龍味館

营业中

休息中

位於上環E3出口2分鐘路程地理位置方便環境高級雅致幾適合商務客人💼🌟二人套餐B $498/2位-✨宮廷酒爵暖胃湯充滿儀式感嘅器皿🥂湯底濃稠，帶點蕃茄酸甜味家常舒服嘅口味～🌟龍味點心拼盤✨龍蝦蝦餃✨卡邦尼小甘筍✨菜苗餃甘筍造型好可愛🥕少少似鹹水魚咁香口，餡料軟糯🥕蝦餃裏面嘅龍蝦肉有嚼勁用龍蝦果然唔同啲🙂‍↔️✨脆米波士頓龍蝦湯鮑魚帶子泡飯加入粒粒脆米增添口感龍蝦蝦肉依然咁彈牙鮑魚切成小份方便食用份量十足，兩個女仔係食唔晒嘅😹✨紅粉玉露番石榴口味嘅甜品中間有水果粒粒清新之選，味道幾特別

呢間特色的龍蝦中菜館在中上環，交通非常方便，好近上環地鐵站，行2分鐘已經到！招牌已經好靚，側邊睇可以影到好多個字出嚟👍🏻環境都好舒服，枱凳都係黑色設計，白色餐具，而側邊亦有龍嘅畫擺設！餐牌分為ABCD餐，菜式都好特別，亦都好有創意，差唔多每一道菜都會加入龍蝦食材！宮廷酒爵暖胃湯 ：木瓜甘筍湯，木瓜甘筍打溶，好creamy好幼滑，做"頭啖湯" 着實不錯龍味點心拼盤：有創意又吸睛，有三款點心，龍蝦蝦餃，啖啖龍蝦肉，又彈牙，蝦餃皮不會太薄，亦不會太厚，啱啱好！蝦餃嘅邊位亦有少少金箔蟹籽鮮蝦燒賣，都好大粒，隻蝦好新鮮彈牙，豬肉肥瘦均勻，上面亦有蟹籽舖面卡邦尼小甘筍，呢個有少少似係fusion菜式，好有創意，外形真係勁似甘筍😂皮係炸咗嘅糯米皮，好酥脆，餡料係用咗芝士混合火腿整成，有啲似鹹水角，但係啲餡料變咗西式。呢個幾特別，有啲驚喜。脆米波士頓龍蝦湯鮑魚海蝦帶子泡飯：齋聽個名就知唔簡單。食之前灑上脆米，風味更佳。鮑魚好煙韌爽彈，帶子、蝦及龍蝦都好新鮮，好欣賞個湯，好鮮甜，真係飲唔停口，加上脆米一齊食，口感一流。甜品係紅粉玉露：用咗蕃石榴溶，好綿滑，仲食到粒粒石榴肉同埋西米，爆珠，增加口感。感覺唔

中環龍味館主打四款唔同set嘅龍蝦豪華宴，鍾意食龍蝦嘅你唔好錯過啦！🦞🦞🦞交通方便，上環E3出口2分鐘, 如果泊車,可以泊林士街停車場🅿️ OR永安中心停車場🅿️Set Menu A宮廷酒爵暖胃湯 Starter:Warming Stomach Soup 🥣真係好暖胃！綠豆令到個湯竭身啲，濃稠啲☺️前菜 Appetizers魚路龍味館一品頭拼 DRAGON ACADEMY Appetizer Platter青芥末海蜇頭 Jelly fish tossed with wasabi海蜇配wasabi幾特別，好清涼爽快！💚香橙白玉蝴蝶 Orange winter melon食到好濃郁嘅橙味係舊冬瓜到，又係好特別嘅一道菜！🧡桂花蜜餞鮮冬菇 Osmanthus-Glazed Shiitake Mushroom舊冬菇好似glazed咗一層蜜糖咁，好脆口～ 🤎招牌菜 Signature Dish招牌龍蝦酥 “Dragon" Signature Crispy lobster and shrimp puff龍蝦肉冇想像中咁多，但酥皮好出色！🦞主食 Noodles波士頓龍蝦湯燴手工拉麵 Boston lobst

