鼎泰豐

营业中

休息中

看到好評如潮, 所以星期日(24-FEB-2008) 帶女友來試一下。我們7PM 點到, 拿到133號票,但枱號只叫到67...看完花燈,看完香江會演,回去都8:40 PM, 枱號才叫到112。要等到9點才有得食, 但是都值得的。蟹粉小籠包- 皮薄,好香,好味道(9分要是肉汁再多D 就10分了)蝦仁蛋炒飯- 飯乾身,不太油,蝦仁鮮味,鹹味適中,好! (8分) 清炒豆苗- 好清,不油,吃到豆苗的清香(8分)蝦仁燒賣- 為外形好特別, 蝦仁香,有肉汁, 正! (8.5分) 菜肉蒸餃- 清清地吃到白菜和肉香, 我喜歡, 但女友說味道有點淡(可能是因為我們最後吃這道菜, 之前吃的都是味道濃的...)麵食賣光- 沒得試甜品- 沒得試侍應是我見過最好禮貌的,最親切的。會帶家人, 朋友再來。缺點: 不能訂枱, 太多人幫親, 要等很久 食物太好賣,可能想吃的會吃不到

開張至現時為止, 我已經幫襯了5次了,每次都有叫小籠包﹑蟹粉小籠包﹑酸辣湯﹑雞湯﹑担担面等, 全部都好好食, 不過每次都食唔到茘竽包, 每次都售罄, 唔通真係好好味?最欣賞d侍應, 特別是由台灣來的侍應, 真係好有禮, 笑容好親切。

早幾晚突然好想食小籠包，見到佢由本店從新掌舵，所以去會一會：１．　豆苗香干豆苗同五香豆腐干用麻油炒過，仲要琢到好似粉咁碎，刀章非常好，而且豆苗同五香豆腐干都好香好靚，我鍾意。２．　小籠包呢個．．．有些少失望，可能係太過雕琢同精細，的確係皮薄、肉靚，但係入面啖湯汁就比較「高雅」，即係太過清淡，唔夠豬皮豬膏嘅香濃，食落少咗一啖肉應有嘅震撼力．．．３．　油炸豬扒麵呢個．．．個湯底幾好，ｄ麵都唔錯，豬扒炸得都幾香，個炸漿亦都好鬆，豬扒亦都係揀手靚肉，個問題係，塊扒鞋咗ｄ，如果可以滑返ｄ就好啦．．．不過點講都好，佢都比唔少其他出名嘅小海菜館嘅出品好，而且好重要就係佢地ｄ服務員真係好好禮貌，同埋ｄ枱隔得都好開，可以坐得好舒服。P.S. 小事一則：個晚去到佢門口，又俾門口個兩位姐姐當係日本／韓國人，唔通我真係呀爸呀阿媽收養嘅？．．．

以前吃過紅磡的鼎泰豐,很差勁,已不復當年的水準. 得知尖沙咀開了新店,就決定再給它一次機會. 午飯時間到訪,裝潢和招待也不錯, 點了小籠包,擔擔面,小籠包有驚喜,皮很薄,一口吃完的size, 真正做到外熱內合吃的溫度,湯不會很燙,在香港能吃到這樣水準的小籠包算很難得了;擔擔面也不失色,湯底是糊了點,但花生味重,味道不錯,只是略賺不夠辣. 餐牌選擇少了點,但價錢尚算商宜.會再光顧

日期: 2月24日取飛時間: 7 點幾入座時間: 差唔多9 點未入座，門口姐姐已經話所有麵類賣晒，甜品未有供應。ok，都等0左咁耐，無理由而家走0架。入座。其實食物就真係好一般，都唔知點解咁多人?再者，menu 內的食物款式真係好少，加上我地去0個日無麵，可選擇0既野就更少。有乜理由麵都無0架?麵份之嘛，又唔係0的咩特別野。同埋食物份量真係好小好小，叫了一碟牛肚，0的牛肚薄到大風0的都吹得走，我就真係第一次見人將牛肚切到好似鮑片咁薄。之後叫了個菜肉包，都ok好食，想再叫多個，sorry賣晒，其實當時10點唔夠，我都唔明點解會咁多野都賣晒。真係好離普!!! 眼見其他的食客落order 好多野都無，真係唔知哩間咁0既野點做生意。個個都話哩間野好食，我就覺得有0的雷聲大雨點小。唯一一樣野要讚，就係服務非常好，非常有禮貌。p.s.: 服務員大多都是講國語的。

