鼎泰豐

营业中

休息中

以台灣響噹噹的品牌來說, 簡直令人失望服務十分好, 但是食物質量就沒有什麼驚喜小籠包皮薄有湯, 但肉餡少得可憐不是不好食,只是以這價錢, 應該要更好味以現在的質量, 價錢打個七折就較合理

3 of us went couple of weeks ago, during week days at 6:55 pm, and was able to share a round table for 10/12 with another 3 groups, after stand-waiting for over an hour. One friend came from Sydney, and wished to compare the Din Tai Fung there.We tried the 2 types of xiaolungbao, both got no soup inside as the standard should be. The one with crab eggs are more expensive but smelly, and the one without got no fresh meat taste; both material and cooking were poor.Other food ordered were:Red b

這間全城等位等到爆既台灣食店 真的令人回味好彩既我去過二次都唔駛點等位 因為想食又唔想等到儍仔就要避過啲主餐時間我多數三點幾去都唔駛點等 它的小籠包的確幾駕勢 皮薄得來唔易爛每次都可以完整成個小籠包放哂入口 成個飽滿載肉汁 但不要一上枱就等唔切放入口啊 不然苦了舌頭啊悄為等一分鐘就啱啱好嗱 今次試咗菜肉餃 它的皮比小籠飽厚但內饀想像不到的那裡香 那裡來的菜啊, 一咬開隻餃清新菜香便湧出來呢度既麵也很不錯 尤其那個担担麵(唔辣個隻) 十分香滑還有honey見到就流哂口水既排骨呀! 真係好香酥呢!冷盤方面:試過粉皮和”較”夫都好好味，　新鮮香滑，味道得宜　甜品當中最愛赤豆鬆糕那煙煙實實既糕很好味　不過實在貴呢，成個外賣居然要＄２ｘｘ　比一個普通ｓｉｚｅ蛋糕還要貴呢　！堂食一份二件$36 (雖細件,但飽肚)雖肉赤, 不過實在太愛, 不得不食 但是今次試既小小紅豆包就真是麻麻地若不是超級紅荳擁愛者, 或好甜fans 這一個真的令人吃不消 可能我地二人要哽六個難頂吧 用上小籠包皮包著成團紅豆蓉蒸出來的小小紅豆包啊太甜了 ! 不得不讚呢度既服務生啊禮貌週週 真的是很多食肆既榜樣啊

約了在尖咀工作的友人午膳, 想不到午飯時間很快就有位, 想試不妨選這個時間去...點了菜肉雲吞湯麵, 小籠包, 油豆腐粉絲湯和白菜麵有點硬, 雲吞只是暖暖的, 湯和在坊間的上海舖吃的差不多小籠包算得上皮薄, 但又係唔夠熱...!!! 個人覺得金滿庭的更好而且價錢頗貴......不過都要一讚環境舒適, 服務員招呼亦很好下次要食上海菜...我寧願去金滿庭

在新港行街shopping，同媽咪一齊買一齊出血，買完都係搵個地方tea小籠包，六隻，湯汁冇咩味精，而且幾好飲，皮都算簿，不過可能唔係即刻食，一夾起皮就穿，漏哂湯汁，紅油抄手，汁好香，吃落不算太辛辣，有少少garlic味，蝦的size適中，不是一味的大隻，整碟吃上來的口感好好，抵讚擔擔麵，媽吃這個說不錯，麻醬味香，麵幼身亦彈牙由於只是tea，沒有點太多，不過三樣的水準都相當高，在香港都幾難搵到咁上下水準既地方食上海菜

在星期六我們第一次食, 不過比預其中不用等太久,可能是已過了中午飯時間1.小籠包 –真係皮好薄，但薄得黎係夾起唔會穿, 真係好鬼正, 好好味2.紅油抄手 –份量雖然不大, 但非常香都好味3.擔擔麵 –不過份量比較少, 味道一般4.蝦仁燒賣 - 味道一般5.滑蛋蝦仁炒飯 - 份量比較少, 同其他飯店都差不多水準6. 酸辣湯 - 似街邊d碗仔翅, 不太好味, 其他上海比較好味7. 炒通菜 - 都ok8. 蟹粉小籠包 - 好味有好濃的蟹粉味不過價錢比較貴少少,但服務態度好都值得