上網見到呢間餐廳有二人餐，仲好抵食😻因為同行朋友唔食海鮮，揀左set D $358/2人😆宮廷酒爵暖胃湯：今日個湯係綠豆湯，好濃綠豆味，清熱解毒😻魚躍龍味館一品頭拼：入面有青芥末海蜇頭，好爽口，好開胃😻另外有蜜餞鮮冬菇，甜甜地幾好味！夏威夷果露荀炒鮮菌：呢個菜式好健康，加埋夏威夷果仁，好有咬口😻黑松露和牛崧炒飯：呢個炒飯好濃黑松露味，和牛都好有牛味，炒飯炒得好乾身😎紅粉玉露：呢個甜品有驚喜，係番石榴味，好fresh😻

最近鐵飯腳比較少住家飯食，所以同佢出街食嘅話，我都盡量安排食中菜，仲成就咗呢篇久違嘅中菜介紹添💁🏽‍♀️ 前排放工之後，去咗環境同食物都一樣精緻龍味館🐉 因為湯飯而叫咗套餐B ($498/ 兩位用)😋➿ 宮廷暖胃湯 暖湯用仿古爵杯上，即刻幻想自己著住古裝同天子共飲嘅畫面💭 番番正題，暖湯幾厚身而順滑，飲到雪梨同甘筍嘅清甜～龍味點心拼盤 ➿ 龍蝦蝦餃 外型精緻吸引，三角錐型夠特別，邊邊仲加咗金箔🤩 龍蝦蝦肉餡特別爽口～➿ 蟹籽鮮蝦燒賣燒賣質素不錯，肉質彈牙，好味😋➿ 卡邦尼小甘荀甘荀造型超級可愛😍 咬落去先脆，後軟糯，卡邦尼餡好creamy，中西合璧👍🏼➿ 脆米波士頓龍蝦湯鮑魚海蝦帶子泡飯 入面包含咁多款海鮮🦞 湯頭超鮮味啊👍🏼 冇諗過兩個人都會飲得哂～ 波士頓龍蝦新鮮厚肉😋 鮑魚又鮮嫩又有彈性，帶子亦處理得啱啱好，幾軟綿～ 脆米豐富咗整體嘅口感！➿ 紅粉玉露 係少見嘅甜品會用番石榴做主角，味道幾驚艷，果香味突出之餘，整體好refreshing🌿 清清甜甜！

今日中環收工，好友提議食好啲，所以搵左間中菜食，務求食好嘢仲嘆埋環境😎「宮廷酒爵暖胃湯」好有特色的暖胃湯，以古代酒杯形式出場，外表已吸引我了，味道有甘筍味，清甜🙂「龍味點心拼盤」 蝦餃，燒賣，卡邦尼小甘筍<好特別，內裏有卡邦尼味道，而且外型相當之有特色，好想一口咬落去🥰「炭燒蜜餞黑豚肉叉燒」 一上枱已經聞到香噴噴，黑豚叉燒肉質軟腍，外層滿滿叉燒醬，配上白飯是一流🤭「粉紅玉露」是番石榴的味道，好香好清新的西米露👍🏻備註：🔺環境優雅寧靜，適合聊天食飯🔺位置方便，上環E3出口行2分鐘

阿女今晚同我去咗一間中環知名中菜館食晚餐，龍味館曾榮獲米芝蓮指南餐盤獎和米芝蓮粵菜指南推介，當然要過嚟試吓，餐廳裝潢時尚有格調，招呼亦週到。推出數款套餐，不同配搭方便客人選擇。揀咗套餐B：宮廷酒爵暖胃湯：以古代酒爵杯形狀的磨砂杯盛載，飲落順喉又暖胃，口感creamy。龍味點心拼盤：龍蝦蝦餃內餡係彈牙爽口龍蝦肉，外皮用金箔封邊，更顯名貴。蟹籽鮮蝦燒賣：每粒豬肉燒賣上面都放有爽口嘅鮮蝦，加上蟹籽口感更豐富。卡邦尼小甘筍：外皮是鹹水角的味道，饀料卻是煙肉和卡邦尼的醬汁。中西合璧，又是另一蕃風味！脆米波士頓龍蝦湯鮑魚海蝦帶子泡飯：份量十足，半隻波士頓龍蝦鮮甜彈牙，鮑魚柔軟爽滑。龍蝦湯超濃郁，每一啖泡飯都充滿龍蝦鮮甜味，加入左鮮味嘅帶子粒，食嘅時候再加啲脆米，味道同層次感都好豐富。紅粉玉露顏色鮮明，番石榴配西米配搭得宜，甜度適中。

