鼎泰豐﹝黃埔美食坊﹞ (已結業)

上星期去到星期六都唔駛點等位.... 隔離王家沙就排到her her 聲.... 入到去叫左小籠包... 蒜容豆苗... 酸辣湯...油豆腐粉絲湯.... 得小籠包最滿意...酸辣湯.... 唔像樣.... 油豆腐粉絲湯..... 衰過出面細間上海鋪...豆苗... 比我笈到原來碟碟都已一早整好... 放在大碗內, 撈蒜蓉.... 根本唔系炒.... 非常淡口... 小籠包... 最欣賞....

去過兩次,第1次係岩岩剎入香港冇幾耐.第2次係今年SARS過後.不過就連位都唔駛等,到食完走個陣都唔爆,同之前比差好多.講真,佢賣點係小籠飽,其實我覺得冇乜特別啦!我反為鍾意佢個"紅燒牛肉麵".不過佢個MENU實在太小野食啦,又收得貴.食完又要勁飲水.可以既話,唔該D味精輕手D啦.再諗多D新菜式,成日都食飽你唔悶我都悶啦!仲有呀, 次次食完都即刻清晒你檯面上D野,雖則有效率係好,之不過比人抖一抖都得卦,我開始懷疑呢間係咪食快??

今日同朋友經過黃埔﹐距離食晚飯前有一些時間﹐(當時係5點50分) 又有點肚餓(哈哈~我成日都肚餓架啦)﹐所以走入去鼎泰豐諗住淨係叫一籠小籠包兩份分當小食。入座後見有個新的“帶子小籠包”$68仲有雞或牛湯送﹐減返出黎即係仲平過普通小籠包﹐於是就叫了一籠試試。結論係好味的。雖然帶子+ 小籠包好似有點怪怪地﹐但入口卻沒有不協調的口感﹐而且湯汁同普通小籠包一樣﹐並且每吃完一個後都有一點點的鮮帶子的味道留在口中。以新菜式計﹐水準算頗高的了。不過有一件事情﹐令我和朋友差點食唔落﹐就係有關員工的衛生問題。有位侍應在旁邊等的時候居然做了一個很不衛生的動作﹐卻不幸地給我和朋友見到!! 但我不打算令各位失去早餐午餐晚餐宵夜的胃口﹐所以我不詳述了。鼎泰豐的管理層﹐如果你們見到這篇短評的話﹐請考慮提高員工的素質﹐否則﹐食物再好也是枉然。

One good suggestion on how to eat xiao Lung bao without having your tongue burn by the juice insideut / soak Xiao Lung Bao in the vinegar provided for 7 seconds, and you can eat it straight without burning your tongue. It works for me!For other dim sum, I personally like vegetarian dumpling.

小籠飽唔錯，飽裡面ｄ湯味道鮮甜，食晒成籠（10個）都唔覺"漏". 但麵就真係好一般，冇乜味，亦唔夠軟. 食物選擇不多，但勝在環境清潔，茶亦幾好飲．

我果日好想食小籠包,但menu裏面除左小籠包之外都冇野想食,所以食完小籠包就去左第二o度食.其實個menu真係太少選擇啦,我prefer 去舊式上海飯店.

首先我要澄清...我並沒有說過鼎泰豐的麵難食﹐我的意思是他們做麵只是平平無奇﹐比鼎泰豐的麵好吃的地方多的是, 不提也罷.而以張天王不懂作曲來比喻鼎泰豐不懂做麵﹐我只是隨心而想。。或者是我的要求不高﹐因我不是那種連麥當奴賣咖喱飯不好味道也會狠狠批評的人吧。。我去鼎泰豐永遠只會必吃小籠包及雞湯﹐只會期望這兩樣食物保持水準﹐其它的麵食及小點﹐吃不吃也沒所謂。如果其它菜式都水準差勁當然不可﹐但總很難要求一間餐廳每一道菜都做得完美。。如果要求這樣高﹐會吃得很無趣﹐因為每一樣菜都做出水準的餐廳﹐試10間也未必有一間。。(其實有一兩樣招牌菜做得出色﹐能保持水準﹐已是難得)正如DOMON﹐我覺得他們套餐中的咖喱及炒飯只能算中等水準﹐但又因為他們的麵好味而無法挑剔批評﹐而且繼續幫襯。。

不大認同以張學友作曲來比喻鼎泰豐麵食應有的水準。既然menu上賣得呢個item，而顧客又要俾錢先有得食o既話，自然會對D麵o既水準有所要求，不應單以麵食非鼎泰豐強項而作為整得唔好食o既藉口。難道要客人只叫小籠包，然後再去其他店填飽肚子麼？！(其實小妹真係做過D咁o既o野~^_^~)留唔留得住D客，整體食物質素同service都好重要；所以鼎泰豐由最初大排長龍到依家人流不再，不無道理~~以上純粹意見交流，希望「專食CHEAP野」唔好介意o丫！

