鼎泰豐

营业中

休息中

咁岩今日6點幾，新城市店唔洗等位。番正開左咁耐都未食過，一於決定試一試。叫左幾款野食。蛋炒飯 炒得唔錯，飯粒粒分開又唔會硬蝦肉抄手 蝦肉有點過火，偏硬擔擔麵 無咩特別，唔算好食菜肉包 包軟熟 陷切得很碎 有用心雞肉小籠包 皮夠簿 香味欠奉豬肉小籠包 皮夠簿，有肉香味，但餡偏少醉雞 夠入咪但有的鞋口總括來講 尚算可以，但係有點名過其實，唔值咁貴。

週末嚟到沙田新城市廣場，大約六點鐘，見時間尚早就走去鼎泰豐碰吓運氣。人唔太多只需要等兩張枱，不過估唔到都等左四個字🙄我哋四個人叫咗一個紹興酒醉雞兩籠小籠包，一個肉絲蛋炒飯，一個燉湯，一個高湯蒜蓉炒菠菜，同一個蝦肉煎餃。呢款山藥燉菌菇湯藥味幾濃，鍾意山藥味道嘅朋友可以試吓。至於呢款紹興酒醉雞酒味就唔算特別強，味道正正常。蒜蓉波菜啲菜真係非常新鮮味道亦調得好好，真心推介！原本想叫豆苗等發現要$125一碟，覺得豆苗唔係好抵食嘅關係就叫呢款60幾蚊既菠菜肉絲蛋炒飯其實味道唔錯，可惜份量真係比較少每人得半碗多少少。呢款蝦肉煎餃子佢煎得好脆，而蝦肉都好鮮味值得一試！第一次係香港食鼎泰豐食物嘅味道真係唔錯嘅，大家如果想試嘅就建議你哋真係要早少少去到，如果唔係就有排等。

環境：作為米芝連得獎餐廳, 餐廳明顯對環境同食物都一樣重視, 餐廳員工服務好好, 整體用餐感覺舒服, 仲有因為餐廳大, 就算多人都唔會噪和迫.食物：每次黎鼎泰豐除左叫佢個招牌小籠包, 小籠包湯汁鮮甜, 是必叫的招牌菜. 除左小籠包, 我每次都會叫佢個紹興醉雞, 因為真係整得好出色好有水準, 酒味好濃好香, 雞都好滑, 個人認為係餐廳最好食的菜式, 也是必食小菜.今次仲試左水晶肉, 呢倉菜係意外地好味, 本身以為佢會好多粉同淡口, 點知成個都係一絲絲既肉同埋味道好夠.最後牛肉麵就一般般, 冇話好特別價錢：米芝連餐廳係貴少少, 不過以佢食物級數個價錢都算合理低食, 對得起米芝蓮個評級.

呢間野不嬲都好多人，好彩今次朋友早放工，6點半已經去攞位。直入，唔使等🙆🏼‍♀️鼎泰豐係其中一間我經常食既中菜餐廳，食開尖沙咀分店，今次試食沙田分店 ... 好食😄👍🏻又係叫左小籠包、蝦肉煎餃、鹵水牛肚、高湯炒芥蘭、蝦肉紅油炒手😋小籠包皮薄肉汁豐富；紅油炒手個辣味夠但又唔會辣得滯，岩晒我唔係好食得辣但想食少少香甜🌶味既朋友；牛肚同芥蘭絕對係我地必叫既菜式。我覺得鼎泰豐既入貨幾好，牛肚既紋理好清晰，芥蘭又好嫩，兩樣食起上黎都好爽口，入味😋推介😄👍🏻

今日同舊同事食飯，一大班人咁就去咗鼎泰豐！多人呢可以叫多好多野好開心！服務咁呢我哋就坐喺個會好多人經過嘅位置啦，所以呢店員就幫我地呢笠住個袋，或者衫，咁就唔使比我經過嘅人或者係佢啲店員整污糟啦！👍🏻👍🏻加分！食物黎鼎泰豐梗係唔少得小籠包啦，咁佢個小籠包呢真係冇令人失望嘅，好味😋😋另外都叫咗好多其他嘅小菜，例如有紅油抄手，四季豆，春卷，口水雞，仲有好似午餐肉咁嘅肉（唔記得左叫咩名）😂😂都好好味！大家得閒就去試吓啦！

名過其實的食店！先說好的吧～服務不錯，上菜速度非常快，不用等位(中午)，茶很香～但是菜色非常一般1.小籠包是暖的，對於愛熱包子熱湯的我合不來2.再來是醬汁黃花魚，凍的，味道就是加了糖的罐頭鯪魚，3.肉絲蛋炒飯，最好吃的一個了，蛋味很夠，有加蔥，我喜歡炒飯加蔥，好吃😋4.雲吞湯，湯頭感覺沒有味精，吃著也清爽，皮不是薄的，它是白色偏厚的5.酸辣湯，只吃到豆腐跟雲耳，只想顯刀工嗎？口感不夠豐富，沒有辣，它的酸是沖的，不順喉。有一間食鍋貼的酸辣湯更好吃又便宜！不會有下一次了～

假日時候..............在門外排了好耐好耐好耐............等叫籌入座..........先吃一個麵........配料都幾多....夠汁夠濃味👍🏻👍🏻👍🏻吃個飯.....味道也不錯......每一啖都吃到餸......👍🏻👍🏻👍🏻醉雞......每次來都點喔！ 酒味是夠的......但皮欠彈........小籠包.......必吃食品 多汁👍🏻👍🏻👍🏻👍🏻

