點鍋

营业中

休息中

今日又約左朋友打邊爐，十下十下傾下傾下都幾開心！但大家一定都會有擔心衛生問題，今次揀呢間嘢食係電子落單，大家只要到步後戴住口罩去攞調味料同嘢飲就可以坐定定等食啦！嘢食有專人會送上！真係好方便同安全！今次揀咗最普通嘅湯底 豬骨濃湯，但真係好驚喜，個湯底一睇就知好用心，奶白色仲有好大舊豬骨，真係好足料，仲要連之後再加嘅湯都係一樣咁白咁濃😍真心讚👍🏻而且啲餸選擇真係好多，由海鮮、肉類、菜類同平時打邊爐都會有嘅，種類勁多，仲要有半份可以選擇，就算兩個人打邊爐都唔驚太大份食唔到其他嘢👍🏻，因為我哋真係得兩個人😂除咗牛肉其他全部都叫左半份，食到嘅種類就即刻多咗✌🏻試左好食可以再叫，又唔會浪費！間舖地方都幾大，仲好乾淨👍🏻

天氣炎熱，但又好想打邊爐，所以向旺角行行下街都搵間火鍋店食下先。今晚我地去左食一間叫點鍋既火鍋店，估吾到佢地都幾多客，但等一陣就入得👍🏻呢間火鍋店係任食任飲，所以吾駛擔心食吾飽😍火鍋湯底選擇都多，有喇沙海鮮湯，清酒卜卜蜆杏沐木瓜雞腳等等，好多特色湯底。而我地選擇左虫草花雞湯👍🏻湯入一面有好多雞件，非常香，打邊爐之前，我地飲左三碗先，暖下個胃，準備開餐😀餐店會送海鮮盤同埋牛肉，味道都吾錯，啲蜆重要好大隻嫁👏🏻我介紹啲特別野食先，炸午餐肉，金香可口，放湯10秒先食，一流👍🏻牛舌牛味非常濃，記得吾好放湯太長時間。他們的牛舌比肥牛更好味，爽口又吾韌😀肥牛雖然吾夠牛舌好味，但佢地啲肥牛雪花分布非常平均，吾會太肥，牛肉味都算ok，不錯選擇😉黃金炸魚皮，佢地都係即炸，味道比較淡，但我喜歡不太濃👍🏻放湯2秒，味道更好😂最後要介紹既，係響鈴同埋淮山，淮山佢地切到很簿，放湯一段短時間便可以食，非常好。響鈴都係，好脆口，一放湯就可以食。佢地個湯底好好飲，食物吸收埋湯，成個味吾同晒，味道提升👍🏻如果大家都有個咁好味既湯底打邊爐，食到咁好味既食材，快啲去點鍋試下啦😀

今晚是在這個抗疫中與朋友們的飯局。不知那間火鍋店有[良心］.有朋友提議這間良好良心的食店。店內環境衛生充足。安排位置都比較寛鬆。我們一行六人，枱與枱之間有好的距離。另到我們吃得放心。食物都有多樣化的選擇。電腦自助下單。試了過胡椒豬肚湯底。味道不錯。炸午餐肉好好味😋所有食物份量足夠⋯⋯不會太多或太少。反正可以再柯打多一次如果吃不夠。員工有禮貌。就算可能會有一些錯漏的時候，但店長都盡量安排得妥妥當當。👍👍⋯⋯GOOD!

放寬限聚到8人，即刻約朋友岀街食！最尾揀咗點鍋，地點方便，個場又大，最重要自己人開！提前有bk, 去到唔洗等，7點半度已經full 囇！鋪頭全部卡位，有囇partition, 枱同枱有距離，擔心都少啲！嘢食選擇都多，用pad嗌嘢，方便得嚟，大家都可以少啲講嘢！上到去真係太肚餓，一有嘢到就搶食，最尾發覺自己淨係影咗兩張相🤣，真失職！嘢食質素ok，對得住個價錢，豬牛雞都唔差，其他食材都多選擇，推介炸響鈴同炸魚皮，仲有自家製韭菜餃同蝦滑，墨魚滑，全部幾高質！最抵讚係醬料種類好多，任君選擇，絕對搵到你中意嘅！我哋今次就揀咗沙嗲湯同豬過湯，兩個都正正常常！總括嚟講，嘢食ok，服務又好，絕對值得一試！Btw, 發覺啲送餐嘅人應該大多數甚至全部都係聾啞人士，係另一個抵讚嘅位！大家畀多少少包容，用多啲body language 畀指示啦！

