點心到 MIX·大排檔

营业中

休息中

喺附近踢完波行到過嚟食飯已經差唔多9點，諗住有啲餐廳都差唔多關門都係食返啲類似大排檔嘅應該營業時間會長啲，結果就行到嚟見到呢間呀餐廳式嘅大排檔乳鴿咬落好多肉汁好香口絕對係比係出邊好多餐廳好食好多估唔到火腩唔係配豆腐，而係配鱔，出奇地夾！而且一個煲有五舊都算幾多，幾抵食。呢個又係意想不到嘅配搭麻辣鴨血食得多，配合埋鵝腸，真係一次過滿足晒兩個願望。麻辣嘅程度我覺得係唔錯，整體會令你想不停咁食配合埋白飯迅速食唒。四季豆都OK，即係比起其他嘢冇乜特別。整體呢間嘢都幾抵食，味道又唔錯，想嘆住冷氣食大排檔嘅呢間都係唔錯嘅選擇。四個人，飲埋啤酒，每人都係$178。

📍秋葵野菌扒豆腐📍寫住自家制梗係要試下，豆腐分上下層，上層係秋葵豆腐，下層係普通豆腐，外脆內嫩，加埋秋葵、野菌、蠔油做醬汁，更加豐富口感😋📍椒鹽鮮魷📍食落口感爽滑，不過多俾啲椒鹽係面，味道會更加突出。📍英式芥末牛柳粒📍牛柳熟度適中，配合濃厚嘅芥末，香口而不嗆。🔹🔹🔹🔹🔹🔹🔹🔹🔹🔹點心到 MIX·大排檔 (旺角)旺角洗衣街39-55號金雞廣場地下1A,1B,1C號舖🔸🔸🔸🔸🔸🔸🔸🔸🔸🔸#旺角好食 #旺角食好西

✨冰鎮咕嚕肉$88見到好多人都叫我呢個菜式，所以又跟住叫！個樣夠晒打卡！冰鎮咕嚕肉嘅作用就係冰鎮住咕嚕肉嘅話啲皮會脆啲！咕嚕肉都幾大嚿！✨白飯$12好軟熟，同埋好大碗！✨ 香煎蠔餅$88潮州炸蠔餅就食得多，雞蛋煎蠔餅真係比較少食，估唔到都有啲驚喜！食物上到枱嘅時候出晒煙，果然係即叫即整！蠔咬落無沙食落都感覺新鮮🤗🤗✨杏汁燉白肺湯$45都幾足料，大大嚿燉冧咗嘅白肺而且入邊仲會有雞肉同埋豬肉！✨鹹檸七食大排檔風味，又點可以唔叫呢啲飲品呢！鹹檸夠晒鹹正！

成日經過旺角金雞樓下，發現依間餐廳好多人，所以小編放左工就去試吓😋初頭以為食點心，點知原來佢哋晚市係做小菜😋，所以我哋今次就叫咗肉絲炒麵，冰鎮咕嚕肉，黃金蝦球，依幾度菜平時喺屋企都好難整，呢幾道菜都好似大排檔好有鑊氣！肉絲炒麵，麵餅炸到脆卜卜，上面仲有熱辣辣嘅肉絲😝，佢哋上菜嗰時仲煎開個麵餅，方便我哋夾冰鎮咕嚕肉，咕嚕肉外面好脆身，而且份量都幾多，味道都不錯😗黃金蝦球，小編係鹹蛋控，好鍾意食鹹蛋嘅菜式，蝦仁好大隻，上面充滿晒鹹蛋黃😝，正！

小子今日又出動去食嘢😂今次嚟到呢一間小菜店我抱住試吓嘅心情估唔到有意外驚喜我哋叫咗5樣野+ 1甜品 豐富的一餐小子下次黎再試其他菜同埋去性價比都幾高紅燒乳鴿 $55味道正常，冇乜特別，因為小子鍾意食乳鴿，所以想試下秋葵野菌扒豆腐 $82見佢餐牌寫住「自家製」，咁要試一試有幾特別，豆腐分開兩層，下邊係白豆腐上邊係秋葵豆腐，外層有啲脆口 唔會太淋 黃金桂花蝦球 $108冇諗過，一碟有咁多粒有10隻，仲要係每一隻都沾滿鹹蛋黃，而且唔油，隻隻都夠乾身 冰鎮咕嚕肉 $88呢個都有小驚喜，咕嚕肉上枱唔可以即時食，要放一陣等啲冰可以冰住啲咕嚕肉，外層脆口聞落果汁有啲酸，但食落又正常啖啖肉小子最欣賞咕嚕肉中的菠蘿，係新鮮菠蘿深海墨汁海鮮麵 $98上菜時外觀都幾靚，見到都好想食裏面有帶子、蝦、魷魚各三粒 係偏麵、正常都幾好、份量都夠多 鹹檸七 $18正正常常冇乜特別 除咗有鹹檸檬仲有鮮檸檬🍋榴槤雪媚娘 $16榴槤蓉係幾香 ，但裏面啲忌廉有啲甜

