鼓堡音樂餐廳

营业中

休息中

有live演出不過很短 就半小時的樣子 有電視放球賽 重點是服務差 服務員對基本雞尾酒都不了解 把tequila sunrise說成sunshine 重點中的重點是 雞尾酒太難喝！！！！！沒什麽酒精 全是牙膏洗面奶之類的味道

早前同一大班朋友去左旺角the live house慶祝朋友生日，呢間餐廳賣點自然係live band show，環境昏暗，突顯左live band 嘅格調，人氣食物非德國鹹豬手莫屬，鹹味適中，外脆內軟，其次係醬烤豬肋骨同蜜糖雞翼都唔錯，惟live show 太嘈，如果想傾計談心就唔太適合，如想放鬆high 一high 就非常合適。價錢算合理。

去到先知願來cocktails任飲優惠除夕夜唔用得，但佢地比我地+$50就用得❤️然後我地以為生啤計落任飲但後尾先知唔計得，原本個女仔話針左就唔取消得，但最尾成杯嚟咗都幫我取消，真係唔話得！唔好意思呀☺️

我book 11:00,入到去咁多空梳化都要比中間條冷巷先。一坐低就嗌last order。但11:30又有客入嚟唄~last order唔緊要，落單先，我專登嚟食呢度皇牌豬手既，點知個小姐話賣曬。。。好的，我揀過第二樣啦，好急想趕我地走咁，都知聖誕趕收工，但我都趕住返屋企。唔洗騰，我地純粹醫肚咋。青口又話啤酒煮，但冇啤酒煮出嚟果種鮮味。杯所謂Ice Tea,垃圾，我問佢咩嚟?佢話落咗糖水既紅茶，好的，我飲到糖水，但杯茶唔甜個啵，感覺係凍檸茶飲到落底，d冰溶曬果種淡茶$28杯都想有茶餐廳質素。連茶餐廳都不如。順帶一提，呢杯茶係漏單，我追咗3次先入單，咁就死啦，咁大間餐廳or 酒吧，連最基本既茶水檔都搞成咁，陰功~

預先訂左桌，所以一去到唔駛等高可以入座👍🏻訂位時已註明5位當中有兩位是180cm 身材高大的男生，希望他們可以安裝較寬闊的座位，最後他們安排了我們坐係最近門口盔甲公仔旁的四人桌加主席位，其中一邊個公仔阻礙了座位的1/4, 再加上我地有5個人，仲要有兩個比較大隻，所以坐得唔太舒服。食物味道很好，價格食物質素成正比，特別推介咸豬手，好食。環境較暗，音樂太大聲，live 歌手唱pop song 為主，當晚聲音狀態麻麻地，有種夾硬唱既感覺，對聲音感鋭既朋友唔太推介。

試呢間餐廳志在聽邊食邊聽下live show，聽住live氣氛都唔錯幾特別，環境偏暗，美中不足係有少少難傾計，而且兩個人去只可以坐中間位都幾逼。嘢食偏貴，豬手好靭好難切，意粉就ok。整體嚟講嘢食就差咁啲，價錢都唔平，但環境同個feel都幾好。

地方偏暗，無論坐位還是行走通道都係屬狹窄。講完環境講嘅食啦，叫咗三款嘢食，分別有豬手，10安士肉眼扒同埋海鮮意大利飯。豬手冇乜特別唔算入味，不過就勝在碎上唔使自己切。肉眼扒明明叫咗五成熟，但嚟都上枱嘅時候切開，一啲血色都無，食落口，起碼係7成以上9成又未到嘅......海鮮意大利飯嘅帶子好un, 青口嘅肉就好似兩節手指尾咁細粒，隻蝦化身成小梅，成個飯味又係好淡.....總括以上：食物賣相唔錯嘅，如果你係一個口味淡嘅人不妨一試，如果你係鍾意食有味道嘅人咁就可以唔使試，因為叫咗以上呢三樣嘢，再加埋有八八折優惠，埋單都要990幾蚊，咁嘅價錢唔駛喺度食囉……完

