龍逸軒

营业中

休息中

今晚凍凍地，走咗去九龍酒店中菜，試下佢地D小菜。其實早個星期六，已經試咗D點心。（ok啦，不過太肚餓，無影到相，無出 post）今晚一行八人，都叫咗幾多嘢。但喺今日又掛住食，又喺唔記得影好多相。但喺真係想出嗰 post, 讚下佢嗰厨。今日叫咗北京填鴨，經理切填鴨都排得幾靚 (呢個有影相）， 嗰填鴨幾香。我鍾意經理切到片片都有皮同肉。不過D薄餅皮就差少少。二度叫咗豉汁涼瓜炒鴨架。驚喜出現啦，呢個真係炒得出色，唔會太多汁，唔會太油，鴨肉滑，涼瓜爽甜，唔會太腍。一食就知大師傳功架。我地仲叫咗班腩煲，砵酒蠔，啫啫芥蘭煲。好嘢。全部都唔會太油，夠獲氣。最驚喜食咗嗰琵琶豆腐，做法好傳統，食返我細嗰食嘅時候味道，老師傳手法。好耐未食過呢個味道。單尾叫咗嗰海鲜粒煎米粉，米粉煎得夠均渾，好乾身甜品食咗嗰流沙奶黃煎堆仔。奶黃夠香，煎堆夠熱夠脆。成晚個個讚口不絕。其實老師傅通常有獲氣但油膩，但係呢位師傅控制火喉了得，絕對唔油膩，好嘢

Weekday relaxing lunch❤️ Chinese tea time✨Yum Cha🍴🍵..返工既午飯時間，難得會飲茶。總覺得飲唐茶真係悠悠閒同埋人多先開心架嘛。不過今次朋友揀呢間九龍酒店既龍逸軒飲茶係我第一次試，但還真的不錯喔。呢度飲茶真係冇咩人，難得尖沙咀飲唐茶仲有一個寧靜環境`地方優雅`沒有嘈雜聲`服務又好，讓人感覺輕鬆又舒服，真係好適合傾談暢聚`商務午餐的好地方。就這樣吃著點心`喝杯茶，分享各自既近況`有趣生活事。係咁優雅寧靜既環境下吃著茶點，就不知不覺傾談了2小時呢。前同事變朋友不易喔，生活要學懂感恩。好感恩身邊總有好多疼我的人兒，也在此謝謝你美好的祝福❣️

今日專登去九龍酒店拎酥皮奶黃月餅，這盒十分有意義的月餅是樂善堂及九龍酒店出的慈善迷你酥皮奶黃月餅，一盒有八個迷你可愛的月餅。原來一盒月餅的善款，社企樂膳堂營養膳食服務中心就可以為一個基層家庭帶來十餐營養膳食。月餅鬆軟皮香，加上奶黃餡十分軟滑，甜而不膩，一個人食一個十分滿足了😋＊月餅不含防腐劑，未食前請保持冷藏於攝氏4度或以下。進食前可以放在微波爐加熱十零秒，便加香軟可口，如果下年還有慈善月餅，我一定繼續支持呢！原來同款的月餅正式售價要$368。

香港人食野係有一鼓熱潮，前兩年中秋期間個個都追棒奶黃月，今年就一窩蜂去搶購流心奶黃月餅。之前食過九龍酒店既奶黃月餅覺得好好食，今年係8月已經訂定，早鳥優惠$273一盒，原價$368。我渣住電子劵去拎月餅，唔洗排隊，隔離用普通換領劵就要排一陣。Counter都有好幾個人serve，所以都好快就拎到。佢會根據你訂幾多盒就會俾幾多個袋你，雖然唔環保，但送禮就冇計啦。佢個包裝以深紅色為主，好grand。一盒有八隻，個size係普通月餅既1/4到，以咁既size黎講，都有啲貴，但食完之黎就會覺得物超所值！因為真係好好食！月餅要放入雪櫃，最多放兩星期。我就會放微波爐叮廿秒到先食～佢個皮好香好薄 奶黃餡好多，但完全唔膩，甜度岩岩好，食完一舊想即刻食第二舊屋企人好懶就咁凍食，佢地話好似雪糕喎佢地一啖一舊，話咁返就清晒明年再encore

