點鍋

营业中

休息中

因為天氣凍左所以好想打邊爐，食台式鴨血火鍋，然後見到呢間黃店，有四川麻辣湯底，有任食鴨血，就決定一試！今次最主要令我覺得一定要食一篇食評去讚既位係：呢度服務員的服務真係好抵讚！朋友遲左少少到，所以我就先坐低仲叫左麻辣湯底，因為我哋兩個都係鍾意食辣既朋友，所以唔洗諗一定係揀麻辣鍋啦。不過原來朋友啱啱做完facial要戒口唔食辣😮😮心諗咁大鑊，唔知肯唔肯畀我換，因為個鍋已經到左！🙈🙈然後我就試吓問下其中一個服務員，同佢講我想轉做鴛鴦鍋，佢竟然話可以幫我換，只要好似平時咁加番$20就得。😃😃店員都出左名好服務，清碟又快。幫我處理換鍋既店員都好快換到個鍋畀我哋。之後仲關心我朋友叫佢食多D菜，因為佢話知道佢要戒口🤣🤣幫我哋影相仲要好有心機，問影得靚唔靚。☺️☺️咁好既服務，大家真係要多d支持佢哋！芝士墨丸幾出色，咬落去時要小心中間好熱會爆汁。牛脷幾爽，肥牛幾好不會太肥。牛肩肉比肥牛正，不過一枱只送一碟。鴨血都過到口癮🥰個海鮮拼盤就係得咁多，不過唔係重點，如果想食海鮮既朋友應該會好失望。酒精飲品需要另外加錢。餐牌：精選手打丸：餃類：肉：油炸：配料（鴨血）：蔬菜：酒精：

點鍋位於旺角兆萬中心，地點非常方便，絕對唔隱世😂唔洗擔心搵唔到👍🏻火鍋湯底選擇有好多款，我哋就揀咗泰式冬陰公同埋蟲草花雞，冬陰公好惹味，蟲草花雞又好滋陰😍 其實仲有胡椒豬肚、黑松露雜菌、喇沙海鮮湯式等等前菜係一盤賣相好精緻嘅海鮮拼盤，有帶子、海蝦、蜆、魚等等，每款海鮮好鮮甜😋火鍋配料款式有好多種類，既有打邊爐日常會有肥牛、丸類、蝦滑、墨魚滑等等，仲有幾款特色配料，推介必試鹹蛋黃炸魚皮，即炸手工紫菜嚮玲卷，呢兩款配料好少係其他火鍋店有!飲品及甜品又有好多款式，採用自助形式，出去雪櫃拎就得另外，點鍋請咗一班聾啞人士做店員，幫助弱勢社羣🥰值得一讚👍🏻仲有一個細心位，我哋個晚訂左房，但冷氣有點大，我就調高返(本身好怕凍🙈)老闆好快察覺，仲提醒我哋一陣可能會好焗，好細心，為免大家越食越熱，就調低返個冷氣👍🏻👍🏻👍🏻點鍋食物、服務質素、環境非常高質，係一間回頭指數極高火鍋店😋😋😋

早排見到有間新嘅黃色火鍋店，就想OpenRice book位試吓，Book咗21:15，我嗰日晏晝舖頭會打嚟reconfirm早左小小去到，登記番。。。等咗一陣就入得舖頭唔算好大不過好新淨，坐卡位不過啲枱我覺得好矮矮。。坐得有d辛苦舖頭請咗好多聽障人士所以如果要問嘢就得2,3個人問得不過都無乜影響ge，因為用pad 落order食物就正正常常，飲品唔算好多款，不過個湯底幾好喇沙海鮮同蟲草雞，不過加40蚊。。。家下有8折。。。不過實收都要602蚊。。。我覺得偏貴，因為無乜特色嘢，係個自家製水餃幾有驚喜

