黑龍

营业中

休息中

Lunch 時間見到人龍比平時少，等左5分鐘就入得🤩 小店座位唔多，店員同師傅都係用日文溝通，好有日本感覺呀🇯🇵🍜黑龍豚骨拉麵 / $88湯底好濃郁偏厚身，所以好掛湯🤤但唔會令你覺得漿住個嘴，而係好濃稠，亦唔會死咸頸渴。加埋少少辣醬再提升左成個感覺👍🏻推介推介🍜牛筋black 拉麵 / $99朋友試左牛筋black 拉麵，呢款比豚肉更漿口，更濃牛湯味。而且會多左牛筋同溏心蛋，朋友評價都覺得唔錯，值得一試😎試埋小食章魚燒都唔錯🐙唔算好多餡，不過細細粒熱辣辣好易食😆

來自沖繩的拉麵店(沖繩店叫夢ノ弥)湯底以豬骨及魚介餚煮而成，味道濃厚😎 主打外面比較少有的牛筋拉麵🍜 👉🏻櫻海老沾麵其實第一次來吃，應該要點他們的招牌牛筋的～但比起肉更愛海鮮的我，當看到櫻海老時，秒圈了起來😂湯頭真的滿濃，但不會死咸🤩 微稠的湯底超掛麵👍🏻 麵身是直粗麵，但不彈牙😐麵粉感重😑 像在吃烏冬….其實湯底不錯，但麵質……頗失望的…….🎈總歸一句：不用刻意去吃，有路過可一嚐，雖然沒吃過拉麵，但我猜會比沾麵出色☺️

聖誕節🎄去到汕頭街食lunch間間餐廳都有少少人龍係出面排緊隊黑龍都唔例外大約等左半個鐘就有位了白雞塩味拉麵 $88大約等左5分鐘 熱辣辣既拉麵已經送到枱面呢間拉麵湯底係較為濃厚如果中意食流身啲既湯底可以自行加湯由於湯底較為杰身 所以每一啖麵都好掛湯不過雞肉就較為普通無特別調味要特別一讚係隻溏心蛋 簡直係畫龍點睛滑身得嚟 熟度啱啱好如果叫其他拉麵無跟蛋 一定要加番隻

看了YouTube 後好想去灣仔試試《一虎》點知道佢下午後會休市左渡右渡行去隔離條街見到另一間拉麵館當天一心一意想食日本拉麵見門外都有3位排緊隊心想不防一試有驚喜～入左店內好似去左日本遊廚師及侍應都係日本人只有1-2位間中講廣東話環境及室內裝修都有日本風格接待我哋座近Bar 枱同廚師好接近不停聽到～唧唧聲～煮拉麵時間夠白雞塩味拉麵🍜湯底熱騰騰超濃味雞肉又嫩又滑入口即融仲有隻糖心雞蛋🥚⋯⋯係好流心黑龍豚骨拉麵🍜湯底好濃好濃味Bar 枱放左瓶湯～應該可以比客人加湯不過無試到餃子皮薄面脆脆地值得一試～好有去左日本感覺疫情下真係好掛住日本🇯🇵

在門外需要等待⌛的時間不長拉麵🍜店的裝潢有日本風味在店内的服務員也是講日文的有少數的香港店員有種霎時日本🇯🇵旅行感覺原來@ 也介紹過那我肯定要來試試看 日本人的肯定.這次安排在吧桌的位置可能近距離感受到廚房的忙碌我挺喜歡💕坐吧桌 比較有親切感店內的餐點挺簡單 沾麵和拉麵只有數幾款的特色麵點.白雞塩味拉麵拉麵麵條會有點不同 麵身卷曲及偏黃的也是很掛汁的麵條但不太喜歡這類的麵條質感湯底熱騰騰的 帶有很香的雞味嚐得出來是煮了很久的湯底不鹹的 帶微微的甜味 質地很濃郁雞肉質地很軟的 會入口即融雞蛋呈溏心狀態 但是那天有點小失望覺得有點太實心 做不到太流心質地.牛筋black 拉麵湯底挺熱的 在寒冷的冬天不會太容易冷掉湯底會有點黏口 但是濃郁的湯底並不鹹拉麵麵條是偏比較細條狀 麵條很掛汁 拉麵表面有不同肉的部位口感會豐富點 不同部位吸收到的湯汁加上肉的質感都會呈現出不同的口感.餃子餃子皮很薄 煎後沒有太多油膩感餡料都是普通的 帶有點黑椒香.炸雞簡單的兩塊炸雞 表皮沒有很厚的炸衣呈上來的時候 炸的很香口咬下去的時候 會有汁水流出來雞汁流出來的 配上美乃滋能減少油膩感

