點鍋

营业中

休息中

一直都覺得兆萬既放題 任食 好一般 所以都無咩意慾去食 但無意中俾我搵到呢間非一般既任食打邊爐 真係超驚喜 十個優點如下：1) 店員態度好 服務周到2) 飲品超過十款 好多種類3) 食物選擇多4) 唔只多 仲要好新鮮5) 湯底味道夠 而且唔會愈溝愈淡味6) 環境企理 乾淨7) 上菜好快 無漏單8) 醬料多選擇 (私心推麻辣醬 料勁足!)9) 黃店10) 有9個優點都仲可以有7折 抵！埋單二人都係500蚊左右 CP值超高既邊爐PS 一坐低會先送靚牛一碟及海鮮一盤海鮮有帶子 可惜手快快落左 無野相🙈

自從發生疫情後都無再打邊爐，想搵下企理乾淨既火鍋店先敢去，無意之中發現喺兆萬中心呢架火鍋店。當時疫情關係，每位$288仲有八折任飲任食，見幾抵又唔迫就去試！佢座位幾闊落，多四人枱卡位，食得好安心，唔洗同人迫。呢間用ipad落單，唔驚漏單，岀單都好快！每枱都有海鮮拼盤附送，有帶子，蝦，魚，同蜆，好處係所有食物都有得揀半份，呢點抵讚，岩哂少人又想食多款既人！食材都好新鮮，叫左啲肉，半份都好足料，絕對唔會偷工減料。都有好多新野食，有紫菜响鈴，其他火鍋店都無，菜類都有好多選擇，淮山蘆筍都有得揀，連墨魚滑都有，係咁encore！佢仲送三個串燒俾我地，我地要左九菜，雞肉串同腸，好有孜然味！又有邊爐又有串燒，呢間真係滿足到你要求！

呢間火鍋想試好耐...佢之前裝修黎唔到..知道佢整好..就即刻同朋友夾個靚時間黎lar鍋底選擇勁多..對有選擇困難症ge我黎講..要揀定..真係好有難度！最後決定！加錢要2個湯底..都係+$20蠱草花雞 麻辣  (唔會好辣..大家放心！)絕對唔係渣流tan！好足料！落單用tab..方便、環保落完單後，waiter哥哥放低個海鮮拼盤同靚牛...送架  如果要encore..呢d係要收費架好鮮甜兩個女仔..叫到成台野 好食得！任叫ge肉..豬牛羊雞都有！全部都唔會鞋！好食！特別要講下個牛利！ 樣唔靚但有驚喜！出奇地嫩呀 我有encore！滑牛又係好驚喜呀！完全唔鞋！黃金炸魚皮避風塘魚皮兩個都好新鮮！勁脆！ 個人口味我覺得黃金個個正d..因為..佢真係再用咸蛋黃落獲再炒過架勁邪惡勁香口！菜新鮮各式手打丸全部都好彈牙..一d都唔粉墨魚滑自己落..大粒細粒自己決定黑松露蝦蟹餃一入口..成陣黑松露味湧出黎..d蝦又彈牙滿足！最重要係皮唔厚..細細粒..食得幾粒試多幾款都得！芝士紫菜蝦蟹餃估唔到呢幾樣野..原來係夾ge！ 好食呢度醬料同飲品，都係自助架..要乜自己出去拎 呢餐真係好滿足！

自從出現邊爐家族之後 就無試過出街邊爐喇😔 今日好想打邊爐🍲 又唔夠時間預備 就揀左點鍋呢間任食火鍋店💛 試試!環境方面💁🏽‍♀️幾闊落 枱與枱之間都有一定既距離 又有板間開👍🏽 坐得幾舒服😌食物方面💁🏽‍♀️湯底選擇多大部份既口味都好特別👍🏽因為我本身就好鍾意蟲草花既口感 所以就當然係揀左蟲草花雞湯啦🤩湯底真材實料 除左有兩樣主角 仲有紅棗、乾淮山等等味道好濃郁 放食物之前一定飲番一兩碗啊!海鮮拼盤擺盤好靚啊🤩有大蝦、帶子、龍躉、蜆!食材都好新鮮~~講下推介既任食既食物啦~~魚皮有幾款口味 又大大碟🤩我地2個人食 (叫完一碟已經無機會再試第二隻口味哈哈哈)我地揀左金沙鹹蛋炸魚皮😋有鹹蛋黃粒 仲要見到蛋黃油 超真材實料 唔係用現成既粉hea撈啊!魚皮都超香脆!! 擺落湯浸耐少少都唔會變冧 放係枱差唔多兩粒鐘都依然咁脆! 必叫啊! 🌟點鍋都好滿足到餃子控! 🥟(上) 芝士紫菜蝦蟹餃(下) 黑松露蝦蟹餃兩款餃都撈左蝦同蟹肉 比平時食到既餃既質感嫩d又鮮味d!我覺得餃皮都特別d 比平時食到既雲吞皮厚少少 帶點煙韌感!蟹子墨魚滑有墨魚粒 又打得好彈牙!!肉類都好高質 連牛舌都有 薄薄一片 都好有牛

