鼎泰豐

营业中

休息中

呢間大名鼎鼎鼎鼎的鼎泰豐開左短短幾個月我已經食左５次...　－＿＿＿＿－三次同女友... 兩次同同事佢既食物又未必真係咁出眾(個人認為價錢平少少既翡翠拉麵好食過佢...)食物選擇不足(我乜都食過晒咁滯喇...)又唔算抵食...不過環境... 同埋台灣過黎既員工既服務實在係出色既嗯唔知係咪心理作用... 台灣永康街個間好似好食d咁既　?_?

蔡瀾那間,算啦,不提也罷。一切,重新開始。講普通話的侍應一野讓我諗返起台北時候身體唔好卻掃左半籠小籠包(etc....)既光景。叫左小籠包(依然係六隻) + 花素蒸餃+ 擔擔麵*花素先上，皮薄之餘料足；而小籠包就湯汁夠之餘唔易爆，舊肉都入味既=]而朋友就叫左肉糉 + 豆沙「大」包(下,拳頭都冇就叫大包?!)肉糉抽左少少水,都幾入味之餘唔算鹹得好緊要*(因為見到醬油色水都落得ok重")係個擔擔麵想講一講......好細碗之餘佢普通辣都已經幾勁下"咁就二百幾兩個人覺得貴左少少* 因為其實都係Portion Arm Arm好而已"不過可以感覺返當年感覺,算佢啦"

2月頭同老公專登去試一試,因為品嚐過台灣既信義店一試難忘!去到大約7點左右,雖然係要等,但係都唔算好多人,淨係門口個兩個接待員已經非常有禮貌(絕對同上次係紅磡個間差得遠),最後係等左40分鐘度就有位(好似好耐,但係話哂都係晚飯時候,仲要係尖沙咀所以算係咁喇!入到去既時候有D小誤會,當我地跟住個侍應入到去既時候先知原來攪錯左,係無枱既!佢地有問我地是否介意搭枱,我地都話介意,但係佢地無黑面,仲道歉叫我地等多一陣,一有立刻比返我地!好快我地已經坐低左,裝修好好,不過四周都好嘈,而大多數既侍應都係講普通話既,佢地雖然唔係每個都咁好笑容,但係都唔會黑哂面咁,而態度都非常好,真係係香港實在好難搵到一間鋪頭D員工態度係咁好既(咁當然除左D酒店,高級食店喇!)我地叫左一個燉雞酒,小籠包,担担麵同豬扒飯!落完單侍應會同你講,我地今晚準備左豆漿同汽水比你,你想要咩呢?或者會令人誤會係免費,咁當然係要比錢架喇,不過我地叫左兩杯熱豆漿試下,都OK呀!甜度適中,又有豆味!第一味菜係燉雞,SIZE好似細左D,面頭仲有幾多雞油,但係諗落去好鮮甜,而小籠包本人同老公都應為無台灣咁好食,而担担麵就OK,都夠辣!最普通

上星期四同舊同事5美女去左尖沙咀既鼎泰豐食晚飯，一早已經打左電話去，佢地話無得訂位，所以早d去位啦，點知.......原來要等齊人(係一定要齊晒人呀)先可以入座~~~~~不過可能係因為佢地d客人太多啦~費事d人霸住d位......我地一住低就問個calvin哥哥(店內既職員)有咩好介紹，佢好有耐性咁介紹比我地知有d咩比較特別同好味，我地當日6個人一共食左7百幾蚊，每人百幾蚊其實都唔算貴，只不過亦都唔算飽，因為佢地d野比較細碟。當日我地點左：小龍包菜肉蒸餃燻魚醉雞元盎雞湯蝦仁餛飩湯擔擔麵酸辣湯菜肉餛飩湯豆沙小籠包赤荳鬆糕味道都真係唔錯，特別喜愛係個。「赤荳鬆糕」真係一讚...........

老實講, o的o野唔係特別好食, 都唔駛點提, 但係服務真係唔錯我食o左海蜇普通小籠包蟹粉小籠包菜肉雲吞清炒菜心豆沙大包荔芋大包唯一有少少唔好就係o的o野食o黎得太快. 我一坐低落單, 冇耐o的食物就hur hur 聲全部o黎哂(除o左甜點), 擺滿哂檯面... @_@"由派飛仔到坐低食o野全程都受到有禮o既招呼, 我覺得哩o的先至係佢o既賣點btw, 派飛仔同安排入座o既小姐都係講國語o既, 唔通係o係台灣總店過來o既?? 同客人講解時充滿甜美笑容, 實在值得一讚!哩間同黃埔o個間唔同o架黃埔o個間係類似franchise 形式開, 尖沙咀哩間先係總店自己開o架, 所以你o係卡片上係見唔到有黃埔o個間鋪o既地址, 唔怪得service 都差咁多啦. 同埋我問個小姐, 佢話因為黃埔o個間做得唔好, 所以佢地o係香港自己開喎... 唔知係咪真哩?(深圳o個間都係榜上無名...)

