點鍋

营业中

休息中

今餐真係食得好開心，餐廳防疾措施做得非常好，一入門口已經會幫客人消毒！！再加上員工真係好親切，又好nice，所以今餐真係好滿足！！！我一定會再黎多次呢！！醬料區亦好衛生！！除左員工好，其實食物都好有質素，打邊爐最緊要既當然係湯底同埋食材新鮮，依兩樣野佢都做得非常之好！！我地叫左個鴛鴦湯底，係四川麻辣湯底及鮮茄牛濃湯，兩樣都好濃，唔會淡味，食完又唔覺口乾，相信都係用真材實料去淆製的！！餐廳會送個海鮮拼盤，入面有蜆、帶子、有蝦、魚等，都好新鮮！仲會送頂級牛頸脊，正！店員話最近開始會贈送兩串串燒，我地叫左蜜糖牛肉同埋川味雞肉，燒得好香哦！！唔係流的！不過我就最欣賞佢d即炸小食，例如即製手工紫菜響鈴卷外軟內脆，正！炸魚皮又有好多款式，蒜蓉炸鮮魚皮、避風塘炸先魚皮、金沙鹹蛋炸魚皮！下次真係要試哂去！炸午餐肉，厚切，脆卜卜！！！另外，我地都叫左好多野食，滑牛片、梅菜豬肉丸、自家製餃，有黑松露蝦蟹餃及芝士紫菜蝦蟹餃，食到唔停口！！！仲有鮮蝦水餃、魚皮餃、韭菜餃、黑毛豬腩片、自家製丸類、蝦丸、芝士墨魚丸、芝士蝦丸！！！真係數都數唔哂！！最後仲食埋糯米糍先走，真係鮑到上心口！依個價錢有咁既質素，你話可以

今日同個朋友去咗旺角呢間火鍋店。湯底揀左豬骨濃湯，有3嚿大大嚿嘅豬骨，豬骨個啲肉好好食。個湯底有少少胡椒味，正呢碟海鮮係送嘅。有海蝦，帶子同埋蜆。啲帶子大大粒，好肥美脆鯇魚片，脆口彈牙呢碟都係送嘅，牛肉嗰個油脂比例好好黑毛豬，我平時好少食黑毛豬，但係今次食咗之後，俾我想像中好食肥牛，必食推介另外炸魚皮都係必食推介，香脆有口感整體嚟講呢度啲食物係屬於高質素。最近做緊8折優惠，所以非常抵食。7:00前會再平少少7折。

行經旺角，又見到7折火鍋，人少少就決定去試下啦！佢任何時段都有8折嫁原來！！一坐底，就有專人囉搓手液比你、幫你探熱。之後員工仲會用熱水幫你清洗碗筷，十分貼心🙏🏻🙏🏻任食火鍋黎講，飲品區同醬料區都齊全，仲有好多保護措施👍🏻湯底幾好多選擇，我地今次都叫左個鴛鴦湯底，一半麻辣、一半蕃茄牛肉湯。如果食得辣既朋友，員工會推介麻辣湯底，因為佢個湯底的確好香，入面又有大量芽菜、豆卜、豬肚等。令一邊嘅番茄湯底亦好夠蕃茄味，加上薯仔、牛肉，佢個湯底一d都唔馬虎！簡單講講，麻辣夠香，蕃茄夠甜，兩邊都各有千秋！剛下完單，員工就囉左一碟牛頸脊同埋一盤海鮮拼盤出我地，仲要係送嫁！！！牛頸脊夠薄好味，打邊爐基本上必備，今次要讚下佢個海鮮，蝦夠彈、蜆都夠新鮮。個人最鍾意係佢個元貝，十分鮮甜。今餐最最最驚喜既，其實係呢兩串麻辣豬頸肉同蜜糖雞肉串燒。兩份串燒都能夠保留肉汁，麻辣粉唔會太多，蜜糖同雞肉又好夾。個人黎講，佢個串燒比火鍋更吸引，可惜既係每人只送兩串，仲有大把野等著我食嫁！！有咁多送既高質配料，再加最近有額外折扣，其實除返開呢間既cp值真係爆燈！

