鼓堡音樂餐廳

营业中

休息中

睇過飲食介紹live house,原來老闆之前唔係做飲食，係中意音樂，所以餐廳有live 音樂。第一次落到去，我係無訂位，時候都係7點到，已經有8成客人啦。兩人叫了海鮮意大利飯，半份肋骨，德國豬手。值得一再食豬手，因為皮好好食，肉唔會乾硬。下次再食其他。

原定於食飯時段1900有live band欣賞,可惜當晚2030時段才會開始有live band. 最怕歺廳有限時進食,無論多少人進食, 也被歺廳以趕下接ㄧ輪客人形式提醒你晚歺時間已用完你要還枱走人。感覺非常不爽。環境狹窄侷促 , 人多的時候非常嘈吵。 食品質素 不似預期非常之失望!! 網友所提及所有的精選食物也不值一試。 德國脆皮豬手硬掘掘完全不是新鮮製成的, 海鮮忌廉汁意大利飯也是硬掘掘,啤酒煮藍青口,也是冷冰冰的。 完全感受不到為何會有這麼多的讚!

今日同朋友慶祝生日，一入門口同待應講用openrice訂（好似有75折），點菜期間，待應特登行埋黎同我哋講套餐無折。咁我哋就單叫左六樣野食，上菜速度都快，食物質素唔錯，特別係十勝飯（正確名稱忘了）及德國脆豬手好正，無坊間咁咸，又脆卜卜（雖然無酸菜，但十分推介）。埋單，個待應（亦係cashier)俾張單我，我望左個尾數，之後佢碌左我張卡，我先醒起我有折，問佢有無扣埋折，佢已經唔老脾話「無呀」。咁我都算，仲同佢講唔好意思，settled 左之後，我未出到門口，已經聽到個待應講「啲人係咁，check單又唔講⋯之後先講xxx」雖然我都覺得係自己冇check清楚張單係有唔岩，但其實佢都知我係booking黎...咁都唔緊要，我都明白要void單係麻煩，但都唔洗我未出門口就大大聲咁講，驚死我聽唔到咁...一間餐廳食物好重要，服務態度都好重要，原本今日食得幾開心，仲諗會再黎，但埋完單聽到咁既說話，真係有影響左我哋對呢間餐廳既印象。

食物有質數，有水準﹏煙三文魚沙律夠大份，沙律醬都夠。意大利飯夠濃味，只係隻帆立貝無味﹏失色咗啲。羊架厚身又夠味，配菜豐富。整體上都滿意，音樂略大聲﹏環境一般，但食物係可以有水準。因有生日優惠八折﹏全單$425

出乎意料之外地好味！先叫左煙三文魚凱撒沙律三文魚大大塊又夠多，仲唔腥tim, 沙律菜非常新鮮，醬汁配合，味道剛剛好！再黎個小食拼盆，咩都有d確實滿足哂眼闊肚窄的我地！雞翼、炸蝦、炸洋蔥圈等都非常入味香脆！帶子大蝦意大利飯-帶子夠大隻又新鮮，味道唔錯！大蝦夠爽，新鮮好味！飯就略咸了一點！整體餐廳食物都唔錯，服務生就比較善忘，叫了幾次都忘記一般。唯一唔好既就係餐廳環境比較暗，音樂太大聲，好嘈！ 想傾計就不太適合了！

未能等到live Band ,已經被品味極差的背景音樂加上嘈雜的人聲嚇怕了，食物質素尚可，但誰想在超過100分貝的環境下用餐？完全感覺不到這裏對音樂有要求，名不符實。

Book左星期五晚7點半，準時入座，原意想聽Live Band，網上Book枱時request 坐近Stage，可惜原來佢9點開始才有Live band，唔打緊，見佢正皮多，試下食物也好。環境：店內好嘈，音樂放太大聲，食客談話只好更大聲，導致更嘈吵。每張枱放得非常密雜，好像同隔離枱搭枱咁。燈光亦太暗了。整體氣氛個人唔太鐘意。食物：味道唔錯，可惜對於呢個價錢份量少得可憐。呢個超級中伏，就圖所見，多於1/2都係肥膏，唔係剩係表面，係勁厚落到底都係肥膏。唔明白點解佢地咁樣都可以照出菜。完全O嘴，一啖都唔想食，只好同侍應講退回。後來換上呢碟，比較好，眼見肥膏底下其實都有肉。不過味道真的麻麻，肉質唔好，茶餐廳質素好些少。但不得不讚揚有位女侍應招呼周到，知道我們退回食物，亦跟得好足，回來再詢問跟進我們覺得怎樣，本來一肚氣，因為有她，氣消掉了。而且佢更offer 多10% disscount 給我們。食物真的有待改進。