昨晚初次幫襯,事緣上網搵過有Live band嘅地方唔多,於是即管試試在Openrice用網上booking講明生日度慶祝會有八五折優惠準時7:30pm嚟到見到都已經有四五檯客食緊,門口登記話用餐時間(一個半小時),無客等候可以繼續坐。見到有個stage但無人唱歌坐落就order一早唸定嘅野。自選鴛鴦pizza 🍕,貪佢細細哋一個可以試兩種口味。跟住叫多個芝士蟹肉焗意粉,最後再加一杯紅酒。最早嚟嘅當然係普通紅酒估唔到鰻魚放入pizza 會咁神奇,鮮甜而又香氣撲鼻。整個pizza超速被焚化跟住上檯係芝士蟹肉焗意粉我哋估計廚房無揸流攤,因為order 後大約等咗半個鐘先有得上檯。咁傾完兩句差不多十分鐘後先挑開鋪面啲焗芝士,仲係有煙噴噴因為場地燈光比較暗,食入口先發覺原來好足料;勁多蟹肉,芝士又濃郁。最唔掂就應該係唱歌果part,因為8:30pm先開始而兩個大男人又粗聲粗氣。唱埋啲唔知乜野歌,話就話歡迎點唱。點知連You raise me up / Longer都無唱,咁嘅冧歌都唔曉。點樣走台買唱呀,啲拍緊拖嘅點會俾掌聲你哋呀如果唔換歌手應該無下次喇

早前與朋友去呢間食飯傾計好似係8pm後會有live band一開始都驚會好嘈好大聲 但當晚都係唱柔和既歌 又唔會阻到你同朋友傾計食物方面我地嗌左三樣野 芝士薯條 豬手 同意粉芝士薯條一上係好熱 係岩岩炸起 有好多餐廳都係炸定就算 呢方面我覺得幾好豬手方面炸到好脆 好食同埋佢都會幫你切到一細舊，不過食二、三舊就開始濟😂唔係好記得呢個係唔係卡邦尼意粉，我個人幾中意食，佢加左d蟹子係麵度，同埋d菜撈埋一齊食，好有口感可能因為呢三樣野食都飽肚 我地三個女仔就咁食已經好飽

好難得可以約齊朋友慶祝11月之星嘅生日，諗住有大枱、食評唔差又有live show可以一齊chill下。點知一去到已經感受到啲staff一啲都唔nice，問佢係咪有十一月份生日優惠，點知佢話要即日生日先得，但openrice裏明明寫左逢慶祝11月生日嘅顧客都可以享有8折，之後佢竟然好串咁覆左一句：「裡面都有寫如有任何更改，恕不通知。」一句唔好意思都無講🙄無優惠都算，反正唔係真係為左discount而黎。不過佢食物性價比真係幾低，9隻雞翼要成130蚊，豬手嘅皮硬到切唔到，墨西哥脆片原來只係超市買到嘅doritos加一兜芝士醬同茄汁，真係無咩誠意.....最後我地都唔係好夠飽，不過都無再叫其他野食了。

姊妹聚會，搵左呢間有live band 既餐廳輕鬆下，地點方便又易搵，仲可以openrice book 台，超級方便，讚！去到先知，原來9點半後，野食有半價，超抵呀！（但飲品同set 係正常價錢）餐廳環境比較黑，同bar差唔多，當晚有兩位女士生日，台長仲唱埋生日歌，氣氛好好！客人仲可以點唱，感覺好正首先黎個煙三文魚沙律：煙三文魚又多又大件，好抵食！安格斯肉眼扒：我地叫左6成，肉質好林，好入味，好juicy，真係幾好味！小食併盤：嘩！佢個薯條真係好芝士，炸得好香口！雞翼好入味都唔錯！但個炸蝦炸得太勁，冇咩味