滿足既一餐！湯底有好多款揀，我地揀左鴛鴦鍋，沙嗲拼蟲草花雞（+$20）。沙嗲湯好濃郁，蟲草花雞好清甜，仲有好多舊滑雞係入面🤤野飲自已出去拎，都係常見既紙包飲品，仲有烏龍茶，岩晒唔想飲有糖份既飲品既人。肉類除左有肥牛豬肉之類，佢仲有滑牛同雞脾肉，配沙嗲湯底再加出前一丁簡直係一流😍最值得一提係佢啲份量可以㨂半份咁上，丸又可以兩粒兩粒咁上，咁就可以試多啲唔同配料又唔慎日浪費。然後最後再讚一讚，個豉油同啲蒜將成件事昇華晒！

各方面高質素既餐廳，老闆同員工好有禮貌同好健談另外員工都有部分係聾啞人士，都容易溝通到十分有禮貌食物質素冇得輸，好好吃上菜速度快又齊全，唔洗好似其他餐廳咁一路食一路催，7點入座到食完離場(2小時任食)，都冇催過單岩岩掛住食，有好多野唔記得影相我地叫左雞煲先，之後再轉鴛鴦鍋打邊爐(鴛鴦鍋每邊湯底$20蚊)雞煲叫左小辣，香濃惹味食到最後有少少麻既感覺(唔太食麻辣野既我都接受到)鴛鴦鍋湯底叫左沙嗲湯底同胡椒豬肚湯底，沙嗲湯底香濃又唔會愈煲愈淡，而我比較中意胡椒豬肚湯好鮮甜因為我係個重口味人，基本上打邊爐唔會掂清湯果邊，唯獨今次一直夾胡椒豬肚湯既野食炸魚皮同咸蛋黃炸魚皮必點炸魚皮本身夠脆口冇油溢味，咸蛋黃炸魚皮香濃，咸而不膩，可以連續食幾塊都得中意食再濃味既可以將咸蛋黃炸魚皮浸一浸沙嗲湯又再濃味D下次會再幫襯祝老闆生意興隆

黃店嘅火鍋店得好少，呢間係難得搵到嘅，而且係請一啲聾啞人士做員工。我地喺平日食，而且有四人限聚令之下，其實佢都算幾好生意，睇落去都full full地。佢係任食嘅， 原價好似係288一位，但係長期有折，另外要加一同埋另收醬油錢，所以discount 完都要成251一個人，喺旺角兆萬嚟講我覺得都唔算平。佢係屬於港式火鍋，冇台式嘢飲同小食，但食物種類都算齊全嘅， 最初有一盤送既海鮮，有少少魚片、帶子、蜆同蝦，之後係冇得order 既。但牛肉嘅質素好好，你睇圖片，完全唔係好肥嗰啲肥牛，但切得非常之薄。 佢係用ipad點菜嘅，中途都試過有一批牛肉一直沒上菜，但係佢員工都幾多，所以你同佢員工講，佢都會好快幫你跟進。我覺得整體食物質素係唔錯嘅，嘢飲就冇咩特別驚喜，都係啲紙包嘢飲。湯底方面我哋嗌咗豬骨湯，但係有超多胡椒係入面，佢另外有個胡椒豬肚湯，但係呢個豬骨湯好似胡椒豬骨湯咁樣，另一邊酸菜白肉鍋又係好大陣胡椒味，我覺得如果佢係咁嘅應該要寫明， 如果唔鍾意食胡椒嘅人就可以避免。另外就係你book咗幾多點呢，時間就個時開始，即是你嗰時就算未入去呢，都開始計緊。 我覺得呢一點就有少少harsh. 因為佢

第二次嚟點鍋。雖然疫情未完，但係點鍋生意已經有改善。7:00嚟到未坐悶，9:00離開果時外面已經要等位，真係鄧老闆開心。湯底叫咗蟲草花雞，比較補身，唔會好重藥材味，雞件都幾多。照例送海鮮拼盤，ok gei。金沙魚皮簡直係點鍋必食之選，我朋友食左一塊，即刻已經要再落單自己食一碟，真係好好食，鹹蛋黃味濃，魚皮又脆，仲好食過零食店一包包嗰啲。響鈴相對就比較失色，紫菜響鈴有比較濃嘅紫菜味，相對來講好食啲，不過唔夠脆。其他食物冇乜特別好味，但係水準都正常，唔會話難食，每人埋單$280 ，呢個價錢好過佢嘅有唔少，但係💛嘅就冇幾多間啦。