同家人晚飯，決定試下呢間主打龍蝦嘅中餐館。餐廳氣氛幽靜良好，格調設計頗具美感。餐廳用 tablet點餐，掃視咗餐單，我哋好快定咗要套餐B，分餐湯、頭盤、主菜、甜品。餐具甚為精美。餐湯係菠菜暖胃湯，飲得出係雞湯底。雖然係用玻璃酒爵形器皿呈上，睇落幾特別，不過飲湯我都係鍾意用碗同匙羹。頭盤係三件小點心，用一個大碟裝住三小件形色各異嘅龍蝦蝦餃、蟹子鮮蝦燒賣、卡邦尼小甘筍。賣相頗精美。不過龍蝦蝦餃裏面並冇乜龍蝦，食落同普通蝦餃冇太大分別；蟹子鮮蝦燒賣係名副其實；卡邦尼小甘筍幾有創意，顏色造型餡料都幾合襯，食落幾香口。主菜/主食係龍蝦湯海鮮泡飯。賣相好好，熱辣辣紅彤彤一大煲，露出張牙舞爪嘅龍蝦殼、鉗、鬚等等，倒埋脆米落去，霎時沸騰，龍蝦香氣亦越發明顯。食指大動，去殼食肉飲湯吃飯，湯係真材實嘅龍蝦海鮮湯，飲落好鮮甜（而且之後都冇頸渴），撈埋啲飯一家人竟然食晒咁一大煲！期待同樣係熱食嘅甜品，但係甜品係番石榴紅粉玉露，水果派系，係凍㗎。照常嚟講呢個甜品得分應該係高，色香味都經都起推敲。香滑清新嘅番石榴果蓉加埋入口頓覺驚喜嘅脆卜卜西米，成個甜品口感好有對比同層次。但係天氣凍，所以打咗折扣。套餐標明係全日

這間餐廳坐落於上環，交通十分便利，從地鐵E3出口步行兩分鐘即可到達🚆餐廳裝修氣派，環境乾淨整潔，令人感覺十分舒適✨。上菜速度快，不用久等⏳我選擇了Set A，兩人用餐價格為$598💰首先上桌的是“宮廷酒爵暖胃湯”，即雪梨甘筍湯，盛在磨砂玻璃的仿古爵杯內，既別緻又美味🍵。湯香濃清甜，能感受到食材的新鮮🌱。隨後是前菜“魚躍龍味館一品頭拼”。青芥末海蜇頭口感爽脆，微辣的味道瞬間打開味蕾🌶️；香橙白玉蝴蝶是酸甜可口的醃冬瓜，十分開胃🍊；桂花蜜餞鮮冬菇則是炸冬菇配上桂花蜜，🍄幾特別。“招牌菜龍蝦酥”外型吸睛，龍蝦肉包裹在酥皮內，口感鬆化，內裡真材實料，咬下去能感受到新鮮的龍蝦肉，十分難得🦞。最後的“波士頓龍蝦湯燴手工拉麵”，湯底濃郁，手工拉麵筋道，搭配鮮甜的波士頓龍蝦肉，令人驚喜😍。湯底味道濃郁而不膩，一口接一口，完全沒有味精的感覺👌。甜品“紅粉玉露”口感豐富，甜度適中，清新可口🍧，為這頓晚餐畫上完美句號✨。總的來說，這次用餐體驗十分滿意，值得再次光訪！🌟