當晚是和朋友慶祝生日，第一次到The Live House吃飯呢 環境方面：1. 現場的燈光比較暗，如果要影相打卡的話，就不算太理想的。如果要談情說愛就十分適合，非常有情調的，哈哈！2. 不知是否當晚是閒日的關係，演唱時間只有半小時，是八點半至九點。時間雖短，不過好聽。與當初期望的情況有點不一樣，當初期望是整晚也會有駐場歌手演唱，而且音樂聲並不會太過大，但當晚半小時的演唱是，音樂比較大聲，期間很難和朋友傾計，所以形式不太一樣的。服務方面：1. 沒有主動提供開水，希望可以改進，會主動提供開水的餐廳，予人感覺會高級一點呢！食物質素方面：1. 羊架點了三成熟，應該出了五成，不過仍是非常美味，羶味濃，正！2. 豬手：皮脆肉嫩無得彈3. 牛扒：好味！4. 沙律：正常4. 薯條：芝士夠多，好食！生日方面好像全單有八折，抵食。五人吃了九百多元！如有朋友生日可以提早預訂蛋糕，還會有噴煙花贈送呢！沒有特別影相呢，見諒！

訂左檯星期日6個人6點，早15分鐘到，末準備好吾入得，準時6點才入場，告知用餐時限為個半小時。點了5個菜，其實menu不多選擇，點曬經典菜式，德國鹹豬手、德國腸併盤、燒豬肋骨、燒羊架、再加多個凱撒沙律。即叫即做，大半小時オ上菜，期間末到食飯時間，除了我們就只有一對小情侶，我們擔心夠吾夠時間食，幸好餐廳只是七八成滿，無催促我們，結果坐到8點半先走，侍應仲多番為我們加水，抵讚。食物質素也一流。凱撒沙律，生菜新鮮嫩口，蝦是8大隻玻璃蝦，冇顏色冇蝦味，卻勝在大隻彈牙爽口，當然換虎蝦會開心好多。香腸併盤，各式肉腸，香口，卻不油膩，也不熱氣，同時也沒有驚喜。德國鹹豬手，每檯也叫，外脆內嫩，鹹度適中，肉質嫩滑沒有半點油膩，脆皮卻不苦澀熱氣，超正！燒豬肋骨，德國燒醬超惹味，肉貨夠林有咬口。燒羊架，沒有羊腥味，行也設有肉味，肉質嫩滑，尚算不錯。有半價，五個菜六個人，每位不用$100,就算原價都抵，仲有live solo, 唱得有水準，這裡CP值高，下次要試pasta 和啤酒。

因为整路，兜佐好耐先到，今次第二次黎。第一次印象几好，又有歌仔听，一直觉得係难得ge音乐餐吧。今次三个人点佐招牌咸猪手 好硬 有股臭味，但价钱一D唔便，较于第一次的水准差九条街……好失望。饮品，点佐两款cocktail 都好麻麻。小食拼盘味道一般，但要成128蚊？味道同街边档冇异。收得呢个价钱咁嘅出品？希望做饮食落d心机啦。live show係最佳，真係冇改错名喔！总嘅黎讲冇下次啦，呢个价钱我唔会拣佢咯！

今次同相識15週年的好姊妹慶祝生日，又去返我地既大本營，呢度既食物當然唔使多講，質素有保證，呢兩三年間見證住呢間live house愈來愈旺場，作為忠實食客都感到自豪的。每次我都係直接打電話訂位，可能係熟客既關係，佢地都會俾返做緊推廣果d優惠折扣俾我，即係唔使用網上訂座都有折，好貼心呀！呢個亦都係我地會經常黎食野既原因，同店建立左一份友誼了。今次訂位時，接電話既人應該係老闆，因為原來下午時間未開始營業時會飛線去左老闆電話度，由老闆接訂位，但我又未親身見過老闆喎，好得意。我係電話度話同朋友慶祝生日，佢就話剛推出左生日蛋糕，全部係店每日新鮮做的，有好多款口味，而且佢知道我係熟客仔，唔使我俾訂金添。我揀左我姊妹最鐘意既芒果味，佢地有隻味叫Bailey, 應該係朱古力酒味道，下次要試試。最重點係從此就唔使出去買蛋糕又要俾切餅費咁麻煩喇！一間餐廳會去從客人角度去想，真的很好。