鼎泰豐

营业中

休息中

老公放工話想食小籠包, 附近無乜邊間好食, 喱間又未試過, 咁就試吓啦。小籠包: 皮其實唔夠翡翠咁薄, 但味道都可以。醉雞:酒味夠濃, 雞亦夠滑。豆乾馬蘭頭:我自己好鍾意食, 切得夠細碎, 但又好有咬口, 調味亦香。清湯燉雞麵:味道偏淡, 湯夠清, 無乜特別。紅油抄手:比較失望嘅一道菜, 無乜辣味, 而且偏甜。整體味道可以, 下次想食醉雞都會再嚟嘅。但店鋪衛生方面真係要讚, 每次有客人走都會即時用消毒酒精噴櫈同枱面, 令食客真係感到安心。

講起食台灣菜，香港人一定會唸起食鼎泰豐，所以今日我就去試下係咪真係咁好食同咁出色。今日去到係下午茶時間，餐廳無咩食客，所以好快就可以入座。叫左招牌小籠包、紅燒牛肉湯麵、炸醬伴麵。自己食完後雖然覺得鼎泰豐係香港係好出名，但其實我自己就覺得普普通通，又無話做得特別出色同特別好味，不過價錢就比出面略貴了一點。

沙田鼎泰豐最好食嘅菜式 梗係佢嘅小籠包小籠包皮薄 肉汁超多 一咬落去 肉汁隨著爆破嘅 小籠包皮流出一般人通常只會食一籠小籠包 但我通常都要食兩籠再配埋新鮮嘅 薑加醋 食落去真係好開心

這間店基本上大部分人都認識了，以小籠湯包聞名，在中港台都有分店。這次中午來吃飯點了小籠包與煎餃肉餃是大家分來吃，其他麵麵是各自點吃。然後我忘了拍小籠包就不多說。皮很薄但餃皮底部煎得金香脆薄卻不會太焦。口感剛好，上邊餃皮香軟下邊則脆口，蝦仁與肉仍有水份感覺很鮮味。至於另一個其實屬於冷盤的粉皮則灑了香而不辣卻有少少惹味的醬汁。肉的份量不少所以比想像聿飽肚。而粉皮也彈口不會軟塌塌沒咬感。配上清爽的青瓜算是不錯的配搭。但價錢較貴。

朋友J話想食小籠包，約喺沙田新年飯聚嘅我地冇乜得揀，就走左去排鼎泰豐。🤣排左大半個鐘，終於有枱，飢腸轆轆嘅坐低即刻叫野食。先黎個醉雞，酒味都唔錯，雞脾肉亦唔算太肥，只不過自己醃醉雞時會落重啲花雕酒，所以覺得呢個可以再醉啲🤤白肉 x 粉皮，正路味道，亦唔覺有咩違和，所以冇乜comment。純粹因為想食粉皮而叫😂😂😂主角小籠包！先食原味，湯包熱辣辣有燙口效果，肉質尚算可以。本人覺得湯汁可以再濃味少少，又是重口味之過🤦🏻‍♂️🤦🏻‍♂️跟住呢個青色嘅絲瓜蝦仁小籠包，可能因為食材都偏清淡，所以入面都唔算濃味，冇左果個咬開包皮，就會一股味道爆發出黎嘅感覺，有點可惜。其他嘅嘢食都係正常水平，不過餓起上黎，咩都好食架啦！🤣🤣🤣

HK60*小籠包果然皮薄,豬肉新鮮,湯汁算多味道偏清,淡。HK62*蝦肉紅油炒手蝦肉幾爽口但紅油味道一般,吾多夠味HK52*台式酸辣湯吾夠酸又吾夠辣麻麻地。******************************每次經過鼎泰豐廚房都會望師傅包小籠包,好治癒而最近愛上上海菜,見到吾洗排,行街行到攰吾洗等又餓就食到野真係種恩賜。。不過味道同我想像有落差既?因為平時既鼎泰豐好多人排,感覺會幾好食,定最近食過更好食既上海菜有比較呢?總括黎講,姐係有D失望。所以再食上海菜,鼎泰豐吾會係首選。

一段時間沒吃鼎泰豐，今日路過進來再嚐嚐，點了一客小籠包，一碗紅燒牛肉麵和一客菜肉餃子.小籠包，沒以前的好吃，肉餡太鞋口，可能是瘦肉多也欠了點肥肉，湯汁也沒什麼特別，讓XX花園俱樂部XX樓的小籠包給比下去了紅燒牛肉麵，這牛肉太淋，如果這是米芝蓮一星，哪同是來自台灣比較大眾化的XX的牛肉湯麵就是米芝蓮二星了.菜肉餃是三款比較好的，夠乾身，菜肉飽滿整體來說，服務很好，食材還可以，價錢偏高，而且進餐時間限定1小時15分鐘，有得比較就給比下去了.