忙了一整天之後，我來到這間幽靜的餐廳，點了份 b餐。這套餐包括前菜、點心、主菜和甜品。首先出場嘅係 *暖胃湯*，呢款木瓜甘筍湯真係一個完美嘅開場。湯嘅溫度啱啱好，飲完即刻覺得暖笠笠。接住嚟嘅係 *龍苑點心拼盤*，包括龍蝦蝦餃、蟹子鮮蝦燒賣同埋卡邦尼小甘筍。每個點心都精緻又美味，特別係龍蝦蝦餃，鮮甜嘅海鮮味充滿口腔； 蟹子鮮蝦燒賣咬落肉質彈牙有口感。小甘筍脆香可口。主菜係 *波士頓龍蝦、鮑魚、蝦海鮮湯泡飯*，呢道菜真係海鮮愛好者嘅天堂。每一口都食到海鮮嘅新鮮同甜美，湯底係精心熬製，濃郁但唔油膩，配合著加埋嘅脆米飯，忍唔住一口接一口。最後係 * 紅粉玉露*，呢款甜品完美收尾。清新嘅番石榴香味同 一粒粒嘅西米，口感綿密又唔會過甜，為整個用餐體驗劃上完美句號。

最近特登去中環睇燈飾，睇完燈飾之後想食中菜，兩個人食中菜都有啲難揀，去呢間龍味館就有二人套餐，份量啱啱好甘筍湯：湯用好精緻嘅器皿盛載，入面有少少粒粒口感，似係用機器將蔬菜攪勻，幾開胃點心拼盤：龍蝦蝦餃，真係第一次食，味道比普通蝦餃，更加濃郁，但係皮都有少少厚。蟹籽燒賣正常發揮，蝦都幾大隻。卡邦尼小甘筍賣相可愛，表皮好脆又軟糯，入面係白汁煙肉，有創意炭燒蜜餞黑豚肉叉燒：叉燒肥美，而且有好香嘅焦香味，旁邊嘅香草亦都增加咗味道嘅層次紅粉玉露：入口有濃郁嘅番石榴味道，唔算太甜，而且玉露增加口感，好睇又好食

難得過海行街，又想食中菜，見到依間好似幾抵食，環境又不錯，所以決定入食。餐廳位置非常方便，上環E3出口直行2分鐘就到。餐廳侍應都非常好，會留意幾時食完幫你收野，所以張枱嘅空間都夠用🤭而且燈光好柔和，環境清靜，同另一半可以慢慢撐枱腳。Menu入面有四個套餐，揀咗個最抵食嘅D餐，入面包咗前菜、主食同甜品。個茶有得揀我最鍾意嘅白桃烏龍茶，好香甜，飲落亦有茶嘅澀味。💚宮廷酒爵暖胃湯開始食之前每人會有一杯暖胃湯，係花生眉豆湯。花生味濃郁，而且亦有碎碎既花生同眉豆，真係好開胃。💚魚躍龍味館一品頭拼分別有青芥末海蜇頭、香橙白玉蝴蝶同桂花蜜餞冬菇。個人覺得海蜇頭最好食，芥末味唔會太過強烈，易入口，海蜇頭爽脆。💚夏威夷果露筍炒鮮菌夏威夷果粒粒都大大粒同脆口，而且配有不同既菜，個筍亦都好脆口，啲菇亦都炒到好入味💚黑松露和牛崧炒飯上菜既時候已經聞到好香既黑松露味，望落啲飯一粒粒金黃色，食落夠乾，仲有好多和牛，食完一碗又一碗。💚紅粉玉露最有驚喜嘅甜品，開頭見到嘅時候估緊係咩黎。食落十分清甜，原來係番石榴，用嚟做甜品，令成餐飯都感覺到好fresh 😋