1)服務十分好，服務員在上菜前會給予意見，上菜後會介紹食物。台灣來的服務員令我好像置身台灣....2)食物都幾好，十分地道的小菜面食，點了牛肉面，它的湯很清甜，十分美味，其他如担担面、排骨炒飯亦不錯，只是炒飯略油了一點。小籠包皮亦算薄。甜品有的叫大包小包，荔芋那個竟然售罄，想必是很好賣吧?!3)環境都ok，洗手間的洗手盤會漸漸有冷水變成暖水，聽說女洗手間有感應器，會放出流水聲云云。很喜歡那個大金魚缸，上百條的金魚很有氣派。有條金魚很趣怪，牠懂得反肚裝死，被其他魚一碰又會繼續游，然後又再反肚裝死。

早了一步到達，不用等位，但要搭枱，坐得頗寬敞，用餐完畢，施施然步出，嘩，不得了！人山人海，極其＂虛冚＂！值得一讚是我們在內用餐時絲毫不覺外面的人潮沸沸騰騰，並無趕客的跡象。叫了蟹粉小籠包，原盅雞湯，蛋炒飯，香蔥拌麵；大致上食味真的與台北店無異，只是價錢真的貴了一截，不過選擇亦多了。小籠包和湯，水準之作；蛋炒飯，一直是心頭好，曾有食家說過要看此店是否有功力，蛋炒飯是最見真功夫的。此店的蛋炒飯，粒粒分明，用的應該是台灣米，煙韌有嚼勁，不油膩，很香。香蔥拌麵我沒有在台灣吃過，反而在香港一試，讚！很香，很有台灣乾麵拌麵那種鹹香帶甜的滋味，可惜份量略少，吃罷真想多吃一碗。

對上一次食鼎泰豐，已經係四年前響台灣永康店食，當年美味既蟹粉小籠包至今仍係我懷念之最，得知尖沙咀開了其直屬分店，第一時間同阿媽去試食... 直屬分店，有一半侍應都係講國語的，六點半去到，人多得很，但見派飛安排都幾混亂，因應人數不同分成ABCD，但我拿到的，竟是無英文編號，原來要等約六十分鐘，而號碼飛仔係排ABCD之後. 於是等了廿分鐘，問下個企響門口既四眼妹侍應幾時有位，佢問介唔介意搭臺? 唔介意!!! 於是即刻有位(八人臺分四組客) ^_^ 雖然係搭臺，環境都唔算迫，幾舒服. 剛剛有一組係外國客，見到侍應即送上英文menu 同刀叉，服務相當好~ 抵讚! 點了蟹粉小籠包$60/ 6只(台灣一樣價錢是十只)、蝦仁蒸餃$48/ 6只(台灣高記同樣價錢是十只)、油炸排骨麵$45，另要加每位五蚊茶錢、加一，價錢是正常地比台灣貴了一點~ 味道方面呢... 蟹粉小籠包味道同台灣差不多，輕咬一下，飲了包內的汁，鮮味非常!蝦仁蒸餃方面，以蒸餃水準來說，相當不錯，餃子入面超多汁，但台灣的蝦仁會比較大粒~油炸排骨麵，即係炸豬排，幾香口同鬆化，麵條亦頗有水準!鼎泰豐，相信我會狂encore XD

7:00pm兩個人去到,想唔駛等唯有搭吓枱啦! 冇問題, 反正想再下一城去happy hour, 直入.見到個窄窄既魚缸, 養左成缸獅子頭....感覺其實麻麻, 再見到廚房內d師傅...唉!生活迫人,大家都辛苦啦.叫左醉雞,蟹粉小籠包, 烤夫,擔擔麵,清炒油墨菜, 菜肉蒸餃.醉雞- 滑,不過冇酒味, 又冇咩雞味.蟹粉小籠包- 好神奇,落單2分鐘都冇就可以上枱,可想而知廚房係不停蒸等order既,蟹粉都幾香,汁少(比台灣個間),最幣係唔太熱,我情願淥咀呀!烤夫- 好味,唔會太甜,有"趙"頭.擔擔麵+ 清炒油墨菜- 一般菜肉蒸餃- 全晚最好味, 包得好靚, 好實淨, 平淡中見真章.禮貌招呼做得好, 搭枱都食得愉快!食左個鐘,行到去飲野地方個門口, 竟然有少少餓.

