃，未試過食剩咁多宣佈放棄。同行好友叫了黑松露磨菇意粉，成７６元以為係正野，點知個意粉炒過有浸奇怪的味，個粉又無汁，其實唔似西野，極之難食。對面有個女仔叫左個雪菜肉絲米粉，話Ｄ雪菜好咸好咸好咸，難食到死。絕對無下次。俾左百４元食Ｄ咁既質素，真心食大ＸＸ好過。

招呼服務已經夠差，座位又窄，食具又唔乾淨，仲有d菜積，食物仲要難食到接受唔到，好明顯係肉類一D都唔新鮮，需要用到大量鹽去醃肉除味，不論豬扒雞扒都好，只得一個咸字，但好在你份糧夠晒細，唔食都唔駛浪費咁多，因為食完第一口已經唔想再食第二口，同埋價錢仲要唔係平，好老實咁講，以同一個價位，連大X樂都好食過佢10倍以上。真係唔明點解仲可以響觀塘開到另一間分店，不過可以放心，我都唔會再食第二次。因為真心好差。

Happy Friday  就去接女朋友收工,因為佢係觀塘番工,所以我地就搵左去龍門冰室.因為之前做完gym同朋友都會去開依間食,所以行遠D去左牛頭角個間,同冇咁多人,座都舒服D.可能放工時都比較多人,因為我地2個人,所以就要同人地搭枱,但唔洗等咁耐都算係咁.咁我地就叫左兩個鐵板雞排餐(我地今次叫左蒜蓉汁)同兩杯凍飲,因為佢依個餐仲會送個湯.等左大約十分鐘到,個湯就上先,不過個湯比起之前真係大失水準既羅菜湯. 放得太多鹽同好似罐頭湯味. 過多5分鍾到個主菜都上, 之前個汁會上到先落, 但依家佢一早落定,令到本身個脆雞皮同薯條都林左.但每人都只係52蚊,味道同份量都好足夠.

老實講， D野食一般，但佢都算係抵食， 有岩我既野食，地點都算近，但係態度真係差， 今日有一家四口走入來， 個男人要求要坐卡位， 個阿姐叫我轉位， 比嗰家人坐， 但其實佢地中間又唔係無位比佢地坐， 只係對夫婦想坐得舒服D，咁就要我轉位，轉就人情， 我無應承個阿姐， 個女人又話唔駛， 跟住個阿姐再來叫我轉位， 直頭想拎我D野， 我問佢點解唔叫另外張枱個女人轉，個阿姐無聲出， 點解一定要我轉比佢地， 原因係佢地想坐得舒服D？ 之後我唔肯轉位之後， 個男人一邊話無所謂， 一邊就話坐卡位舒服D， 跟住我唔知個阿姐係咪玩野啦， 佢無啦啦搵地拖來我個位拖地下， 叫我縮腳， 拖完一次又再來一次， 都唔知係咪玩野， 唔轉位就玩野？ 頭先未有人坐時又唔抺， 到我坐左陣都唔抺， 我唔肯轉位就走來抺， 真係有咁需要抺咩？ 仲要只係抺我個地下， 其他位唔見佢抺， 我心有D嬲， 我都幫襯左咁耐， 因為唔肯轉位而咁玩野既話， 我真係覺得呢間餐廳好差囉， 幾好食都假， 一係買外賣算， 只係阿姐態度差， 又唔關間餐廳事， 係D阿姐態度趕客

唔知收銀係咪老世，明明一日門口叫我同男朋友坐卡位，轉個頭就有五個人入來，個收銀員叫我地起身轉去第二張坐，我講左玩咩，點知個收銀員講粗口回應，咁既態度真係令人即走！其實唔止一次哪，我見過人家食緊野時叫人轉位，唔轉就講粗口，其實間野又唔係真係好食，只不過觀塘重建無得揀啫！