鼎泰豐

营业中

休息中

星期日下午2點幾要等15-20分鐘都有2人位, 仲規定人齊才可入座, 想由老公等位我自己去對面間I.T.行下先都唔敢, 門口D女服務員個個都用很溫柔的國語,左一句"里姣" 右一句"些些", 教死人啦. 環保不錯, 光猛又舒適, 但食品水準除小籠飽皮簿多汁之外, 就只是一般, 2個人點了 小籠飽 ; 排骨麵 ; 酸辣湯 ; 菜肉飽. 不知台灣人是否愛胡椒的辣而不愛用辣棣的辣呢, 酸辣湯的辣味是來自胡椒, 雖然是很多料, 但都是不合我口味, 而排骨又用上很多黑胡椒, 菜肉飽成$18一個跟在其他上海舖或街邊檔味道只是好d d咁多, 但就貴人地3倍以上. 總括 : 普通，但一試無妨, 及無下次.

上菜o既速度好快，叫完之後幾分鐘就有野食野食方面，冇野係特別好食，但都冇野係好難食我自己就幾鍾意個紅燒牛肉麵，但只係因為個人喜好不過有一樣野我係好唔鍾意就係唔知點解佢開到 d 冷氣鬼死咁凍d 小籠包同燒賣o係佢放低時即刻食，就幾好o既轉頭食第二粒o既時候，d 皮已經硬晒，仲腥腥地添其他o既食物都一樣凍得好快可能想 d 客食完快 d 走卦今次o既感覺都算 ok 啦起碼好過以前黃埔o個間好多不過如果要我排成個鐘先入到去咁我就覺得唔值得喇o里度有少少相同大家分享http://eat-together.blogspot.com/2008/07/din-tai-fung.html

呢一晚因為要去文化中心睇舞台劇所以就決定去鼎泰豐食野啦.... 都知道一定要排隊, 又是星期日, 所以就5:30PM到啦... 5:30 PM 好似好早, 但去到的時候已有大約10人在等候.... 跟住就越來越多人.... 我地一行6人都要等了1/2鍾啦... 我地叫了:　　3 x 小籠飽 &　1 x 蟹粉小籠飽... 兩款都好好味, 皮薄多汁... 特別係蟹粉小籠飽, 真係有好多蟹粉呀....　　醉雞。。　好香，酒味不會太濃。。。　　牛肚，　好入味。。　　　2 x 紅燒牛肉麵，　個湯好香牛肉味，　牛肉好柔軟，　Ｄ麵不會太林。。。 担担面，　好好味，辣度適中　　蔥油拌麵，　又係好味。。　因為好香，麵的質地真是很好。。　　排骨，　好入味。。　不會太乾　　豆沙小包，　呢個不太好，　因為用的是小籠飽皮，怪怪的。。值得一讃的是洗手間好清潔。。。　值得排隊等候

七點多到來, 門口人排長龍...嘩! 反正友人未收工, 又未試過吃香港鼎泰豐, 好啦! 死就死啦! 最終友人差不多八點到, 等到八點十五分先有枱. 算係咁啦....又想食小籠飽, 又未試過這裡的蟹粉小籠, 正猶疑之不決, 但諗到呢度的食物種類不多, 份量也少. 可能一陣會再多點甚麼, 就先擱置一般小籠飽, 先來一客蟹粉...嘩! 見到表面有少少黃色蟹粉, 正呀....咬落去, 有點鮮味...但友人卻覺得有點腥, 嘩, comment 皮差咁遠既?! 但我又唔覺得係好鮮甜個種, 叫有點蟹味咁囉. 再來係醉雞, 深呼吸一下, 酒味幾香喎. 雞都算嫰, 雞又唔肥, 我偷偷吃了兩皮雞皮呀, 因為真係一點都唔肥嘛... 肴肉隨後而來, 一見到三片大大片的, 嚇死我啦! 原來係有切成小長方形, 否則真不知從何入手? 呢個加咗少少醋, 味道和薰蹄勁似喎...係口感唔同咋喎...最後來到牛肉麵, 見到個湯, 以為會好濃味, 好似台灣食過個d. 但又唔係喎, 唔係無味, 但淡了一點, 似乎色水多d...牛肉一層一層的夾著牛肉和軟組織, 好好味呀! 軟部份比牛根又多點質感, un 一點, 好有口感. 唔