黑龍地址: 灣仔汕頭街29號地舖電話: 22176883🔹🔹🔹🔹🔹🔹🔹🔹🔹🔹🔹🔹近排subscribe 咗YouTube channel 介紹灣仔嘅黑龍拉麵。好吸引，第二日就即刻去試下。去到11:45 前面排咗18個人。12 點開門我地好彩係最尾2個入到，我地入去果陣後面仲排咗十幾個人。全個店嘅員工都係講日文，播日文歌。好似去咗日本咁。（注：夠膽死有啲日式拉麵店播韓文歌架！！😨😨）好可惜，YouTuber 介紹嘅白雞鹽味拉麵賣晒😞 我試咗💫黑龍豚骨拉麵（$88）個豚骨湯底好濃好Creamy, 拉麵係幼麵，都好彈牙。紫菜好碎濕濕果款唔係一塊果啲紫菜，我幾鍾意，好爽口。叉燒就薄咗啲，肉質都尚算嫩，不過無乜肉味。我都奇怪點解個湯咁濃味。唔係好多香港人食到喎應該，我最到最後先知原來有個鰹魚湯汁可以溝架。無試到。下次一定要再嚟試！整體好食指數：🤤🤤🤤🤤（4/ 5） 🔹🔹🔹🔹🔹🔹🔹🔹🔹🔹🔹🔹

好耐冇寫食評。今次放工去咗灣仔食沾麵。體驗都真係幾好。平日食飯好少用體驗兩個字，但今次真係可以用到。兩個人等位唔洗等好耐，15分鐘左右。入到去叫咗兩個麵同一個炸雞小食。好快到。仲要店員係日本人，感覺真係好似返咗香港人嘅鄉下—日本。先講炸雞小食，完全唔似出面買，好多汁好野味。至於沾麵方面，夠濃郁夠掛湯。可以話係近來食過最唔錯既沾麵。 唯一不足嘅地方係地方比較淺窄， 帶大袋嘅朋友要小心啲。結論 :環境8/10食物9/10飽肚7/10CP值8/10

路經灣仔唔知食咩，又唔係好肚餓。行下行下見到好多人排隊，諗住排到時應該差唔多肚餓，於是就開始排。排既期間，search 定openrice 睇下有咩推介，見到食評都好壞參半，不過都排左，就一於試下啦。7:00度，沾麫已經sold out，有點失望，不過都仲有拉麵。排前面有6個人，明明見到入面已經有位，都未放得人入住，排隊期間係食評知道呢間鋪人手不足。所以耐心等待。7:30度入得，叫了豚肉拉麵同牛筋拉麵，麵硬度揀左一般，再叫左個小丸子。等緊期間，見到連埋整野食既，星期六日全間鋪得2個人…確實係唔夠人…拉麵到左，麵硬度剛好，湯底一般，食完好一般，可能本身期望高？同出面食既拉麵無大分別，未算係香港之最…唔會再排隊食…

之前一路都好想試黑龍豚骨拉麵, 今日終於試到, 欣賞黑龍不定時出不同新種款式麵食先講豚肉 肉質少少韌，我有少少失望, 另外我加了溫泉蛋. 全份餐，我最欣賞熱辣辣濃郁嘅湯底, 及我選擇適中的麵質，會想追住食的感覺, 下次我會繼續試吓其他種類拉麵

朋友表示食盡香港拉麵，黑龍既牛筋沾麵係全港最好食，梗係要去試下啦！開左鋪個幾鐘沾麵同大部分拉麵已經賣哂，果然好受歡迎👍🏻┄┅┄┅┄┅┄┅┄𖣒 牛筋𝑩𝒍𝒂𝒄𝒌沾麵 $98個湯真係超濃郁既牛味，但一d膻味都冇，反而係越食越好食！如果覺得太鹹可以加d熱湯沖淡少少，但我覺得岩岩好。牛筋好入味好腍，但份量可以多d😢 沾麵彈牙又掛湯，鍾意唔同口感，甚至要凍／熱都可以request！男朋友食到讚不絕口～評分：🌕🌕🌕🌕🌕-𖣒 柚子檸檬鹽拉麵 $88拉麵我就覺得比沾麵失色少少，不過都係好好味🤤 湯底係雞白湯，加左檸檬係面，所以啖啖都有檸檬既清香味。我一直都食唔到柚子味，原來d柚子皮係哂個底到…記得食之前要撈勻個湯😂 上面仲有2-3塊雞肉，雖然係幾嫩滑，但薄同細塊到一個點。。評分：🌕🌕🌕🌕🌘-呢到既湯底真係好出色，濃既做到濃而不膩，清既又可以取其精華而唔會淡到水咁！唯一要彈既就係料真係少左d。

