龍門冰室 (已結業)

今日夜晚一家人去咗觀塘嘅呢間龍門冰室度食晚餐，雖然只係一間簡簡單單嘅餐廳，係比較平民嘅選擇，但係都食得好滋味👅我哋四個人去食，總共叫咗兩份扒餐，一碟意粉，同埋兩款小食，然後每人再飲咗一杯野飲咁～兩個扒餐都係大大份，除咗塊扒之外仲有腸仔同埋薯菜，咁足料嘅一個餐都係＄100有找，仲包埋嘢飲添🤤🤤我哋仲食咗黑松露蘑菇意粉，份量都算大，我同呀妹兩個人share呢碟野同埋食咗啲小食，就已經夠晒飽。佢地黑松露味好香，意粉又唔會話太乾身。最後兩份小食分別係雞翼同埋黑松露薯條。雖然扒餐已經有配埋薯條，但係點到黑松露醬嘅薯條係特別好食嘅😎