鼎泰豐能成為一間受本地和外國人餐廳，不單食物味美，而且能給食客對食物衛生的信心，試問有幾多間餐廳能夠將廚房赤裸裸地面對大家，這正是我喜愛鼎泰豐的原因之一。小籠包皮薄餡靚，湯汁熱騰騰，豬肉新鮮，兩者配合得天衣無縫。炸醬拌麵醬油味重，肉碎豆乾分量多，麵條香滑。擔擔麵麻味香濃，帶微辣，麵汁撈勻，吃一口，纏上汁醬的麵身很煙韌，不太膩滯可惜醬汁比較少。炒豆苗分量不大，但豆苗鮮嫩，炒的時間剛好。紅油抄手醬汁惹味，辣度不算太強烈，適合香港人口味。

愈嚟愈近聖誕，各大商場都布置得美輪美奐，今個星期六我得登打算去新城市廣場到影7/F粉紅色花園💘。7點幾就諗住去攞咗位先，食埋飯再上去影，但係個接待員話要等個幾鐘咁我哋就決定影埋相先番嚟去到8點幾，終於可以入場啦。仲記得之前去台灣，呢間嘢都係爆哂棚，希望呢間都可以保持水準。一睇餐牌，6隻原味小籠包要$60，足料炒飯就平均$80起跳，小菜都要成$100左右，略嫌太貴。最後，我哋決定叫甜酸川子雞($98)、小籠包($60)同埋排骨蛋炒飯($85)。由於我唔食得辣，就打算叫佢甜酸川子雞個醬另上，但最後佢個廚師都係唔記得咗之但係，佢d雞件好嫩滑，d甜酸辣醬亦好入味，我飲咗幾杯水，辣住都照食😂上菜時間唔算好耐，好快三樣嘢都到齊個排骨炒飯應該係用咗珍珠米，粒粒晶瑩剔透，好有彈性，勁快就俾我清咗個小籠包同台灣比起，肉汁不足，唔係好夠juicy

咁今日收工就約左呀爸呀媽去沙田食飯啦，咁佢地又唔想食西餐，咁我唸唸下就帶左佢去鼎泰豐啦，果度d菜式啱佢地口味多d!咁去到啦，一如想像中人山人海，咁攞左張飛先，問我妹妹要等幾多張枱，佢都好有禮貌咁答我而家叫到第幾號枱，大集團d服務真係無得輸，就算我要等十幾張枱都覺得無咩所謂，由於我果陣都成九點啦，好多比我較早攞飛果d客人都走左啦！所以都唔係等好耐，大約等左十五分鐘左右就有位啦！咁坐低左之後，由於好肚餓關係，我地好快就叫晒餸啦，而d餸就好快已經到啦！首先到係前菜四喜烤夫，是由筍片、黃花、木耳、花生及麵筋做成的，口感鬆軟有彈性，而且味道調味得非常好，是一個非常好的前菜，我們一家三口好快就秒左佢等第二道菜啦！第二度都係前菜，什錦豆干絲，菜式裏有豆干，木耳絲，牙菜，還有少少粉絲，味道有少少酸，因為落左d醋，另外重有少少辣椒辣味，都係一個非常惹味及開胃的菜式，佢地個涼菜師傅真係無得頂。跟住有返d熱野啦，菜肉蒸餃，一客六隻，咁裡面就有青江菜同豬肉啦，d餃都包到好肥，非常足料，第一啖食落去都好鮮味，但係佢食落去就唔同小籠包感覺，小籠包裡面就好多肉汁，但係蒸餃就無啦，所以食落去都剛為乾身。山藥菌菇湯麵，

同媽咪同男友人食晚飯，想食上海野就食呢間。小籠包太細隻，其他小食都ok嘅，個水餃麵都好食，可以自己一碗就好了，另外叫左炒白菜，太油麻麻地，埋單時媽話偏貴，唔抵。

假日的中午......周圍都是人.........間間都要等位..............透過電話取票........方便！紹興酒醉雞.........肉質....普通......雞沒有酒味......小籠包..........出息...........炸醬拌麵..................還可.....沒什麼香味肉絲蛋炒飯......................推介...........！

去到沙田，太多選擇啦。突然諗起有鼎泰豐，就馬上行左去食午餐了。餐廳位置其實不起眼，去開沙田的當然會好清楚位置。由於閒日的關係，基本上完成唔需要等位。坐低就馬上有杯好清新的熱茶飲。服務好到位好周到。雖然選擇不及拉麵小籠包多，但選擇都算多。枱面有齊醬油同埋醋。企企理理。美味remark1.小籠包$60/6個必食之選。熱辣辣食係最正不過裡面的湯汁真係好熱，要小心唷！食左咁多次都係只係覺得傳統小籠包最好食。2.蒜香粉皮肉$60簡單d黎講就係蒜泥白肉。青瓜配上酸辣的醬汁好開胃。而且同坊間的有所不同，個醬汁的醋味較濃，酸同辣配合理想。3.紅燒牛肉湯麵$84落單時，店員好細心問需唔需要剪麵。咁當然選擇剪麵啦。方便d丫ma牛肉湯底濃，唔知係咪掛住食其他野，碗麵放涼左，所以麵條無想像中好味。

今次介紹啲中常價位嘅食店鼎泰豐佢喺台灣係一間非常出名嘅菜館但黎到香港後 同台灣對比 實在差好遠味道唔係難食 但絕對令你失望招牌嘅小籠包 食落冇大驚喜感覺唔值呢個價個人應為呢個價錢 應該食到更好味嘅嘢食所以性價比低每次經過見到咁多人排隊都總會覺得好奇怪或者因為沙田實在冇嘢食冇選擇啦

來鼎泰豐當然要點小籠包啦，因為我本人係好中意食小籠包的，呢度的小籠包都算多汁，還點了小黃魚，酸酸甜甜好開胃，反而我最中意係呢個，另豬排炒飯，牛肉麵都不錯的，不過份的份量真系比較小。