鼓堡音樂餐廳

营业中

休息中

要用我打至少200字嘅時間，我都要打哩篇嘢。臨時的聚餐，想食德國豬手，上open rice搵到哩間餐廳，因就腳，做緊優惠，有生日同淨德國豬手優惠。一共叫了2個菜，2杯德國啤酒。現場係有一個男人彈結他唱歌，不過都無曬心情去欣賞，因為睇埋下面。。。。到步坐低計起，等了接近40分鐘，第一道菜"德國豬手"先上到枱, 賣相算ok, 味道同質素真係不敢恭維，味道太過鹹，豬皮局部一係太硬，一係太'en', 整體黎講，非常之普通。而德國啤酒1杯74$，兩個人都覺唔好飲，另一杯88$算ok。第二個菜牛肋骨，又係要追先上到枱，我見今晚客人係好多，應該係做堅生日優惠，係咁放"煙花"棒，多人遲上菜都唔係問題，問題真係食物嘅質素。。。個228$嘅牛肋骨煮得仲衰過個德國豬手。。。一黎有怪味，二黎好似太生，好似煎牛扒5成熟咁or低過5成咁，我唔知係未要咁，總括，味道同食物質素如果有100分，我會比40分。感受，其它菜式我唔知，只講我今晚食嘅豬手同牛肋骨，再幫襯真係無下次。唔係話要唱衰佢，希望佢有店員睇到可改善。

同朋友慶生一行7人，透過網上apps訂座，早點食主菜全半價，1) 食物方面，美觀大方，望落去已經好開胃;2) 味道正如我所説喜出望外，例如意飯，肋排，完全好岩本人口味，同場朋友也一致認同;3) 格調就以酒吧形象為主，有live bands ，可惜要830pm才表演，我們已還台了，面積雖少，五臟俱全，全場爆滿，人氣旺盛5) 最後是服務方面，衣著禮儀都滿分，食物到達時間準時總結，大致上都非常滿足的慶生餐

食材好，但。。。點咗份安格斯牛排，三成熟，肉質唔錯，份牛上到枱我同朋友已經即刻食，但連餘溫都食唔到，凍冰冰如果仲熱就更好食，希望可以改善下！P.S. Pizza都有啲凍

網上9點後訂位有75折，即日訂又比我book到，拿拿臨同朋有講我地係度慶祝生日！餐廳係地庫，初時店內煙霧瀰漫，幸好沒有煙味，暗黑環境有點令人怕怕，不過有手工啤酒飲，又有band show都差不多係甘，最正係比朋友拎到台上梳化位，一切傾計正到爆！焗芝士牛肝菌菇$98：落足重料，味道香濃，壽星女特別喜歡！帶子忌廉意大利飯$128:原來我都幾鐘意煎帶子，呢度都煎得幾香口，意大利飯偏「淋」，岩哂香港人要的口感，醬汁香濃，兩位女生食完都好易覺得飽架德國咸豬手$228:豬手是我的最愛，肉質夠味易食，唯獨皮厚好硬，食唔到脆皮，好難切，減了少許分數！工作人員強調外帶食物要加$50，可能我帶的東西唔似生日蛋糕吧？其實我都明白切餅費的，但一而再，再而三去提我。。唔知生氣定好笑了😂😂😂餐廳氣氛幾正，好適合一大班朋友嘩嘩叫，見到隔離檯放埋滴滴金慶祝生日都幾好玩！本來埋單五百多架，有左75折後真心覺得不錯！工人員服務都幾好，值得再來～～～我心底勁讚男朋友真係好介紹！

一直都想搵一間餐廳可以同朋友飲下野食下野傾下計,本來想去尖沙咀,但因為尖沙咀比較難泊車,所以上Openrice搵下旺角有冇呢類型可以食野飲下野既餐廳,呢間餐廳吸引我既係原來可以網上面book位,非常方便,而且有live聽,食評都幾好,所以即刻扑搥,簡呢間黎試試。大約8點入到去,全場都算滿座,侍應安排左我地坐較為近台既位置,食物款式都幾多,我較為深刻既係豬手,我上網見好多食評都話豬手好正好脆,所以一定要試下。1.德國脆豬手豬手真係非常脆口,啲肉完全係完全出奇地滑身,我本來為會因為係豬所以可能會好鞋,但完全無呢個事情發生,我非常欣賞呢個豬手,係因為廚師將豬手啲肉同骨分開左先出俾客人,等客人可以一舊一舊咁拮黎食,呢個真係心心眼,必試2.鰻魚Pizza我好鍾情食鰻魚,但鰻魚pizza真係第1次見,所以決定試試佢,本來都有小小驚奇怪,但上到枱,傳黎好香既味道,pizza個邊好脆口,睇得出係即叫即整,鰻魚相比起呢個價錢絕對值得,因為芝士都算幾多下，鰻魚都多同大舊,如果鍾意食鰻魚既人可以食呢個pizza,你地絕對會鍾意。3.卡邦尼意粉啲汁都多同埋濃,因為食過其他鋪既卡邦尼,相比之下呢間算做得吾錯,因