新的一年，手上剩餘的亞州萬里通飛行里數的兌換時間快將到期。15,000的里數，本應可以換購一張台北的來回機票。不過現時的航空公司經常有做平價機票的優惠推廣，部署得夠週詳的話，往往可以用非常低廉的價錢購得機票。加上肯恩去年年尾才去了台北一趟，短期內亦沒有再去台北的計劃。沒有兌換機票的打算，肯恩最後從換領網頁的餐膳類別中選取了龍逸軒的二人晚市套餐。所選套餐需要用14,000的里數兌換，並且是一份獨家為亞州萬里通會員制定的晚市套餐。兌換手續完成後，晚餐換領券會直接寄到府上。換領券的有效期為兌換手續完成後的兩個月內，有充足的時間給肯恩好好安排晚膳。九龍酒店隸屬海逸酒店集團，在九龍區已算是一間老牌酒店。尖沙咀港鐵有通道可以直達酒店下層的商店區域，位置可謂非常優越。龍逸軒是九龍酒店內的中菜食肆，已營業了一段不少的時間。不過很有趣，在開飯網內有關龍逸軒的食文，只集中午市的任點任吃點心套餐或中秋節月餅産品，有關食店晚市菜式的介紹卻少之又少，未能令人瞭解食店晚市提供菜式的種類及水準。話説回來，若不是有因為換了晚餐券，肯恩也未必有機會想到會來這裡晚膳。食店位於酒店二樓，甫出電梯便已到達。龍逸軒坐落在酒店二

由於The Club兌換了兩張贈券。。。所以就有機會試下點心自助餐☕️🥟🍦🍰🍮🍨 全廳約十數張枱。。由於平日只有8成滿。環境出算清靜。。點心整體不錯。特別喜歡叉燒包，蝦餃。。但服務就一般般，服務員不算細心，整頓用餐未換過一份骨碟。。不過還是喜歡這個中式點心自助餐，還包含隔離倚窗閣的全部甜品🍮雪糕🍦。。。由於個胃有限。。所以還有很多款沒試。。當中粉麵飯實在沒辦法試了🤣🤣🤣🤣可惜OpenRice所限只能12張圖片。。。其實還有很多點心圖片希望大家自己品嚐😂

每年都會黎買嘅奶皇月餅，鐘意佢甜度適中，皮做得夠靚，唔會食一啖就散哂。通常我會放入焗爐番熱10分鐘，熱辣辣食落去外脆肉軟，味道非墨筆去形容！買咗幾年，質素都可以保持到！讚👍🏻

今年鬧奶黄月餅荒，明明還有一段時間才到中秋節，但各大品牌嘅奶黄月都已經售罄。以為今年會同佢失之交臂，點知中秋正日放工返到屋企，竟然有一盒九龍酒店奶黄月等緊我，好感動。 月餅盒屬傳統設計，紅色為主調。一盒有8件月餅。月餅唔係獨立包裝，儲存上有點不便。叮大概20秒就食得。一路叮，蛋黄香味一路飄出黎，令人垂涎欲滴。切開月餅，入面色澤金黄。奶味濃郁，但又唔會遮蓋蛋黄嘅咸香，甜度剛好。唯一扣分嘅係，食落有啲痴牙。

用積分換了二人點心自助餐，由於末有太多食評，唯有抱著試吓無防心態，未有太大期望。我們11點到達，可能不是假期，所以人不多，我們先點了部分，淺嚐一下，第一輪點心等了15分鐘才到，有些食物未有到，但侍應未有解䆁，後來先知售清。由於第一輪等了一陣子，所以我們馬上加單。整體來說，食物中規中矩，特別喜歡牛肉煎包，叉燒腸（一定要試，成條腸填滿叉燒，驚喜之作），但大家要留意點菜紙中的件/位分量。”位”的量比件多，例如點鳳爪，我們點了二位，以為會出兩隻，點知出了兩籠。雖然點心已經填飽肚子！但眼見甜品亦有很多選擇，亦不能不試！總而言之，在不用花費的情況下，這餐是超值之選。

以前到九龍酒店吃自助餐，會途經龍逸軒，但講到光顧是首次，今次品嚐了午市任點任食點心及倚窗閣自助甜品及雪糕。餐廳環境挺舒適，略嫌空調欠佳，而侍應服務殷勤。拿起點心紙，看到有多款精緻點心、湯羹、小食及飯麵，選擇頗豐富，而份量以多少位或幾多件來點的。首先點心叫了蝦餃、燒賣、小籠包、义燒腸、炸兩腸、時菜牛肉球、蝦多士、炸春卷、鹹水角。小食點了椒鹽魷魚鬚、鎮江肴肉、貢菜海蜇、五香牛展、蜜汁义燒等。亦叫了湯品、雪耳魚蓉羹、翡翠嫩雞絲煨麵和乾炒牛河。點心來講，我比較喜歡蝦餃、腸粉、煎炸點心，覺得做得不俗。初時以為蝦餃會因外皮厚，而影響到口感，但咀嚼下餡的味道不錯，蝦和肉的比例很配合，所以點了兩次蝦餃。而腸粉的粉皮很嫩滑，炸兩腸的油炸鬼非常脆口，义燒腸每啖都充滿义燒。椒鹽魷魚鬚用的魷魚鬚略為幼身和炸的比較乾，五香牛展不夠爽彈。我比較欣賞鎮江肴肉和貢菜海蜇，肴肉很夠味和滑溜，海蜇做得很彈牙，麻油的份量也恰到好處，配上爽脆的貢菜，兩者很夾。雪耳魚蓉羹，味道略嫌鹹了些，但材料十足。翡翠嫩雞絲煨麵，整碗味道相當淡，自己平日慣了口味淡，都覺得淡如水般，麵身也不夠爽口。我們只叫了一位乾炒牛河，被份量之大嚇了一跳，