今日同屋企人出旺角行街街，夜晚就揀左一間任食嘅打邊爐，食餐飽！兆萬中心有咁多打邊爐，但媽媽唔太鍾意食刺身同生野，所以我地就挑選左呢間有八折優惠嘅齋火鍋餐廳。上到去座位好闊落，仲要店內有文宣，係黃色小店，更加要大大力懲罰佢啦！💛一坐低就可以揀左湯底先，有好多款湯，我地就揀左鴛鴦鍋：喇沙拼蟲草花雞湯！😋然後每枱都會送一份海鮮拼盤，同埋一份牛肩頸肉，正！之後其他食物就有部tab可以自己揀完落單，唔係剔紙好環保！👍🏻仲有好多選擇添，響鈴同炸魚皮都係自家制，魚皮仲有咸蛋黃味，推介呀！🥰其他野例如肥牛、黑豚肉、脆鯇腩、魚肚、餃、丸等等都好多選擇！特別推介黑松露蝦蟹餃子，好特別！飲品有唔同果汁、茶、汽水，自己去雪櫃自取，都係任飲，另外仲有竹蔗水添！甜品方面就有雪米糍，朱古力同綠茶紅豆味～食到好飽好滿足呀！😋

288 hkd (加1，加醬油費，7折)年輕人的食堂，食客average 30 歲入咗餐廳先揀好湯底， 再用notepad點菜， 幾乎乜嘢都有得點黎食， 而且餐廳非常細心，可以自選埋食物分量，一啲都唔會浪費食物， 九成食物都可以任點， 飲品喺雪櫃任拎，如果怕熱氣就可以揀竹蔗茅根水，餐廳食物上枱速度好快。七點入坐唔使十五分鐘已經開始，接近全場滿座，又開始我既食肉大計。醬油既種類好多，甜酸辣香乜都有，喜出望外既有麻辣醬！比較少見，仲意食既朋友放心，唔會好辣，但好過癮海鮮併盤(蜆、帶子、堅鮮蝦)(送) 推介！油麥菜肥牛、牛脷、鮮牛、牛頸脊(送)蝦滑墨魚滑黑松露蝦蟹餃芝士紫菜蝦蟹餃魚皮餃爆濃芝士丸，必食推介！滑牛肉，又係必食推介！生菜粟米豆腐都有5項或以上選擇以上食物都係非常新鮮，絕非放左好耐，keep fresh，仲有好多食物都想食，雖然係任食，但食到8成飽都夠啦，唔會辛苦自己。remark like!!見到員工間用手語溝通先發現原來餐廳良心老闆僱用求職困難的聾啞人，但員工會同正常人士望落係完全冇分別，而且工作勸快，不停幫助加湯，送餐，收碟，appreciated !

之前因為擔心而唔敢打邊爐，依家見疫情稍為緩和，就約咗朋友嚟到呢間地理位置非常方便嘅火鍋店。任食火鍋原價$288，依家任何時段都有八折，七點前埋單仲有七折添！店舖都幾寬敞，環境保持乾淨企理，門口已經放定消毒用品俾客人隨便使用，疫情下都做足功夫👍🏻一坐低店員就叫我哋揀定湯底，湯底都有好多選擇，仲可以另加$20轉做鴛鴦雙拼，而我哋最後揀咗鹹酸菜胡椒豬肚。湯底好足料，豬肚亦好入味。每張枱上都有一部平板電腦俾我哋點餐，選擇都幾多，除咗雞牛豬菜，仲有鹹蛋黃&避風塘&蒜蓉魚皮添！可惜冇烏冬同公仔麵。另送咗海鮮拼盤同頂級牛頸脊，海鮮拼盤入面有海蝦、蜆、龍躉魚片同帶子，食落鮮味十足，以咁嘅價錢嚟講真係好抵！總括而言上菜速度快，食物質素真心好，肥牛肥瘦適中，唔會太肥搞到成煲湯都太油，仲有得任飲飲品同竹蓆茅根，高質又抵食！