此店的小籠包早已響徹全港多時, 只是從沒機會在台品嘗, 不久之此店終登陸香港, 但知其不受預訂, 故從未光顧. 適逢與舊同事‘屎提分離’及‘叻剃’聚舊, 而她們也較愛食中菜, 故選此店! 她們先下班‘攞醜’, 我放工便立刻前往, 可惜因未齊人, 故不能入座, 其實只3欠1, 而the only 1亦正on his way啦, 幾分鐘啫• 唔好揸咁緊好嘛? 大家咪舒服d囉, 想係揾食啫! 況且又冇特價時段之分, 唔俾‘攞醜’, 小弟覺得有造勢之嫌, 此過江‘籠’擺明想嚟招雙龍侵港, 此雙龍為小籠及人龍也.由於分量的色, 嗰晚我哋都叫了不少嘢食:勳魚, 細細條, 原條上, 甜甜哋, 味道同出面其他的食店差不多, 不算突出干扁四季豆, 份量頗少, 論味道, 小弟嚴略不夠惹味, 差少少.有個菇同豆卜用蠔油煮的, 名小弟已忘記, 同樣毫不突出, 唔吸引醉雞, 交到功課, 雞算嫩滑, 但酒不夠香担担面,正宗既係應該冇湯, 撈面嚟既, 呢度做得相當唔錯, 辣度適中, 面爽, 好食!炸醬面, 亦都好味, 面底靚, 抵讚!小籠包, 話晒背上招牌既菜式, 果然掂! 皮薄但具彈性, 3個人冇個夾穿! 湯足,

上星期五晚,7月11號.約了移民美國多年不見的朋友,一共7人,到鼎泰豐聚會.因為我們多年前在黃埔花園的鼎泰豐吃過,印象深刻.算是慕名而來.先是打電話訂台,回答曰:不訂台.讓我們早點去.於是我們6點不到就到了,門口果然人頭湧湧,拿到了輪籌,站在門口等,一直等到7點,終於有台了.但是,我們到了4位,還有3位在路上.門口的小姐說按規定一定要人齊才行,於是又等.最後,7點半總算坐下了.我們點了鼎泰豐的招牌小籠包,面食,薰魚,粽子........結果大失所望.小籠包的水準與其他上海館子差不多.薰魚最差,用的是一條並不新鮮的小倉魚,味道不甜不鹹.粽子也大不如前.總之,整體水平比過去差了一大截.因為碟小,量少.我們雖然叫了許多菜.但似乎都沒有吃飽.7個人最後買單一千多元.非常奇怪的是我們離開時已經晚上9點多,門口仍然有許多人等位.

先要多謝食友 jj 關於呢度嚇人的人龍貼士, 今日約勁耐無見的朋友 S 食飯傾偈, 不容有失, 結果 6:00pm 已0係呢間長龍店坐低了 叫了幾款包點 (鹹/甜; 亦當然包括小籠包), 兩個麵及一個湯 share 食, 印象十分好:- 蔥油拌麵: 自多年前0係翡翠拉麵小籠包食過之後就愛上了蔥油拌麵, 呢度的則比翡翠更掂 -- 麵條十分彈牙, 配上蔥味好香又甜甜的醬汁, 勁正! 推介!- 清燉牛肉湯 (一盅): 有朋友曾經話呢個好正, 當然叫個試試. 湯的表層有少量「浮油」, 但賣相仍然好清, 味道十分鮮, 係稍嫌鹹了少少; 牛(月展)十分鬆軟, 清得0黎又好有肉的鮮香, 十分好食. 值得試試!- 小籠包 (鮮肉餡): 朋友話蟹粉餡麻麻, 於是叫了鮮肉餡的試試. 底部 d 皮又真係幾薄, 搞到 d 餡若隱若現的, 但同南翔的 (詳見 http://www.openrice.com/restaurant/commentdetail.htm?commentid=1904318) 同一問題, 頂部太多粉了, 食落好硬0下; 湯汁夠多但唔夠熱辣, 肉餡亦唔見得鮮味. 係令人