出開灣仔，去試下人氣拉麵店！晚市6點先開，響門口等咗一陣！舖頭認真唔大，得二人檯同bar檯，坐咗兩三個字，已經好多人入嚟食！豚骨拉麵: 第一次食嗌個招牌試下，湯底略嫌油膩，一啖飲落去好鹹，同第間啲沾麵湯底已經差唔多濃! 幼身麵，麵本身好食，個人覺得揀番正常軟硬係最perfect！叉燒略薄，但味道ok，亦唔鞋！講番個份量，略少，女仔食應該唔飽，男仔可能要食兩碗！總括嚟講，未去到出神入化咁好食，中水準，價錢適中，經過都可一試！

星期六7:00pm到，排咗10分鐘就有得食喇！天氣勁熱，入到去個冷氣好勁，座位有啲迫。可惜沾麵已售罄，我哋叫咗一個豚骨拉麵同埋一個胡麻冷麵。本身胡麻冷麵係跟雞肉，但係佢賣晒雞肉，變咗跟叉燒，係碎上凍叉燒，冇比較下都ok嘅。胡麻汁夠甜，我鍾意❤️！食完涼幾度。佢冷氣又勁，我又食凍野，之後我病咗🥲。豚骨拉麵係出色嘅，湯夠濃夠味，中華風，紫菜唔係一塊果隻，食落好似份量多好多，又好味！麵係幼麵，ok嘅！叉燒算嫩，冇炙過唔係好夠香。冇蛋🥲。整體份量唔算多。下次再食嘅話，我要食佢個沾麵！

今日黎到灣仔尋找美食之旅呢間黑龍拉麵評分都幾好,所以睇左餐牌OK就入去開餐湯底共3種 豚骨 黑拉麵 白雞鹽味 麵身可選軟硬度 包括 蔥 洋蔥 辣醬 要選要或不要 ,另有沾麵食法偏濃重口味 餃子一客$38 不收加一服務費豚骨拉麵,飲一口濃湯品嚐細味每日煲十小時既鮮豚骨精華麵身選了普通 唔會太軟身 麵身幼麵夠掛湯 咬落幾彈牙美味 麵條上附辣醬,可以將之拌勻變左辣豚骨濃湯,味道更豐富有層次豚肉叉燒係半肥瘦 滷到好軟淋入味 餃子一客6件 餃皮好薄,包住菜肉鮮餡,咬開有噴汁效果應用了肥豬肉 肉汁幾甘香Koku Ryu RamenG/F, 29 Swatow Street, Wan Chai平均消費$130評分7/10

餓到無咗半條生命值🧟‍♀️，利東街附近餐廳好多9點就閂，搵到呢間營業中嘅拉麵館🈺️，賣到得返幾款拉麵，都二話不說衝入去醫肚。店面不大但富有日本地道麵館情懷，熱血日文歌輪流播放🎵，侍應收到下單後，會用日文同似日本人廚師落單。搜得死內~~~————————————————👅牛筋Black拉麵（$98）🔸比豚骨拉麵多咗黑椒粒，有少許辛辣感，且湯底味道更複雜同更鹹🍜，麵勁爽口且掛湯。叉燒無特別亮點，牛筋軟冧膠口，溏心蛋蛋味濃郁又熟度剛好💯👅黑龍豚骨拉麵（$88）🔸 濃厚嘅純豬骨湯底，餸量比另一碗明顯少好多，有一兩片叉燒，特別啲有生洋蔥粒🧅，同似煲紫菜湯個種粗紫菜絲👅燒汁味章魚燒（$98）🔸 細細粒好的骰，表面真係做到脆卜卜🐙，入面又熱又軟，咁細粒相對冇咁重粉漿感———————————————— 🚩總結：作為非拉麵狂迷，歸類為食過就OK———————————————— 🌟注意：全日免收加一————————————————📍 黑龍地址：灣仔汕頭街29號地舖.🗺地區：灣仔📥分類：日本菜💰人均消費：101至200蚊

人生第一次寫食評，因為真係覺得好難食（當然可能係自己既感覺）上星期三晚去到灣仔買野，買完想食拉麵就openrice睇下邊間好，見到呢間咁多人讚好就去試下。同朋友去到話冇哂沾麵，咁難得去到就試下試出名既牛筋拉麵，一黎到已經覺得個湯好杰，不過都見到食評話係掛麵，一食，內心OS:咁咸既😪之後愈食愈口乾，相信落左好多味精。食完飲左成支水，個湯底係冇牛筋同豬骨味，只係得個杰，真心碗仔翅仲好食過佢😢當日仲叫左章魚燒同煎餃…um…應該係氣炸出黎？多謝大家收看（抒發下自己食完既失落）