龍門一番 上海·紫砂燉湯 (已結業)

上星期去過小南國，與友人說起要找一家好吃的上海菜不易，友人就推介小這家新開的龍門一番給浪子。龍門一番開係中染新城裡，中染改名後叫做八哩半，不過商場看來還是仍在裝修中，暫時只有海港和龍門一番開了。中染新城未必很多知在哪兒，但如果說是相連於愉景新城，也許大家就容易知道了。早去的話不用等位，但6:30打後就大排長龍了。席間用的是茶盎，每位食客可以選擇自己喜歡的茶，用茶盎自斟自飲。裝琪方面似Cafe多過似上海茶，而餐牌也是走young的路線。先來一個小露荀前菜，清爽新鮮，少許麻油味但不太油。之後來的是小籠包。皮有點厚，但湯汁很足，豬肉肥肉比例在5:5之間。價錢不貴，值得一試。小黃魚，炸得香口，但味道較淡。雖然有大堆炸蒜，但都沒有太濃烈的味道，反而去骨後的黃魚魚味出色，當然去骨這功夫還是最花時間的。擔擔麵的辣是暗辣，不是勁辣/死辣。花生味濃，肉碎香口。難得是麵本身勁有咬口，彈牙。不吸湯的麵香這個湯本身一起食，味道層次提升不少。最後是鱔糊粗炒。鱔糊份量十分多，而且條條鱔糊大小適中，爽肉。粗炒偏向正宗上海菜，較油和濃味。不過要留意的是，店方是有用膳時間，90分鐘為限。這家上海菜的味道尚算不錯，頗有特

推薦元蹄，擔擔面，叉子燒餅，山煎包，甜品都好多選擇，鍋餅，久違了既香蕉拔絲，酒瀼丸子，高力豆沙, 茶葉亦可個人獨立選擇鐵觀音，人參烏龍惑花茶，另外有樣野堅要提提，因為無得book位，去到大斑人門口攞飛等，期間會有人送飲品，雖然唔係啲乜但體現到佢地有心去諗過點禮待客人，今次食得太多，下次試佢砂鍋。

第一次真心想寫食評！店舖裝修好特別，店員服務一流又細心！仲為我生日朋友送上小驚喜，非常窩心！價錢合理，每人平均消費200元左右，值得推介！店舖主打個湯真係好正，不太記得全名，好似叫花膠螺燉湯，材料非常充足，味道剛剛好，真係值得再encore,甜品又不會太甜！我真心會推介俾朋友試試！

住左係愉景新城好多年嚕…商場多左好多食嘢嘅鋪頭 不過幫襯得多食得多點都係會有小小厭近排屋企收到張優惠傳單 知道左原來有間新嘅上海菜開左係隔離個商場 中染都翻新左呀！ 仲改左個名叫8咪半哈哈 個名點諗到嘅呢……本身我上海菜既感覺就麻麻地…好怕太油膩 味道又重 試過愉景新城果間上海菜就更怕！d餸菜唔係多油就係咸 諗起就怕怕上個星期同老公，朋友，女女試過中染呢間之後 我就真係對上海菜改觀哂 呢間龍門1番服務真係一流 服務員又勁有耐性 我不斷呢樣又少鹽 果樣又走油 女女又對花生敏感喎 呢間d服務員真係幫我跟到好足 教埋我地可以食d咩避免嗌到有花生嘅餸 值得一讚我地果日嗌左:呢個冷盤拼盤真係好醒胃！我最中意係個燻魚同藍苺南瓜醬鮮淮山 燻魚無骨真係好貼心 甜甜地 好惹味個鮮淮山個做法就真係好特別 兩隻醬又真係夾到喎 good!哈哈又係南瓜啦！我真係好中意食南瓜㗎呢個仲要係日本溫室南瓜 食落d南瓜蓉又綿又甜 加埋有陣陣酒香蝦球又大粒又彈牙 女女口味似我 勁中意食呢個呢個麵就稔左d 大人食就無乜咬口不過清清淡淡都幾啱小朋友同老人家呢個烤羊腩真係羊又唔騷 塊皮又烤到脆卜卜 吱小小檸檬汁係面 點埋果兩個汁