由於疫情關係，出街食飯我都會好小心去揀。今次我去咗旺角兆萬的一間火鍋站，7點前埋單離座，成人都係$200到就可以食到任食火鍋，認真抵食！餐廳的防疫措施做得好足，除了探熱同客人均需消毒雙手外，更會係入座後係客人面前再次消毒枱面，更用熱水再洗洗餐具，見到呢啲措施，就可以安心開餐(⁎⁍̴̛ᴗ⁍̴̛⁎)飲品的選擇除了有盒/罐裝的果汁汽水茶，仲有自助式的竹蔗茅根。「混醬區」每款醬料都有蓋蓋好，衛生100分。每枱都會一份海鮮拼盤、頂級牛頸脊及即燒蜜糖串燒。海鮮拼盤有4款海鮮，蝦肉厚而且有鮮味；頂級牛頸脊食落牛肉味幾香，而且唔係我最怕怕的「過肥肉」。串燒有不過的款式可選，全部拍搽上甜蜜蜜的蜜糖，我推介大家試雞，燒得香口又保持到原有的嫩。大家都以平板落單，咁就唔怕好似交紙仔咁易漏單啦。我特別鍾意店內大部份的食材都有「半份」的選擇，最啱好似我呢個眼闊肚窄的大朋友。係咁多配料中，最令我Surprised係呢客即炸金沙鹹蛋炸魚皮！雖然佢的鹹蛋唔算好多，但魚片入口個唔只一般的脆，咬落去個下，佢脆得黎好鬆化，點埋我點的沙爹湯底，簡直係相得益樟！除了附送的牛頂級牛頸脊外，仲有多款不同的肉片可以揀。特別推介大家試佢的肥牛片

食物有水準，湯底足料，配料新鮮，唯店舖新未有人識，食物好味，在其他火鍋店較難找到，用膳其間自到老闆娘打手語，以為佢你聽障人士，了解後得知老闆為人有愛心，請了近半成的員工為聽障人士，她表示應該讓他們有工作的地方，他們雖然聽不到聲音，但心地善良而且勤奮有責任感，就算生意不好，他們主動提出減人手，人情味滿載，老闆亦表示一日有餐廳一日都要與員工共存亡，我心裡好感動😭餐廳食物質素高之餘，老闆有一顆善心，希望大家可以試試，可能會與我一樣，有不一樣的感動。

第一次食火鍋放題，食出禁濃嘅人情味佢哋嘅員工好貼心，好仔細咁同我介紹湯底、菜式，又會幫手清洗用具。每一台客會送時令海鮮同埋頂級牛頸肩肉，所有嘅海鮮都非常之新鮮、彈牙，唔洗點任何醬汁都已經好好食，而牛頸肩肉雪花均勻，肉味香濃。餐廳其他嘅菜品，都非常之有誠意同有特色，例如即叫即炸嘅鹹蛋黃炸魚皮同紫菜響鈴，上枱嘅時候仲熱辣辣。亦都有唔同特色嘅丸類或者餃子，例如芝士墨魚丸，芝士紫菜蝦蟹餃，都係餐廳自家製作，唔係度度都有。餐廳最近仲新推出左串燒，可以一次過試晒打邊爐同串燒嘅滋味。

港式火鍋任食大部分都係主打低質平價路線，要食高質就一係散叫但就會好貴，今次食點鍋就有驚喜佢任食每位$288要加醬油費同加一服務費，而家做緊8折優惠入座嘅時候有枱清潔用品可以用，俾每位客人徹底消毒後，安心入座食用湯底今次就揀左蟲草花雞湯，因為出面打邉爐比較少見到，就試下呢D特別湯底。呢到佢會提供部平板黎落ORDER，另外每枱都會送上海鮮拼盤 同頂級牛頸脊，同埋每位都有2串串燒可以食飲品就出面自己拎，大路嘅罐裝汽水紙包飲品都應有盡有調味吧就因為疫情關係，每款醬料都有用個蓋遮住，衛生D，咁食客都安心D蟲草花雞湯：湯底好清好滋潤，裡面有紅棗、蠱草花、雞件、芹菜、淮山等等，好足料呢到佢用個3層高嘅層架黎放食物，咁就唔駛放到成枱都係野食冇晒位，再唔夠位職員開多個架俾我地放食物海鮮拼盤：有魚片、帶子、蝦、蜆，用冰鎮住上，食材新鮮，食落鮮甜彈牙唔會霉，蜆冇沙頂級牛頸脊：油脂唔算多，分佈均勻，食落牛肉味幾濃郁，放落去淥一陣就食得金沙鹹蛋炸魚皮：呢個炸魚皮可以話係打邊爐咁耐食過最正嘅一次，佢D鹹蛋黃係好多，基本上全部都沾到夠濃味，而且魚皮新鮮炸出黎，勁脆身口感超好即炸手工紫菜嚮玲卷：打邊爐最中意食餐廳自家