生日月真係好多飯食~ HEHE~呢間餐廳可以係openrice book 檯ge ~ 好方便!一行4人~ 同以前D同事聚一聚~ 傾下計交換一下近況~ 呢到係8:00 開始會有Live Band，仲可以點歌ge~ 不過如果你真係想靜靜地傾下計就有DD難度喇~~ = =傾計，飲下野真係少不免，呢個朱古力手工啤酒，飲落有少少朱古力香GE~黑松露野菌意粉~ 忌廉汁好creamy~ 但食到有一款茹，有D苦苦地~ 扣左少少分~香煎帶子意大利飯~ 帶子煎得好香~有少少脆口的感覺~意大利飯煮得岩岩好~鰻魚薄餅~第一次食鰻魚薄餅~ 開頭會以為會好奇怪~ 但食落又可以喎，仲幾好食tim ~ 呢個有驚喜!第二個有驚喜的就係呢個豬手喇~雖然個豬手等得有少少耐，但好值得~切好哂先上檯，好貼心呀~個皮脆到好似薯片咁~ 個皮好脆，你就會諗D肉會唔會好乾，但完全無!D肉仲有少少濕潤的感覺，唔會好乾好"鞋" ，有豬味架~ !呢個真心要試~ 最後叫左個甜品，朱古力蛋糕配雲尼拿雪糕~用鐵板上，淋朱古力醬，仲會jaja聲~ lol ~整體: 食物質素真係幾好~ 不過份量就偏少~ 如果多男仔/本身大食既~ 可能就會唔係好夠喇~

已經忘記今次係第幾次來這裡食飯，係旺角做野既我，呢幾年食盡全旺角，始終都係鐘意返黎LIVE HOUSE食！原因好簡單，野食好食，野飲好飲，隔一段時間又會有新野出，好多時都有驚喜。今次又係食呢度最拿手既德國豬手，好大隻，好脆口，4個人食都夠。味道質素保持水準，讚另外叫左Pizza, 我地4個人有唔到聲音想食唔同味，店員聽到竟話：溝埋一齊做雙拼pizza啦！加$10者結果我地可以一次過食晒兩隻味！服務GOOD！仲有燒豬肋骨，我覺得佢好好食囉，d肉唔鞋，同埋好香好正！拍得住某大連鎖西餐最後，食夠$600送隻芝士焗龍蝦，唔算大隻，但好香芝士味！好味道

來一夜ladies night約了三位女性朋友相聚歡笑因為好像比較是方便所以便約了在旺角但其實我真的不喜歡到旺角的今晚我們選了這間the live house是有live band 的預訂了座位所以不用等入座時侍應有跟我們說是限時的 90分鐘我們點了幾款食物因為都是share的所以點了有小吃也有正餐雞翼拼盆 ($128)味道不錯的有3隻不同的味道 分別是水牛城，蜜糖，香辣味不過雞翼應該是在bb 的時候便被殺超級無敵小的法式芝士焗波士頓龍蝦 ($228)又是超級小的龍蝦 只有一小條的龍蝦身是有肉的我們其中有一位朋友不吃龍蝦的所以只有3人分享但我只吃了一口可想而知有多少吧意式夏威夷薄餅 ($108)意式又怎麼夏威夷呢🤦🏻‍♀️算是比較好的一道沒有特別的白酒大蜆扁意粉 ($118)我們每人吃了一啖便沒有吃了單純的不好吃除了食物不好吃live band 真的令人很想快點吃完快點走咪開得太大聲唱得不好聽每枱客人都要大聲交談(其實我不太聽得到我朋友說什麼)雖然沒有預計會很好但的確沒有想過這樣差

做為一個宅男，好少會去酒吧，呢間似係酒吧又唔係酒吧的餐廳，好岩我。一開始見到佢有live 諗住去聽下歌食個dinner，點個自己大意，預約左7點，太早無live 。所以大家想要聽live 的預約記得問一問。現場氣氛唔錯，野食都好味，最享受係佢音樂大聲，傾計都要大聲d。星期五放工緊係同朋友吐下苦水，宅男都可以大大聲咗吐真係爽。食物來講，叫左四碟三個人share.卡幫尼意粉係最好味，咸得來帶有農芝士味，最鐘意呢道。牛眼排因為係雪排，起初想叫5成，諗諗下都係6成安全。食上來重係好大雪味。黑松露海鮮飯個飯ok,但海鮮唔係太新鮮。豬手朋友讚口不絕，我覺得高於一般水平，但未去到話好食到不得了。整體食物係好食，值得再試