今日一家人為左細佬慶祝生日 選左鼎泰豐 但係由於佢用餐時間只可以係1小時15分鐘 所以我哋就喺門口等齊人先入去啦叫咗好幾個餐前小食一個面一個飯。同埋當然最緊要就係小籠包啦所有食物都好好味好有水準 其實環境都唔錯 雖然我有BB車但係都唔會覺得太迫走嗰陣時帶BB隔住玻璃睇住師傅們包小籠包BB睇得超高興 入面師傅都有同小朋友打招呼一餐飯七個人食咗千幾蚊 價錢都屬於中等啦原本細佬今日生日想喺入邊切蛋糕但係切餅費要$200 覺得有啲貴所以我哋就冇喺餐廳入邊食蛋糕喇

鼎泰豐這個品牌，除了食物味道好，衛生程度亦十分高，難怪多年被評為米芝連星級餐廳。今日行完沙田新城市廣場，六點幾用手機app攞位，等了十多分鐘就收到有位提示，方便性超高。今次點的菜款有招牌小龍包、醉雞、蒜香粉皮肉和四川擔擔麵。小龍包 - 一句皮薄餡靚足以形容。蒜香粉皮肉 - 蒜味濃，腩肉略肥，粉皮爽口，是不錯的餐前小食。四川擔擔麵 - 麻味味重，辣度不算強，相信一般人都能接受，麵條有富彈性，有咬口，十分惹味。醉雞 - 花雕味香濃，雞肉肉質嫩滑。

全香港有四間分店的鼎泰豐，已經品嚐了好幾年，質素依然保持到水準。 新城市廣場分店這間較多國內人，一定很適合國內同胞口未了。兩個人叫了四個餸花雕醉雞 雞肉很滑擔擔麵雖然細碗，但是很濃郁小籠包一客六件 炸豬扒炒飯炒飯底粒粒皆分開

每次口痕痕想食上海野，第一時間就會諗起鼎泰豐最愛吃它的小籠包，皮薄餡靚，充足美味的肉汁，每次去到必定要食。酸辣湯亦係上海菜必食的菜式，辣味同酸度適中係最好味，不吃辣的也可以食到。上海膽膽麵要做得好食並唔容易，除左拉麵要夠彈牙，膽膽麵的汁帶點微辣及花生醬的濃郁味道好開胃，份量就細左d，男士未必夠食。叫多碟小食就差唔多，叫左小食紅油抄手非常惹味愛吃辣人士最啱食，辣椒油好香好辣，抄手外皮做得薄，連埋辣椒油食好好味好辣，食唔停口。

朋友即興約食飯，即出好過響屋企發吽逗😂因爲無plan諗住市廣場地下是但搵間食🤦🏻‍♀️星期六黃金時間間間等位⋯⋯行到去最角落見到佢等位人丁單薄，一問兩位即刻有得入座👏🏻👏🏻👏🏻坐低已經開好茶，原片茶葉真係唔同啲，香到都唔使叫飲品望望個menu橙色highlight小籠包當然係要食啦反去後面發現其實唔多野食，不過唔緊要，最緊要貴精不貴多，好食就好。好快就劃好點心紙等食🤤頭盤小食醉雞同肉粉皮醉雞：唔夠醉，酒味唔香，唔夠入味，雞味唔出，幸好唔鞋亦唔咸，位置都有肉，有輕微雞汁啫哩在皮肉間清甜。肉粉皮：水晶粉條代替粉皮，肉片鞋左啲，味汁既味道平和唔刺激最期待的小籠包，雖然以前去台北成日食，香港反而未食，試左同台灣一樣皮薄涵靚多汁，肉唔多脂肪唔會好騷，小籠包個頂接口凍左都唔會硬一舊，處理得很好，一口一個溫溫的一放低就可以即食紅燒牛肉麵：牛肉好大嚿😶我心諗仲以為會好韌好老，點知咬落去好似蚊牛腩咁鬆開～～個湯頭嘅花椒味好濃好好味🤤牛筋好軟👍🏻👍🏻👍🏻台灣麵質很好唔會黐埋一舊亦都唔會多左粉滑潺潺。湯飲左唔會口喝炒芥蘭，啲皮俾人批晒好嫩，好脆口，成碟綠油油份量都大侍應見到我哋有兩個袋主動用椅套幫我地包住，收

今晚到沙田吃晚飯。周邊都多人，但呢間都還可以，拎飛後等5分鐘左右就入坐。原來店入面都幾大。因2大1細他們給我坐最邊位，bb登都準備好。夠細心。先望餐牌。都多選擇。選了黃花魚。醬汁係凍食。都幾特別。魚都算大，外面炸，但入面好多醬汁。不錯。再來馬蘭頭。又是凍食。幾清甜。都可以一試，之後就來了我想食小龍包。皮簿。唔錯，但太細隻。有教點食會緊正。入口湯慢慢入喉嚨。好味。熱熱食是不錯選擇。最後一味蒸素餃。咬一口。都多材料。冬菇。菜。木2。羅白。好幻細材料。比小丞哥食都無問題。

我哋耐唔耐都嚟食，因為很喜歡佢哋嘅“醬汁黃花魚”每次都會點醬汁好美味，滷水牛肚刀工勁好薄片，原味水晶肉涼拌好味肉質香甜，小籠包皮薄熱辣辣好味。醬汁黃花魚滷水牛肚原味水晶肉小籠包

係Taiwan試過一次 番到尼Hong Kong念念不忙所以尼試多次 最鐘意佢既蝦餃有好多唔同款式 腸粉都好滑溜 Keep到本身既水準 今次係同屋企人食生日飯 下次都會再尼食