點鍋，位於旺角兆萬中心三樓，在現時疫情情況下，餐廳有充足防疫措施，幫顧客量度體溫，消毒枱面，酒精搓手液等，與鄰座距離亦有1.5米，值得一讚。醬料區亦全部換上即棄餐具，在此疫情之下，保障顧客衛生安全極其重要。火鍋湯底選擇了清酒卜卜蜆湯底，有別於其他餐廳，點鍋用上大量清酒先炒熟卜卜蜆，食完卜卜蜆後才再加湯底，所以卜卜蜆味道非常清甜。海鮮拼盤有卜卜蜆，帶子，大蝦及魚，各種海鮮都極其新鮮，配上清酒卜卜蜆湯底，更加合適。餐廳食物選擇非常多，最近更推出了數款串燒供選擇，在火鍋同時亦可一嘗串燒味道。原本只是普通的水魷，但餐廳師傅用心的制作，為顧客花上了一點點的刀功。點鍋可算是旺角區內高質素的放題，食物新鮮，選擇繁多，值得推薦。

點鍋旺角西洋菜街任食火鍋🍲吃到妳撐到站不起來🤣明天都不用吃飯了🤣位置很好找，電梯上三樓，跟隨著心（指示牌）的指引，很容易就找到啦！.沒想到小小的商場裡面，餐廳竟然可以位置如此開闊，加上最近都少人，基本上一共三台客包了全場👍🍲落地玻璃，明亮燈光，輕快的背景音樂🎵讓你可以安靜地享受胡吃海喝的時光^_^.我們點了蟲草花雞湯底，鮮味十足，又不會太糙熱。醬料太的調料也很齊全，火鍋必備。特意點了很多新鮮蔬菜🥬感覺今晚把這個月的蔬菜都吃光光了。.沒想到吃火鍋還可以送串燒，每人免費兩串，也是超級到位的服務了。有蜜糖和川辣味的。烤牛肉串，特別香，肉質鮮嫩很入味。.餐廳不僅僅做火鍋，原來也可以直接來吃串燒喝啤酒🍺下次路過可以上來坐坐，擼串加上喝小酒，也是很有情調和生活質量的選擇。.餐廳擺盤很有心意，將蔬菜擺成了一個摩天輪🎡轉到哪個吃哪個～ 很多細節的地方，都可以看出老闆的用心。專心做美食，滿滿的都是愛❤️

<高質任食火鍋 炸魚皮必點 >🔥😍喺兆萬上面有唔少放題任食 但唔係間間都正 呢間點鍋 288 蚊位任食火鍋 材料新鮮 豬牛羊雞 湯底 小食都十分高質 用 ipad點餸夠哂方便 仲送海鮮拼盤同牛頸脊 以旺角區黎講都算抵食😍 非酒精飲品任飲 出面亦可自助調味料十分方便🍴蟲草花雞湯🐤蓮子 葱花 准山 紀子 令到湯底好香甜 雞肉落足料 雞湯味香濃🐤 食 d雞再飲 d湯 然後再打邊爐 正😍 打邊爐料送一次既牛頸脊 牛肉味香濃 肥瘦適中 咬落夠 juicy . 🐮海鮮既蜆肉新鮮 龍躉肉夠肥美 仲有鮮甜帶子 同海蝦 好味🦐 打邊爐既任食材料十分出色 肥牛 夠爽彈 肉質濃 🐮羊肉夠羊肉香味 口感夠厚身 啖啖肉🐑 另外 脆骨腩既魚肉好爽口 魚肉味夠鮮🐟仲有口感黏稠既花膠 鮮甜蟹柳 爽口薯粉 所有材料都十分出色 😆 🍴炸魚皮🔥🐟不得不讚同推介炸魚皮 蒜香 避風塘 同 咸蛋黃魚皮 都整得好正 重野係佢即炸仲要炸得勁香脆 落 d調味粉已無得輸 一定要食🥚#羊肉 #肥牛 #牛脊肉 #魚皮 #咸蛋皇 #蟹柳 #打邊爐 #放題 #任食 #魚片 #蟲草花 #雞湯Score 平均分 <8/10

估唔到兆萬商場有一間火鍋店，開初以為cafe。同朋友食過覺得食物種類多，而且新鮮好食，環境乾淨！最特別魚皮有幾款都好好食！我最意食咸蛋黃魚皮，出面少有，我encore 幾碟！