It was raining hard today, and we came into this restaurant just to hide from the rain, and we are so glad we did. We ordered a few steam buns and they all tasted quite good. Loved the fluffy chewiness of the white buns, and once you bite into it, you know how pipping hot and fresh it is!Also tried some stirfry dishes. My favourite was the salted egg yolk shrimp. It was very flavourful and the shrimp had a great crunchy texture, with the salted eggyolk wrapping every single piece of shrimp, ever

Storefront is huge and brightly lit! Thought this place only served dimsum, but when I walked in, I could smell that this place serves good stirfry dishes. Got the minced meat with eggplant pot and had to order an extra bowl of rice just to finish up all the sauce! Soo good and flavourful! The eggplant was still bright purple, and the minced meat were not pure fat. It was a good mix of lean meat with fat meat. So together with the melt in your mouth eggplant, it was the perfect bite. I also enjo

又係旺角呀！同大佬拎番早排訂既鞋，順便食個便飯。大佬話好想食大排檔，我邊度搵間大排檔俾佢🤔，結果佢帶我去左間叫點心同大排檔合併既中餐廳😅。入到去基本上全場爆滿，餐廳非常光猛，枱與枱之間都相對闊落。 ⦁冰鎮咕嚕肉 $88尼個招牌菜基本上每枱都嗌！份量都多，用左半肥瘦豬肉，肉質好淋，配菜既菠蘿都好甜。而糖醋汁本身包住每樣食材，加上冰鎮過，令糖漿有少少凝固，感覺好似食緊冰糖葫蘆！ ⦁白飯魚煎蛋 $72煎蛋煎得好似炸蛋咁脆，白飯魚都好大條同肥美。整體味道係好味既，但略嫌有點油！ ⦁金銀蛋浸時蔬 $76如果時蔬揀唔岩，可以加$10蚊轉豆苗/西蘭花。西蘭花既爽口，配埋咸蛋皮蛋，夾之餘仲要好好味😋！ ⦁金沙海鮮蛋白炒飯 $86果飯一定要讚，炒到粒粒分明之餘，仲要每粒都被咸蛋黃包裹住，口感好正！海鮮以為好多款式，結果得大大粒蝦仁，不過勝在夠多，數數下都有成10幾粒。 - 點心 -點心就嗌左黑金流沙包同卡通芋蓉包，都係$10/粒。尼個流沙包比起平時酒樓果種細粒少少，但流沙既口感好足。而芋蓉包好香，芋蓉好細滑。兩款揀既話，我會覺得流沙包略勝一籌。

茶介 $10/位保仔左宗堂雞煲 $88呢個我之前食過，記憶中好惹味同有少少辣既。今次食落味道唔同左，雞肉依然幾嫩，但變左酸酸甜甜好似咕嚕肉既味道。第一次食咕嚕肉味既雞煲，有趣。蝦醬通菜鮮魷 $89通菜份量幾多，魷魚都有好多嚿，食落新鮮完全唔韌土匪牛肉 $82呢個又係一個surprise。我對土匪既認知都係有好多孜然粉既，但呢個係完全無孜然粉既。反而係用泡椒同蔥炒，聽侍應講係重慶果邊既菜式。食落有啲似上海菜既蔥爆牛肉，牛肉肉質幾腍。

收工趕住去旺角麥花臣球場，把遮又係例牌留低咗喺公司，終極黑仔嘅大頭蝦就變咗落湯雞🙀搞掂之後，為咗避雨，求其過對面搵最大間嘅餐廳食dinner～最大間最光猛嘅就係：點心到MIX大排檔，見入面好多位就衝咗入去。明明呢排話應該要食得清淡啲，但係結果淨係控制到自己唔叫啲煎炸嘢(其實係因為lunch已經食咗好多😝)，但係就叫晒啲濃味嘅野😅 冰鎮咕嚕肉依家好多地方都有得食，但呢到係第一次食到有冰涼感🥰土匪雞翼就食得多，土匪牛肉係第一次聽，都幾好味，爆多京蔥😍 我地最鍾意❤️ 最後加埋個乾炒牛肉腸粉，飽到呢....一見冇乜人，就即刻賣單走人，呢間可以encore