台灣的總店及香港的分店我分別都幫襯過幾次﹐老實說﹐香港的分店﹐水準的確不及台灣總店。據說是台灣師傅親自來香港教授的技術徹底轉移﹐而剛開張時的確不錯﹐水準雖未及台灣但相差不遠﹐但開張以來水準好像每況愈下﹐無論包﹑麵的味道都開始跟台灣的水準有點距離了﹐小籠包的皮已經不是以往的薄﹐汁亦沒以往的多﹐很簡單﹐我跟朋友以往去台灣的分店是每人一籠小籠包﹐吃罷可以再來一籠兩人分而面不改容﹗但現在在黃埔的鼎泰豐﹐兩人份享一籠已經覺得足夠﹐這絕對是一個問題﹗黃埔分店的小籠包﹐相比起一般的店舖仍算是高水準﹐是好味的﹐但他們不像台灣總店般令人吃後有衝動去想“幾時再去食呢﹖”不過他們的雞湯還是有水準的﹐又清又甜﹐雞肉較台灣的乾及硬(可能是材料來源不同)﹐但依然可以輕易“骨肉分離”﹐將雞肉點豉油吃﹐很好味。黃埔分店的雞湯仍然是我的必點項目之一。麵食方面﹐有食過台灣總店的朋友相信都會認同﹐“麵”並非鼎泰豐的強項﹐在台灣﹐牛肉麵做得比頂泰豐好的店﹐也不算少。所以﹐這一項我不下評語了。難道你會評論張學友作曲差嗎﹖;-)最後說說環境服務﹐除了需要“搭檯”以外﹐黃埔分店環境其實是坐得比台灣總店舒服的﹐起碼不用爬2﹑3層樓梯

開張咁耐第一次來食，可能SARS關係唔係太多人食，不過隔離王家沙同樓下詠黎園仲多人。睇到D網友話失望，可以都冇期望去食，兩個人食o左小籠飽、菜肉雲吞、油豆腐粉絲、炒白菜仔同酸辣湯。十係沒有特別小籠飽、菜肉雲吞只是皮薄，餡就麻麻，酸辣湯沒有酸味又沒有辣味，如果未食過鼎泰豐的人，唔使特別來黃埔試，一來交通唔方便，二來最緊要係唔係特別好食。

小籠包的外皮係乾的,是此店的特色吧,但味道和一般的沒分別,,,,紅牛湯麵,沒有牛肉只有牛肉湯底,好,可以留番個肚...0的荳漿好飄忽,一時有荳味有甜味,一時甜而無荳味,一時有荳味而無甜味.....好複雜.....風頭都被隔離選擇多的王家沙搶過了!

I think this store have their own style. the 小籠包is small but full of soup. The cover is thin, but no matter how hard you take it, the cover still won't break until you put it into your mouth. However, in different location have different taste. I try once in LA's 鼎泰豐. I think the taste there is better than HK.

咁又不至於難食，只不過係普通Ｄ者！所有野食都無咩特色，係個小籠包有幾多湯汁，但?個皮又做得厚左DD，如果話係鎮店的菜色咁其他野都可以想像係咩水準。如果在一般上海飯店食都唔會好失望的，只不過而家背負台灣鼎泰豐之大名，排左一輪隊又要搭臺服務唔好仲要俾貴D﹝大佬！你估啊蔡生個名免費咩！﹞的情況下，就梗係麻麻地啦！

昨日是我第一次去鼎泰豐, 十分失望! 入坐安排混亂, 環境擠迫, 而且食品質素名過其實。去前, 我已知道會有很多人輪候, 所以已有心理準備要等。在輪候時, 聽見接待員說要「搭臺」, 若不「搭臺」便要等, 我於是站在一旁等候, 但過了一會, 只聽見接待員常喊:「齊人o既埋o黎!」但從沒有聽到一個號碼, 我便走到櫃臺前看看她的登記表, 只見所有號碼(包括我手持的一個)以被刪除, 向她們詢問時, 她們只說:「叫o左啦喎!!......補返俾你啦!」還有, 接待員把一個小膠板交我後便沒有跟進, 又沒有人帶位, 此已給我極差的印象!「搭臺」本沒有甚麼大不了, 但小小一張八人臺, 竟有三家不同的人, 加上臺上的調味料和大大的餐牌, 根本沒有空間擺放食物, 尤其是當每一家人也要吃那些用大蒸籠上的小籠包時!最後說說食品, 我要小籠包、酸辣湯和紅燒牛肉麵各一客。小籠包的確皮薄, 但皮略韌。酸辣湯只有很少很少的辣味, 而它的一點點的辣是從胡椒而來而非辣椒。最後, 紅燒牛肉麵最不濟, 除了麵種外, 我個人吃不出它和一般粥麵店的根腩(牛根+牛腩)麵有多大分別!整體而言, 個人對此食店十分失望!

想食又唔想排大隊，建議晚上六時就去食。講真，我落單到結帳只要半小時，因為上菜速度快，而且餐牌無乜選擇，來來去去咪小籠飽，湯麵等。主打小籠飽皮薄，但肉汁唔夠，雞湯麵就味道唔錯，雞味十足，但份量太少。整体感覺就名過其實，好過佢o既大有人在，去一次試食咪當見識，唔好有咁大期望。