湯底：我地簡左蟲草花雞鍋+喇沙海鮮鍋雙併，喇沙海鮮鍋有驚喜，好香濃，配料滾完都好夠味，岩哂重口味嘅人，湯底仲有唔少海鮮，真材實料！滾到變左色嘅青口，口感唔會過熟，但又好入味，正！蟲草花雞鍋有好多藥材，但藥材味唔會太重，仲有淡淡嘅酒味， 仲有唔少嫩滑嘅雞件，另一真材實料嘅推介! 配料：呢到有好多食材都係比較少見甚至自家製，好彩每一道分量都剛剛好唔會太多，而且上菜速度好快，所以我地都試左好多，好滿足! 枱上嘅三層木架好方便，而且岩哂鐘意打卡嘅朋友仔！特色推薦：海鮮拼盤每枱都會贈送海鮮拼盤同牛頸脊，估唔到兩樣都咁高質，好有誠意！海鮮包括海蝦、帶子、魚塊同唔知珍珠蚌定花甲嘅貝類，全部都好新鮮又夠哂大隻，加埋裝飾好有心思。牛頸脊第一次試呢個部位打邊爐，唔識分靚唔靚，但好濃牛肉味，味道同質感都一流！薄切牛脷（唔記得影相）呢個部位打邊爐都係第一次試，估唔到原來牛脷打邊爐咁好食！下次黎一定會再叫！脆骨腩平時好少叫魚打邊鍋，但呢道脆骨腩同海鮮併盤入面嘅魚都令我改觀，另一encore之選！芝士紫菜蝦蟹餃餃子打邊爐索埋d湯一向正，呢款佢地自家製嘅餃，蝦肉爽彈，加上半溶芝士同紫菜，更加正! 墨汁腸 入口有d似

最近香港肺炎，大家都唔係好敢出街！特別係出街食飯，但由於我係屋企悶左好多日😭所以想出嚟打個邊爐😍就去咗兆萬比較裝修新淨嘅點鍋！難得出嚟食飯梗係食任食！盡情下啦🥳倒佢嘅火鍋湯底選擇都唔少，接近有10種最特別！係有清酒卜卜蜆！呢個我勁鍾意食🙊但係因為太耐無打邊爐我，都係想揀返我哋平時嘅最愛麻辣火鍋同沙嗲湯底🤣雖然麻辣湯底冇得揀辣度，但蛋辣到恰到好處👍🏼👍🏼麻麻辣辣非常惹味！火鍋湯底配料有好多選擇，而且可以係iPad慢慢揀😄配料嘅size都比較細粒，所以你可以試到好多唔同嘅配料！選擇多到呢🤣係直頭魚皮都有好多唔同😳而我揀咗我最愛嘅黃金魚皮😏嚟到魚皮非常脆口而且仲有香濃嘅鹹蛋味值得一試👍🏼而且送咗個海鮮拼盤

蜆肉~雖然係細隻啲，但係肉質鮮甜帶子~帶子size適中，一啲都唔韌，肉質幾爽口肥牛~瘦肉同埋肥肉嘅比例適中，再加上去切到薄薄地，所以咬落去好有口感，另外亦都好有牛肉味。魚皮餃~肉質比出邊嗰啲鮮甜脆鯇骨腩~係真正嘅脆鯇骨腩來嘅，咬落去有彈性，有口感嗰款蟹柳~就係普通嗰啲蟹柳墨魚滑~墨魚丸都幾爽口今日有7折優惠，價錢係大約200左右。坐嘅位置都好寬敞嘅，由於呢度係新裝修，所以地方都比較乾淨。食物質素係比出邊嗰啲任食火鍋係好嘅

今日約咗好耐冇見嘅朋友食飯，朋友話呢間兆萬中心嘅點鍋係任飲任食火鍋，選擇好多，而且用料質素好好，所以決定一試！呢期因為肺炎關係大家都唔太敢打邊爐，所以都幾冷清，但係其實環境好乾淨，而且鋪頭都好貼心，一坐低就用消毒噴霧清潔枱面，亦都送上信封同紙巾俾我哋裝住個口罩，更加提供熱水洗餐具，配料方面全部有蓋遮住，衛生意識好高，大讚！點餐方面用咗平板電腦，選擇真係好多，淨係丸類都勁多種，而且有得細分半份或者一份，兩粒至八粒，好適合胃口細嘅女仔可以試多幾種食物！湯底叫咗白菜豬肉鍋，非常足料，而且湯底好好飲，好夠味！食材話咁快就送上，枱面有個三層高嘅架俾我哋放食材，令到張枱唔會太雜亂，如果唔夠放，佢仲會推多一個三層高嘅架仔喺枱側，俾你放食材。食材佢都放得好整齊，感覺舒服。先來左一個極上牛脊肉，見到啲紋理已經知道係靚野，食落口果然相當有牛味！然後嚟咗個海鮮拼盤，啲蜆肉好大粒，魚腩亦都好嫩滑新鮮。呢度竟然有鴨血叫，擺落白菜豬肉鍋嗰度，即刻食到台灣風味，至於重點其實係啲丸，有黑松露丸、極濃芝士丸、手打蝦丸、墨魚丸、韭菜丸等等，每一粒都好好食，好有驚喜。特別推薦黑松露丸，皮好薄，好有黑松露味，絕對唔係街市嘅海