3/3晚8點前去到, 勁多人等位, 好彩搭枱可以即入兩個人叫咗小籠包- 味道ok, 唔夠熱蟹粉小籠包- 又係唔夠熱紅燒牛肉麵- 好味, 不過牛肉仲多過麵酸辣湯- 唔夠酸同辣, 好多豆腐後加炸排骨湯麵- 其實係煎豬扒, 又係肉多過麵, 湯底淡同牛肉麵無得比香菇素餃- 無味, 唔掂店方為咗翻枱, 速度快到無倫, 幾分鐘乜都上齊, 兩個鐘應該做到3轉(我真係40分鐘就食完出黎)小籠包只算溫熱(可以成隻擺入口)比較失望. 反而湯麵就熱到死.見隔離個炒飯好得吓, 下次要試.....牛肉麵都係整體上, 味道係ok的, 樣樣幾十蚊但份量偏細, 適合兩個人share.

三月二日(星期日)今日食左好多正野呀!呢排呢間食肆咁hit,當然我地要試試啦!雖然食過台灣本店覺得唔係太好!..見到咁多人讚,要試試!本身六點去到,拎左飛!但係要等1個鐘,咁我地行左45分鐘過黎諗住差唔多啦!點知過哂喇...要由頭排過>.<等成3-40張,太約等多30分鐘就有位,因為好多人走左!個魚缸好多金魚!不過佢地好似好迫咁唔係幾夠位!有條仲反反地肚!>.<佢地turnover好快,因為預先比定張list你點!我地點左:1)蟹粉小籠包,我地都覺得一般!唔應該係佢地最出名既食物,因為出面好多食肆都好過佢,同埋冇咩蟹粉味!2)紅牛肉面,呢個好食,佢d牛肉林得黎又有牛肉味!湯底飲得出係有下過功夫!而面質都幾旦牙,唔中意食面面巴老公都話唔錯!3)蝦仁蛋炒飯,好食,老公話好有蝦味!好新鮮,我就覺得個炒飯炒得恰到好處!d米唔會一pat咁...有質素既炒飯!4)芝麻大包,都唔錯,不過如果係流沙包個種流出黎既感覺會好好多!5)燻魚,唔係太香!上次食"嚼江南"係好過佢,而且唔多肉!呢度值得一讚既係service,個個都好有heart,唔錯!同埋toilet好乾淨,每人

三年前去台灣老店食蟹粉小籠包，真是回味無窮。一個月前再去，就覺得很普通。當時知道香港開分店，梗係搵機會黎啦！再叫蟹粉小籠包，都係冇第一次食的夢幻感覺，有啲腥。但係紅燒牛肉面十分好吃，我覺得好似好吃過台灣添！元盅雞湯很好，蝦肉燒買有肉汁，好味！不過擔擔面就詠黎園好食啲了。環境、服務如其他食家所言，very good！其實食飯除咗食物外，呢啲都好緊要呢！不過，貴咗少少，兩個人食上述5樣嘢，每人150元。

去過台北鼎泰豐三次,而家在香港開分店,無理由唔嚟朝聖,星期六晚,兩公婆大約七點十五分上到嚟,人山人海,好不容易攝入去攞位,張飛no.係A164,但當時只叫到A32,由於侍應姐姐很有禮貌地對我們說大約要等個半鐘,於是我們在附近行吓街先,大約八點十五分再回來的時候,赫然發覺只是叫到A83,心諗咁咪有排等,但突然想起應該可以搭檯喎,於是走埋去問吓有無得搭檯,侍應姐姐叫我們企係reception既後面另外排隊,果然等咗大約十五分鐘,仲係叫到A90幾的時候,我地兩個已有得走入去搭張六人檯,坐低時是八點三十分.這裡由於是台灣的分店,秉承台灣優良的制度,就是攞位的時候比定食品單給你點,給你方便快捷,仲有好幾本menu比你睇.是晚叫了以下:蟹粉小籠飽($60)六隻--我老公話唔夠台灣好味,但我已覺得非常正,皮簿汁多,蟹粉也不少,亦很鮮.蝦肉燒賣($58)六隻--幾大粒,有完隻蝦,蝦亦十分鮮味,但皮就比較厚,由於啲餀幾乎一齊上晒,食唔切燒賣,攤凍咗,啲皮就比較硬,就比較失敗.原盅牛湯($48)--牛展都有五至六塊,又大又淋又好味,湯很清,可惜醎了些少.擔擔麵($28)--非常好味,花生醬調得剛剛好,不油

I am very impressed by their reception and service throughout. All their waiters are very friendly and helpful, especially the ones from Taiwan. As for their food, dumpling is excellent and roast beef noodles here is on par with their Taipei restaurant. Definitely worth a try.