呢間都幾特別就係一人一個茶壺😁第一樣野梗係叫左小籠包，呢間都做得不錯，皮薄又多汁！之後個花膠湯真是好膠！好似屋企煲果啲咁好飲又好足料，個紅油抄手都不差仲有一個不得不食就係蜜汁火腿！呢個應該係招牌菜！食完好想再叫多個，但是肚皮有限~~另外個元蹄都不可以忽略，都好淋，塊皮一啲都不油膩食完一塊又塊，停不了口！豚肉抄秋葵都不錯~

最近 商場大裝修 好多餐廳都無左就試下最近開張嘅龍門一番竟然出乎意料嘅驚喜皮薄多汁最後忍唔住嗌多一籠～湯好惹味 我地連入面嘅湯渣都食埋雞淋到輕輕一禁就可以分開入面意料之外嘅響螺必食 好正 但份量有啲小不過我地四個人食岩岩好朋友生日 餐廳仲送左拔絲香蕉比我地第一次食 出乎意料嘅好食完滿

聽朋友講荃灣新開左間上海菜餐廳襯星期日放假 專程入荃灣試下呢間野 確實無令我失望！晚市人流都算OK 成日間店都坐滿等左15分鐘左右就有得入座店鋪裝潢都幾有特色 成個環境都令人感覺舒服既埋位一人揀一款茶 我就試左人蔘烏龍 夜媽媽唔想飲咁濃 我就落左半包茶葉 味道都OK上海野必食小籠包 皮簿又夠多汁 有水準 (太肚餓 掛住食無影到相)頭盤叫左 麻醬腐皮卷 清清地加上麻醬幾開胃 乾冰煙霧又有視覺效果紅油炒手 必食 個汁整得十分出色 餛飩又有咬口 不過就細粒左D擔擔面同上海粗炒 待最後決定揀左擔擔面同平時食開既唔同 比較多湯 味道又唔算濃 優點係 花生醬都幾香 同埋個面夠彈牙最後呢個去骨元蹄又係必食推介肉夠嫩 皮夠軟 淋上個醬 配搭一流 食物種類有好多選擇 餐廳服務又唔錯 絕對值得再去幫襯！

中染翻新後，第一家開張的食店；今晚放工回家時專登去試場。兜兜轉轉來到這個新派的門口室內環境裝潢似現在的韓食店⋯ 似乎走年輕路線。餐牌上的價錢，看上去比旁邊商場內的另一家上海店便宜少許。$8/位茶，你可以自己揀茶葉，自己沖水，我今晚挑了珍珠茉莉，帶點苦澀；由於收到宣傳單張，今晚有一客免費的小籠包；皮是很薄，包內的湯量不多亦不少，但肉味不夠鮮為滿足貪心的我，老公明白地點了自選四小碟；中間放了乾冰，上碟時煙霧瀰漫⋯ 但感覺不太協調；因為放進口的食物都不是冷的。而且簡單的白碟配這樣花心思的出場效果，有點不搭配。4小碟；1）菊花醋木耳 - 只有醋味⋯ 沒菊花味也看不到菊花2）茄子塔 - 似豉油味煮茄子，沒啥特色3）薰魚 - 我最不喜歡的茄汁煮法；魚的肉質ok4) 雞絲粉皮 - 今晚最滿意的味道⋯ 麻醬的花生味夠濃，粉皮厚薄適中，雞絲不會乾淨淨另外，我老公點了2個麵食；擔擔麵；湯的濃度可以，不會有花生醬跟湯分層的情況。唯我不喜歡太粗的麵條。價值$88的芝士蝦球撈麵老公至愛的食物之一；蝦雖大，但沒有半點蝦味，雪蝦的爽口質地，芝士味不夠,似一般白汁。麵條是跟擔擔麵一樣，又粗又實淨，還是配伊麵會好些！