龍門冰室 (已結業)

一個人嘅午餐嘅時候, 我都總係選擇＂冰室＂行過牛頭角道，見到門口有人排隊，已經過了lunch time , 下午2:30 左右，都有人要等位，應該幾好由於人多關係，我搭台坐了四人枱卡位。睇下Menu，嘩。。。好多選擇以這區的冰室來算，牛頭角啲小店做街坊生意已經夠多元化。睇到有＂廚師推介＂咁少不免就當然要試下啦⋯⋯芝士撈丁就食得多，見到有龍蝦汁撈丁，梗係試新野啦⋯⋯龍蝦汁豬扒撈丁：賣相都唔錯，味道都好，我個人最喜歡係，煮麵時間剛好，唔太＂林＂有咬口。豬扒煎得香口及唔太乾。地道小店，當然遇上一些熱心的街坊，坐對面的姐姐仲介紹我，下次要食最出名嘅番茄湯麵和西多士。。下午茶時間仲係$28，抵食。套餐的多士可以轉奶醬、奶油多，都唔需要加$$。值得一提係是：下午3點後仲有甜點＂班戟＂真係好想咩都食，可惜一個人有胃口有限，我又唔想浪費食物做隻大嘥鬼，所以我決定下次會再嚟幫襯