見到有酒店推出點心任食Buffet,仲要由11點食到3點,嘩!正,立即訂檯先。訂檯個時話當日只提供到middle bar的檯俾我地,無所謂啦,有得食就行,點知我地係11:20到達個時,check到我地係book左係middle bar,但middle bar未開.......心諗:訂檯個時又唔同我講清楚...........我話可唔可以坐返係呢度,佢又叫我地等等................終於等到有位坐。張任食點心紙加埋倚窗閣嘅甜品,應該有50幾樣野。食品以件數同碟數區分過order,但食物出奇地差,意想不到XO醬炒蘿蔔糕好明顯無炒過,而且都無XO味,佢其餘d野連稻香都好味過佢呀,而且最大問題係唔夠熱!!只係比常溫warm少少,出菜又特快!而且d籠或竹蓋都無濕氣,真係好懷疑佢地係將食物用微波爐加熱,連推介嘅魚茸羹都好差,海皇西施泡飯一d鮮味都無,簡直係水溝飯而甜品由倚窗閣提供,但質素真係好差,食左一半嘅甜品,款款都好難入到口,味道奇差,最好都係dryer嘅石板街雪糕..........本身以為九龍酒店嘅奶皇月餅咁好味,點心應該唔差得去邊,點知真係好差,差到極點,我諗如果繼續係呢班班

點了：奶皇包， 味道普通，很實蝦多士，叫最好味，但也不突出和牛炸菜煎包，難食餡料，底不脆，超差XO 醬煎腸粉，非常清淡，完全不辣也不野味蝦蛟，很普通，沒鮮味，細細粒原本應該有蠟燭去坐熱D茶，但因服務員懶惰所以沒有拿來，到我問時有位女服務員應了但也沒拿來，我再問另一位女服務員點解其它枱有火去熱茶，但我們沒有時，她竟說要茶客要求才給予，簡直癈話連篇，各服務員都懶懶閒似的，一D都沒有酒店服務水準，所有服務員只會服務熟客，生客一慨不理，有這班員工，怪不得咁細地方也坐不滿，管理層應好好提升他們白

黎九龍酒店食buffet就試得多，一直都想試下酒店既中廳。今次見到食完buffet既收據印有8折優惠，就同爸爸媽媽黎試下啦！我地係walk in, 等左廿幾分鐘先有位。環境都幾舒服，我地被安排坐窗邊，望住半島酒店。我地叫左點心、小食和炒飯。三種食物都係好一般，味道好清淡，食唔到鮮味!😣 同期望有好大既落差呀！以酒店既服務黎講亦好一般! 不過，價錢又跟番其他酒店既中菜廳差不多，真奇怪!

.............九龍酒店 至尊奶皇月餅$318 👍👍👍👍👍 (5分滿分).............👉👉第二年食#奶皇月餅 第一年個陣食過#半島 既奶皇#月餅 其實都無乜特別阿 未至於好食到我要排幾個中🙈👉其實#傳統月餅 我只係中意個#蛋黃 同#月餅皮 😈但奶皇月餅真係可以成個食晒😚此月餅 聽聞都幾出名😈此月餅 要先叮20秒先食 吾係為流心效果 但內裡熱辣辣好食好多😍 最小好食10倍😂✌✌✌✌真心要叮 👉👉#奶皇 味勁濃郁💋每一啖都沖積住我個口 好似食緊一堆蛋黄 好香💋💋💋👉👉但佢係#蛋黃月餅多過奶皇😂 連色同味都蛋黃咁 不過好好食 食完芝士焗飯再蛋糕再一件月餅都吾仔✌😗

龍逸軒 Loong Yat Heen假日，媽見議到九龍酒店飲茶，所以book左星期日黎呢度.叫左幾樣： 白兔餃 內有帶子，少許菜. 味道不突出. 蝦餃汁係有，皮都可以，不太厚. 大細岩岩好. average都係.三式腸(素，蝦，叉燒）皮滑同薄，都幾好. 叉燒都幾瘦. 菜腸有玉米和菜，麻麻地. 蝦腸普通，蝦中的麻油味有點重. 糯米雞（沒拍照）最差呢樣. 唔熱. 只用碟上（不是用蒸籠） .陷同飯都唔好食. 上湯浸菜呢個就幾好，清清地. 呢度試一次就算. 食物質數同service都好一般. 不過都坐得幾舒服.