旺角兆萬中心一上三樓，就見到立住個火鍋牌響幾個吉鋪度；疫市下吉鋪林立，而這間火鍋店卻是香氣十足，響門口已聞到海鮮氣味！與友人入去一看，七點前仲要有七折優惠，真系超級抵！一坐下就有一盤免費海鮮拼盤連蝦及頂級牛項脊送上； 有全鍋同半鍋不同的湯底選擇； 看名字"杏汁木瓜雞腳"同"黑松露雜菌"都很吸引的樣子，但我們還是忍著口，選了更便宜的：蟲草花雞、鮮茄牛濃湯各半鍋野食方便我地用個PAD點餐，野食應有盡有：有芝士墨魚丸、黑毛豬腩片、金沙鹹蛋炸魚皮、芝士紫菜蝦蟹餃、黑松露蝦蟹餃、滑牛片、肥牛片、脆骨腩、牛脷、豬肚、等等一口氣點了以上食物，不久便有食物送上； 店員原來是聾啞人士，但是服務異常細心！把每一碗都小心放在旁邊的架上，當您清完一碟時她便立馬收起，又及時會加水，服務真系滿分！而裝潢方便，整個店都都有光亮的光環在不同的店面，令人有清新精神的感覺； 食後滿載而歸。下次再浦旺角時會再約友人吃！

位於旺角，近年黎真係開左好多任食既打邊爐，相比起其他區份，呢d打邊爐都做得出色好多，價錢又平，食物質素又高，呢間新開既點鍋，又打出一片新天地，打算再挑戰最高性價比旺角既食客真係有褔了。講下環境方面，始終新開黎講，都係比較乾淨衛生既，店舖既走線設計，都好科學化，橫直既走線，方便大家去拎野飲同野食，唔似得好多任食咁，逼到次次出去都要叫唔該謝謝。座位闊度都幾好，坐得幾舒服，張枱又唔會頂腳，對於高佬黎講，真係一大福音。食物方面，一開始就黎個雞煲先，d雞夠曬嫩口，有雞味，醬汁岩岩好。之後就叫左d蝦，d蝦都算新鮮，唔係死蝦黎，色水都幾好，有光澤。肥牛方面，牛味算重，切得雖然有d細條，但勝在可以任食補返數喇

趁著疫情逐漸趨於穩定下來，真係好想好想出去烚下烚下，雖然疫情期間，亦試過在家中打邊爐，不過始終得我同老公二人，可以食到既種類實在唔會太大，自己又要洗又要切，確實要做好多事前同事後功夫。點鍋已經係我第二次幫襯啦，佢地🈶️多款特色湯底可選擇，食物種類選擇亦都很多，加上每枱會送上一個海鮮盛拼盤及一碟安格斯肥牛，實在太豐富了！是晚，我地揀選左喇沙海鮮湯底，味道適中，鍋內還有蝦，青囗，蜆等海鮮食材可以夾黎食添😋呢到係自助落order架，我最鍾意架啦，可以慳紙慳人手之餘，又可以隨時睇返自己落左D咩野食，容易跟進睇下有冇漏單飲品自取，近門口位置每枱一盤海鮮盛Highly recommend- 咸蛋伴炸魚皮👍🏻👍🏻👍🏻

打邊爐真係一年四季都咁鍾意，好耐冇出街食飯，今日又要去過吓火鍋癮～我地加左$20叫左個鴛鴦湯底，係蕃茄同埋麻辣湯～ 鍾意食辣嘅我就梗係最鍾意食麻辣湯佢個湯底唔會好似啲化學味咁，反而有好多香料，夠晒過癮先來一個海鮮拼盤，原來係餐廳送嘅～ 有蝦、魚片、帶子同埋蜆，應該按人頭計而比～ 都幾新鮮 另外仲送左碟牛頸脊，好有牛味呀～好食又夠大份另外我哋重點左其他肉類，有黑毛豬腩片，羊肉同埋肥牛等等賣相都唔錯，好新鮮，如果可以厚啲就好啦配菜方面都有好多選擇，有手打丸，牛柏葉，蝦滑同埋各類蔬菜手打丸食得出真係手打，啲丸好彈牙當中我最鍾意食芝士墨魚丸有墨魚味珍妮芝士味又夠香～總括來講，真係幾抵食～ 嘢食嘢飲任食任拎，而且選擇又多，啱晒一大班朋友