今次係第3次黎到呢間餐廳食飯,今次黎係因為同中學同學好耐無見,咁岩大家個日早收工,所以就行左一陣街就去食野。入到去坐低,個陣大約8點,好彩一早打電話book左位,入到去啲位已經好full,如果吾book既我諗有排等位。可能因為行左陣街,大家都勁肚餓,所以快速叫野食。(提提大家:8點半會有live睇,如果想聽歌就吾好太早到了)1.安格斯肉眼扒($2xx),特別order左4成熟,因為我地大家都吾鐘意太熟,但真係太肚餓,所以相都吾記得影就食哂食評:我覺得4成熟真係煎得岩岩好👍入到口好有肉汁,而且一啲都吾(un),而且食得出吾會係出面啲cheap cheap牛扒。(推介指數: 👍👍👍👍/5👍為最高)2. 紐西蘭羊架($2xx)食評:我好怕羊架好so,但有個朋友係羊既愛好者,所以叫左一份黎試下,本來我打算吾試,但朋友開到口叫我試下,我就試少少,入到口,令我有驚喜既感覺,完全吾so,係令一個抗拒羊既人都可以食到既菜式。(推介指數: 👍👍👍👍/5👍為最高)3.德國豬手($6x)係openrice down左張coupon 落黎,用優惠價黎食,其實之前都食過豬手,真係一流,又大份又脆口,本來都擔心用

先講環境，枱與枱之間超級近，會聽到其他人的談天內容。加上在地庫，聲音都焗住散不了，所以頗嘈，不太適合聊天。我們算早到(7:30 p.m.)還未有live band時已經播著超大聲的音樂，整餐飯都在喊破喉嚨的情況下進行，吃完後聲都沙啞了Live Band在大約8點多才出現了一位大叔，幾好聽。建議想聽歌的人晚點到！食物方面係好味的，上桌速到算快！先來了個牛肉寬條麵，麵質很有咬口，醬汁都掛在麵條上！配料也是充足的。整碟味道咸香很不錯！也很夠熱，賣相也不錯芝士薄餅有超多芝士，但沒有拉絲效果有點失望配料也不足，只靠滿滿的芝士搭救但個人認為烤焗時間剛剛好，薄餅邊脆口之餘不會燶掉。適合怕熱氣的人連邊也可以吃德國脆皮豬手的皮超級脆一定要配那個醬汁，好味之餘減低油膩感！豬手很有豬肉味，怕羶咪的人要注意一下，但是在可接受程度內但也有些筋腱是咬不斷要吐掉的，但佔比例不多，可以接受點了個鐵板朱古力雪糕蛋糕，份量少得傻眼了跟相片完全不同職員會代為淋上熱朱古力，在鐵板上視覺效果很有趣要快快吃掉，雪糕一接觸鐵板會很快溶掉蛋糕質感有點像brownie及心太軟的質感，很一般。由於後叫的關係職員已收走了餐牌，憑印象說出內

朋友生日，提前訂枱, openrice appbook有折，餐廳仲可以準備有寫字噶生日甜品，現場仲有waitress double check個名，感覺唔錯～啤酒選擇幾多，幾特別～今日無等到live唱歌，8：30先開始。Order左豬手，意粉同pizza。豬手可能期望值太高，感覺就一般般，不過不失。pasta份量唔多，味道唔錯。pizza系好薄脆底面上加木魚絲，pizza好味。座位貼近舞台，假如有人現場打鼓，應該耳仔會...

同朋友慶祝生日，想揀一間氣氛好既餐廳係網上見到相覺得幾吸引，就決定呢間前一日打去訂枱，職員話有母親節優惠8折但我話：唔係同母親食，係同朋友慶生日佢話都照有8折仲話幫我mark底甜品上面加'Happy birthday '服務都幾貼心抵讚當日去到，成個場Full晒我地叫左Dinner set for 2包2款前菜 & 2款主菜食物味道不錯全程都有個男人自彈自唱hit歌 '告白氣球'都有聽唱最後上甜品 職員加左強勁既蠟燭成個氣氛好正我朋友都好開心