我最愛湊熱鬧了，人龍店我也要排一排隊才安樂。不過這一等就等了一個多小時，好在之前吃了點東西。我沒吃過台灣的，無法比較。不過就拿這次來說，也是一頓有水準的晚餐﹗小籠包︰端上來時熱騰騰，好吸引呢﹗皮很薄，卻不會一夾便穿，因此我們可以把湯汁一滴不漏地喝完。湯汁蠻鮮的，豬肉不會太多，蘸上醋後變得更好吃。擔擔麵︰看起來其貌不揚，原來最好吃的卻是它﹗看醬汁的顏色好像不辣，吃起來時有濃郁的花生香味，慢慢地滲出一陣陣的辣味，好過癮呢。菜肉雲吞︰雲吞皮很薄很滑，菜的份量比肉多，我蠻喜歡這種比例的，感覺上比較健康又清新。湯也是清清的，很配合。服務當然好，是香港很多餐廳都沒有的，很有令人賓至如歸的感覺，價格也許就貴在這裡吧。

第一次食,六點就黎拎位先,點知已經人山人海,要等20張,於是在附近逛逛,大概半個多小時就到,尚算快。位置都算舒服,SERVICE不錯,服務殷勤,叫左五樣野食,一次過上,有點應接不暇。1. 原味小籠包: 當然要食左小籠包先,皮好薄,不太熱,可馬上食,好味2. 紅油抄手: 份量雖然不大,有點辣,但非常香,好好味3. 紅燒牛肉麵: 個湯好好味,牛肉好入味,正4. 排骨麵: 豬排好得意,一粒粒,幾好味5. 水晶肴肉: 稍咸,一般

今晚有人特登早d去等位，真係開心!  去到坐近門口走廊的位，但都ok。叫左：1: 小籠包 –真係皮好薄，但薄得黎係夾起唔會穿，唔似得「xx拉麵小籠包」，成日勁小心，死驚佢穿咁! 鼎泰豐小籠包的湯雖然味道唔會話好濃，但最緊要唔係好似某間上海野咁用味精湯嘛! 2: 紅油抄手 – 真係好鬼正，一拎埋黎以經好香，原來係佢個汁。個汁甜甜地，又辣辣地，有少少蒜蓉味。至於個餡呢，隻蝦都算幾大隻。總然之就正啦!3: 擔擔麵 – 初頭擔心咁少汁，會唔會唔夠味。但原來佢d麻醬超香。我好鍾意佢的麵，因為幼得黎好彈牙，好好味!!4: 膠原水晶淆肉 – 呢個又係誠意之作。其他餐廳的淆肉味唔多，但鼎泰豐做得好好，個湯膠原(即好似jelly咁)味好濃，即係諗個湯一定好正。5: 蔥油拌麵 -- 呢個唔好，我地覺得佢好滯，又好多油咁。都係擔擔麵好。6: 干扁四季豆 – 份量好細呀，又唔特別。我嫌佢d豆好淋，好似落左好多油咁!我未去過台灣個間，無得比較。但以香港黎講，我覺得呢度已經好好，讚!!。我唔會再去「xx拉麵小籠包」架啦，個度食完勁口渴。

同嫲嫲試食小籠包唔知點解d4人臺好full… 2人臺幾乎可以唔洗等就有位… 我地足足等左成個鐘先有位… 係未有位之前都落左order食咩… 所以d菜好快就黎1.前菜: 醉雞 (好味呀… 有雞味) 2.前菜:醺魚 (勁多骨… 個樣同出面個d好唔同… 佢係一條魚上, 個味好一般)3.蟹粉小籠包 (幾好味, 個皮又薄)4.紅燒牛肉湯麵 ( d牛腩同牛筋都好好味, 好lum… 不過個湯真係有d油… 至於個麵係個d上海麵既texture…)5. 蝦仁燒賣 ( 個賣相好靚...同晒最欣賞佢係個燒賣入面你有湯汁)6.滑蛋蝦仁炒飯 (d飯一粒粒… 以炒飯黎講...佢係炒得好靚… 不過好明顯知道佢落左都幾多油) 7.赤豆鬆糕 ( d豆沙唔係好甜… 一個個outlook 好傳統既糕點) 我係台灣同上海都試過... 三個國家都有一定水準