點鍋座落於旺角兆萬中心3樓，店面不算大，靠窗的位置是卡座，中間有一些散桌，位置尚算寬敞，不會覺得很擠迫。湯底選擇不算多，我和朋友點了鴛鴦鍋，要加$20 ，但選擇多一點。蟲草花雞湯底都算夠味，雞件很多， 很足料。麻辣湯底的辣少了點香氣，比較普通。還未點菜，職員送上海鮮拼盤。賣相很漂亮，蝦亦新鮮，蜆沒有沙，不過灼完後要很努力才能找回。帆立貝看得出是新鮮的，就算經湯底「污染」，都能吃到淡淡鮮味。贈送的牛肉很好吃，彈牙，肥瘦均勻，有肉味。避風塘魚皮都好食，魚皮好脆。

好耐無打binlo，所以約左朋友琴日去食任食火鍋。聽講呢間鋪頭d食材都幾新鮮，所以就黎左呢到。火鍋湯底有好多款，同埋都幾特別。我地叫左個蟲草花雞湯底。個湯好足料好多雞，好香，有蟲草花感覺好健康！佢用tablet落單，個版面好容易操作好方便，又環保。自助配料區方面，自己簡完配料記得kum返個蓋，衛生最緊要！呢個海鮮拼盤有蝦、帶子、魚同埋蜆。好新鮮！呢個牛脊肉好薄片，d雪花好均勻，我地放左落個鍋無耐就夾出黎食，肉質好鮮嫩，同埋一d都唔韌！正！我地叫左個鹹蛋魚皮，有微微既鹹蛋香，加上好爽口，無論用黎打binlo或者就咁食都好正！非常推薦呢兩款餃子，黑松露蝦蟹餃同埋芝士紫菜蝦蟹餃！出面好少食到呢個味道，黑松露味同紫菜既餡料都好多！

今日同朋友行經旺角兆萬中心，心郁郁想食下火鍋，於是我地就去左位於三樓嘅任食火鍋-點鍋鋪頭好乾淨，燈光都好明亮湯底種類都有好多俾你揀，我同朋友就揀左蟲草花雞湯底。蟲草花雞湯底一上黎已經聞到入邊好香嘅蟲草花香味，而且湯底亦都好足聞，雞都好滑好香，完全無冰鮮同埋唔新鮮嘅味道特別一提嘅係佢地有唔同味道嘅鮮蝦蛟，包括：黑松露鮮蝦蟹蛟、芝士紫菜鮮蝦蟹餃，皮薄內面嘅蝦蟹肉亦都係好彈牙、好爽口，食過番尋味附送嘅海鮮拼盤

兆萬商場呢度好多嘢食，不過質素就好參差，有幾間放題店都一般，不過呢間點鍋唔算開咗好耐但已經再嚟食第二次，因為質素都幾高價錢又唔貴。今次來好多嘢都執得更加靚，同整齊，更加知道呢一間火鍋店鞋跟良心企業，請咗一班是聽障人士，比佢哋有工作機會真係好欣賞老闆。火鍋湯底有好多款，我哋揀咗胡椒豬肚酸菜湯，豬肚同酸菜份量好多不過胡椒味可以再濃啲。火鍋配料方面，選擇都算幾多，而且有好多獨特嘅配料出面未見過，包括「黑松露蝦蟹餃」、「芝士紫菜蝦蟹餃」，「芝士蝦丸」、「芝士墨魚丸」，對芝士愛好者簡直係一大福利，好好味！另外仲有墨魚腸，切開一片片就唔使一次過食太多，墨魚味好濃郁，又彈牙，好正！響鈴本身已經好好味，加埋紫菜更好味。牛肉方面，肥瘦平均，入口都幾林唔錯。海鮮拼盤好高質，好新鮮。蜆無沙好清甜，龍躉好滑好林，蝦都係好新鮮👍🏻嘢飲方面除咗一般嘅汽水仲有竹蔗茅根，可以清下熱，唔會太甜幾好飲。