朋友兩個月前食過推介比我，佢話任食火鍋黎講好正，但當晚得兩三枱客，武漢廢炎真係害人不淺，希望火鍋店可以捱得過。今晚終於黎食，竟然全場爆滿，好彩有訂位。任食火鍋原價$288，另加醬油費同加一，唔平架，好在星期一至四有7折，星期五至日都有8折，折後價都算合理d。湯底選擇都幾多，加$20叫左鴛鴦鍋。四川麻辣湯好多香料，唔會得個辣字，想有少少刺激但又唔太食得辣ge人建議拎走辣椒，因為會愈滾愈辣。蟲草花雞湯幾清甜，雞件都幾多，蟲草花好彈牙。全部湯都係真材實料落足同心機煲出黎，同現成湯包開出黎ge差好遠，飲完唔頸渴。部分員工係聽障人士，要用平板電腦落單，有得揀半份、全份或件數，幾方便，上菜快，冇漏單。除左任食款式之外，每枱會送一份海鮮拼盤同頂級牛頸肩肉，全部海鮮都好新鮮，蜆無沙，蝦、帶子同魚腩都好甜，頸肩肉牛味頗濃。肥牛唔會肥到白色多過紅色，牛味不錯，我覺得好食過牛頸肩肉。黑毛豬都幾正，無豬膻味，切得夠薄，入口即溶咁滯。叫左幾款即炸食物，上枱熱到滋滋聲，鹹蛋炸魚皮鋪滿鹹蛋黃勁惹味，響鈴加左紫菜唔會太單調，白烚午餐肉咪搞我，但炸過就唔同講法，浸一浸麻辣湯好好食。除左湯底係廚房即日煲之外，仲有幾款唔係

係旺角打邊爐有好多選擇但坐得舒服既就好少上網揾左陣，當晚即訂位有7折就去試下 一開始係門口見唔到有客門口角度望過去，完全見唔到有客，幾驚係伏入座後，發現有幾枱客係中間卡位角度問題睇唔到d人安排坐卡位，非常鬆動望下間店d裝修都幾好衛生方面，都唔錯員工成架消毒車推過黎，再抺一次張枱探熱，仲可提供口罩套(我地自備就無拎喇)有個公眾位拎醬料，都整整齊齊同乾淨每人都有d海鮮，都幾新鮮牛肉質素幾好整體所有野食都唔錯每人仲可免費食兩串寸燒最好味係鹹蛋炸魚皮一定要試係廚房出口位有個冰櫃有雪米糍打完邊爐食兩粒作完美句號

今日囡囡終于約我出來吃飯啦，因疫情關系，好耐無出來吃飯，今日囡囡就訂左旺角兆萬中心三樓點鍋吃火鍋放題，原來系黃店良心食店，一定要好好支持，店內衛生做到好足，我地見了都好放心盡情吃喝，侍應熱情有禮，原來湯底都有好多選擇而且豐富，我地要左個蟲草花雞鍋，湯鍋用料上乘，十分足料，我和囡囡一開始就各人飲了兩碗湯，真的好鮮甜👍🥰每枱送上海鮮拼盆樣樣超新鮮，有我喜愛的帶子、班腩、海蝦、黃蜆、還有頂級的牛脊肉，入口鮮嫩，牛味香濃，點左半份脆肉鯇超新鮮美味，結果嗌多半份😋😋還有超好味黃金咸蛋炸魚皮，咸香惹味，極酥脆特吃之選！👍🥰蔬菜類：嫩豆腐真的好嫩滑豆香，鮮菇生菜都系可以嗌半份，惜食惜食又可以㧥擇多樣化，今日火煱放題真系吃得放心又滿足滋味👍😋😋