聞名已久，終於有機會一試。由於怕等位，所以尋日未夠6:00就到，門口開始有人潮，不過好快就有位。第一輪叫o左個小食(肉絲xx咁，太太叫的)，小籠包同炸醬麵。小食好惹味，麻油味十足。小籠包真係皮薄，湯汁幾甜，餡料唔算太多。其實咁樣反而好，因為好似好多舊式上海飯店，足料到過晒籠，整到o的小籠包實的的，剩係食到成口肉。炸醬麵冇乜祈望，但原來都幾香口，味道亦唔會太咸，麵仲好彈牙，真係意外收穫。由於三個都幾好味，於是叫o左第二輪，小籠包再嚟，牛肉麵，油豆腐粉絲湯，再加埋素餃。牛肉麵好深色，但原來o的湯冇乜味，但就好勁牛(羶)味，肉質唔錯又夠淋，不過麵就唔掂，質地偏硬，而且未淥開晒。失色之作！素餃真係好素，仲素到冇味道，加辣椒油先好o的，死未！油豆腐粉絲湯冇特色，勝在唔算油膩同算清甜。小籠包仍然好味，有次仲熱過上次，唔可以一口一個喇。我細佬好鐘意去翡翠食小籠包(我就好憎)，依家多個選擇。小籠包味道唔輸蝕，大家都要等到天光，但講到服務，呢度起碼叫做”有”！

2008年7月11日下午8:00 我6:30去到攞飛, 點知8:00先有得食, 真係好好好多人啊!食咗1) 小籠包 – 其實同翡翠質素差唔多, 無咩驚喜2) 燻魚 – 幾好食! 用o既係蚊型䱽魚, 同其他香港o既上海鋪唔同,3) 擔擔麵 –其實又係同翡翠質素差唔多, 我多唔覺特別好食值得一讚係服務同衛生都一流中的一流. 由等位時已經feel到, 姐姐好好笑容, 又有禮貌, 人手多. 女厠嬸嬸一有人用完馬桶就即時清潔後先比下一位用, 又會主動話比客人聽d紙巾響邊, 又好笑容. 到裡面d待應, 又係有禮貌, 識得讓比客人先過, 唔會同客人爭路, 又係好有禮貌. 人事管理一流, 抵讚!

有朋自遠方來, 當然要搵間好嘢啦, 1行3人叫左:-原味小籠包 – 好正, 必食荔蓉包 – 好正呀紅燒牛肉麵 – 個湯好香牛肉味, 啲牛肉又好味, ok醉雞 – 正, 啲酒味不會太濃蔥油拌麵 - ok紅油抄手 – ok豆沙小包 – 一般酸辣湯 – 唔好味 ...唔係叫左太多嘢食, 因為大家都唔係太肚餓, 大部份嘢食都keep到水準, 係酸辣湯唔得囉, 同埋 ... 真係要等好耐先有位, 不過, 都ok啦~~ 至少食得開心呀

上星期三食，已經係平日，我都唔明點解咁多人，我地3個人等左2個鐘我個朋友好想食先陪佢一齊等位我地叫左：蟹粉小籠包 <<~~ 唔好食原味小籠包 <<~ 正紅油抄手 << good水晶X肉 <<~~好味，夠特別牛肉麵 <<~~ 牛好"林"炸排骨飯 <<~ 排骨硬酸辣湯 <<~~ 似街邊d碗仔翅炒芥蘭 <~~ 好爽食左$5XX，唔算貴，本來想比個笑，但要等咁耐整體都OK，但唔敢再去，因為我真係好怕等位 ~.~

19 JUL 2008 星期六 6:10 p.m. 到逹睇完OPENRICE 的好評便在早一晩致電訂位，得知試業期間無得訂位，要憑籌入痤。我們5 人，6:10 到，已見人頭湧湧，終於等到7:20才入座，等了個几鐘。由於攞籌的同時服務員小姐已給我們派了點菜紙，所以一座下我已先點了4 碟頭盤、特色小籠包、蟹粉小籠包各一及5份酸辣湯。上菜很快，值得一讚的是服務沒有因人多而不週到。第1 round 被我們狂風落葉式的完成後，我們才開始評價食物：頭盤以烤夫最好味，蟹粉小籠包極好味，酸辣湯和我們平日食上海式的不同味道，但都好味。第2 round encore了蟹粉小籠包、菜肉餃、蝦肉餃各1 、牛肉面2 份、蔥油面、肉碎撈面及炒油麥菜。除非不吃牛，可選蔥油面( 因好好食)，否則牛肉面是必食。結賬時是8:20，等了個几鐘食了不足1 個鐘，但我們是很滿意的離開，至於真正的好味情度就自己去感受下啦。最好快D可接受訂位服務啦！