龍味館，酒樓咁嘅價錢，fine dining感覺 嘅餐廳，裝修精緻。價錢又貴，最貴嗰個套餐都係每位$299！餸菜夠晒精緻，服務一流！❤️宮廷酒爵暖胃湯 魚躍龍味館一品頭拼 ❤️青芥末海蜇頭 ，有芥辣味，夠爽！❤️杏橙白玉蝴蝶 ，甜酸蘿蔔，夠開胃！❤️桂花蜜餞鮮冬菇 ，呢個好食，甜甜地嘅炸冬菇，好味！❤️❤️招牌龍蝦酥，蘿蔔絲酥餅，真係有龍蝦肉！❤️❤️龍蝦湯麵，半隻龍蝦，龍蝦肉夠鮮甜，面質都彈牙！甜品❤️粉紅玉露，好鍾意呢個甜品，用番石嘅甜品好特別，平時好少食番石榴，番石榴味咁清甜！

咁啱約咗師奶仔朋友港島遊又想坐得舒舒服服傾吓偈不約而同想食中餐 豪d去食龍蝦啦！就諗起呢間性價比唔錯嘅米芝蓮中餐廳😍一直都想試 佢同集團隔離有間叫飲茶 之前試過啲點心都好食 今次過嚟試埋佢嘅中餐廳龍味館地址: 中環德輔道中173號南豐大廈2樓3-5號舖電話: 84945854=====================位置嚟講交通都方便上環E3出口2分鐘如果泊車可以泊林士街停車場🅿️ 或者永安中心停車場🅿️對於選擇困難症嘅人有套餐就一定會揀套餐😂我哋一行二人揀咗B餐除餐附送有宮廷酒爵暖胃湯佢嘅presentation好得意會用咗兩個特色宮廷杯裝俾你飲味道飲落好舒服係一個幾得意嘅Starter 係綠豆海帶湯套餐入邊包咗三件特色點心分別係龍蝦蝦餃，蟹籽鮮蝦燒賣同卡邦尼小甘筍（咸水角）點心質素👍👍👍蝦餃皮薄餡靚有煙韌度，燒賣唔會覺得食落好肥膩，係食落去冇乜肥豬肉嘅足料鮮蝦燒賣，小甘筍號得意入邊包住卡邦尼餡，有啲fusion嘅感覺！主菜就係我哋最期待嘅脆米波士頓龍蝦湯鮑魚海蝦帶子泡飯！😍😍😍😍講緊係成煲拎上嚟，二人份每人可以不到三四碗，加埋脆米嘅口感好好，海鮮亦新鮮！唔錯！😋最後除餐附送嘅甜品係番石

飲食嘅智慧，其中一樣系千祈唔好食咁濃味，如果唔係習慣咗，以後就食龍肉都冇味。所以我選擇系一開始就食龍肉，而唔食濃味。 🍖龍系傳統嘅神獸，我哋都冇見過真正嘅形態，但係每次見到藝術品上面既龍，都係非常精細，就好似呢度嘅前菜，三款精緻嘅點心，放喺美輪美奐嘅碟上面，重視擺盤，賞心樂事，而且點心質素高，尤其係個鹹水角，以蘿蔔形象呈現，各樣都好似龍一樣嘅藝術品咁。 🍖跟住就係食真正嘅龍。。。蝦，系充滿鮮味嘅泡飯，除咗滿滿半隻大龍蝦，仲有蝦同鮑魚，咁多海鮮個湯底自然系會非常鮮甜，而海鮮本身都係啖啖肉，龍蝦唔使講，非常飽滿，又唔會因為浸喺湯入邊而失去彈牙嘅口感。蝦肉夠爽身，同龍蝦肉相影成趣。鮑魚有咬感，但唔會韌，容易咬開，略帶彈性。最重要係個脆米，倒埋落去個粥底，就產生軟棉棉又脆卜卜嘅雙重享受。 🍖餐前既開胃湯品，同餐後甜品同樣出色，顏色都好靚，尤其係甜品玫瑰石榴糖水，冰冰涼涼，清爽得嚟夾雜住玫瑰同埋石榴嘅啖啖清香。 進餐過程感受到藝術氣息，咁先至似食龍肉嘅感覺！