點心到 MIX·大排檔

营业中

休息中

🎑 旺角親民點心·小菜館🎑 近來想吃一點中式系列的小菜，找了一間位於旺角的餐廳吃晚餐。餐廳日間有點心供應，晚市則主力做小菜。價錢親民得來又好吃。🐷 杏汁燉白肺湯 ($42/盅) 白色食品入肺，所以杏汁燉白肺湯就最適宜秋季飲用。燉湯非常足料，有豬肺、排骨、淮山和南北杏。燉湯散發陣陣杏仁香，滋味好喝。🐤 紅燒乳鴿 $48紅燒乳鴿炸得外皮脆卜卜，肉質嫩滑，當然相當抵食的乳鴿並不會太大隻，過一過口癮，還是相當不錯的。🍄 秋葵野菌扒豆腐 $78平凡的豆腐變得不再平凡，秋葵野菌芡汁裹在外層微微焦脆的豆腐上。咬開豆腐會有驚喜，雙色豆腐有兩層顏色，綠色是菜汁豆腐，白色是普通嫩豆腐，質感滑溜。配上秋葵野菌醬汁同吃，清新美味。🐷 冰鎮咕嚕肉 $88冰火交融的咕嚕肉是店中大熱菜式，熱辣辣的咕嚕肉以冰粒冰鎮，肉排炸得酥脆香口，排骨肥瘦均勻，酸甜味道適中。咕嚕肉配以三色椒和菠蘿，是穩陣又美味的菜式。🔸小總結：晚市只收茶錢芥$5/位，不設加一服務費。餐廳環境舒服，食物味道不錯，性價比高，值得一試。👅 味道：4.7/5💰CP值：4.8/5🕴🏻服務：4.8/5🔰餐廳環境：4.7/5👀回頭率：4.7/5🍽 餐廳：點心到

自家製嘅 秋葵野菌扒豆腐 ($78)，外層微微焦脆，一咬開超級滑溜，係玉子豆腐嘅質感！兩層顏色分明，卻又黏在一起，豆腐本身味道淡，同濃稠嘅醬汁都幾夾，係頗為特別嘅一道自家小菜。餐牌上有唔少大排檔菜式，例如 椒鹽九肚魚 ($75)，即叫即製，脆漿唔厚好鬆脆，炸到連骨都可以食埋，咬開見到冒煙嘅白色魚肉，確係有大排檔風味👍🏻冰鎮咕嚕肉 ($88) 用左半肥瘦排骨，份量唔多，不過質量取勝，幾開胃，難怪每檯都有叫一碟🤭除左小菜都有幾款燉湯，試左呢個比較花工夫嘅 杏汁燉白肺湯 ($42/盅) ，足料又滋潤

晚市主要做小炒，適合多啲人嚟開心share。佢價格吾貴，味道都不錯，但我覺得有d餸都偏細碟，例如豉椒炒蜆同埋冰鎮咕嚕肉。大肚婆炒飯- 佢嘅招牌炒飯黎，都炒得好香，同埋好多料，有蝦，蛋，肉等等。豉椒炒蜆- 好多洋蔥但係蜆嘅份量未算好多，而且蜆肉都唔係好夠熱同入味。清官茄子-好似切粒版嘅魚香茄子，惹味，撈飯一流。冰鎮咕嚕肉- 原本以為係凍食嘅，原來只係將熱炒完嘅咕嚕肉放喺冰上面，所以一開始食都係熱嘅，除非擺到最後先食，但係都好好食，佢份量吾多但咕嚕肉好大粒，酸甜味剛好。黃金九肚魚- 鹹蛋黃好香但好濟，炸到又熱又脆好正，魚肉好滑，下面啲炸粉絲都好食😋

今晚和爸媽吃晚飯，帶他們去旺角洗衣街點心到Mix 大牌檔，因之前吃過，覺得選擇多，經濟實惠，而且不用加一，是抵食好食之選。今晚去到，食客很多，但服務保持效率。三個人叫了幾個小菜，大家都吃得滿意。鑊氣豉椒炒蜆真係好有鑊氣，蜆鮮甜微辣，愈食愈開胃。半隻貴妃雞分量足，夠三個人食，味道好，黃油雞有雞味，肉嫩滑，爸媽都讚好食。紅燒乳鴿好食抵食，外皮脆肉多汁，有肉味，$48一隻超值。蒜蓉蒸元貝都好味道，元貝鮮甜，粉絲沾滿汁又滑又可口，正!蒜香骨值得一試，香口有質感，送飯或啤酒不錯。鮑汁鳳爪一份六隻，又淋又滑，充滿骨膠原。吃到超飽，味道不遜酒樓，環境服務不錯，人均消費只需$187，抵食!