新開張, 裝修幾靚, 坐得幾舒服. 而且服務都好好, 個個侍應都殷勤有禮, 上菜時, 仲會耐心講解各調味料食法. 落單係好似劃點心紙咁, 清晰方便. 所有食物份量都偏細, 可以叫多幾款食, 都唔會怕多得滯.小籠包- 好味呀! 新鮮肉香, 即叫即蒸, 皮薄湯汁多, 跟住侍應說法, 三份醋一份豉油, 小籠包食落更加有鮮味.菜肉餛飩- 多菜少肉, good.擔擔麵- 偏辣, 無湯, 用醬汁拌食, 好夠味. 拉麵都唔錯.牛肉湯- 好香濃牛味, 而且牛肉夠淋.豆沙包(大) - 雖然係"大"包, 一籠得一個, 要$15, 上時比menu張相似乎細好多, 又或者menu張相zoom得太近... 不過豆沙餡都好足.清炒豆苗- 炒得幾好, 幾清, 少少油.美中不足係未有甜品供應, 下次再, 可以試埋d甜品同埋糕點!

朋友介紹鼎泰豐話食上海野好正，世界唔小地方都有分店，香港好似得返尖沙咀呢間，下午茶時間黎到，人唔算多，環境可以話相當好，跟住又係要填紙仔，一睇其實呢度d野都幾貴，要o左小籠包，六隻要四十二蚊，跟住要多個酸辣湯要三十二蚊，個湯好快黎，份量幾多料都多，味道真係相當之唔錯，小籠包賣相靚而且又真係好好食，好多汁，單計味道真係好滿意，不過雖然話一分錢一分貨，但我都覺得真係太貴姐，埋單連茶芥同埋加一要成八十六個九，下午茶炸大佬..... 仲有服務方面我覺得好怪，要d客食食下既時候比o左錢先.....

之前係台灣食過一次鼎泰豐, 覺得好好味, 於是琴日同男朋友去試下, 去到好多人等緊位, 我地仲諗住有排等, 點知大約等左30分鐘就有位, 都ok啦~我地叫左醉鷄, 好好味不過好少! 擔擔麵都好好味不過都係好少! 仲有炸排骨, 唔好味, 好似我屋企炸豬扖一樣, 當然唔少得小籠包啦!其實我地叫左唔係好多野食而且我地都唔係好飽, 但埋單都二百幾, 好似貴左d!

新開張之鼎泰豐，趁友人生日來這裡請食飯。甫到店外便有很多人在輪候，因為此店不設訂位。不過服務員很友善，「空運」的服務員用普通話跟我們有禮地說話，解釋要差不多齊人才可入座，還給我們菜單先考慮點什麼菜，間中會有其他服務員走過來問我們想好吃什麼沒有，還會介紹菜式。我們等大檯，等了一會兒便可進去，因為裡面的確幾大，裝修親和，桌子間之空間亦足，給人很舒服的感覺。加上服務員殷勤招呼，我們當晚也不經不覺坐了很久。我們點了很多食物，蟹粉小籠包﹑小籠包﹑菜肉蒸餃﹑擔擔麵﹑菜肉餛飩麵﹑蝦仁肉絲蛋炒飯﹑酸辣湯﹑元盅雞湯﹑菜。對我而言每款食物都不是一試難忘，可能跟其他不是太差的上海/台灣菜館吃到的差不多，不過總覺得食物不是求其之作。當中小籠包皮較厚湯汁不算多，不過我們都再再加碼。擔擔麵的味道純正，把醬攪拌後雖不是很濃味，不過味道和麵條卻配合得剛好，吃起來就是想再吃。其他食物也是中規中矩，不是難吃也不是很好吃。服務正如其他食家所言，的確不錯。朋友說普通話讓服務員聽不懂，把她「嚇退」的確很有趣。當然所謂「嚇退」只是她叫別人來幫她。地方亦好乾淨，即使是洗手間，大概還是很新的緣故吧。埋單800大元，不算太貴。總結而言

以前食過黃埔個間,簡直垃圾,現在新開尖沙咀,簡直一流,未講食物,環境已經吸引,員工招呼十分有禮,連你去洗手間都幫你推門,食物方面可以話"返晒嚟呀,有台灣9成相似,味道一流,講下個壺茶加水多次都咁有茶味及茶香,可能佢加水時已經加了新茶葉,而我唔知道.妤開心,好味道,好舒服食一餐飯.買單比小費都多D!!

一點九先食，當然唔駛等位直入，兩個人仲被安排坐6人大檯呢!闊落得很!叫左排骨湯面，原以為分開上，典知排骨放在面上，整肥晒我d面同個湯..不過味道是okay的!叫左炸醬面，好味但一定唔夠飽!仲有一個小籠包，一般水準，其他地方都食到lor.反而菜肉餃我很喜歡，不油不脷，好味道!但服務是稱心滿意的，特別係女洗手間當值嬸嬸，令你有賓至如歸的感覺!總括，感覺悠閒潔淨舒適，食物平凡少貴好味。