鼎泰豐﹝黃埔美食坊﹞ (已結業)

搵兩個在紅磡的朋友食飯，地點佢地揀，結果來了這裡。兩年前來過，果陣還是要大排長龍，現在當然人龍不再，就是日所見，午飯時間人客不少，但又不至於要排長龍。友人已落單，都是大路的選擇，包括酸辣湯、小籠包、窩貼、蝦仁炒飯、菜肉餛飩湯拉麵及豆沙糭。酸辣湯不知水準如何，所以只要了小的試試，材料足，不過不夠酸亦不夠辣，溫溫吞吞的，麻麻地；小籠包一籠十隻，隻隻細細隻，皮略韌，有湯汁，餡就一般，但總比翡翠那些一洩如注的小穩包好，都總算沒有掉了招牌；窩貼一客5隻，件頭不大，但煎得香脆，充滿肉汁，又好味道，比小籠包更好，估不到；炒飯夠乾身，加入蔥炒得幾香口，又不油。但面頭的蝦仁大而無當，無咩味道，所以叫平一點的蔥蛋炒飯好過；菜肉餛飩湯拉麵的拉麵爽口彈牙，但餛飩餡就實實的，又係齋叫個陽春麵加個菜仲好；豆沙糭皮幾實，餡雖然不太甜，也不太好吃，歸根究底，糯米不加點油，是沒甚吃頭的。剛巧大家都不用趕回公司，傾下計，優優閒閒的坐到近三點也散，如果日日都係咁，命長久矣！埋單二百三十幾，食得幾飽，都唔算太貴。食物水準中間偏上，不用排隊的話，也是午飯的好選擇。

琴日八點幾去到, 完全唔洗等位, 以前排大隊既情況唔見哂. 兩個人叫左一客小籠包, 酸辣湯麵同涼拌海浙頭. 小籠包ok, 皮薄有肉湯. 海浙頭夠爽口. 但碗酸辣湯好唔得, 一見碗湯麵面有大量黑胡椒碎已經覺有少少奇怪, 食落仲要完全無酸同辣既味道, 只係食到黑胡椒既味, 我未去過台灣食, 唔知呢款係咪台灣口味呢????

之前來食很多人, 但現已今非昔比, 不過次次來都係食小籠包, 上海排骨麵等, Menu 的選擇太少, 而價格方面又唔平,沒有新意追加, 這可能是敗給王家沙的主要因數.

佢餐牌0既選擇認真有限, 若幾鐘意食小籠包之類0既小點, 麵呀, 酸辣涉的話, 就okay, 否則, 佢食物0既選擇性比佢隔離王家沙少好多,有d人會坐低0左, 睇完餐牌都選擇走,亦因為咁, 隔離王家沙點解大排長龍,而呢度都仲係大把位揀............佢0既小籠飽都okay的, 不過, 蟹粉小籠飽, 我覺得味道一般...........Anyway, 因為我一向鐘意食小籠飽, 同水餃雲吞之類0既點心, 所以, 我覺得呢度okay~會再來的~

呢間野佢開張o個年食過，唔係太好，冇再幫襯，唔知而家有冇改善呢？o個陣時D小籠包唔係幾好食，後來小南角都唔錯(但係而家差左)，只有翡翠保持到水準。那個雞湯，一飲就覺得係史雲生。最慘係我地十個人坐十二人桌，叫到放滿食物o個陣，佢話要搭多兩個人落黎。o個兩個人都好唔願意，因為真係冇空位，點知個經理就攞 多兩杯茶夾硬要o個兩個人坐落黎，激死！

我食過四次, 每次d小籠包都好熱.吹兩野成隻放入口, 同玩命冇乜分別.....不過好正,皮薄得泥唔會穿.其他野食一般啦, 個酸辣湯似加左狂多醋o既碗仔翅, 王家沙果d仲好食....個雞湯好鮮甜, 唔知點解唔係咁大舊雞都可以咁甜...d炒飯都係淡淡地, 上到泥都凍lu~野食唔太多款, 間中泥一次會幾好.

最出名的小籠包當然要試！待者端上來的小籠包還熱，但肯定不是新鮮蒸好，估計從蒸籠到人客桌上至少花上五至十分鐘，吃至中途小籠包己不熱。更甚是，口中感覺小籠包的肉很怪，肉是豬肉，口感是瘦肉，不可能多汁，但包內遍遍很多汁，而且吃得出雞的味道，相信他們加進了雞粉調味，簡單一句：很做作，不好吃！除小籠包外，其他菜式也只是一般水平。如果她不是打世界十佳餐廳的期號，我會說她不錯。比發她好吃的餐廳世上何其多。

星期天, 懶洋洋的下午, 在黃埇遊蕩於商埸之間, 心血來潮一上鼎泰豐, 兩個人先點一客菜肉餛飩湯.做得比想像中好, 餛飩皮軟硬適中, 餡料已菜為主, 十分討好. 第二度來的是雞絲伴粉皮, 這味菜有點失色, 雞絲味道太輕, 整體上只得痳醬味, 而痳醬亦不夠香濃. 最滿意的一度可是原盅雞湯麵, 麵質唔錯雞湯味香濃, 要數的只是略嚴多油. 最後一度當然係招牌菜小籠包, 但小籠包似乎比兩年前遜色了一點, 湯汁十分多, 餡料比較鬆散, 而皮質比較柔刃. 整體上水準同已住相差不遠, 服務唔錯, 價錢略貴.

呢度食過三次度啦,小籠包又真係幾好食,但就真係得小籠包囉~其他野都係一般貨色,食完都唔記得自己食左d咩...可想而知味道一般~如果唔係佢d小籠包,我諗都幾難有咁多人幫襯p.s. 環境好迫同好嘈下...

筷子篤極都唔穿?唔係咁誇呀?唔係喎~d皮幾薄下添~~(起碼好過茶樓果d)不過就真係冇以前咁好食喇...好似返蒸咁.....乾乾地...入面d肉又細左,鬆散左~返而個蛋炒飯仲係咁好味~haha其他都係嘛嘛.食3樣野都係$110 ,都幾平架喇.下次試試王家沙先~

贊同musicgrace所言...呢間D小籠飽真係好難食...皮厚到不得了...筷子篤極都唔穿....食過一次都申笨....咁都可以做到佢地既招牌貨....佩服佩服....

小籠包難食到死，蒸到乾曬，乾到個頂都唔食得，招牌貨都咁鬼樣，其他食物都唔洗寫出啦！台灣總店的小籠包十分十分好吃，這分店簡直做壞個名。

好失望, 做得好差, 一定係想趕客走蟹粉小籠包- 勁腥(叫個經理埋來問佢, 個經理話自己係用新鮮的蟹整的, 講都冇人信)酸辣湯麵- 又唔酸, 又唔辣, 淨係得黑椒味(都唔知佢想點)雞湯麵- 隻雞好似雪0左十年, 雪味重到放唔到入口台灣真係好好食的, 現在去台灣好平, 唔駛專登來這裏食, 各位可以慳番d錢

上個月都有去,係唔掂!同之前幾位講o既差不多.但我反而懷念以前九龍城果間"假o野"點解蔡老闆推親D店都o甘死?還是因為他推介我們要求更高？

炒白菜, 菜有D澀味..酸辣湯, 唔酸唔辣炸排骨, D粉太厚蟹粉小籠飽,蒸餃,油豆腐粉絲湯同雞絲粉皮味道都好一般覺得煎鍋貼,炆牛腩&豆漿最好味^^