係兆萬行完街，就見到有得打邊爐，星期一至四仲有7折，大概200元仼食，就去咗試吓。湯底有14款，我試左豬骨濃湯，越煮越有味，真係好足料，有4,5嚿大豬骨！之後加湯不是加清水，所以吾會淡曬。肺炎下，職員主動幫我地用熱水高温消毒碗筷，好貼心！火鍋配料真係應有盡有⋯有幾樣真係特別推介，一定要試下。手打丸類：芝士墨魚丸自家制餃子:韮菜餃，黑松露蝦蟹餃肉類:牛，羊 (切得好薄，肥瘦均衡)自家油炸:金沙鹹蛋炸魚皮蔬菜好大籃，都好新鮮！菇類：雞脾菇，靈芝菇吾係間間有！飲品仲有多達15種比你揀！！好誇張！！甜品仲有糯米糍，有吾同口味。。如果有雪糕會更好！佢啲份量可以揀半份，份量比較少，大食嘅人就可以叫多啲，但小食嘅人就可以試多啲款式！餐廳環境都乾淨，播放英文歌，令人食得好輕鬆。上菜速度都快，好少漏單！如果每枱都提供濕紙巾，紙巾，會更完美！

見好多人說點鍋的用料很好，今天特意來試試。晚上六時正到達，店裏只有一桌有人，可見疫情的影響還未消退。餐廳衛生做得很足，店員會在顧客面前用熱水洗餐具，令人好感大增。點了湯底後，店員送上海鮮拼盤和牛肉。海鮮拼盤長得像刺身，但不能生吃。魚片和帶子感覺看上去不錯，但吃下去感覺普通，可能是不能灼太久。送的牛肉非常好吃，肥瘦均勻，有肉味，後來加點的肥牛不肥，口感很好，也有肉味，不過不及送的這碟好吃。點了紫菜響鈴，沒有油膉味，但味道一般。炸魚皮十分好吃，試了避風塘和鹹蛋黃魚皮。大力推薦鹹蛋魚皮，灼幾秒後仍然有鹹蛋味， 非常出色。串燒也不錯，我覺得肉質有點太軟，但朋友說很好吃，燒得剛剛好，比其他餐廳燒得又乾又硬的串燒好吃得多。醬料選擇多，味道濃郁，也很整齊，但醬料費有點貴，接近$20一個人，而且我們事先不知道。建議餐廳多放點告示通知顧客醬料要另外收費。總體來說味道挺好，店內也有雇用殘疾人士，感覺更好。唯一是醬料費應該說清楚。

嚟到兆萬中心，喺芸芸咁多間打邊爐任食嘅舖頭入邊，唔知大家去開嘅係邊間呢？今次嚟到點鍋，餐廳喺兆萬中心3樓，唔需要等lift，行扶手電梯就到，10分方便。入到餐廳，職員幫我量體溫，噴酒精消毒，俾人一種好安心嘅感覺。今次我哋揀咗沙嗲湯底，之後職員就俾咗海鮮拼盤同雪花肥牛我哋。海鮮拼盤入邊有帶子、鮮蝦、蜆同埋魚腩。最令人驚喜嘅係帶子居然有刺身級數，蜆都好鮮甜。牛肉都好有肉味，唔會有跟筋。咁打邊爐最緊要就係醬汁，點鍋提供大量醬汁比客人自行配搭，其中我覺得麻辣醬係最香嘅。比較可惜嘅係冇平時大家喺其他打邊爐店度見到嘅日式芝麻醬。至於其他配料方面，自家製紫菜響鈴都相當唔錯，紫菜應該都有炸過，食落脆卜卜。其他丸類多數入邊都有芝士，幾好食不過食得多會有啲滯。總的來說，點鍋都係一間相當唔錯嘅餐廳，做好衛生工作，服務態度亦好，加上味道唔錯，值得一試。

今晚跟朋友一起來打邊爐，太久沒見。店裡環境乾淨，吃得也算是安心。我們點了雞湯底和麻辣湯底，本人很喜歡吃啦，花椒味夠濃，非常惹味。這裡每人送兩串串燒，我選了蜜糖豬頸肉和蜜糖腸仔，燒得不錯。有些後悔沒有試辣味，朋友的川味牛肉燒得很香另外一個驚喜是鹹蛋炸魚皮，真的是新鮮炸起，加埋鹹蛋十分惹味蔬菜的種類也不少，麻辣燙加入鮮淮山，辣得很過癮啊。這裡的服務很好，店員都很有禮貌。因為網上訂座的關係，我們有七折，最後沒有大約兩百五十元左右。