約了很久沒見的朋友們，希望能有一個舒適的地方能讓我們聊天和享受美食，為了方便大家，於是在旺角區中揀選，最後我提出不如到The live house，因為其實我也曾經到訪過，但一直都未有時間寫食評。但是次我也決定就讓The live house令我獻出我第一篇食評吧!因為在座朋友們大家都常各自各做「低頭族」，故此朋友們定了大家放所有電話在桌面，誰先拿起誰就罰錢haha，故此沒有相機食先的情況下，是篇食評將沒有相片提供了。他們餐廳環境不錯,燈光有點昏暗，但並不是黑，頗有情調吧可以叫做。是一個像開放式bar的環境，可以看見裡面的廚師等，雖然看不見他們烹調的過程，但這也算是開放式吧哈哈。我們一行四人坐在梳化位，並不近Live band，故此網友們說的嘈耳我為此並沒有感受到。首先，我十分喜歡他們的和風羅勒白酒大蜆扁意粉($118)，已經是第二次點的,上次一食難忘。其實我沒有預想到蜆子會有多大顆，因為我相信價錢與味道是正比例的，而坊間有很多同類型的西餐廳，蜆子都很小，有些甚至是空的。但一上菜時，我就「嘩」，他們的蜆子並不小，甚至可以說頗大，我仔細一看，每顆都開口，每顆裡面都有肉，我已經感到很驚喜。

話說同朋友搵地方食吓嘢吹下水，三個女仔係旺角毫無目的咁行到live house門口，就上openrice度睇睇啲評價啦，而且係嚟度訂枱有折👍🏻👍🏻👍🏻👍🏻我地三個女仔叫咗三樣嘢太耐無食炸魚薯條，見到嚟度有就忍唔住即叫，佢要百幾蚊，但啲薯條好好食粗條👍🏻新鮮炸起👍🏻卜卜趣👍🏻我地係咁爭嚟食😋個炸魚反而麻麻地，個粉厚咗啲🙈不過都唔錯值得一試海鮮意大利飯💃💃💃💃💃足料👍🏻 creamy😋個樣唔多吸引，但食落有驚喜wo上面啲芝士勁厚，芝士味濃，而且係我愛嘅薄批👏🏻👏🏻👏🏻👏🏻👏🏻👏🏻👏🏻要比個👍🏻仲有仲有，我地係晚餐時間去，咁岩個時間有人唱live，佢又唱得幾好wo😍😍😍😍😍

突然想聽聽Live Band, 約左2個fd去食下嘢傾下計。佢地原來9點後入坐有$99任飲個半鐘。。。不過唔同Menu. 6支得1支我鐘意，飲左3支，回本啦嘢食都幾好食，加上我早左訂枱，有8折，價錢都算Ok.我地食左炸魚薯條，德國豬手，意粉同一個Pizza, 加3個$99 任飲再加一，講緊好似800幾。 我記得我仲要咗一個，魚仔意大利粉，白汁嘅。。。都幾好食不過唔記得影相 最後我就想講下職員好好，因為我哋已經叫咗用coupon 叫左嘢食，有8折，佢另外開張單畀我地任飲啤酒。 另外live band八點三左右唱咗15至20分鐘， 之後就冇唱過。。。有少少失望。Overall 嚟講，我會再嚟嘅。 環境唔錯， 價錢可以接受，如果可以開夜啲就仲好喇

平日同屋企人去到live house 食飯超正啊！我同屋企人都係芝士控。屋企人特別中意食芝士既食物。所以入到泥就叫左個餐牌的芝士薯條。芝士薯條熱辣辣又有拉絲既感覺。見到都覺得邪惡啊！薯條都好大條。夠哂4至5人食啊！而且超快泥到枱面。侍應的服務都好貼心有比水同茄汁我地之後就係叫左个芝士雙腸pizza 。好多芝士 。比起出面果啲鋪頭更上一層樓。因為芝士多。足料。屋企人讚个pizza底好脆好好食我地重叫左個芝士焗龍蝦。龍蝦一開二。入面啲龍蝦肉好正。又夠哂芝味。我重叫左一个黑松露帆立貝意大利飯。个意大利反好飽肚。飯既汁好足夠。最後本來叫雙醬朱助骨,但買哂lu 。侍應就介紹左我食黑毛豬。點知更喜出望外！份黑毛豬大大份。入口即溶啊！我同屋企人都讚不絕口！我地切開佢又粉嫩既色澤。咬落去好淋服務質素高!出餐快又夠貼心。侍應笑容滿面而且介紹滿分!