點鍋2小時任食火鍋 （$255）1. 湯底🥘（鴛鴦鍋+$20)// 蕃茄牛濃湯好鮮甜🍅湯底會愈煮愈濃，食到最後唔會淡荗荗👍🏼至於四川麻辣鍋睇落好紅但小編認為唔算太辣☺️大概只有譚仔三小嘅程度~//.2. 手打丸類及自家製餃類🌟// 點鍋最出名嘅就係自家製手打丸同埋手工餃啦✨！手打丸有6款選擇，每款丸都好彈牙🤏🏼同出面機打嘅丸真係有好大分別😦✨，其中小編最鐘意嘅就係墨魚丸～//// 手工餃有5款選擇，除咗有比較大路嘅魚皮餃同鮮蝦之外，仲有黑松露蝦蟹餃同埋芝士紫菜蝦蟹餃🤤依兩款嘅口味都幾新穎！而且食落好有驚喜(๑•̀ㅂ•́)و✧ 小編私愛黑松露餃同埋韮菜餃😆黑松露蝦蟹餃🖤：第一啖就食到好香黑松露味，用料用心🦀韮菜餃：韮菜好鮮甜🤤，味道好濃郁🥬餃類嘅皮唔會好易散，偏厚身少少而且彈牙😚唔會好粉// .3. 海鮮拼盤🦐🐟（每枱送一客）// 海鮮都幾新鮮：有蝦、帶中，魚片同埋蜆，份量中等，如果唔夠喉仲可以加錢轉食卜卜蜆鍋添😚// 4. 肉類🥩// 基本款豬、牛、雞都有，不追唔算好特別🙈，但係竟然有得食羊🐑！（依家愈嚟愈少打邊爐店有羊肉食🥺）羊肉唔會太羶，好食ᕕ ( ᐛ ) ᕗ //.🌿值得大讚嘅係點鍋會

服務態度超好，地方又乾淨！最緊要食物好味又抵食海鮮夠新鮮 任食又多選擇紫菜響鈴卷值得一試超級推介：咸蛋黃魚皮 頂級牛頸脊 芝士墨魚丸 黑毛豬腩片 麻辣炸雞翼 除此之外 最緊要有良心丫麻！

第二次黎到！服務：👍🏼👍🏼👍🏼👍🏼👍🏼店員非常有禮貌，我地唔食海鮮都會幫我地問廚房乜野野食係有蝦冇蝦，非常細心食物：👍🏼👍🏼👍🏼👍🏼👍🏼湯底足料足味，真係好好味！配料既選擇都十分多，每份既份量都唔多，正正係可以食多幾樣唔同既配料。所有既丸都好正，必試！不足係飲品既選擇較少，所以每次都會揀無糖茶類。衛生：👍🏼👍🏼👍🏼👍🏼每樣配料既碟感覺都乾淨企理衛生，其實真係唔錯呀！諗番起已經好想再食😋😋

三個女仔都減緊肥所以決定打邊爐，同埋好想話俾人知減緊肥都可以食好嘢✌🏻Book佐7:00pm，呢度都有九成滿，空間好闊落，每張枱都隔開👍🏻 成間餐廳俾人感覺都好乾淨，食得好舒服！值得一讚嘅係老闆好好，上菜嘅員工全部都係聾啞人士，個個都好落力👍🏻👍🏻 講返食物先，因為減肥所以我哋都無order精製食物，全部都叫原形食物，肥牛，黑豚肉，豬頸肉，雞俾肉，肉類全世界都好新鮮，色澤好靚，但有少少切得太薄，平時好小食豬肉，但都覺得黑豚肉不錯👍🏻另外就有叫雞髀菇，菜，萵筍，翠肉瓜，全部嘅份量都有啲少，要order多幾次😅😅 入座有送佐一盤海鮮，蜆肉，帶子，魚，蝦，都算ok! 最肥最肥係order佐鹹蛋黃炸魚皮，但真係好食～ 秒速清晒😆不過我哋一直以為無限時，因為上網無講，嚟到入座職員都無提起，到佐個半鐘先突然同我哋講last order, 不過因為晚飯時間到10點就完，所以last order之後都無趕我哋走😊👍🏻