環境舒服，冷氣充足，上菜快，鑊氣夠（1）冰鎮咕嚕肉，分量不多，味道尚算ok,正常野，唔算特別出色。2）黃金鮮魷，濃濃的鹹蛋黃包着鮮魷，不會太乾身，有驚喜3）蒜蓉粉絲蒸蟶子，蒜蓉夠香，聖子新鮮爽口，但粉絲過份咸，建議不用加豉油已夠味。4）四季豆好入味，軟硬適中5）鮑汁鳳爪好入味，當食到第三隻有點鹹6）羅漢齋炒麵，好夠鑊氣，停不了口，不會太油，會再食7）黃金桂芳蝦球，份量少，香濃的鹹蛋黃包着彈牙的蝦回味無窮8）卡通芋茸包，味道ok,唔會太膩，外面比較少有，值得一試。黃金流沙包，咁啱我呢舊沒有流沙總結：值得一試，多選擇

食了兩次，每次叫嘅餸都好夠鑊氣，份量又多，而且味道又好味！個酸菜魚三個人食都飽到食唔到其他嘢，原來裡面仲有粉絲㗎！避風塘炒蟹就夠大碟又香口。最特別佢哋嘅小炒王同我係外面食有少少唔同，佢會加入芋頭絲炸脆炒好脆口。唔想食晚餐小菜仲有點心可以點嚟食都幾好，又可以多一個選擇。另外叫了佢地嘅冰鎮咕嚕肉，差不多每枱都有叫，啲肉汁係冰鎖緊咗特別有口感！佢哋環境座位都寬敞，有寬鬆梳化坐幾個一齊食叫餸都夠擺，幾好。全晚啲服務員都好勤力保持清潔同執枱，呢方面都好。所以唔想嗰日煮飯可以唸下去呢到食

💕點心到mix大排檔餐廳早市、午市主要食點心，晚市搖身一變成為舒適版嘅大排檔，食物多元化，小菜亦夠晒鑊氣.🌈 冰鎮咕嚕肉 $88餐廳嘅招牌菜，熱辣辣嘅咕嚕肉以冰鎮方式🧊上碟，賣相特別而且keep住香脆口感.咕嚕肉內裡肉質juicy爽口，配上青紅椒同菠蘿🍍酸酸甜甜好開胃😋.🌈鑊氣小炒王 $88小炒王香味撲鼻，夠晒鑊氣👍🏽海鮮類食材有元貝、鮮魷、蝦乾、蝦仁🦐超豐富.仲有脆口嘅腰果、炸芋頭等等，越食越有驚喜，味道少少辣夠哂惹味🌶以咁大碟嘅份量性價比真心高.🌈黑金流沙包飲茶最愛嘅黑金流沙包，啱晒做飯後甜點🧡竹炭麵包以金箔裝飾，記住趁熱食感受最正嘅流心效果.🌈榴槤雪媚娘糯米皮入面係滿滿嘅cream 同榴槤肉，小小一件滿足吓食榴槤嘅願望🥰

行開旺角夜晚，🤓想同朋友食啲港式風味，見到呢一間餐廳環境都幾舒服，而且價格親民抵食👍英式芥末牛柳粒( 辣) $ 98 加上黃色嘅芥末醬真係非常吸引，🐮而且牛柳粒份量都幾多性價比高👍食落去，口感嫩滑，濃郁嘅牛肉味。🔥黃金鮮魷 $88邪惡嘅金鹹蛋黃，🥚令人難以抗拒！應該係新鮮即炸，所以都香脆，🦑而且魷魚夠彈牙，好滿足。🥬金銀蛋浸時蔬 $72 簡單得嚟，佢嘅蛋都落得好足，🥰所以食起身，可以食到菜嘅香甜。

大肚婆炒飯原來即係薑米炒飯🤣炒得好香，材料又豐富，起碼有7、8隻蝦仁。我覺得少啲肉更好味。清官茄子 好有驚喜嘅一樣餸，本身以為係普通茄子炒肉碎，但係由於茄子係炸過嘅，特別香口。一粒一粒食個不停，而且份量非常多，食極都仲有。菠蘿咕嚕肉無得輸嘅白飯小偷，呢度嘅咕嚕肉調味比較酸，但都好易入口。仲無咁易食滯。今日啲肉炸得夠脆，不過粉漿可以再薄小小👌🏼榴槤雪媚娘軟綿綿糯米糍，包住輕盈嘅cream同真榴槤肉，勁正，如果唔係太飽會再食多一個。