夜晚６點半左右黎到，已經要排隊喇。又係個句，如果好食的話，排黎都冇所謂。不過好彩都唔洗等好耐，而且等既時候就已經有張紙可以俾我地點菜。等我地都可以消磨下時間，入到去都好快有得食。　小籠包：皮薄又唔易穿，又有肉汁，好味！　紅油炒手：甜甜辣辣，入面隻蝦又鮮甜，好味！　排骨拉麵：麵質好好，而且排骨都好入味，好味！太肚餓，Ｄ野食一黎到都唔記得影相。Anyway，一定會再黎食過　

由台灣黎的老字號真係有一定的水準......13 / 7 去到該點晚飯......勁爆多人等左一個鐘..IF 唔係朋友生日我係唔會等甘耐食一餐的 .......COS ......太多人去的食店係保持唔到水準的..以下是我記得的部分食物..小籠包 - 真係皮薄...汁多.....但由於太旺場的關係...包包正左好多放係到..其實個表皮都有少少乾乾地..........蟹粉小籠包 - 原味比較好食.......蟹粉味遮曬的鮮肉味........不好烤伕 - 不太咸不太甜...做到剛剛好.....又唔會變左軟BAR BAR 甘..好食紅油抄手 - 超好食........蝦 AND 雞肉蛋炒飯. - 喜歡食飯的朋友一定要叫......食粒圓潤肥du du 是為極品.....建議叫蛋炒飯......cos ...只要三十元........其他要五十幾 不化算.......叫其他野食重好過啦..醉雞.......雞冇雞味又冇酒味 ........不試也可!!!排骨面 - 排骨太乾....不好吃 ..........(喜歡飯上海面的可以try try 上環的crystal jade la mian

尋日相約亨利先生去午膳, 我決定提議去試新港中心0既鼎泰豐, 這間係由台灣0既鼎泰豐直接來港開辦分店的, 而且食物0既品質係由總公司直接控制的, 所以一定要試下. 今次我主要0既目標係 ~ 小籠包!!! 1.特色小籠包 (6隻 $45) ~ 鼎泰豐的小籠包真係做得不錯, 果然冇令我失望, 皮簿餡靚, 肉質一流. 當待應姐姐攞到0黎0既時候, 跟我們細心說: 「一份豉油, 三份醋, 味道會更好」, 雖然我食落去冇乜特別, 不過佢0既細心值得欣賞. 價錢方面, 我就覺得比較貴0左少少. 2.菜肉蒸餃 (6隻 $42) ~ 這個蒸餃就真係麻麻地, 淡而冇味, 清到不得了, 本人不懂欣賞, 哈哈!!! 3.台式擔擔麵 ($30) ~ 這碗擔擔麵可能係因為台式0既關係, 所以唔知個醬定係個湯比較"結"同埋少, 所以我都有d食唔慣, 味道就普通啦!!! 4.排骨湯麵 ($45) ~ 排骨其實都幾好食, 不過麵底都係普通水準, 沒有特別大驚喜, 只是覺得價錢比較貴.整體評價：暫時只覺小籠包夠水準!!!

上個禮拜放工兩個人去食禮拜三，要等位呀，難為了等位的人了一有菜單，基本上都唔洗用腦就已經決定食咩了蟹粉小籠包鹵水牛展擔擔面炸醬面紅油抄手豆漿d野食黎得好快，我地先食緊第二塊牛展小籠包同面就到了梗係唔理3721即刻食包啦！一咬落去，個皮真係好薄，同埋唔易穿，呢點抵讚，而且啖湯都好鮮甜，因為有蟹粉，所以湯有一股海鮮的味道（我唔知大家會唔會覺得係腥，但個人黎講我覺得個味幾討好）個肉都幾好味不過最令我傾心始終係啖湯，如果可以再多d就好喇！之後再食擔擔面，我都覺得好好食係小辣的，加上香濃的芝麻醬，面條又彈牙有面粉香反而炸醬面就麻麻各種細碎配料係香辣惹味不過始終都係鍾意d面有d湯汁濕濕地紅油抄手都好好味個醬汁又甜又辣好香!!!雲吞入面d蝦都好好味!!!其實呢度ge食物同服務都係好有水準的，不過值唔值得等咁耐就真係見仁見智喇不過我知我一定會再黎的!!!