一直都好想同朋友黎食野飲酒輕鬆下 終於都系姊妹們黎陪我癲 早幾日訂位準時到達 用餐個半鐘 坐位迫到呢 ..... 一早睇左openrice所以已經知會叫咩 呢塊肉眼扒睇落好正 叫5成出黎overcook 多根位 味道普通忌廉蟹子意粉好creamy 但篇咸 不過不失醬焗豬肋骨 感覺個醬同豬肋骨吾太夾 個醬又咸黑松露蜜糖雞翼 冇黑松露味 只冇蜜糖味 雞翼都juice 手工啤酒....我真心明點解咁多人推介呢間 環境迫 要嗌勁蟹次先有人理（兜口兜面揮手都見吾到 系叻既） 落完單既野冇又吾同客人講 講人追問先塊check仲要黑面 完全吾知想點

第二次來live house，是因為九點半得食物都是半價，所以算是抵食。徳國豬手豬手製法不是太正宗，只是用油炸方式烹調，肉質比較實，煮得過火了。而且沒有酸菜和薯蓉伴碟，感覺不是特別開胃。因為試過其他較正宗的徳國豬手，這個完全比下去。芝士焗薯條如果喜歡粗身的薯條，這個非常合適。但芝士冷後很快變硬，而且只有頂部有芝士，下面的薯條沒有味道。鮮蝦沙律用了羅馬生菜，但也只有生菜，芝士粉和蝦，沒有其他配料，所以很單調。而且蝦的味道感覺不太新鮮。已經忘記了是甚麼酒，而且本人對酒沒有太多研究，所以不評論了。但飲品是沒有半價的。

星期日無啦啦打個8號風球，攪到我去書展既計劃亂左，本身中午去，變左4點幾先去，不過都係咁多人。去完書展就收到朋友邀請食飯，原來係某人的生日飯，咁遲約應因為即興的，係突然的記得這個單身朋友的生日呢間live house我以前真係經常黎，但自從離開香港左幾年做野就好耐冇食啦～ 過左幾年後，估唔到係俾人約我去。同幾年前比較，服務好左，野食豐富左，環境人客多左，食物質素都差唔多，有d海鮮食咁啦。都多成班人黎慶生日，佢地會幫人客甜品加煙花，都幾好feel。如無記錯，我覺得佢地野食既份量大左，價錢都當然比幾年前加左，不過總體黎講都係抵食，每人飲埋野$250左加。今次食飯冇影相，開始覺得相機食先有點無聊。

同家人出席完下午的婚禮後，於element食左個豐富午餐，遲遲都未消化完，唯有夜少少先食晚餐。上openrice搵到呢間店，佢個豬手優惠好吸引，咁就book位試試。我地叫左德國豬手、雞翼拼盤、煙三文魚沙律、牛肉pizza。初頭以為$59一隻豬手會好細隻，冇諗過會係full size，出面起碼賣$200, 呢個真係好驚喜，好抵食！至於其他菜式好非常出色。估唔到旺角都有咁高質既餐廳，現場音樂又幾好feel。服務上，佢地亦主動問我地要唔要bb椅，不過餐廳唔太寬敞，比較多客人，好多都係三五知己飯聚，氣氛幾好。

再次光顧Live House, 回頭既其中一個原因，當然係聽音樂。畢竟係香港地可以坐低飲住野，欣賞下本土音樂人唱歌既地方，真係買少見少。除左音樂，美食都係主因。正所謂人怕出名，豬怕肥你又點會諗得到，坐爆客既live house 係食物上依然能夠保持水準實屬難得今次嗌左肉眼扒五成熟剛剛好，唔多唔少，肉質鮮嫩，而且勁juicy,好香肉味。最令人surprise 既係無咩渣一流然後仲有個卡邦尼份量剛剛好，而且又夠creamy,麵條都煮得岩岩好，軟硬適中。簡單的一道菜卻能盡顯功架服務方面，雖然當晚都全場爆滿，眼見侍應生都已經忙到甩碌，但仍然十分有耐性同細心，好抵讚👏🏻👏🏻👏🏻👏🏻

Unfortunately for my brother-in-laws bday, there were some other extremely rude customers telling us to '(expletive)' off and leave' and if we had a problem, then to call the police. Not the staffs fault and the food was okay, but wished the staff were more helpful with turning away rude customers.