點心到 MIX·大排檔 (旺角)旺角出名多野食，同朋友想食中菜小炒😚😚就嚟左呢間環境幾大嘅餐廳食野❤️飛天通菜煲 🥬 $76見呢個係招牌菜，就叫嚟試試☺️份量好多，好惹咪，辣度適中，夠哂火侯！出嚟食都要食下菜，唔好全部叫肉，可以健康啲😚冰鎮咕嚕肉 🍍🍖 $88又係招牌菜之一，話明冰鎮真係有冰係底🥰又熱又凍嘅咕嚕肉層次豐富🤩酸酸甜甜送飯一流！榴槤雪媚娘 🧁 $16榴連味超重超正，對於我呢啲榴連控嘅人真係好滿足🥰夏天就係要食呢啲解熱😋楊枝甘露 🥭 $25好足料，芒果同西柚都好多，又係甜甜酸酸❤️絕對係夏日之選！黑金流沙包 🥯 $10/1見到呢個流沙包好似好靚，就叫左2個試下味道如何🤣呢個流沙包爆晒汁，啲奶黃味好香，推薦大家試下❤️白飯 $12 🍚地址：旺角洗衣街39-55號金雞廣場地下1A,1B,1C號舖整體評分：5/5味道：5/5環境：4/5抵食：5/5

食物有驚喜，有多款選擇，多款煲仔菜，美味，份量足夠！味道適中，不油膩！食完還很想再吃! 有水吧！特色港式飲品! 地点旺中帶靜！環境光猛，洗手間乾淨，不用加一，茶價每位五元，抵！

近日係旺角搵到間大排檔既食物真係好不錯!!! 環境乾淨，都多位，見到門口出面有人排隊，另外都有唔少人等外賣，食落先知點解咁受歡迎!! 我地晚餐叫左:..🥩美極牛柳粒呢個有驚喜! 估唔到咁大碟，而且仲有西蘭花，牛柳粒大大粒，肉味好濃郁，調味好惹味! 西蘭花都炒得好好食!..🍛大肚婆炒飯個名好得意🤣 睇返原來有海鮮、叉燒同薑粒，以為普通炒飯? 我會話係勁足料! 海鮮有帶子同蝦，想講佢地既蝦同帶子係大大粒，唔係碎咁，好有口感! 仲有叉燒，蔥粒、薑粒、蛋絲同炸蒜，好好味!!!..🦑 椒鹽鮮魷炸得金黃既鮮魷，配埋椒鹽一齊炸香，調味唔會過鹹，唔錯喎!..最後叫返一人一杯野飲，凍奶茶同凍檸茶，正! 滿足哂!!

中午時段食點心，晚飯時間食炒小菜，味道果然係美心質素，有保證。我地叫左兩餸一飯，一個甜品。薑蔥魚雲煲好多京蔥，魚雲外脆內香！大肚婆炒飯有水準！飯炒得好乾身，有薑粒，蝦仁，帶子，翠玉瓜，叉燒！好足料。個飯唔會炒得太濃味，陣陣薑蔥蒜香味！榴連雪楣良必食推介！個皮係糯米皮，整得超簿超Q軟，一咬落去啲榴連蓉同cream爆哂出嚟，勁好味，食完一個真係要叫多個！餐廳枱與枱之間好闊落，卡位坐得特別舒服，可以話係舒適的大排檔之選。

連日落雨，心情都似同天氣一樣期待彩虹的出現🌈然而在旺角街頭卻比我發現咗一間名字很特別又好有特色的食店。原本約咗朋友食點心，但遲咗到，餐廳已經轉做晚市，雖然晚市都有部分點心可以享用，不過我哋都比呢間餐廳的晚市menu所吸引住，系物廉價美的菜式，比連鎖大牌子茶餐廳好很多。「是日餐點」👉🏾沙拉骨💰85HKD相當邪惡，一直都擔心濃厚的沙律醬會肥，但當筷子夾起排骨卻沒有放棄太多沙律醬，可能呢個反應就係身體最誠實，冇錯，真係好香！酥炸排骨已經不得了，仲伴著酸咪咪既開胃又滋味的沙律醬，外脆內嫩的口感令人回味無窮…👉🏾 秋葵野菌扒豆腐（自家制）💰78HKD系一道招牌菜，雖然係豆腐，都足以令人眼前一亮，秋葵野菌同豆腐好夾，豐富的芡汁鋪在豆腐表面，賣相吸引，而且份量十足。豆腐分兩層，上層系菠菜汁味的綠色豆腐，下層有啲似玉子咁既口感，有創意得黎又營養豐富，值得一試！👉🏾 宮保蝦球💰88HKD超級好送飯，很有鑊氣的一道菜，微辣開胃，蝦球肥嘟嘟很飽滿，彈牙嫩滑，宮保汁恰到好處，三色燈籠椒，西芹，洋蔥，香菇，腰果炒至乾身入味。👉🏾白飯💰12HKD靚仔一名👉🏾茶位 💰5HKD 中規中矩📍 點心到MIX·大排檔旺角洗

經過店面幾次都有被吸引到。終於來食佐一次。點了個紅燒豆腐，味道還好，豆腐皮索滿汁。水煮肉片辣味很正宗，份量竟然很足。菠蘿咕嚕肉擺盤很漂亮，有冰格墊底，雖然唔知會唔會有冰比冇冰好味啲。還有個蠔🦪，有點點腥味，蠔肉都算肥美。總體推薦。