約左都冇見一排既朋友去尖咀開飯，朋友想食中餐同想坐得好D傾耐D計，就諗不如去鼎泰豐啦。去到新港，間間食肆都拍晒烏蠅咁，就係唯獨鼎泰豐人火鼎盛，只係6:40PM就排滿晒隊。好彩係平日，我地四個人只係要等七張檯，諗住應該都唔會好耐掛。一開始真係嗌得好快，快D寫定點菜紙準備開餐，好興奮呀...點知嗌到我地之前個冧把就停滯不前，最後等左40分鐘。依度既裝修真係好好，簡簡單單，有中式餐廳熱熱鬧鬧既親切感，但同時設計有少少現代，令人坐得好舒服。而且好光猛，給予人好乾淨既感覺。其實我之前來過一次食lunch，兩個人同隔離枱超超超近，唔係太鐘意今日見到二人枱仍然係好貼，不過我地四個人就有張好闊落好舒服既卡位，開心。服務員都非常有禮貌，不時為我地加水同收野，收野前一定問清楚要唔要，而且時刻都有笑容。我地前前後後叫左10樣野...小籠包上得好快，落左單唔夠2分鐘就駕到! 要襯熱食呀! 食既第一件真係超級之好食，熱辣辣，皮好薄但唔易穿，「必」出來既肉汁好鮮味! 食第二舊時已經凍左，即刻失色晒...最好就係食晒一籠先再叫另一籠!蟹粉小籠包好愛大閘蟹既我來之前一直係度祈禱希望有蟹粉，點知食落發覺原味仲好食! 蟹

星期日(13/07/2008)同老公係長洲返黎...係中環搭船過黎尖沙咀....因為夜晚係好時沙嗲訂了位~五點幾想食d野~ 老公話試試鼎泰豐話lee段時間應該唔洗等位~去到真係冇麥人...好快就安排我得入坐~ 我地只點了以下食物:小籠包($45)好多汁, 個皮包得好好~唔會穿!好好食! 好正!紅燒牛肉拉麵 ($55)個湯有d辣, 所以我食左好少...個麵身幾好食, 老公話食落似出前一丁湯底, 只係有少少辣... 牛肉我同老公都覺得麻麻地...唔係話好好食.....都ok ga價錢真係唔平......只係叫左兩個食物就已經要$100 加一加茶芥 $121 (下午茶黎講好貴lo)個茶芥就$5一位.....(淨係得lee個平....)服務方面真係好好....個個都好有禮貌

六人同行，慕名而來鼎泰豐。要了招牌小籠包、荔芋包、擔擔麵、炸醬麵、乾蔥拌麵、排骨麵、蝦仁炒飯、排骨炒飯，等等。小籠包有其特色，皮薄而精緻，涵靚而肉鮮，湯甜而不膩。高質素，每一隻皆有準，做出自己的味道，難怪它可成為過江龍。荔芋包建基於做皮的技術，芋蓉甜絲絲，有糖心之感，值得一試。擔擔麵麵條較幼，湯底甚有花生醬味，不辣，適合香港人。炸醬麵麵條也幼，可惜炸醬不夠辣，太過平凡。乾蔥拌麵最好，炒過的乾蔥很香，撈了點油很滑，應該叫多一碗。排骨麵留待排骨飯一拼而論。下次可以試牛肉麵。蝦仁炒飯炒得夠香，飯粒夠乾身，蛋絲夠嫩口，蝦仁是上等貨，爽口之餘有膏，黑腸已去，視覺、味覺皆一流。排骨炒飯也不錯，排骨即豬扒，少許南乳味，肉質鮮嫩，如果吃過太湖海鮮城的炸豬扒，就大概知道它的味道。去到鼎泰豐，你會發現好多侍應接待你，其中不少講國語的。他們還會提醒你快些吃小籠包，別忘記拌好麵條，務求令你獲得最佳享受，甚是細心。建議大家提早半小時去等位－晚飯最好六時半，鼎泰豐是不設訂位的。最好三五成群，不但可以試多些款式，而且有助減低平均價，那裡的價目也不算便宜的。

:台灣頂級食府。當然不會使大家失望，食物不會有太大驚喜，但好有水準，小籠包水準和台灣的沒兩樣。服務也很好。