之前去台灣冇食到有點遺憾知道香港是直營店立即去試叫了5樣野:小籠包醉雞鮮蝦蒸餃擔擔面紅豆小包小籠包:是皮薄, 見到包裡面的肉汁, 好味(但一定要一上枱就食)醉雞:都OK, 但酒味不夠, 可以有進步鮮蝦蒸餃:不推介, 蝦肉不新鮮, 味道有點怪擔擔面:好味, 面條好咬口, 麻醬份內剛剛好紅豆小包:好特別, 紅豆加埋o的包的感覺好match服務態度, 不用說, 一流, 用這個價錢有這樣的服務, 在香港找不到一間

25號食完，28號又去，好在都覺得很好味。28號個日弟弟生日，帶埋父母一齊去，因為大家在台灣都常常去永康街個間，所以知道佢地心裡會有比較。好在早左去，六點幾唔需要等好耐就有位。今次弟弟同父母都亳不客氣，埋單我請，承惠$660。1. 醉雞(無酒味的醉雞)2. 麵根3. 蟹粉小籠飽x 3 (味道好好，忍不住地就食左三籠)4. 蝦仁麵5. 擔擔麵x 2 (一般，覺得無特別)6. 菜肉雲吞7. 酸辣湯(好味道，材料切得很幼細)8. 芥蘭9. 蒸菜肉餃(好味道)10. 油炸排骨11. 芋蓉小包子(似小籠飽，賣相得意，都幾好味)嘩，真係多到嚇親…佢地食得好快，可能每碟分量都不算多。除了醉雞和擔擔麵不會再被叫，我應該都會再去第三次的。服務生好貼心，好似知道我地會有問題問，佢會主動走埋黎答我地一個好搞鬼的問題：點解三籠蟹粉小籠飽都會多左一小塊粉團在旁邊？答案：因為在未蒸小籠飽時，分辨不到那一籠有蟹粉，所以放多一小塊粉團在旁邊去分辨。順道見識過他們的洗手間，好乾淨！

台灣永康街的鼎泰豐去過不少次，黃埔的一間就去過一次就怕怕。知道台灣鼎泰豐新店開張，今個星期(25號同埋28號)就光顧了兩次。25號那天，星期一七點左右人不算h (起碼比我想像中等得快)。一行四人叫了：1. 紅燒牛肉麵x 2 (湯濃、牛肉入味)2. 炒油麥菜、豆苗3. 油炸排骨4. 辣油小黃瓜(少少辣，好味)5. 小籠飽6. 糯肉燒賣(一般、食完一個有啲飽飽地，味道偏淡)7. 豆蓉糕(似千層糕)8. 豆沙糕(白色蒸糕+豆沙餡)埋單要$450...地方都乾淨，不太擠迫。服務生親切，不過可能要趕轉檯，唔好可坐得太耐慢慢食，有個朋友遲到，服務生分別問左4至5次齊人未，收得碟未？

曾幾何時，每次到台北，都必到鼎泰豐嘗嘗新鮮小籠包的滋味，直至近年少了過台灣公幹，祇好到華記永昌號買急凍的鼎泰豐小籠包回家解嚵，而紅磡那間掛名「鼎泰豐」在食物質素及禮貌上實在不敢恭維。直至近日在雜誌上得悉鼎泰豐在新港中心正式啟業，而且標榜為台北直營店，急不及待來嘗鮮，以鼎泰豐的號召力，個多小時的等待總不能避免（不設訂檯服務），難得侍應生面對眾多客人仍不失禮數，看來從雜誌上所說大部工作人員均來自台北的資深店員所言不差，在等待期間，侍應生會先給予客人一張預選餐單及大概所需等待時間（餐單上另有一欄「國藉」予客人填寫，方便店方派遣懂得不同語言的侍應生服務跟進，就本人所見店員均懂得日語及英語解釋菜式，免郤客人言語不通的不便），待客人入座時另一位侍應生已在廚房同時入單準備好食物，所以在就坐後很快已奉上所點選食物，效率令人非常滿意，小籠包跟蟹粉小籠包品質及味道亦跟台灣相若，不知道材料是從本地購入還是台灣進口？雞湯方面並非跟台灣一樣選用台灣土雞燉製，而改用本地鮮雞，味道稍遜之餘亦有加味精提味，反而酸辣湯做得跟台灣的一樣好，酸辣鮮三味俱備，比香港大部份的上海館更好，擔擔麵精緻小巧，花生醬味道濃郁，兩三口已

同朋友行完街諗唔到食咩突然諗起新開左依間野服務態度好好小籠包又好食不過始終都唔及上次係台灣食果次咁好味可能果次個心情唔同d啦haahaahaaa不過都ok呀香港依間遲d都會帶埋屋企人黎食=]