黃店 💛 #點鍋 #旺角🟡 點鍋表明立場🟡 多次參與罷市🟡 店內張貼文宣家姐同媽咪成日話好耐冇打邊爐，今日就帶佢哋黎咗呢間喺 #兆萬 嘅 #任食邊爐 。 呢間點鍋入面好光鮮亮麗、空間好大，枱與枱之間有一定距離、仲有臨時嘅板隔開，疫情期間都食得好安心。🥘 鍋底呢度嘅鍋底種類非常多，而且好特別，例如有🍛香濃沙嗲、🥬芫茜皮蛋、老闆娘推薦嘅🌶四川麻辣、🍄黑松露雜菌、🎂要預訂嘅生日鍋等等⋯⋯我哋揀咗 🍜喇沙海鮮鍋 、 💐蟲草花雕 嘅鴛鴦鍋。我最鍾意喇沙湯底，味道好濃但唔會太鹹之餘，入面仲有好多海鮮，有蜆仔、青口、蝦。媽媽就鍾意蟲草花雕湯，佢話健康、養顏又滋潤喎😝🥓 贈送：牛肩頸肉率先上枱嘅係一碟好靚嘅牛肩頸肉，淥幾秒即食有入口即化嘅感覺，好味😋🦪 贈送： 海鮮拼盤海鮮拼盤有新鮮蝦、蜆、帶子、魚，好鮮甜💛📲 自行點菜呢度係用tablet點菜嘅，餐牌有十幾個分頁，包括🍗肉類、🦞海鮮類、🥟自家製餃類、🍡手打丸類等等，平均每頁都有十樣嘢揀，一定夠食！以下推介我自己私心鍾意嘅嘢☺️🍘 金沙鹹蛋炸魚皮呢個炸魚皮係我食過最好味嘅！佢有超香濃嘅鹹蛋味，唔浸湯食已經又脆又香口！浸咗喇沙湯都唔會蓋過咗陣鹹蛋味，一流啊

今日又約左朋友打邊爐，十下十下傾下傾下都幾開心！但大家一定都會有擔心衛生問題，今次揀呢間嘢食係電子落單，大家只要到步後戴住口罩去攞調味料同嘢飲就可以坐定定等食啦！嘢食有專人會送上！真係好方便同安全！今次揀咗最普通嘅湯底 豬骨濃湯，但真係好驚喜，個湯底一睇就知好用心，奶白色仲有好大舊豬骨，真係好足料，仲要連之後再加嘅湯都係一樣咁白咁濃😍真心讚👍🏻而且啲餸選擇真係好多，由海鮮、肉類、菜類同平時打邊爐都會有嘅，種類勁多，仲要有半份可以選擇，就算兩個人打邊爐都唔驚太大份食唔到其他嘢👍🏻，因為我哋真係得兩個人😂除咗牛肉其他全部都叫左半份，食到嘅種類就即刻多咗✌🏻試左好食可以再叫，又唔會浪費！間舖地方都幾大，仲好乾淨👍🏻

天氣炎熱，但又好想打邊爐，所以向旺角行行下街都搵間火鍋店食下先。今晚我地去左食一間叫點鍋既火鍋店，估吾到佢地都幾多客，但等一陣就入得👍🏻呢間火鍋店係任食任飲，所以吾駛擔心食吾飽😍火鍋湯底選擇都多，有喇沙海鮮湯，清酒卜卜蜆杏沐木瓜雞腳等等，好多特色湯底。而我地選擇左虫草花雞湯👍🏻湯入一面有好多雞件，非常香，打邊爐之前，我地飲左三碗先，暖下個胃，準備開餐😀餐店會送海鮮盤同埋牛肉，味道都吾錯，啲蜆重要好大隻嫁👏🏻我介紹啲特別野食先，炸午餐肉，金香可口，放湯10秒先食，一流👍🏻牛舌牛味非常濃，記得吾好放湯太長時間。他們的牛舌比肥牛更好味，爽口又吾韌😀肥牛雖然吾夠牛舌好味，但佢地啲肥牛雪花分布非常平均，吾會太肥，牛肉味都算ok，不錯選擇😉黃金炸魚皮，佢地都係即炸，味道比較淡，但我喜歡不太濃👍🏻放湯2秒，味道更好😂最後要介紹既，係響鈴同埋淮山，淮山佢地切到很簿，放湯一段短時間便可以食，非常好。響鈴都係，好脆口，一放湯就可以食。佢地個湯底好好飲，食物吸收埋湯，成個味吾同晒，味道提升👍🏻如果大家都有個咁好味既湯底打邊爐，食到咁好味既食材，快啲去點鍋試下啦😀

今晚是在這個抗疫中與朋友們的飯局。不知那間火鍋店有[良心］.有朋友提議這間良好良心的食店。店內環境衛生充足。安排位置都比較寛鬆。我們一行六人，枱與枱之間有好的距離。另到我們吃得放心。食物都有多樣化的選擇。電腦自助下單。試了過胡椒豬肚湯底。味道不錯。炸午餐肉好好味😋所有食物份量足夠⋯⋯不會太多或太少。反正可以再柯打多一次如果吃不夠。員工有禮貌。就算可能會有一些錯漏的時候，但店長都盡量安排得妥妥當當。👍👍⋯⋯GOOD!