喺旺角打邊邊，呢間係商場入面，唔駛排長龍搭電梯，好方便。坐低之後望向頭頂，原來係玻璃天花，加上枱與枱之間有足夠空位，空間感十足，唔會好迫咁。叫咗蟲草花雞/黑松露雜菌做鴛鴦鍋底。放生嘢之前分別試吓兩個湯底，都好飲👍。海鮮併盤同埋牛頸脊喺免費送嘅，賣相都唔錯！再叫左其他肉類，黑毛豬🐷腩片、牛🐂肉片、羊🐑肉片等等，至啱心水嘅係啲肉唔會有好多白色嘅肥膏脂肪含量，可以啖啖肉又唔怕太過肥膩。餃子喺呢度自己包嘅，所以又叫啲嚟食，有魚🐟皮餃、韮菜餃、黑松露蝦🦐蟹餃、芝士紫菜蝦🦐蟹餃、鮮蝦水餃🥟，入口食到餡料十足，又唔會好咸好多味精咁。另外想推介呢個金沙咸蛋🥚炸魚皮，夠脆夠香，就咁食又得，浸左湯底之後食都得！

上次黎懲罰黃店，去既時候最初都有少少擔心細店既出品。首先講服務，去到老闆/店長/經理？好好禮貌，因為我地成班人放工又落雨，拎住一袋袋同埋背囊，仲有長遮。佢好細心咁幫我地安排好坐位，而且幫我地放物品入去凳底儲物箱。個箱望落乾淨，好放心俾佢放。重點係佢會痞低幫你樣樣執好。我地都好唔好意思，講真上飛機都要自己放hand carry 啦。但由於佢都好主動，又唔好意思搶番黎做。多謝您呀。食品方面，質素都好唔錯，只係蝦唔係最新鮮。但其他野企理又靚料。打邊爐最緊要係多野揀，野食樣樣都up to standard. 加油，會回頭！

由於一班食量大嘅朋友去食，所以一定要揀任食邊爐第一次食呢間，幾光猛，野飲任飲有白色可樂我地重點食牛，肥牛幾好食黎得足已經肯定會再來稍為缺點就係風口位冷氣太大，大到打邊爐都覺好凍每人＄258埋單

香港人一年四季都要打邊爐，之前疫情大家都要忍口，而家好返啲，仲做緊7折!!!!!仲要係黃店!!!!!梗係要大大力用錢懲罰!!!等左半個中左右入得，即刻揀湯底先！揀左酸菜白肉同四川麻辣雙拼，加20蚊，無所謂，最緊要好味！呢度落單好環保，係用平板電腦落單，分類好清晰，牛、丸、雞、豬、炸魚皮都有好多選擇，而且可以揀要半份，方便試多啲食材！唔洗5分中，湯底嚟到，見到已流晒口水！睇下啲料足到!!!!!!!各試一口，味道岩岩好，左邊夠麻，右邊少少酸，唔似一般仼食火鍋好似溝水咁。要一提嘅係，每張枱都有3層架，比你放食材，除左慳位，亦方便你睇有咩食，好貼心！其實食材質素真係係我食過嘅仼飲仼食入面最好！啲牛雪花分明，色水好靚，食落堅有牛味！海鮮拼盤都好新鮮，蜆大大隻，好甜，蝦又爽口！帶子都唔係一陣雪味嗰啲。丸類真係好多選擇，最推介梅菜豬肉，好得意！而我最中意嘅係咸蛋黃炸魚皮，又脆又惹味！