今日同老公去行波鞋街，見到附近有一間主打點心大排檔嘅餐廳就入去試吓啦！呢度嘅裝修好光猛同埋座無虛席，一開始姐姐安排咗我哋坐一個風口位，但之後啱啱有一枱走咗就即刻幫我哋搬去冇咁凍嘅地方，好細心值得一讚！冰鎮咕嚕肉（ $88 ）呢度冰鎮咕嚕肉喺呢度嘅招牌菜式，一上枱已經聞到好香，熱辣辣嘅咕嚕肉，加上個底放咗啲冰令到啲咕嚕肉外脆內軟，有冰火嘅效果果然係唔錯！紅燒乳鴿（ $48 ）呢度嘅乳鴿都好出色，大小適中皮脆肉香，加埋啲淮鹽或者醋值得推薦👍椒鹽鮮魷（ $86 ）呢個餸要等得耐啲，真係新鮮炸起，所以外皮非常之脆卜卜，魷魚熱辣辣加埋好香嘅蒜，個底仲鋪左炸米粉，呢三樣餸都好啱送飯，所以加埋兩碗白飯就啱啱好！

趁大減價，約咗朋友係旺角行街，想買對行山鞋，經過呢間餐廳，好大間光猛，座位舒服，試吓先。🐥西芹炒雞柳$88以西芹、雞柳、東菇及腰果，炒得香口，口感豐富，送飯🍚一流。🍄秋葵野菌扒豆腐（自家制）$82這是店中的招牌菜，自家制的鴛鴦豆腐，外邊脆脆地，裏面好嫩滑，再以秋葵、野菌、𧐢油做醬汁，提升味道口感。🥬蒜蓉炒芥蘭$68 好大碟，我哋要求咗多蒜蓉🧄，每條芥蘭都掛滿咗蒜蓉，勁開心😆，芥蘭亦十分新鮮爽脆。🥣川芎白芷燉魚頭湯$45熱辣辣， 十分足料，藥材方面見到除咗有川芎、白芷，仲有不少黨參，湯頭濃郁滋潤，好啱而家秋天🍂飲。

鬧市中搵間餐廳同爸爸二人世界經過見到裏面高朋滿座 一家大細喺度食飯價錢唔貴 選擇又多 服務都好好全程食得好舒服😍✨冰鎮咕嚕肉 $88擺盤已經好架勢 上面啲冰出晒煙咬落口外脆內軟 冰爽鮮甜 豬肉半肥瘦仲有三色椒、洋蔥、超級甜嘅菠蘿伴碟🍍份量啱啱好 值得一試💕✨椒鹽九肚魚🐟 $98即叫即製 外皮超級鬆脆 好有空氣感裏面係好新鮮嘅九肚魚 食落暖笠笠😍一路食唔停口 係大排檔嘅風味✨馬拉盞炒通菜🥬$72醬汁非常惹味 熱辣辣好有鑊氣撈埋白飯食一流 中間有少少辣椒🤩✨卡通芙蓉包 $10麵包非常鬆軟 見到咁可愛嘅卡通 唔捨得打開嚟食 麵包上面有唔同嘅表情芋蓉餡好幼滑 甜度適中🙂✨黑金流沙包 $10一打開奶黃已經瀉出黎 咬落口有陣陣嘅甜味有得單點幾特別 唔洗驚成籠太多食唔晒🤤整體黎講真係唔錯 餐廳好闊落 大排檔嘅味道 坐得舒舒服服 捧住個肚走 ☺️

中秋佳節正日中午約咗好朋友去飲茶 吹下水 食下野 上次食過點心到 好好味 所以今 次再食過 一倾就係幾小時以上 e度點心🥧 款式精緻 特別 好味 價錢合理 冇留單情況 環境舒服 唔會太嘈 裝修光猛

❁點心到 MIX·大排檔❁新派冷氣大排檔🥰夏天想食大排檔 ，又覺得好熱🥵依間真係一個唔錯嘅選擇🫡🫡有齊大排檔嘅菜式👍🏼食物精緻有質素💋-❥冰鎮咕嚕肉 $88 (8/10)平時食開熱辣辣嘅咕嚕肉，估唔到凍嘅咕嚕肉，有令一番風味🧡食落有一種冰火交融嘅感覺🔥❄️外冷內熱😛肉汁juicy，份量都唔少❥鑊氣豉椒炒蜆 $89 (7/10)份量一樣多，用上芫荽蒜頭辣椒炒，非常惹味😆炒得好夠鑊氣，辣辣地兼且好夠入味❥馬拉盞炒通菜 $66 (6.5/10)又係一度炒得好惹味嘅小菜，辣辣地加上蝦醬嘅鹹香😋😋不錯不錯❥黑金流沙包 $10@1 (8/10)飲茶必叫嘅流沙包，流沙餡好香鹹蛋黃味同帶少少奶黃嘅味道，味道剛剛好，唔會太甜😙流沙包用上黑色再加點金箔粉🖤好有貴氣😍